Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠖꠣ ꠉ꠆ꠞꠦꠐ ꠌꠣꠋꠡꠣ (The Great Changsha)

ꠖꠣ ꠉ꠆ꠞꠦꠐ ꠌꠣꠋꠡꠣ (The Great Changsha)

ꠖꠣ ꠉ꠆ꠞꠦꠐ ꠌꠣꠋꠡꠣ
ꠀꠛꠥ ꠍꠣꠁꠖ

ꠀꠝꠤ ꠡꠣꠝꠣꠁꠘ꠆ꠘ ꠄꠈ ꠀꠝ ꠙꠣꠛꠟꠤꠇ
ꠌꠣꠋꠡꠣꠔ ꠚꠠꠣꠟꠦꠈꠣ, ꠖꠥꠍꠞꠣ ꠔꠣꠘꠔꠤꠔ;
ꠖꠦꠡ ꠔꠘꠦ ꠖꠥꠞꠁ, ꠡꠤꠀꠋ ꠉꠣꠋꠉꠞ ꠉꠣꠟꠣꠔ
ꠝꠣꠁ ꠉ ꠔꠥꠝꠣꠞꠦ ꠘꠥ ꠝꠘꠚꠠꠦ ꠘꠤꠔ!

ꠁꠃꠄꠟꠥ ꠚꠣꠢꠣꠠ ꠎꠦ ꠚꠄꠚꠛꠤꠔ꠆ꠞ
ꠡꠣꠄꠡꠥꠘ꠆ꠖꠞ ꠎꠣꠉꠣ ꠀꠞ ꠛꠣꠠꠤ ꠄꠞ ꠛꠤꠔ꠆ꠞꠦ-
ꠇꠘꠚꠥꠍꠤꠀꠡ, ꠔꠣꠅ ꠀꠞ ꠛꠃꠖ꠆ꠖ ꠗꠞ꠆ꠝꠞ।
ꠄꠈꠅ ꠛꠂꠟ ꠛꠁ ꠈꠥꠟꠤ ꠁꠍ꠆ꠇꠥꠟ ꠟꠣꠁꠛꠦꠞꠤꠔ
ꠁꠔꠤꠀꠡ ꠔꠥꠇꠣꠘꠤꠔ ꠒꠥꠛ ꠖꠦꠁ ꠝꠣꠅꠀꠋꠔꠥꠁꠅꠞ ꠍꠤꠚꠣꠔ।
ꠎꠤꠐꠣ ꠇꠞꠜꠤ ꠔꠦꠞꠣ ꠖꠤ ꠖꠦꠈꠣꠁꠘ ꠌꠣꠋꠡꠣꠞ ꠍꠤꠘ꠆ꠘꠔ
ꠝꠤꠡꠥꠇ ꠌꠣꠄꠘꠤꠎꠦ ꠜꠥꠟꠣꠄ ꠉꠣꠅꠖꠦꠡꠤ ꠖꠥꠇ!

ꠌꠣꠋꠡꠣꠔ ꠎꠘꠝꠤꠍꠟꠣ ꠕꠤꠀꠘ ꠢꠣꠘ
ꠌꠤꠘꠞ ꠎꠣꠔꠤꠄ ꠡꠋꠉꠤꠔ ꠎꠦꠁꠘ ꠟꠦꠈꠍꠂꠘ,
ꠛꠃꠔ ꠎꠣꠘꠥ ꠅꠈꠟꠞ ꠖꠦꠡ ꠌꠣꠋꠡꠣ
ꠝꠣꠁꠘ꠆ꠘ ꠉꠂꠘ꠆ꠘ ꠛꠃꠔꠦꠅ ꠁꠘ ꠎꠘ꠆ꠝ ꠘꠤꠟꠣ,
ꠝꠣꠅ ꠍꠦꠔꠥꠋ ꠅꠞ ꠎꠘ꠆ꠝꠜꠥꠝꠤꠅ ꠔ ꠁꠇꠣꠘ,
ꠎꠦꠉꠥ ꠚꠂꠟ ꠀꠁꠍꠤꠟ ꠌꠃ ꠞꠣꠎꠛꠋꠡꠞ ꠅꠗꠤꠘ,
ꠅꠞꠦꠘ꠆ꠎ ꠝꠦꠅꠀꠍꠞꠅ ꠈꠣꠐꠍꠦ ꠔꠣꠘ ꠢꠥꠞꠥꠈꠣꠟ
ꠇꠝꠞꠦꠒꠞꠦ ꠟꠁꠀ ꠖꠤꠔꠣ ꠢꠣꠔꠣꠞ ꠀꠞ ꠚꠣꠟ।
ꠛꠞꠣꠚꠎꠠꠤꠄ ꠢꠣꠎꠦꠚꠣꠠꠦ ꠁ ꠘꠉꠞ
ꠟꠣꠟ ꠍꠥꠞꠥꠇ ꠅꠄ ꠎꠦꠛꠟꠣ ꠝꠦꠙꠟꠞ ꠢꠣꠁꠞ!
ꠢꠥꠘꠣꠘꠞ ꠈꠣꠘꠤꠛꠘꠤ ꠄꠝꠘ ꠝꠎꠣꠞꠝꠎꠣꠞ
ꠌꠣꠋꠡꠣ ꠌꠃ ꠔꠃꠚꠥꠞ ꠡꠥꠀꠖ ꠀꠞꠎꠣꠔꠞ!

ꠖꠥꠍꠞꠣ ꠛꠤꠡ꠆ꠡꠎꠥꠖ꠆ꠖꠞ ꠖꠥꠇꠇ ꠅꠄꠘꠡꠤ ꠀꠉꠘꠤ
ꠌꠣꠋꠡꠣꠞꠦ ꠈꠞꠍꠤꠟ ꠡꠛꠍꠦ ꠈꠔꠤꠅꠀ ꠘꠉꠞꠞ ꠟꠉꠉꠤ,
ꠀꠗꠣꠞꠣꠔꠇꠥ ꠝꠞ ꠞꠥꠝꠝꠦꠐꠦ ꠝꠘꠈꠞꠣꠄ ꠢꠃ ꠍꠤꠔꠤ
ꠝꠞ ꠟꠣꠉꠤ ꠎꠦꠛꠟꠣ ꠎꠣꠟꠣꠄ ꠚꠠꠣꠞ ꠐꠦꠛꠥꠟꠞ ꠛꠣꠔ꠆ꠔꠤ।
ꠎꠣꠉꠣꠉꠥꠔꠣ ꠀꠎꠣꠞ ꠛꠍꠞꠞ ꠁꠔꠤꠀꠡꠦ ꠜꠞꠣꠁꠟ
ꠞꠢꠂꠡ꠆ꠡ ꠀꠍꠦ ꠇꠥꠟꠟꠦꠉꠣꠄ ꠍꠠꠣꠁꠟ ꠍꠤꠔ꠆ꠞꠣꠁꠟ,
ꠞꠁꠔ ꠎꠥꠖꠤꠘ ꠝꠞ ꠄꠉꠥ ꠛꠣꠞꠤꠇꠝꠥꠞꠤꠇ ꠙꠣꠘ꠆ꠒꠣ
ꠞꠥꠝꠝꠦꠐꠞ ꠟꠣꠈꠣꠘ ꠄꠁꠔ ꠘꠣ ꠅꠔꠔꠣ ꠖꠥꠡ꠆ꠐꠣ!
ꠢꠥꠘꠣꠘ ꠚꠖꠦꠡꠞ ꠡꠥꠘ꠆ꠖꠞꠤ ꠞꠣꠎꠞꠣꠘꠤ ꠌꠣꠋꠡꠣ
ꠛꠣꠘꠣꠁꠍꠦ ꠝꠞꠦ ꠖꠡꠦꠝꠤꠟꠣ, ꠖꠤꠍꠦ ꠜꠞꠡꠣ।

5/5 - (24 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …