শুরমা ফারর খবর ছিলটি জবানে ছিলটর খবর
Related Articles
ꠃꠁꠇꠤꠝꠤꠒꠤꠀ ꠚꠣꠃꠘ꠆ꠒꠦꠡꠘꠦ [Wikimedia Foundation] ꠖꠥꠘꠤꠀꠞ ꠢꠈꠟ ꠝꠣꠔꠣꠁꠘ꠆ꠔꠞꠦ ꠐꠤꠇꠣꠁꠀ ꠞꠣꠈꠣ ꠀꠞ ꠝꠣꠘꠡꠞꠦ ꠀꠘꠣꠐꠦꠈꠣꠄ ꠢꠤꠇꠣꠘꠤꠞ ꠟꠣꠉꠤꠘ ꠘꠣꠘꠣꠘ ꠇꠤꠍꠤꠝꠞ ꠈꠣꠝ ꠍꠣꠟꠣꠁꠀ ꠏꠣꠞ ⁕ ꠍꠤꠟꠐꠤ ꠃꠁꠇꠤꠙꠤꠒꠤꠀ [Syloti Wikipedia] ꠅꠁꠟꠧ ꠉꠤꠀ ꠍꠤꠟꠐꠤ ꠝꠣꠔ ꠛꠦꠛꠀꠞ ꠈꠞꠤꠀ ꠍꠣꠟꠣꠁꠟ ꠄꠉꠥ ꠃꠁꠇꠤꠙꠤꠒꠤꠀ, ꠏꠦꠈꠐꠣ ꠃꠁꠇꠤꠝꠤꠒꠤꠀ ꠚꠣꠃꠘ꠆ꠒꠦꠡꠘꠞ ꠄꠈꠐꠣ ꠙ꠆ꠞꠎꠦꠇ꠆ꠐ ⁕ ꠃꠁꠇꠤꠙꠤꠒꠤꠀ ꠍꠣꠠꠣꠅ ꠃꠁꠇꠤꠝꠤꠒꠤꠀꠞ ꠀꠞꠧ ꠙ꠆ꠞꠎꠦꠇ꠆ꠐꠣꠁꠘ ꠀꠍꠦ ⁕ ꠖꠤꠘꠞ ꠚꠞ ꠖꠤꠘ ꠀꠞ ꠞꠣꠔꠤꠞ ꠞꠣꠁꠔ ꠃꠁꠇꠤꠝꠤꠒꠤꠀ ꠚꠣꠃꠘ꠆ꠒꠦꠡꠘꠞ ꠁꠔꠣ ꠙ꠆ꠞꠎꠦꠇ꠆ꠐ ꠅꠈꠟ ꠄꠈ ꠉꠥꠞꠧ ꠘꠤꠏꠈꠣꠝꠈꠞ꠆ꠞꠣꠁꠘ꠆ꠔꠦ ꠍꠣꠟꠣꠁꠀ ꠏꠣꠁꠔ꠆ꠞꠣ ⁕ ꠃꠁꠇꠤꠒꠣꠐꠣꠞ ꠔꠁꠔ꠆ꠔ ꠀꠘꠝꠣꠘ ꠁꠘ꠆ꠇꠤꠃꠛꠦꠐꠞꠅ ꠇꠤ ꠏꠥꠋꠠꠣꠔ ꠕꠣꠈꠣ ꠍꠤꠟꠐꠤ ꠃꠁꠇꠤꠙꠤꠒꠤꠀ ☽ ꠎꠥꠟꠣꠁ Γ0lb ꠔꠘꠦ ꠃꠁꠇꠤꠝꠤꠒꠤꠀ ꠁꠘ꠆ꠇꠤꠃꠛꠦꠐꠞꠅ ꠐꠦꠡ꠆ꠐ ꠙ꠆ꠞꠎꠦꠇ꠆ꠐ ꠢꠤꠡꠣꠛꠦ ꠍꠣꠟꠥ ꠅꠄ ⁕ ꠄꠞ ꠀꠉꠦ ꠝꠘ꠆ꠎ~ꠝꠦꠐꠣꠃꠁꠇꠤ ꠘꠣꠝꠞ ꠄꠈ ꠛꠦꠛꠀꠞꠈꠣꠞꠤꠄ ꠍꠤꠟꠐ ꠨ ꠍꠤꠟꠐꠤ ꠀꠞ ꠍꠤꠟꠐꠤ ꠘꠣꠉꠞꠤꠞ ꠉꠥꠞꠥꠔ꠆ꠔ ꠀꠞ ꠁꠔꠤꠀꠡ ꠛꠣꠐ꠆ꠐꠤꠈꠞꠤ ꠎꠣꠘꠣꠁꠀ lΓ ꠎꠥꠘ Γ0lb ꠚꠤꠞꠣꠔ ꠚꠍꠔꠣꠛ ꠈꠞꠍꠤꠟꠣ ⁕
ꠉꠦꠍꠦ ꠝꠦ ꠝꠣꠡꠧ ꠔꠤꠘꠔꠤꠈꠣꠘ ꠍꠤꠟꠐꠤ ꠙ꠆ꠞꠎꠦꠇ꠆ꠐ ꠏꠥꠋꠠꠣꠞ ꠝꠣꠏꠦ ꠡꠇ꠆ꠞꠤꠅ ꠕꠣꠇꠤꠀ ꠚꠗꠣꠘ ꠚꠣꠔꠣꠔ ꠏꠦꠉꠣ ꠚꠣꠄ ⁕ ꠛꠣꠖꠞ ꠝꠣꠡꠧ, ꠅꠞꠔꠣꠔ ꠎꠥꠘꠞ ꠚꠄꠟꠣ ꠢꠣꠚꠔꠣꠔ ꠅꠘꠦ ꠍꠣꠁꠞꠐꠣ ꠙ꠆ꠞꠎꠦꠇ꠆ꠐ ꠏꠤꠅꠟ ꠕꠣꠈꠔꠦ ꠕꠣꠈꠔꠦ ꠏꠥꠋꠠꠣ ꠔꠘꠦ ꠛꠣꠞꠁꠀ ꠔꠣꠞꠣꠞ ꠘꠤꠏꠞ ꠅꠄꠛꠍꠣꠁꠐꠧ ꠏꠣꠁꠛꠣꠞ ꠈꠣꠘꠖꠣꠔ ⁕
ꠙꠦꠞꠣꠄ ꠄꠈ ꠖꠡꠈ ꠀꠉꠦ ꠁꠘꠇꠤꠃꠛꠦꠐꠞꠅ ꠍꠤꠟꠐꠤ ꠃꠁꠇꠤꠙꠤꠒꠤꠀꠄ ꠔꠣꠞ ꠚꠕ ꠍꠟꠣ ꠡꠥꠞꠥ ꠈꠞꠍꠤꠟ ⁕ ꠛꠦꠛꠀꠞꠈꠣꠞꠤꠘ꠆ꠔꠞ ꠞꠣꠁꠔꠖꠤꠘ ꠈꠡꠐꠦ ꠁꠉꠥ ꠛꠃꠔ ꠀꠉꠥꠀꠁꠀ ꠉꠦꠍꠦ ⁕ ꠄꠈꠐꠣ, ꠖꠥꠁꠐꠣ ꠈꠞꠤ ꠈꠞꠤ ꠍꠤꠟꠐꠤ ꠃꠁꠇꠤꠙꠤꠒꠤꠀꠔ Γ☽০ꠐꠣ ꠀꠞꠐꠤꠇꠟ ꠛꠘꠍꠤꠟ Γ0Γ0 ꠚꠤꠞꠔꠤꠞ 1V ꠒꠤꠍꠦꠝ꠆ꠞ, ꠀꠞ ꠅꠘꠦ ꠙꠦꠞꠣꠄ 800-ꠞ ꠈꠣꠘꠖꠣꠔ ꠀꠞꠐꠤꠇꠟ ꠀꠍꠦ ⁕ ꠄꠞꠛꠣꠖ ꠔꠘꠦ ꠟꠣꠄꠟꠣꠄ ꠍꠤꠟꠐꠤ ꠃꠁꠇꠤꠙꠤꠒꠤꠀ ꠡꠁꠔꠦ ꠛꠣꠇꠤ ꠙ꠆ꠞꠎꠦꠇ꠆ꠐꠣꠁꠘ ꠅ ꠢꠏꠣꠉ ꠅꠁꠔꠦ ꠕꠣꠈꠦ ⁕ ꠅꠔꠖꠤꠘ ꠗꠞꠤ ꠅꠁꠘ꠆ꠘ ꠛꠦꠛꠀꠞꠈꠣꠞꠤꠘ꠆ꠔꠞ ꠟꠣꠈꠣꠘ ꠢꠣꠍꠘ ꠞꠣꠎꠣꠄ ꠅ ꠏꠦ ꠈꠣꠐꠘꠤ ꠖꠤꠞꠣ ⁕ ꠔꠣꠁꠘ ꠅꠘꠦ ꠈꠣꠟꠤ ꠍꠤꠟꠐꠤ ꠃꠁꠇꠤꠙꠤꠒꠤꠀꠞ ꠄꠒꠝꠤꠘ ꠘꠣꠄ, ꠟꠉꠦ ꠀꠞꠉꠥꠁꠘ꠆ꠔꠞ ꠟꠣꠉꠤꠘꠧ ꠛꠦꠡꠦꠛꠣ ꠈꠣꠝ ꠈꠞꠞꠣ ꠀꠞ ꠀꠞꠏꠘꠞꠦꠅ ꠈꠣꠝ ꠈꠞꠣꠔ ꠡꠣꠖ ꠖꠤꠀ ꠏꠣꠁꠞꠣ ⁕ ꠡꠥꠞꠝꠣꠚꠣꠠꠞ ꠈꠛꠞ ꠢꠈꠟ ꠡꠝꠄ ꠃ ꠍꠤꠟꠐꠤ ꠃꠁꠇꠤꠙꠤꠒꠤꠀꠞ ꠟꠉꠦ ꠞꠁꠍꠦ ꠀꠞ ꠡꠣꠖ ꠖꠤꠀ ꠅ ꠏꠣꠁꠛꠧ ⁕
