শুরমা ফারর খবর ছিলটি জবানে ছিলটর খবর
Related Articles
ꠐꠣꠋꠉꠣꠁꠟꠞ ꠝꠗꠥꠙꠥꠞ ꠄꠈ ꠊꠞꠞ ꠍꠣꠁꠞꠎꠘꠞꠦ ꠉꠟꠣ ꠈꠣꠐꠤ ꠈꠣꠔꠟ ꠈꠞꠣꠞ ꠊꠐꠘꠣꠄ ꠔꠤꠘ ꠇꠥꠐꠥꠝꠞꠦ ꠎꠦꠞꠣ ꠈꠞꠣꠞ ꠖꠣꠄ ꠀꠐꠇ ꠈꠞꠍꠦ ꠙꠥꠟꠤꠡꠦ⁕
ꠡꠥꠇ꠆ꠇꠥꠞꠛꠣꠞ ꠞꠣꠁꠔꠇꠥ ꠔꠣꠞꠣꠞꠦ ꠀꠐꠇ ꠈꠞꠣ ꠅꠁꠍꠦ ꠈꠞꠤ ꠝꠗꠥꠙꠥꠞ ꠕꠣꠘꠣꠞ ꠅꠍꠤ ꠔꠣꠞꠤꠇ ꠇꠣꠝꠣꠟꠦ ꠎꠣꠘꠣꠁꠍꠘ⁕ ꠇꠤꠘ꠆ꠔꠥꠇ ꠔꠣꠁꠘ ꠄꠞꠣꠞ ꠚꠞꠤꠍꠄ ꠖꠤꠍꠁꠘ ꠘꠣ⁕
ꠝꠗꠥꠙꠥꠞ ꠃꠙꠎꠤꠟꠣ ꠡꠞꠞ ꠙꠟ꠆ꠟꠤ ꠛꠤꠖ꠆ꠖꠥꠔ ꠞꠅꠒ ꠄꠟꠣꠇꠣꠞ ꠝꠣꠡ꠆ꠐꠣꠞ ꠙꠣꠠꠣꠞ ꠄꠇ ꠛꠣꠠꠤꠞ ꠝꠣꠟꠤꠇ ꠀꠛ꠆ꠖꠥꠟ ꠉꠘꠤ ꠝꠤꠀ (৪৫), ꠔꠣꠘ ꠛꠃ ꠀꠞ ꠚꠥꠀ-ꠚꠥꠞꠤꠞ ꠉꠟꠣ ꠈꠣꠐꠣ ꠟꠣꠡ ꠃꠖ꠆ꠗꠣꠞ ꠈꠞꠦ ꠙꠥꠟꠤꠡꠦ ꠡꠥꠇ꠆ꠇꠥꠞꠛꠣꠞ ꠛꠤꠀꠘꠔꠥ ꠛꠣꠟꠣ ৯ꠐꠣꠞ ꠛꠣꠄ⁕
ꠅꠍꠤ ꠔꠣꠞꠤꠇꠦ ꠈꠁꠘ, ꠈꠄꠈ ꠛꠞꠍ ꠀꠉꠦ ꠉꠘꠤ ꠝꠤꠀ ꠁꠘ ꠛꠣꠠꠤ ꠛꠣꠘꠣꠁꠀ ꠚꠞꠤꠛꠣꠞ ꠟꠁꠀ ꠕꠣꠈꠣ ꠡꠥꠞꠥ ꠈꠞꠁꠘ⁕ ꠔꠤꠘ-ꠍꠣꠁꠞ ꠖꠤꠘ ꠗꠞꠤ ꠔꠣꠞꠣꠞ ꠇꠥꠘꠥ ꠟꠠꠍꠠ ꠝꠤꠟꠌꠤꠟ ꠘꠣ⁕
ꠔꠣꠞꠣꠞ ꠝꠥꠛꠣꠁꠟ ꠚꠘ ꠛꠘ꠆ꠗ ꠖꠦꠈꠤꠀ ꠉꠘꠤꠞ ꠢꠠꠤ ꠀꠁꠀ ꠉꠦꠁꠐ ꠔꠣꠟꠣ ꠟꠣꠉꠣꠁꠟ ꠖꠦꠈꠁꠘ⁕ ꠢꠤ ꠡꠝꠄ ꠔꠣꠁꠘ ꠛꠣꠠꠤꠞ ꠜꠤꠔ꠆ꠔꠞ ꠔꠘꠦ ꠖꠥꠞ꠆ꠉꠘ꠆ꠗ ꠚꠣꠁꠘ⁕ ꠔꠣꠟꠣ ꠜꠣꠋꠉꠤ ꠊꠞꠞ ꠜꠤꠔ꠆ꠔꠞꠦ ꠍꠣꠁꠞꠎꠘꠞ ꠉꠟꠣꠈꠣꠐꠣ ꠟꠣꠡ ꠝꠤꠟꠦ⁕
ꠅꠍꠤꠄ ꠈꠁꠘ, ꠙꠥꠟꠤꠡꠦ ꠊꠐꠘꠣ ꠔꠖꠘ꠆ꠔ ꠈꠞꠦꠞ⁕ ꠀꠞꠅ ꠔꠖꠘ꠆ꠔꠞ ꠟꠣꠉꠤ ꠔꠤꠘ ꠇꠥꠐꠥꠝꠞꠦ ꠎꠦꠞꠣꠞ ꠖꠣꠄ ꠕꠣꠘꠣꠔ ꠘꠦꠅꠀ ꠅꠁꠍꠦ⁕ ꠔꠖꠘ꠆ꠔ ꠡꠦꠡ ꠅꠁꠟꠦ ꠛꠣꠖꠞ ꠛꠦꠛꠍ꠆ꠕꠣ ꠘꠦꠅꠀ ꠅꠁꠛ⁕
