Breaking News
Home / ꠖꠦꠡꠞ ꠈꠛꠞ / ꠃꠚꠘꠤꠞ꠆ꠛꠣꠌꠘ: ꠙꠣꠛꠘꠣ ২৬ ꠍꠦꠙ꠆ꠐꠦꠝ꠆ꠛꠞ, ꠓꠣꠈꠣ ꠅ ꠘꠅꠉꠣ ১৭ ꠅꠇ꠆ꠐꠥꠛꠞ

ꠃꠚꠘꠤꠞ꠆ꠛꠣꠌꠘ: ꠙꠣꠛꠘꠣ ২৬ ꠍꠦꠙ꠆ꠐꠦꠝ꠆ꠛꠞ, ꠓꠣꠈꠣ ꠅ ꠘꠅꠉꠣ ১৭ ꠅꠇ꠆ꠐꠥꠛꠞ

ꠇꠞꠘꠣ ꠝꠞꠇꠤꠞ ꠝꠣꠏꠦ ꠔꠤꠘ ꠡꠋꠡꠖꠤ ꠀꠡꠘ ꠓꠣꠈꠣ-৫, ꠙꠣꠛꠘꠣ-৪ ꠀꠞ ꠘꠅꠉꠣ-৬ ꠀꠡꠘꠞ ꠃꠚꠘꠤꠞ꠆ꠛꠣꠌꠘꠞ ꠔꠣꠞꠤꠈ ꠊꠥꠡꠘꠣ ꠈꠞꠍꠦ ꠘꠤꠞ꠆ꠛꠣꠌꠘ ꠇꠝꠤꠡꠘꠦ (ꠁꠍꠤ)⁕

ꠀꠁꠎ ꠞꠁꠛꠣꠞ ꠁꠍꠤ ꠅꠚꠤꠡꠅ ꠛꠂꠑꠈꠞ ꠛꠣꠖꠦ ꠁꠍꠤꠞ ꠡꠤꠘꠤꠅꠞ ꠡꠌꠤꠛ ꠝꠥ. ꠀꠟꠝꠉꠤꠞ ꠡꠣꠝꠘꠞ ২৪ ꠍꠦꠙ꠆ꠐꠦꠝ꠆ꠛꠞ ꠙꠣꠛꠘꠣ-৪ ꠀꠡꠘꠞ ꠜꠥꠐꠣꠜꠥꠐꠤꠞ ꠔꠣꠞꠤꠇ ꠛꠣꠔꠣꠁꠀ ꠔꠚꠡꠤꠟ ꠊꠥꠡꠘꠣ ꠈꠞꠁꠘ⁕

ꠔꠣꠁꠘ ꠈꠁꠘ, ‘ꠓꠣꠇꠣ-৫ ꠀꠞ ꠘꠅꠉꠣ-৬ ꠀꠡꠘ ꠡꠣꠝꠘꠞ ১৭ ꠅꠇ꠆ꠐꠥꠛꠞ ꠜꠥꠐꠣꠜꠥꠐꠤ ꠅꠁꠛ ꠀꠞ ꠍꠦꠙ꠆ꠐꠦꠝ꠆ꠛꠞꠞ ꠚꠁꠟ ꠢꠣꠚꠔꠣꠔ ꠜꠥꠐꠞ ꠔꠚꠡꠤꠟ ꠊꠥꠡꠘꠣ ꠈꠞꠣ ꠅꠁꠛ⁕’

ꠁꠍꠤꠞ ꠊꠥꠡꠘꠣ ꠀꠘꠝꠣꠘ, ২৮ ꠍꠦꠙ꠆ꠐꠦꠝ꠆ꠛꠞ ꠇꠦꠘꠒꠤꠒꠦꠁꠐꠞ ꠘꠣꠝ ꠈꠣꠐꠣꠘꠤꠞ ꠢꠦꠡ ꠡꠝꠄ⁕

ꠀꠟꠝꠉꠤꠞ-ꠄ ꠈꠁꠘ, ‘ꠙꠣꠛꠘꠣ-৪ ꠀꠞ ꠘꠅꠉꠣ-৬ ꠀꠡꠘꠞ ꠜꠥꠐꠣꠜꠥꠐꠤꠔ ꠛꠦꠟꠐ ꠙꠦꠙꠣꠞ ꠛꠦꠛꠀꠞ ꠈꠞꠣ ꠅꠁꠛ ꠀꠞ ꠓꠣꠈꠣ-৫ ꠀꠡꠘꠅ ꠁꠟꠦꠇꠐꠘꠤꠇ ꠜꠥꠐꠤꠋ ꠝꠦꠡꠤꠘ (ꠁꠜꠤꠄꠝ) ꠛꠦꠛꠀꠞ ꠈꠞꠣ ꠅꠁꠛ⁕’

ꠡꠋꠛꠤꠗꠣꠘ ꠝꠔꠦ ১৮০ ꠖꠤꠘꠇꠥꠞ ꠜꠤꠔꠞꠦ ꠜꠥꠐꠣꠜꠥꠐꠤ ꠅꠀ ꠃꠍꠤꠔ ꠈꠞꠤ ꠔꠣꠁꠘ ꠈꠁꠘ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠁꠞꠣꠘ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠄꠟꠣ ꠉꠥꠐ꠆ꠐꠣ ꠟꠁꠍꠂꠘ ꠛꠣꠋꠟꠣꠖꠦꠡꠞ ꠛꠡꠤꠞ ꠀꠢꠝꠣꠖ

ꠁꠞꠣꠘꠞ ꠞꠣꠎꠗꠣꠘꠤ ꠔꠦꠢꠞꠣꠘ ꠅꠃꠀ ꠛꠤꠡ꠆ꠡ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠕꠝ ꠎꠣꠉꠣ ꠟꠁꠟꠍꠂꠘ ꠢꠛꠤꠉꠘ꠆ꠎꠞ ꠚꠥꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖꠦ …