ꠎꠤꠘ꠆ꠖꠣꠛꠣꠎꠣꠞ Archives - শুরমা ফারর খবর https://surmafarorkhobor.com/tag/ꠎꠤꠘ꠆ꠖꠣꠛꠣꠎꠣꠞ/ ছিলটি জবানে ছিলটর খবর Sat, 27 Jun 2020 17:44:09 +0000 en-US hourly 1 https://wordpress.org/?v=6.2.5 https://surmafarorkhobor.com/wp-content/uploads/2020/05/100971986_265169428027857_4127646193465425920_n-100x100.jpg ꠎꠤꠘ꠆ꠖꠣꠛꠣꠎꠣꠞ Archives - শুরমা ফারর খবর https://surmafarorkhobor.com/tag/ꠎꠤꠘ꠆ꠖꠣꠛꠣꠎꠣꠞ/ 32 32 ꠎꠤꠘ꠆ꠖꠣꠛꠣꠎꠣꠞ ꠟꠣꠉꠣꠘꠤꠞ ꠄꠈ ꠢꠣꠚꠔꠣꠔ ꠃꠚꠞꠤꠀ ꠚꠠꠟ ꠇꠣꠞꠦꠘ꠆ꠐꠞ ꠇꠥꠐꠤ https://surmafarorkhobor.com/brokenpillar/ Sat, 27 Jun 2020 13:52:53 +0000 http://surmafarorkhobor.com/?p=8625 ꠍꠤꠟꠐ ꠍꠤꠐꠤꠞ ꠝꠦꠁꠘ ꠍꠦꠘꠐꠣꠞ ꠎꠤꠘ꠆ꠖꠣꠛꠣꠎꠣꠞ ꠉꠣꠠꠣꠞ ꠄꠈ ꠢꠣꠚꠔꠣꠔ ꠜꠤꠔꠞꠦ ꠃꠚꠞꠤꠀ ꠚꠠꠤꠉꠦꠍ ꠇꠣꠞꠦꠘ꠆ꠐꠞ ꠖꠥꠁ ꠇꠥꠐꠤ। ꠛꠤꠎꠤ ꠄꠟꠣꠇꠣꠔ ꠞꠣꠁꠔꠇꠥ ꠁ ꠊꠐꠘꠣ ꠉꠐꠣꠄ ꠡꠣꠋꠊꠣꠔꠤꠇ ꠄꠇꠍꠤꠒꠦꠘ꠆ꠐ ꠔꠘꠦ ꠞꠇꠇꠣ ꠝꠤꠟꠍꠦ ꠍꠤꠐꠤꠞ ꠝꠣꠘꠡꠦ ꠎꠣꠘꠣꠁꠘ।   ꠉꠦꠍꠦ ꠛꠤꠞꠡꠁꠔꠛꠣꠞ ꠖꠤꠛꠣꠉꠔ ꠞꠣꠁꠔ ꠟꠔꠤꠚ ꠍꠦꠘ꠆ꠐꠣꠞ ꠀꠞ ꠇꠣꠎꠤ ꠁꠟꠤꠀꠍ ꠞꠅꠒꠞ ꠈꠣꠘ꠆ꠖꠣꠞ ꠞꠣꠍꠔꠣꠞ ꠖꠁꠅ ꠇꠥꠐꠤ ꠚꠠꠤ ꠎꠣꠄ। ꠔꠣꠘꠤꠅ ꠅꠈꠟꠦ ꠈꠁꠘ, ꠞꠣꠁꠔꠇꠥ ꠅꠀꠄ ꠇꠥꠘꠥ ꠈꠦꠔꠤ ꠅꠁꠍꠦ ꠘꠣ। ꠘꠣꠁꠟꠦ …

The post ꠎꠤꠘ꠆ꠖꠣꠛꠣꠎꠣꠞ ꠟꠣꠉꠣꠘꠤꠞ ꠄꠈ ꠢꠣꠚꠔꠣꠔ ꠃꠚꠞꠤꠀ ꠚꠠꠟ ꠇꠣꠞꠦꠘ꠆ꠐꠞ ꠇꠥꠐꠤ appeared first on শুরমা ফারর খবর.

]]>

ꠍꠤꠟꠐ ꠍꠤꠐꠤꠞ ꠝꠦꠁꠘ ꠍꠦꠘꠐꠣꠞ ꠎꠤꠘ꠆ꠖꠣꠛꠣꠎꠣꠞ ꠉꠣꠠꠣꠞ ꠄꠈ ꠢꠣꠚꠔꠣꠔ ꠜꠤꠔꠞꠦ ꠃꠚꠞꠤꠀ ꠚꠠꠤꠉꠦꠍ ꠇꠣꠞꠦꠘ꠆ꠐꠞ ꠖꠥꠁ ꠇꠥꠐꠤ। ꠛꠤꠎꠤ ꠄꠟꠣꠇꠣꠔ ꠞꠣꠁꠔꠇꠥ ꠁ ꠊꠐꠘꠣ ꠉꠐꠣꠄ ꠡꠣꠋꠊꠣꠔꠤꠇ ꠄꠇꠍꠤꠒꠦꠘ꠆ꠐ ꠔꠘꠦ ꠞꠇꠇꠣ ꠝꠤꠟꠍꠦ ꠍꠤꠐꠤꠞ ꠝꠣꠘꠡꠦ ꠎꠣꠘꠣꠁꠘ।

 

ꠉꠦꠍꠦ ꠛꠤꠞꠡꠁꠔꠛꠣꠞ ꠖꠤꠛꠣꠉꠔ ꠞꠣꠁꠔ ꠟꠔꠤꠚ ꠍꠦꠘ꠆ꠐꠣꠞ ꠀꠞ ꠇꠣꠎꠤ ꠁꠟꠤꠀꠍ ꠞꠅꠒꠞ ꠈꠣꠘ꠆ꠖꠣꠞ ꠞꠣꠍꠔꠣꠞ ꠖꠁꠅ ꠇꠥꠐꠤ ꠚꠠꠤ ꠎꠣꠄ। ꠔꠣꠘꠤꠅ ꠅꠈꠟꠦ ꠈꠁꠘ, ꠞꠣꠁꠔꠇꠥ ꠅꠀꠄ ꠇꠥꠘꠥ ꠈꠦꠔꠤ ꠅꠁꠍꠦ ꠘꠣ। ꠘꠣꠁꠟꠦ ꠖꠤꠘ ꠊꠐꠟꠦ ꠉꠣꠠꠤꠊꠥꠞꠣ ꠀꠞ ꠝꠣꠘꠥꠡ ꠍꠟꠣꠍꠟꠞ ꠝꠣꠏꠦ ꠅꠁꠟꠦ ꠡꠣꠋꠊꠣꠔꠤꠇ ꠅꠛꠍꠕꠣ ꠊꠐꠔ।

ꠍꠤꠐꠤꠞ ꠎꠤꠘ꠆ꠖꠣꠛꠣꠎꠣꠞ ꠡꠥꠁꠖꠖꠣ ꠛꠦꠡ ꠈꠔꠐꠣ ꠄꠟꠣꠇꠣꠔ ꠞꠣꠍꠔꠣꠞ ꠝꠣꠏꠛꠞꠣꠛꠞ (ꠞꠅꠒ ꠒꠤꠜꠣꠁꠒꠣꠞ) ꠝꠣꠐꠤꠞ ꠔꠟꠦ ꠖꠤ ꠇꠣꠞꠦꠘ꠆ꠐ ꠘꠦꠅꠀꠞ ꠖꠣꠄ ꠛꠤꠇꠟꠙ ꠚꠕ ꠢꠤꠡꠣꠛꠦ ꠁ ꠇꠥꠐꠤꠘ ꠟꠣꠉꠣꠘꠤ ꠅꠁꠍꠤꠟ। ꠔꠣꠘꠤꠅ ꠅꠈꠟꠦ ꠈꠁꠘ, ꠝꠣꠔ꠆ꠞ ꠢꠣꠚꠔꠣ ꠇꠣꠘꠤꠇ ꠀꠉꠦ ꠁꠔꠣ ꠛꠀꠘꠤ ꠅꠄ। ꠍꠤꠟꠐ ꠍꠤꠐꠤ ꠇꠞꠙꠥꠞꠦꠡꠘ ꠀꠞ ꠛꠤꠖꠖꠥꠔ ꠃꠘ꠆ꠘꠅꠘ ꠛꠅꠒꠞ ꠔꠔ꠆ꠔꠣꠛꠗꠣꠘꠦ ꠁꠔꠣ ꠛꠀꠘꠤꠞ ꠈꠣꠝ ꠍꠟꠍꠦ। ꠑꠤꠇꠣꠖꠣꠞꠤ ꠚꠔꠤꠡꠐꠣꠘꠞ ꠅꠛꠢꠦꠟꠣ, ꠛꠣꠖ ꠇꠥꠐꠤ ꠅꠀꠄ ꠈꠣꠝꠞ ꠄꠇ ꠢꠣꠚꠔꠣꠔ ꠁꠔꠣ ꠃꠚꠞꠤꠀ ꠚꠠꠦ।

ꠍꠤꠟꠐ ꠍꠤꠐꠤ ꠇꠞꠙꠥꠞꠦꠡꠘꠞ ꠘꠤꠞꠛꠣꠢꠤ ꠚꠇꠅꠡꠟꠤ (ꠁꠟꠦꠇꠐꠤꠇ) ꠞꠥꠢꠥꠟ ꠀꠝꠤꠘꠦ ꠈꠁꠘ, ꠁ ꠈꠣꠝ ꠙꠤꠒꠤꠛꠤꠞ ꠖꠣꠁꠔ꠆ꠔꠦ ꠍꠟꠦꠞ। ꠍꠤꠐꠤ ꠇꠞꠙꠥꠞꠦꠡꠘ ꠈꠣꠟꠤ ꠎꠣꠉꠣ ꠖꠦꠈꠣꠁꠀ ꠖꠤꠍꠦ, ꠢꠈꠟ ꠈꠣꠝ ꠙꠤꠒꠤꠛꠤꠄ ꠈꠞꠍꠦ।

ꠛꠤꠖꠖꠥꠔ ꠛꠤꠔꠞꠘ ꠛꠦꠛꠍꠔꠣ ꠃꠘ꠆ꠘꠅꠘ ꠚꠇꠟꠚꠞ ꠚꠞꠤꠍꠣꠟꠇ (ꠘꠤꠞꠛꠣꠢꠤ ꠚꠇꠅꠡꠟꠤ) ꠎꠤꠀꠃꠟ ꠢꠣꠍꠣꠘꠦ ꠈꠁꠘ, ꠞꠣꠁꠔ ৪ꠐꠣꠔ ꠐꠣꠈꠞ ꠐꠦꠟꠣꠄ ꠖꠁꠅ ꠇꠥꠐꠤ ꠚꠠꠤ ꠎꠣꠄ। ꠔꠛꠦ ꠑꠣꠈꠞꠦ ꠀꠐꠈꠣꠘꠤ ꠉꠦꠍꠦ ꠘꠣ। ꠁ ꠛꠤꠡꠄ ꠛꠦꠛꠍꠔꠣ ꠘꠤꠛꠣꠞ ꠡꠤꠖꠖꠣꠘ꠆ꠔ ꠅꠁꠍꠦ। ꠇꠥꠐꠤ ꠛꠣꠇ ꠈꠞꠣꠞ ꠈꠣꠝ ꠍꠟꠦꠞ। ꠀꠁꠎ ꠡꠘꠤꠛꠣꠞ ꠁ ꠈꠣꠝ ꠡꠦꠡ ꠅꠁꠛ ꠈꠞꠤ ꠔꠣꠁꠘ ꠈꠁꠘ।

ꠇꠥꠐꠤ ꠡꠝꠙꠞꠇꠦ ꠔꠣꠁꠘ ꠈꠁꠘ, ꠁ ꠇꠥꠐꠤ ꠈꠣꠟꠤ ꠍꠤꠟꠐ ꠎꠦꠟꠣꠔ ꠘꠣꠄ, ꠢꠣꠞꠣ ꠛꠤꠜꠣꠉ ꠛꠀꠘꠤ ꠅꠁꠍꠦ। ꠛꠣꠖ ꠅꠁꠀ ꠕꠣꠈꠟꠦ ꠅꠁꠘ꠆ꠘ ꠎꠣꠉꠣꠔ ꠅ ꠜꠣꠋꠉꠤꠀ ꠚꠠꠤꠎꠤꠔ। ꠄꠍꠣꠠꠣ ꠁꠔꠣ ꠇꠥꠐꠤꠘ ꠛꠃꠔ ꠚꠞꠤꠇꠇꠣ ꠈꠞꠤ ꠀꠘꠣ ꠅꠄ।

ꠔꠣꠁꠘ ꠈꠁꠘ, ꠀꠝꠞꠣ ꠍꠤꠐꠤ ꠇꠞꠙꠥꠞꠦꠡꠘꠞꠦ ꠁ ꠛꠤꠀꠚꠣꠞꠦ ꠎꠣꠘꠣꠁꠍꠤ ꠀꠞ ꠚꠐ ꠈꠞꠤ ꠎꠣꠔꠦ ꠞꠅꠒ ꠒꠤꠜꠣꠁꠒꠣꠞ ꠈꠣꠝ ꠢꠦꠡ ꠈꠞꠁꠘ ꠅꠔꠣꠞ ꠖꠣꠄ ꠅꠘꠥꠞꠥꠗ ꠎꠣꠘꠣꠁꠍꠤ। ꠔꠦ ꠀꠞ ꠐꠣꠈꠦ ꠁꠟꠣꠘ ꠐꠦꠟꠣ ꠝꠣꠞꠔ ꠚꠣꠞꠔ ꠘꠣꠄ।

The post ꠎꠤꠘ꠆ꠖꠣꠛꠣꠎꠣꠞ ꠟꠣꠉꠣꠘꠤꠞ ꠄꠈ ꠢꠣꠚꠔꠣꠔ ꠃꠚꠞꠤꠀ ꠚꠠꠟ ꠇꠣꠞꠦꠘ꠆ꠐꠞ ꠇꠥꠐꠤ appeared first on শুরমা ফারর খবর.

]]>