শুরমা ফারর খবর ছিলটি জবানে ছিলটর খবর
Related Articles
ꠖꠥꠀꠞꠣꠛꠣꠎꠣꠞ ꠃꠚꠎꠤꠟꠣꠔ ꠚꠣꠘꠤꠔ ꠚꠞꠤꠀ ꠛꠥꠖꠗꠤ ꠚꠔꠤꠛꠘ꠆ꠗꠤ ꠡꠁꠔꠦ ꠖꠥꠁ ꠎꠦꠉꠣꠔ ꠖꠥꠁ ꠢꠥꠞꠥꠔꠣ ꠝꠞꠍꠦ। ꠉꠦꠍꠦꠈꠣꠁꠟ ꠝꠋꠉꠟꠛꠣꠞ ꠖꠥꠁꠚꠞ ꠀꠞ ꠛꠤꠀꠟꠦ ꠁꠔꠣꠞ ꠛꠣꠅꠀꠁꠟ ꠟꠣꠡ ꠃꠖꠗꠣꠞ ꠈꠞꠣ ꠅꠄ। ꠁꠔꠣꠞ ꠝꠣꠏꠦ ꠀꠍꠤꠟ ꠙꠣꠞꠜꠦꠎ (১১) ꠛꠥꠖꠗꠤ ꠚꠔꠤꠛꠘ꠆ꠗꠤ (ꠝꠤꠞꠇꠤ ꠛꠦ,ꠣꠞꠤ) ꠀꠞ ꠍꠣꠄꠝꠣ (৭)।
ꠎꠣꠘꠣ ꠎꠣꠄ, ꠝꠋꠉꠟꠛꠣꠞ ꠖꠥꠁꠚꠞ ꠙꠣꠞꠜꠦꠎ (১১) ꠘꠣꠝꠞ ꠄꠈ ꠛꠥꠖꠗꠤ ꠚꠔꠤꠛꠘ꠆ꠗꠤ ꠀꠚꠦꠞꠔꠣꠞ ꠛꠣꠅꠀꠁꠟ ꠟꠣꠡ ꠛꠣꠋꠟꠣꠛꠣꠎꠣꠞ ꠁꠘꠤꠅꠘꠞ ꠞꠣꠃꠟꠤ ꠉꠣꠅꠞ ꠚꠡꠟꠤ ꠎꠝꠤꠘꠞ ꠈꠣꠘ꠆ꠖꠣꠞ ꠚꠦꠘꠣꠄ ꠜꠞꠣ ꠉꠣꠠꠣ ꠔꠘꠦ ꠃꠖꠗꠣꠞ ꠈꠞꠣ ꠅꠄ। ꠢꠦ ꠟꠣꠉꠣ ꠉꠣꠅ ꠚꠣꠁꠇꠚꠣꠠꠣꠞ ꠀꠅꠟꠣꠖ ꠝꠤꠀꠞ ꠚꠥꠀ ꠀꠍꠤꠟ। ꠀꠉꠞ ꠖꠤꠘ ꠡꠝꠛꠣꠞ ꠛꠤꠀꠟ ꠔꠘꠦ ꠢꠦ ꠀꠞꠣꠈꠣꠟꠤ ꠀꠍꠤꠟ। ꠄꠈꠦꠞꠦ ꠈꠣꠘ꠆ꠖꠣꠔ ꠞꠣꠃꠟꠤ ꠉꠣꠅꠔ ꠙꠣꠞꠜꠦꠎꠞ ꠘꠣꠘꠣꠛꠣꠠꠤ। ꠢꠃ ꠛꠣꠠꠤꠞ ꠈꠣꠘ꠆ꠖꠣꠞ ꠚꠦꠘꠣꠄ ꠜꠞꠣ ꠀꠍꠤꠟ ꠁ ꠉꠣꠠꠣꠉꠥꠔꠣ। ꠛꠃꠔ ꠔꠥꠇꠣꠔꠥꠇꠤꠞ ꠛꠣꠖꠦ ꠝꠋꠉꠟꠛꠣꠞ ꠖꠥꠁꠚꠞꠤ ꠛꠣꠟꠣ ꠔꠣꠘꠤꠅ ꠅꠈꠟꠦ ꠔꠣꠞ ꠛꠣꠅꠀꠁꠟ ꠟꠣꠡ ꠚꠣꠁꠘ।
ꠁꠛꠣꠄ, ꠛꠤꠀꠟ ৩ꠐꠣ ꠛꠣꠄ ꠄꠇꠤ ꠁꠘꠤꠅꠘꠞ ꠖꠇꠇꠤꠘ ꠃꠍ꠆ꠔꠤꠋꠉꠦꠞꠉꠣꠅꠞ ꠘꠤꠎ ꠜꠤꠐꠣꠞ ꠈꠣꠘ꠆ꠖꠣꠞ ꠚꠥꠇꠞꠤ ꠔꠘꠦ ꠍꠣꠄꠝꠣꠞ ꠟꠣꠡ ꠃꠖꠗꠣꠞ ꠈꠞꠣ ꠅꠄ। ꠉꠦꠍꠦꠈꠣꠁꠟ ꠝꠋꠉꠟꠛꠣꠞ ꠛꠤꠀꠘ ꠔꠘꠦ ꠔꠣꠁ ꠀꠞꠣꠈꠣꠟꠤ ꠀꠍꠤꠟ। ꠍꠣꠄꠝꠣ ꠁ ꠉꠣꠅꠞ ꠀꠛ꠆ꠖꠥꠟ ꠀꠅꠀꠟꠞ ꠚꠥꠞꠤ। ꠛꠤꠀꠘ ꠇꠥꠘꠥ ꠄꠈ ꠡꠝꠄ ꠢꠈꠟꠞ ꠅꠎꠣꠘꠔꠦ ꠔꠣꠁ ꠚꠥꠇꠞꠤꠔ ꠚꠞꠤꠎꠣꠄ।
ꠔꠣꠘꠤꠅ ꠛꠣꠋꠟꠣꠛꠣꠎꠣꠞ ꠁꠘꠤꠅꠘ ꠚꠞꠤꠡꠖꠞ ꠌꠤꠀꠞꠝꠦꠘ ꠝꠣꠡꠐꠞ ꠎꠡꠤꠝ ꠃꠖ꠆ꠖꠤꠘ ꠞꠣꠘꠣꠄ ꠈꠁꠘ, ꠈꠛꠞ ꠢꠥꠘꠤꠀ ꠊꠐꠘꠣꠞ ꠎꠦꠉꠣꠔ ꠀꠁꠀ ꠉꠣꠞꠎꠦꠘ ꠡꠥꠁꠖꠖꠣ ꠉꠣꠅꠞ ꠝꠥꠞꠛ꠆ꠛꠤꠘꠔꠞ ꠟꠉꠦ ꠝꠣꠔꠤꠀ ꠚꠣꠘꠤꠔ ꠚꠞꠤ ꠖꠥꠁ ꠢꠥꠞꠥꠔꠣꠞ ꠝꠞꠣꠞ ꠈꠕꠣ ꠘꠤꠌ꠆ꠌꠤꠔ ꠅꠁꠍꠤ।
