শুরমা ফারর খবর ছিলটি জবানে ছিলটর খবর
Related Articles
ꠛ꠆ꠞꠤꠐꠦꠘꠞ ꠁꠍꠟꠤꠋꠐꠘꠞ ꠄꠝꠙꠤ ꠅꠁꠀ ꠞꠣꠏꠘꠤꠔꠤꠞ ꠝꠣꠐꠧ ꠎꠦꠞꠦꠝꠤ ꠇꠞꠛꠤꠘꠞ [Jeremy Corbyn] b0 ꠛꠌ꠆ꠌꠞ ꠚꠥꠞ꠆ꠔꠤ ꠅꠁꠍꠦ ⁕ ꠄꠞꠖꠣꠄ ꠔꠣꠁꠘ ꠔꠣꠘꠞ ꠄꠟꠣꠇꠣꠞ ꠝꠣꠘꠥꠡꠣꠁꠘꠞꠦ ꠐꠥꠁꠐ ꠈꠞꠤ ꠡꠥꠇꠞꠤꠀ ꠏꠣꠘꠣꠁꠍꠂꠘ ꠀꠞ ꠟꠉꠦ ꠡꠣꠝꠣꠏꠤꠇ ꠈꠣꠝꠈꠣꠏ ꠈꠞꠤꠀ ꠢꠣꠞꠤꠖꠤꠘ ꠚꠥꠞꠣ ꠈꠞꠍꠂꠘ ⁕
ꠀꠁꠏ ꠁꠍꠟꠤꠋꠐꠘ ꠘꠞ꠆ꠕꠧꠞ ꠝꠣꠘꠡꠦ ꠝꠞꠦ ꠔꠣꠞꠣꠞ ꠄꠝꠙꠤ ꠛꠣꠘꠣꠘꠤꠞ b0 ꠛꠍꠞ ꠅꠁꠟꠧ ⁕ ꠝꠥꠁ ꠅꠃꠔꠣ ꠜꠣꠟꠣ ꠝꠣꠘꠥꠡꠧꠈꠟ, ꠉꠥꠁꠐ ꠀꠞ ꠇꠦꠝ꠆ꠙꠦꠁꠘ ꠅꠈꠟꠞꠦ ꠡꠥꠇꠞꠤꠀ ꠏꠣꠘꠣꠘꠤꠞ ꠡꠥꠏꠥꠉꠈꠣꠘ ꠘꠤꠔꠣꠝ ꠍꠣꠁ ꠏꠦꠔꠣ ꠀꠝꠞꠣꠞ ꠡꠝꠣꠏꠝꠦꠟꠞꠦ ꠀꠞꠧ ꠜꠣꠟꠣꠝꠔꠦ ꠛꠖꠟꠣꠁꠀ ꠖꠤꠍꠦ ⁕
10ꠛꠣꠞ ꠡꠣꠞꠣꠞꠘ ꠁꠟꠦꠇꠡꠘꠧ ꠁꠍꠟꠤꠋꠐꠘ ꠘꠞ꠆ꠕ ꠟꠦꠛꠣꠞ ꠙꠣꠞ꠆ꠐꠤꠞ ꠡꠝꠞ꠆ꠔꠘ ꠀꠞ ꠟꠉꠦꠕꠣꠈꠣꠞ ꠖꠣꠄ ꠡꠥꠇꠞꠤꠀ ꠏꠣꠘꠣꠁꠀ ꠔꠣꠁꠘ ꠈꠁꠘ, ”ꠕꠣꠘꠤꠅ ꠟꠥꠇꠔꠘꠔ꠆ꠞ ꠀꠝꠞꠣꠞ ꠀꠘꠖꠥꠟꠘꠞ ꠖꠤꠟ — ꠀꠞꠧꠛꠦꠡꠤ ꠢꠝꠣꠘ, ꠐꠦꠇꠡꠁ ꠀꠞ ꠡꠣꠘꠔꠤꠚꠥꠞ꠆ꠘ ꠖꠥꠘꠤꠀꠞ ꠟꠣꠉꠤꠘ ꠝꠥꠁ ꠝꠞ ꠡꠝꠣꠏꠝꠦꠟꠞ ꠟꠉꠦ ꠄꠈꠚꠣꠅꠄ ꠈꠣꠠꠣ ꠀꠍꠤ!”
ꠟꠝ꠆ꠛꠞ 4 ꠛꠣꠍꠞꠦ ꠐꠤꠇꠣꠁꠀ ꠞꠣꠈꠣ, ꠃꠁꠐꠤꠋꠐꠘ ꠄ.ꠄꠘ꠆ꠒ.ꠁ’ꠞꠦ ꠛꠘ꠆ꠗ ꠅꠀꠞ ꠀꠔ ꠔꠘꠦ ꠀꠐꠈꠣꠘꠤ, ꠁꠢꠥꠖꠤꠘ꠆ꠔꠞ ꠢꠚꠈꠣꠘꠣ ꠞꠇ꠆ꠇꠣ, ꠟꠉꠦ ꠉꠤꠟꠦꠍ꠆ꠙꠤ ꠙꠣꠞ꠆ꠇꠞꠦ ꠅ ꠞꠇ꠆ꠇꠣ ꠈꠞꠣꠞꠦ ꠇꠥꠟ꠆ꠟꠦ ꠈꠄꠈꠐꠣ ꠈꠁꠀ ꠔꠣꠘ ꠡꠝꠣꠏꠝꠦꠟꠞ ꠉꠦꠍꠦ b0 ꠚꠤꠞꠣꠞ ꠛꠠꠛꠠ ꠏꠤꠔ ꠢꠤꠡꠣꠛꠦ ꠃꠟ꠆ꠟꠦꠇ ꠈꠞꠂꠘ! ꠄꠈꠟꠉꠦ ꠍꠟꠟꠦ, ꠏꠤꠔꠣ ꠄꠈꠦꠞꠦ ꠡꠥꠏꠣ ⁕
ꠀꠚꠘꠦ ꠏꠥꠖꠤꠘ ꠄꠈꠣꠘ ꠖꠄꠀꠟ ꠖꠥꠘꠤꠀ ꠖꠦꠈꠔꠣ ꠅꠁꠘ, ꠔꠦ ꠄꠈꠧꠖꠐꠣ ꠡꠝꠣꠏꠝꠦꠟꠞ ꠀꠈꠠꠣꠔ ꠚꠣꠈꠣꠁꠀ ꠀꠃꠇꠣ ⁕
ꠕꠣꠘꠤꠅ ꠝꠣꠘꠡꠞꠦ ꠈꠣꠝꠈꠣꠏꠞ ꠚꠕ ꠈꠞꠤ ꠖꠤꠀ ꠛ꠆ꠞꠤꠇꠅꠀꠞ꠆ꠇ꠆ꠍ, ꠝꠣꠁꠟ꠆ꠒꠝꠦ, ꠢꠤꠟꠒ꠆ꠞꠙ, ꠢꠣꠁꠛꠣꠞꠤ ꠞꠣꠃꠘ꠆ꠒꠢꠣꠃꠍ, ꠄꠟꠤꠎꠣꠛꠦꠕ ꠢꠣꠃꠍ, ꠢꠥꠁꠐꠤꠋꠐꠘ ꠙꠣꠞ꠆ꠇ, ꠄꠘ꠆ꠒꠧꠜꠣꠞ, ꠢꠞ꠆ꠘꠍꠤ ꠟꠦꠘ ꠀꠞ ꠇꠦꠇ꠆ꠎꠐꠘ ꠢꠣꠃꠏꠦ ꠕꠣꠘꠤꠅ ꠝꠣꠘꠥꠡꠞꠦ ꠄꠈꠏꠥꠐ ꠈꠞꠣꠞ ꠖꠣꠄ ꠔꠣꠁꠘ ꠚꠔꠤꠡꠐꠣꠘ ꠁꠔꠣꠞꠦ ꠡꠥꠇꠞꠤꠀ ꠏꠣꠘꠣꠁꠘ ⁕
ꠅꠏꠖꠦꠝꠤ ꠀꠞ ꠔꠣꠘ ꠛꠃ 1980 ꠅꠞ ꠖꠡꠇꠧ ꠔꠥꠞꠡ꠆ꠇ ꠔꠘꠦ ꠜꠣꠉꠤꠀ ꠁꠍꠟꠤꠋꠐꠘ ꠀꠁꠌ꠆ꠌꠤꠟꠣ ⁕ ꠛꠣꠖꠦ ꠔꠣꠞꠣꠞꠦ ꠅꠁꠘ꠆ꠘꠣꠄꠜꠣꠛꠦ ꠖꠦꠡꠧ ꠚꠣꠐꠣꠁꠔ꠆ꠔꠦ ꠍꠣꠁꠟꠦ ꠔꠣꠞꠣ ꠁꠇꠣꠘ ꠝꠥꠇꠣꠛꠦꠟꠣ ꠈꠞꠂꠘ, ꠀꠞ ꠢꠤ ꠡꠝꠄꠇꠥ ꠉꠥꠟꠇꠤꠘ ꠘꠣꠝꠦ ꠔꠣꠞꠣ ꠄꠈ ꠚꠥꠠꠤ ꠏꠘ꠆ꠝ ꠖꠦꠁꠘ ⁕
ꠅꠘꠦ, ꠉꠥꠟꠇꠤꠘ ꠕꠣꠘꠤꠅ ꠇꠣꠃꠘꠍꠤꠟꠞ ꠅꠈꠟꠞ ꠄꠈꠏꠘ ꠏꠦꠁꠘ ꠁꠍꠟꠤꠋꠐꠘꠞꠦ ꠛꠣꠖꠞ ꠍꠤꠞꠤꠞ ꠝꠣꠘꠡꠞ ꠟꠣꠉꠤ ꠀꠞꠧ ꠛꠦꠡꠤ ꠜꠣꠁꠀꠚꠤ ꠀꠞ ꠈꠣꠔꠤꠞꠏꠝꠣꠞ ꠏꠦꠉꠣ ꠛꠣꠘꠣꠘꠤꠞ ꠖꠣꠄ ꠈꠣꠝ ꠈꠞꠞꠣ ⁕
ꠕꠣꠘꠤꠅ ꠚꠧꠞꠣꠝ ꠔꠘꠦ ꠜꠣꠠꠣꠐꠤꠀ ꠅꠈꠟꠞ ꠡꠋꠊꠐꠘ, ꠡꠣꠁꠎ꠆ꠎ ꠔꠘꠦ ꠡꠝꠣꠏꠝꠦꠟꠞ ꠛꠤꠍꠠꠣ, ꠀꠞ ꠛꠦꠐꠤꠘ꠆ꠔꠞ ꠀꠈꠠꠣ ꠔꠘꠦ ꠈꠚꠤ ꠊꠞ ꠁꠝꠣ, ꠢꠈꠟꠞ ꠐꠣꠁꠘ ꠡꠥꠇꠥꠞ ꠀꠖꠣꠄ ꠈꠞꠤꠀꠞ, ꠏꠦꠞꠣ ꠘꠤꠏꠞ ꠏꠤꠛꠘ ꠡꠚꠤꠀ ꠖꠤꠀ ꠅ ꠘꠤꠞꠣꠚꠖ, ꠖꠄꠀꠟ ꠀꠞ ꠡꠣꠄꠡꠥꠘ꠆ꠖꠞ ꠄꠈꠣꠘ ꠛꠧꠞꠧ ꠔꠣꠁꠀꠞꠤꠞ ꠟꠣꠉꠤꠘ ꠈꠣꠝ ꠈꠞꠤꠔ꠆ꠞꠣ ⁕
ꠛꠂꠍꠤꠔ꠆ꠞꠔꠣ ꠀꠝꠞꠣꠞ ꠡꠈ꠆ꠔꠤ ꠝꠥꠁ ꠇ꠆ꠞꠤꠍꠝꠣꠍ, ꠞꠝꠏꠣꠘ, ꠌꠣꠘꠥꠇꠣ, ꠖꠤꠅꠀꠟꠤ ꠡꠥꠖ꠆ꠖꠣ ꠛꠃꠔꠔꠣ ꠅꠘꠥꠡꠐꠣꠘꠣꠁꠘ꠆ꠔ ꠏꠦꠏꠣꠔ ꠝꠃꠏ ꠈꠞꠍꠤ, ꠛꠥꠏꠣꠘꠤ ꠖꠣꠄ ⁕
ꠀꠄꠀ-ꠖꠣꠄꠀ ꠁꠔꠣ ꠀꠝꠞꠣꠞꠦ ꠚꠣꠠꠣ-ꠚꠠꠡꠤ ꠀꠞ ꠀꠠꠤ-ꠚꠠꠤꠞ ꠟꠉꠦ ꠐꠤꠇꠣꠁꠀ ꠞꠣꠈꠦ ꠘꠣꠈꠅꠀ ꠈꠣꠝꠈꠣꠏꠞ ꠝꠣꠁꠖ꠆ꠖꠝꠦ ⁕
ꠙꠤꠇꠦꠐ ꠟꠣꠋꠉꠣꠁꠞꠧ ꠞꠣꠎ꠆ꠎꠤꠞꠔꠣ ꠢꠤꠇꠣꠞ ꠞꠁꠍꠦ — ꠁꠍꠟꠤꠋꠐꠘ ꠃꠔ꠆ꠞꠞꠦ ꠗꠂꠘ꠆ꠘꠛꠣꠖ ꠏꠦꠘ ꠅꠟꠣꠘ ꠄꠈꠣꠘ ꠝꠥꠁꠟ꠆ꠟꠛꠣꠘ ꠏꠤꠘꠤꠡ ꠝꠞꠦ ꠢꠤꠇꠣꠁꠍꠦ ⁕
ꠢꠥꠞꠋꠉꠅꠀꠟꠣ (ꠈꠘꠤꠞ ꠡꠝꠤꠇ) ꠅꠈꠟꠞ ꠟꠉꠦ 198b ꠡꠣꠟꠧ ꠅꠞꠔꠣꠟꠞ ꠝꠣꠁꠖ꠆ꠖꠝꠦ ꠝꠞ ꠈꠣꠞ꠆ꠏꠈꠣꠟ ꠡꠥꠞꠥ ꠅꠁꠍꠤꠟ। ꠀꠁꠏ ꠅꠛꠗꠤ, ꠁꠍꠟꠤꠋꠐꠘꠞ ꠝꠣꠘꠥꠡꠣꠁꠘ ꠝꠦꠘꠔꠤ ꠅꠈꠟꠞ ꠖꠣꠄ ꠅꠞꠔꠣꠟꠧ ꠡꠞꠤꠇ ꠅꠁꠘ, ꠔꠣ ꠏꠦꠘꠧꠅ ꠅꠄ ꠘꠣ ꠈꠦꠘꠦ ⁕
ꠀꠍꠣꠘꠤꠞ ꠡꠁꠔꠦ ꠝꠞ ꠈꠣꠝꠞ ꠝꠣꠏꠦ ꠡꠛꠍꠦ ꠖꠤꠟꠇꠥꠟꠣ ꠄꠈꠣꠘ ꠅꠁꠟꠧ ꠁꠍꠇꠥꠟ ꠅꠈꠟꠧ ꠉꠤꠀ ꠃꠍꠔꠣꠖ ꠀꠞ ꠚꠠꠥꠀꠁꠘ꠆ꠔꠞ ꠟꠉꠦ ꠛꠣꠔꠍꠤꠔ ꠈꠞꠣ ⁕
ꠢꠈꠟꠞ ꠝꠣꠏꠦꠃ ꠉꠠꠣꠞ ꠡꠈ꠆ꠔꠤ ꠝꠏꠥꠖ ꠞꠁꠍꠦ — ꠛꠣꠖꠞ ꠍꠤꠠꠤꠞꠦ ꠡꠈꠔꠤꠡꠣꠟꠤ ꠈꠞꠣꠐꠣ ꠅꠁꠍꠦ ꠀꠞꠧ ꠀꠡꠣꠛꠣꠖꠤ, ꠏꠤꠀꠁꠀ ꠞꠣꠈꠣ, ꠀꠞ ꠀꠘꠘ꠆ꠖꠖꠣꠄꠅꠇ ꠜꠛꠤꠡ꠆ꠡꠔ ꠖꠤꠛꠣꠞ ꠡꠥꠏꠥꠉ ꠈꠞꠣ ⁕
ꠀꠁꠏꠇꠥꠞ ꠖꠤꠘ ꠡꠣꠗꠣꠞꠘꠃ ꠕꠣꠈꠛꠧ: ꠛꠤꠀꠘꠦ ꠇꠦꠁꠍ ꠅꠀꠞ꠆ꠇ, ꠇꠣꠃꠘ꠆ꠍꠤꠟꠞ ꠅꠈꠟꠞ ꠟꠉꠦ ꠛꠂꠐꠈ ꠀꠞ ꠖꠥꠁꠚꠞꠤꠛꠣꠟꠣ ꠁꠍꠇꠥꠟꠣꠁꠘ꠆ꠔ ꠖꠦꠈꠣꠔ ꠏꠣꠅꠀ, ꠀꠞ ꠢꠣꠁꠘ꠆ꠎꠣ ꠛꠣꠄ ꠕꠣꠘꠤꠅ ꠄꠈ ꠐꠦꠈꠣ ꠖꠟꠣꠞ ꠅꠘꠥꠡꠐꠣꠘ ⁕
ꠁꠇꠣꠘ ꠛꠃꠔ ꠁꠎ꠆ꠎꠔꠞ ꠈꠕꠣ ꠏꠦꠘ ꠁꠍꠟꠤꠋꠐꠘ ꠃꠔ꠆ꠞꠞ ꠝꠣꠘꠡꠞ ꠟꠣꠉꠤ ꠘꠤꠏꠞꠦ ꠡꠚꠤꠀ ꠖꠦꠅꠀ ⁕ ꠀꠚꠘꠣꠞ ꠡꠣꠄ ꠚꠣꠁꠀ, ꠝꠥꠁ ꠈꠣꠝ ꠍꠣꠟꠣꠘꠤ ꠏꠣꠞꠤ ꠞꠣꠈꠝꠥ ⁕
