শুরমা ফারর খবর ছিলটি জবানে ছিলটর খবর
Related Articles
ꠟꠦꠈꠞꠣ: ꠍꠣꠟꠦꠢ ꠀꠢꠝꠖ [সালেহ আহমদ]
ꠄꠈꠣꠘ ꠄꠟꠣꠘ ⁕
ꠎꠦꠁꠘꠔꠣꠁꠘ ꠘꠤꠎꠦ ꠘꠤꠎꠦ ꠄꠈꠦꠞꠦ ꠔꠥꠞꠣ ꠐꠦꠈꠣꠄ ꠇꠣꠘꠣꠒꠣꠔ ꠃꠀꠞ꠆ꠇ-ꠙꠣꠞꠝꠤꠐ ꠟꠣꠉꠤꠁꠀ ꠎꠣꠁꠔꠣ ꠍꠣꠁꠞꠣ, ꠅꠟꠣꠘ ꠇꠤꠀꠟꠤ ꠔꠥꠞꠣ ꠝꠣꠘꠥꠡꠞꠦ ꠝꠥꠁ ꠉꠣꠁꠒ ꠈꠞꠔꠣꠝ ꠍꠣꠁꠞꠣꠝ ⁕
ꠝꠞ ꠇꠥꠘꠥ ꠍꠣꠞ꠆ꠜꠤꠍ ꠌꠣꠞ꠆ꠎ ꠘꠣꠁ ⁕ ꠘꠣ ꠇꠥꠘꠥ ꠟꠥꠇꠣꠁꠟ ꠌꠣꠞ꠆ꠎ ꠀꠍꠦ, ꠀꠞ ꠘꠣ ꠇꠣꠘꠣꠒꠣ ꠎꠣꠁꠛꠣꠞ ꠛꠣꠖꠦ ꠄꠈ ꠚꠄꠡꠣ ꠖꠣꠛꠤ ꠈꠞꠝꠥ ⁕ ꠔꠄ ꠍꠣꠈꠞꠤ ꠎꠥꠖꠤꠘ ꠚꠣꠁ ꠟꠣꠁꠘ, ꠀꠞ ꠇꠣꠘꠣꠒꠣꠞ ꠜꠤꠍꠣ ꠟꠣꠉꠤ ꠎꠣꠄ, ꠔꠦ ꠝꠞ ꠟꠉꠦ ꠄꠇꠐꠤ ꠜꠤꠒꠤꠅ ꠖꠤ ꠛꠁꠀ ꠇꠤꠟꠣꠘ ꠀꠚꠘꠣꠞ ꠍꠣꠈꠞꠤ ꠀꠞ ꠜꠤꠍꠣꠈꠣꠘ ꠅꠁꠉꠦꠟꠦ, ꠡꠛꠝꠤꠟꠣꠁꠀ ꠈꠔ ꠐꠦꠈꠣ ꠈꠞꠍ ꠅꠁꠍꠦ, ꠁ ꠛꠤꠡꠄ ꠄꠉꠥ ꠁꠘ꠆ꠐꠣꠞꠜꠤꠃ ꠖꠤꠛꠣ ⁕ ꠖꠦꠡꠞ ꠝꠣꠘꠥꠡꠞꠦ ꠡꠁ ꠚꠕ ꠖꠦꠈꠣꠘꠤꠞ ꠖꠣꠄ ꠄꠈꠣꠘꠃ ꠀꠚꠘꠣꠞ ꠘꠎꠞꠣꠘꠣ ⁕
ꠎꠥꠁꠉ꠆ꠉꠔꠣ ꠟꠣꠉꠛ ꠈꠝꠍꠦ IELTS-5.00, ꠈꠝꠍꠦ -SSC ꠚꠣꠡ ⁕
ꠎꠦꠍꠣ ꠄꠉꠥ ꠈꠣꠝꠞ ꠒꠣꠐ ꠄꠇ꠆ꠍꠙꠦꠞꠤꠎꠦꠘ꠆ꠍ ꠕꠣꠈꠣ ꠟꠣꠉꠛ ⁕
ꠃꠚꠞꠞ ꠎꠥꠁꠉ꠆ꠉꠔꠣ ꠎꠦꠘꠔꠣꠘ ꠀꠍꠦ, ꠔꠣꠁꠘꠔꠣꠁꠘ ꠇꠤꠀꠟ ꠈꠞꠟꠦ ꠀꠝꠣꠞ ꠟꠉꠦ ꠖꠦꠈꠣ ꠈꠞꠔꠣ ꠚꠣꠞꠂꠘ ⁕ ꠡꠈꠣꠟ ꠖꠡꠐꠣ ꠔꠘꠦ ꠖꠥꠁꠚꠞ ꠄꠈꠐꠣ ꠚꠞ꠆ꠎꠘ꠆ꠔ ꠀꠝꠣꠞ ꠈꠣꠞ ꠙ꠆ꠞꠦꠡꠣꠞ ꠕꠣꠈꠦ ꠘꠣ, ꠄꠞ ꠝꠣꠏꠦ ꠀꠁꠛꠣꠞ ꠖꠞꠈꠣꠍ꠆ꠔ ⁕ ꠖꠞꠉꠣꠞ ꠝꠤꠘꠣꠞ ꠉꠦꠁꠐ ꠀꠝꠣꠞ ꠅꠚꠤꠡ ⁕ ꠅꠘ꠆ꠔꠔ ꠄꠈꠖꠤꠘ ꠀꠉꠦ ꠀꠝꠣꠞꠦ ꠚꠘꠖꠤ ꠎꠣꠘꠣꠁꠀ ꠀꠁꠛꠣꠞ ꠈꠣꠏ ꠈꠁꠞꠣꠝ ⁕
ꠀꠟ꠆ꠟꠣꠄ ꠀꠝꠣꠞ ꠡꠎꠣꠔꠤꠞ ꠢꠣꠟꠣꠟ ꠞꠥꠎꠉꠣꠞꠅ ꠡꠞꠛꠥꠌ꠆ꠌ ꠛꠞꠇꠔ ꠖꠣꠘ ꠈꠞꠃꠇꠣ ⁕
