ꠍꠤꠟ꠆ꠟꠈ Archives - শুরমা ফারর খবর https://surmafarorkhobor.com/tag/ꠍꠤꠟ꠆ꠟꠈ/ ছিলটি জবানে ছিলটর খবর Thu, 22 Feb 2024 13:40:14 +0000 en-US hourly 1 https://wordpress.org/?v=6.2.5 https://surmafarorkhobor.com/wp-content/uploads/2020/05/100971986_265169428027857_4127646193465425920_n-100x100.jpg ꠍꠤꠟ꠆ꠟꠈ Archives - শুরমা ফারর খবর https://surmafarorkhobor.com/tag/ꠍꠤꠟ꠆ꠟꠈ/ 32 32 ꠍꠤꠟꠐꠤ ꠝꠣꠔꠞ ꠘꠛꠎꠤꠅꠘ: ꠢꠣꠍꠘꠣꠔ ꠀꠘꠥꠀꠞ https://surmafarorkhobor.com/rslh/ Sat, 01 Jul 2023 07:14:08 +0000 https://surmafarorkhobor.com/?p=10145 ꠘꠤꠎꠞ ꠟꠤꠚꠤ ꠖꠤꠀ ꠅꠞꠔꠣꠔ ꠍꠤꠟꠐꠤ ꠘꠣꠉꠞꠤ ꠢꠞꠚꠖꠤ ꠍꠤꠟꠐꠤ ꠝꠣꠔꠞꠦ ꠐꠤꠇꠣꠁꠀ ꠞꠣꠈꠣ ꠀꠞ ꠀꠞꠣꠁ ꠎꠣꠅꠀꠞ ꠚꠕ ꠕꠣꠈꠣ ꠝꠣꠔꠈꠕꠣꠞꠦ ꠘꠛꠎꠤꠛꠘ ꠖꠤꠛꠣꠞ ꠖꠣꠄ ꠎꠦꠞꠣ ꠈꠣꠍ ꠖꠤꠟꠦ ꠈꠣꠝ ꠈꠞꠞꠣ, ꠄꠞꠣꠞ ꠝꠣꠏꠦ ꠎꠣꠘꠥ ꠀꠞ ꠀꠈꠟꠛꠣꠘ ꠄꠈꠎꠘ ꠍꠤꠟꠐꠤ ꠝꠣꠔꠞꠣ ꠀꠡꠤꠇ ꠅꠁꠟꠣ ꠢꠣꠍꠘꠣꠔ ꠀꠘꠥꠀꠞ ⁕ ꠔꠣꠘꠔꠣꠘꠞ ꠍꠤꠘꠔꠣꠗꠣꠞꠣ, ꠛꠣꠍ꠆ꠔꠛ ꠡꠚꠘ ꠀꠞ ꠈꠣꠝꠞ ꠢꠚꠟ ꠢꠤꠡꠣꠛꠦ ꠍꠤꠟꠐꠤ ꠎꠛꠣꠘꠦ ꠍꠤꠟꠐꠤ ꠅꠄꠛꠍꠣꠁꠐ ꠡꠥꠞꠝꠣꠚꠣꠠꠞ ꠈꠛꠞ ꠀꠁꠎ ꠅꠈꠣꠘ ꠁꠝꠣ …

The post ꠍꠤꠟꠐꠤ ꠝꠣꠔꠞ ꠘꠛꠎꠤꠅꠘ: ꠢꠣꠍꠘꠣꠔ ꠀꠘꠥꠀꠞ appeared first on শুরমা ফারর খবর.

]]>
ꠘꠤꠎꠞ ꠟꠤꠚꠤ ꠖꠤꠀ ꠅꠞꠔꠣꠔ ꠍꠤꠟꠐꠤ ꠘꠣꠉꠞꠤ ꠢꠞꠚꠖꠤ ꠍꠤꠟꠐꠤ ꠝꠣꠔꠞꠦ ꠐꠤꠇꠣꠁꠀ ꠞꠣꠈꠣ ꠀꠞ ꠀꠞꠣꠁ ꠎꠣꠅꠀꠞ ꠚꠕ ꠕꠣꠈꠣ ꠝꠣꠔꠈꠕꠣꠞꠦ ꠘꠛꠎꠤꠛꠘ ꠖꠤꠛꠣꠞ ꠖꠣꠄ ꠎꠦꠞꠣ ꠈꠣꠍ ꠖꠤꠟꠦ ꠈꠣꠝ ꠈꠞꠞꠣ, ꠄꠞꠣꠞ ꠝꠣꠏꠦ ꠎꠣꠘꠥ ꠀꠞ ꠀꠈꠟꠛꠣꠘ ꠄꠈꠎꠘ ꠍꠤꠟꠐꠤ ꠝꠣꠔꠞꠣ ꠀꠡꠤꠇ ꠅꠁꠟꠣ ꠢꠣꠍꠘꠣꠔ ꠀꠘꠥꠀꠞ ⁕ ꠔꠣꠘꠔꠣꠘꠞ ꠍꠤꠘꠔꠣꠗꠣꠞꠣ, ꠛꠣꠍ꠆ꠔꠛ ꠡꠚꠘ ꠀꠞ ꠈꠣꠝꠞ ꠢꠚꠟ ꠢꠤꠡꠣꠛꠦ ꠍꠤꠟꠐꠤ ꠎꠛꠣꠘꠦ ꠍꠤꠟꠐꠤ ꠅꠄꠛꠍꠣꠁꠐ ꠡꠥꠞꠝꠣꠚꠣꠠꠞ ꠈꠛꠞ ꠀꠁꠎ ꠅꠈꠣꠘ ꠁꠝꠣ ꠀꠁꠔ ꠚꠣꠞꠍꠦ ⁕ ꠎꠦꠉꠔꠤꠇꠦ ꠢꠣꠍꠘꠣꠔ ꠀꠘꠥꠀꠞꠞ Ιd ꠘꠜꠦꠝ꠆ꠛꠞ Γ0ΙV ꠚꠤꠞꠔꠤꠞ ꠄꠈꠣꠘ ꠟꠦꠈꠣ ꠍꠤꠟꠐꠤ ꠝꠣꠔꠞ ꠘꠛꠎꠤꠅꠘ (সিলটি ভাষা পুনরুদ্ধার) ꠢꠤꠞꠛꠣꠞ ꠘꠄꠀ ꠈꠞꠤ ꠎꠦꠟꠣꠘ-ꠅꠟꠣꠘ ꠔꠞꠎꠝꠣ ꠈꠞꠤꠀ ꠍꠣꠚꠣꠘꠤ ꠅꠁꠍꠦ ꠎꠣꠔꠦ ꠜꠛꠤꠡ꠆ꠡꠔ ꠍꠣꠃ-ꠍꠤꠞꠤꠄ ꠍꠤꠟꠐꠤ ꠝꠣꠔ ꠟꠁꠀ ꠐꠤꠇ꠆ꠇꠞꠤ ꠈꠣꠝꠈꠣꠎ ꠍꠣꠟꠣꠘꠤ ꠀꠞ ꠖꠤꠡꠣ ꠚꠣꠁꠘ ⁕

ꠢꠣꠍꠘꠣꠔ ꠀꠘꠥꠀꠞ ꠝꠣꠟꠣꠉꠣꠔ (ꠀꠘ꠆ꠖꠣꠟꠥꠍꠤꠀ, ꠁꠍꠙꠦꠘ)। ꠝꠣꠞ꠆ꠌ Γ0ΙV [ꠍꠛꠤ ꠚꠦꠍꠛꠥꠇ ꠔꠘꠦ]
ꠀꠁꠎꠈꠣꠁꠟ ꠍꠤꠟꠐꠤ ꠝꠣꠔꠞ ꠘꠛꠎꠤꠅꠘꠞ ꠟꠣꠉꠤ ꠢꠥꠡꠤꠀꠞꠤ ꠛꠟꠍꠦ ⁕ ꠉ꠆ꠞꠦꠐꠣꠞ ꠍꠤꠟꠦꠐ ꠅꠞ꠆ꠔꠣꠔ ꠍꠤꠟꠐ ꠛꠤꠜꠣꠉꠞ ꠍꠣꠁꠞ ꠎꠤꠟꠣ, ꠀꠡꠣꠝꠞ (ꠄꠘ꠆ꠒꠤꠀ) ꠇꠣꠍꠣꠠ, ꠇꠞꠤꠝꠉꠂꠘ꠆ꠎ, ꠢꠣꠁꠟꠣꠇꠣꠘ꠆ꠖꠤ, ꠝꠦꠊꠣꠟꠄ, ꠝꠘꠤꠚꠥꠞ ꠀꠞ ꠛꠤꠟꠣꠔ ꠅ ꠀꠝꠦꠞꠤꠇꠣ ꠚꠛꠣꠡꠤ ꠞꠣꠎ꠆ꠎꠤꠞ ꠝꠣꠘꠥꠄ ꠁ ꠎꠛꠣꠘꠦ ꠝꠣꠔꠁꠘ ⁕ ꠄꠞꠣꠞ ꠝꠣꠏꠦ ꠛꠃꠔꠦ ꠁꠀꠖ꠆ꠞꠣ ꠍꠤꠟꠐꠤ ꠝꠣꠔ ꠞꠇ꠆ꠇꠣ ꠀꠞ ꠍꠣꠁꠞꠛꠣꠄ ꠍꠤꠔ꠆ꠞꠣꠁꠀ ꠖꠦꠅꠀꠞ ꠈꠣꠝ ꠈꠞꠞꠣ ⁕ ꠛꠞ꠆ꠔꠝꠣꠘꠇꠥ ꠅꠘꠟꠣꠁꠘꠅ ꠍꠤꠟꠐꠤ ꠝꠣꠔꠞ ꠢꠞꠚ ‘ꠘꠣꠉꠞꠤꠟꠤꠚꠤ’ ꠟꠦꠈꠣꠞ ꠛꠣꠟꠣ ꠃ ꠡꠦꠛ ꠅꠁꠍꠦ ⁕ ꠝꠥꠛꠣꠁꠟ ꠚꠘ ꠀꠞ ꠇꠝ꠆ꠙꠤꠃꠐꠣꠞꠅ ꠍꠤꠟꠐꠤ ꠘꠣꠉꠞꠤ ꠢꠞꠚꠦ ꠟꠦꠈꠣꠞ ꠟꠣꠈ ꠅꠁꠉꠦꠍ ⁕ ꠎꠣ ꠛꠍꠞ ꠖꠥꠄꠈ ꠀꠉꠦꠅ ꠀꠍꠤꠟ ꠘꠣ ⁕ ꠀꠉꠞ ꠔꠥꠟꠘꠣꠄ ꠅꠘꠇꠦ ꠍꠤꠟꠐꠤꠝꠣꠔ ꠍꠞ꠆ꠍꠣ ꠈꠞꠣꠞ ꠝꠔꠘ ꠝꠣꠁꠘꠡꠞ ꠡꠁꠋꠇꠣ ꠛꠟꠔꠦ ꠃ ꠀꠍꠦ ⁕ ꠎꠦꠈꠣꠘ ꠛꠠ ꠇꠥꠡꠤꠞ ꠛꠤꠡꠄ ⁕ ꠀꠉ꠆ꠞꠢꠤ ꠝꠣꠘꠥꠡ ꠛꠟꠣꠄ ꠈꠣꠝꠞ ꠚꠞꠤꠝꠣꠘ ꠅ ꠖꠤꠘꠇꠦ ꠖꠤꠘ ꠛꠟꠦꠞ ⁕ ꠎꠦ ꠉꠔꠤꠇꠦ ꠈꠣꠝꠞ ꠇꠃꠡꠟꠅ ꠔꠥꠠꠣ ꠉꠟꠔ ꠀꠞ ꠛꠤꠔꠞ꠆ꠇ ꠃꠐꠣꠞ ꠛꠤꠡꠄꠐꠣ ꠡꠣꠛꠣꠛꠤꠇ ⁕ ꠛꠍꠞ ꠖꠥꠁ ꠀꠉꠦꠅ ꠁꠔꠣ ꠟꠁꠀ ꠍꠡꠣꠟ ꠝꠤꠒꠤꠀꠔ ꠔꠥꠠꠣ ꠈꠁꠍꠟꠣꠝ ⁕ ꠡꠝꠄꠞ ꠟꠉꠦ ꠟꠉꠦ ꠢꠈꠟꠔꠣꠞ ꠉꠔꠤꠅ ꠛꠖꠟꠣꠄ ⁕ ꠄꠞꠟꠣꠉꠤ ꠀꠞꠅ ꠄꠈꠎꠣꠠꠣ ꠝꠣꠔꠣ ꠎꠞꠥꠞꠤ ꠝꠘ ꠅꠞ ⁕ ꠝꠞ ꠔꠥꠠꠣ ꠡꠖꠄ ꠝꠔꠣꠝꠔ, ꠚꠞꠣꠝꠤꠡ ꠀꠞ ꠀꠉꠞ ꠈꠅꠀ ꠖꠥꠁ ꠄꠇ꠆ꠇꠣꠘ ꠎꠤꠘꠤꠡ ꠁꠀꠖ ꠈꠞꠣꠁ ꠖꠤꠔꠣꠝ ꠍꠣꠁꠀꠞ ⁕ ꠝꠥꠟꠔ:

• ꠍꠤꠟꠐꠤ ꠝꠣꠔ ꠖꠤꠘꠇꠦ ꠖꠤꠘ ‘ꠘꠣꠁ’ ꠅꠁꠎꠣꠞ ⁕ ꠀꠞꠣꠁ ꠎꠣꠞ ⁕

ꠁ ꠝꠣꠔꠞꠦ ꠛꠣꠍꠣꠁꠀ ꠞꠣꠈꠣ ꠟꠣꠉꠛ ⁕ ꠄꠞ ꠟꠣꠉꠤ ꠘꠣꠉꠞꠤ ꠢꠞꠚ ꠀꠍꠦ, ꠘꠣꠉꠞꠤ ꠢꠞꠚ ꠖꠤꠀ ꠍꠤꠟꠐꠤ ꠝꠣꠔ ꠟꠦꠈꠣ ꠅꠄ ⁕ ꠘꠣꠉꠞꠤ ꠞꠦ ꠈꠦꠃ ꠈꠦꠃ ꠈꠁꠘ ꠘꠣꠉꠞꠤ ꠜꠣꠡꠣ ⁕ ꠁꠇꠐꠣ ꠜꠣꠡꠣ ꠘꠣꠄ ⁕ ꠁꠇꠐꠣ ꠅꠁꠟ- ꠟꠦꠈꠛꠣꠞ ꠢꠞꠚ ⁕ ꠎꠦꠇꠥꠘꠥ ꠜꠣꠡꠣꠞ ꠝꠣꠔ ꠘꠣꠉꠞꠤ ꠖꠤꠀ ꠟꠦꠈꠣ ꠎꠣꠄ ⁕ ꠈꠣꠟꠤ ꠘꠣꠉꠞꠤ ꠖꠤꠀ ꠅꠃ ꠍꠤꠟꠐꠤ ꠝꠣꠔ ꠟꠦꠈꠣ ꠟꠣꠉꠛ, ꠄꠝꠘ ꠇꠥꠘꠥ ꠈꠕꠣ ꠘꠣꠄ ⁕ ꠍꠤꠟꠐꠤ ꠝꠣꠔꠞ ꠍꠞ꠆ꠍꠣ ꠈꠞꠣ ꠅꠁꠟ ꠀꠡꠟ ꠈꠕꠣ ⁕ ꠘꠣꠉꠞꠤ ꠢꠞꠚ ꠖꠤ ꠟꠦꠈꠟꠦꠅꠃ ꠡꠛ ꠕꠣꠇꠤ ꠜꠣꠟꠣ ⁕ ꠁꠇꠐꠣ ꠞꠣꠔꠣꠞꠣꠔꠤ ꠅꠁꠔ ꠘꠣꠄ, ꠡꠝꠄ ꠟꠣꠉꠛ ⁕ ꠀꠈꠔꠣ ꠗꠞꠤꠀ ꠔꠥꠠꠣ ꠈꠈꠖꠤꠘ ‘ꠚꠣꠟꠣꠚꠣꠟꠤ’ ꠈꠞꠟꠦ ꠢꠦꠡꠦ ꠅꠔꠣꠡ ꠅꠁꠛꠣ ⁕ ꠄꠈꠟꠣꠉꠣ ꠔꠤꠞꠤꠡ ꠍꠣꠟ꠆ꠟꠤꠡ ꠛꠍꠞ ꠈꠣꠝ ꠈꠞꠅꠃꠇꠣ ꠛꠣꠖꠦ ꠚꠟ ꠚꠣꠁꠛꠣ ⁕ ꠄꠞ ꠀꠉꠦ ꠔꠥꠠꠣ ꠔꠥꠠꠣ ꠚꠟ ꠝꠤꠟꠛ, ꠛꠦꠡꠤ ꠘꠣꠄ ⁕ ꠈꠣꠁꠟ ꠀꠁꠀ ꠀꠁꠎ ꠡꠈꠟꠔꠣꠔ ꠀꠚꠘꠦ ‘ꠚꠕꠝ’ ꠖꠣꠛꠤ ꠈꠞꠟꠦ ꠅꠁꠔ ꠘꠣꠄ ⁕ ꠚꠂꠘ꠆ꠌꠣꠡ, ꠡꠣꠁꠐ ꠛꠍꠞ ꠗꠞꠤꠀ ꠝꠣꠁꠘꠡꠦ ꠁ ꠟꠣꠁꠘ ꠈꠣꠝ ꠈꠞꠦꠞ ⁕ ꠡꠈꠟꠞ ꠈꠕꠣ ꠁꠀꠖ ꠞꠣꠈꠛꠣ ⁕ ꠈꠣꠟꠤ ꠘꠣꠝ ꠚꠣꠐꠣꠁꠔꠦ ꠍꠣꠁꠟꠦ ꠢꠦꠡꠦ ꠖꠦꠈꠛꠣ ꠀꠚꠘꠦ ꠄꠈꠟꠣ, ꠟꠉꠦ ꠀꠞ ꠈꠦꠃ ꠘꠣꠁ ⁕ ꠄꠈꠐꠣ ꠙꠥꠡ꠆ꠐ ꠖꠤꠟꠦ ꠔꠤꠘꠐꠣꠞ ꠛꠦꠡꠤ ꠟꠣꠁꠇ ꠚꠣꠁꠔꠣ ꠘꠣꠄ ⁕ ‘ꠘꠝꠣꠎꠞ ꠀꠉ’ ꠍꠣꠘꠁꠘ ꠘꠣ ꠎꠣꠘ ⁕ ꠘꠣ ꠛꠦꠎꠣꠞ ?

• ꠍꠤꠟꠐꠤ ꠝꠣꠔꠞꠦ ꠐꠤꠇꠣꠁꠀ ꠞꠣꠈꠔꠦ ꠍꠣꠁꠟꠦ ꠛꠦꠡ ꠇꠤꠍꠥ ꠈꠣꠝ ꠈꠞꠣ ꠟꠣꠉꠛ ⁕ ꠄꠈꠐꠣ ꠈꠣꠝ ꠅꠁꠟ — ꠘꠣꠉꠞꠤꠞꠦ ꠀꠞꠅ ꠃꠘ꠆ꠘꠔ ꠈꠞꠤꠀ ꠇꠝ꠆ꠙꠤꠃꠐꠣꠞꠞ ꠝꠣꠏꠦ, ꠝꠥꠛꠣꠁꠟꠅ ꠡꠈꠟꠦ ꠎꠦꠟꠣ ꠐꠣꠁꠙ ꠈꠞꠤꠀ ꠟꠦꠈꠔꠣ ꠚꠣꠞꠁꠘ, ꠢꠃ ꠛꠦꠛꠍ꠆ꠕꠣ ꠈꠞꠣ ꠟꠣꠉꠛ ⁕ ꠛꠣꠋꠟꠣ ꠢꠞꠚꠦꠅ ꠍꠤꠟꠐꠤ ꠝꠣꠔ ꠟꠦꠇꠤꠀ ꠢꠈꠟ ꠈꠣꠘꠅ ꠚꠃꠍꠣꠘꠤ ꠟꠣꠉꠛ ⁕

ꠍꠤꠟꠐꠤ ꠜꠣꠡꠣꠄ ꠡꠣꠢꠤꠔ꠆ꠔ ꠏꠦꠝꠘ: ꠉꠟ꠆ꠚ, ꠇꠛꠤꠔꠣ, ꠘꠣꠐꠈ, ꠛꠁ, ꠅꠒꠤꠅ ꠔꠣꠁꠀꠞ ꠈꠞꠤꠀ ꠛꠣꠐꠤꠀ ꠖꠦꠅꠀ ꠟꠣꠉꠛ ⁕

• ꠁ ꠎꠦ ꠈꠣꠝ ꠈꠞꠣꠞ ꠈꠕꠣ ꠈꠁꠟꠣꠝ, ꠁ ꠈꠣꠝ ꠈꠣꠘꠣꠁꠘ ꠈꠞꠛꠣꠞ ꠟꠣꠉꠤ ꠀꠝꠞꠣꠞ ꠘꠤꠡ꠆ꠡꠣꠞ꠆ꠕ ꠇꠤꠍꠥ ꠝꠣꠘꠥꠡꠞ ꠖꠞꠈꠣꠞ ⁕ ꠎꠦꠞꠣ ꠘꠣꠝꠞ ꠈꠣꠋꠉꠣꠟ ꠘꠣꠄ, ꠈꠣꠝꠞ ꠚꠣꠉꠟ ⁕ ꠈꠔꠐꠣ ꠚꠔꠤꠡ꠆ꠐꠣꠘ ꠀꠞ ꠛꠦꠡ ꠇꠤꠍꠥ ꠍꠤꠘ꠆ꠔꠣꠛꠤꠖ ꠛꠥꠖ꠆ꠖꠤꠀꠟꠣ ꠚꠘ꠆ꠒꠤꠔꠞ ꠖꠞꠈꠣꠞ ꠎꠦꠞꠣ ꠘꠣꠘꠣꠘ ꠇꠃꠡꠟ ꠛꠣꠞ ꠈꠞꠛꠣ, ꠎꠦ ꠇꠃꠡꠟꠦ ꠍꠤꠟꠐꠤ ꠎꠛꠣꠘ ꠛꠤꠟꠥꠚ ꠅꠃꠀ ꠕꠣꠇꠤ ꠛꠣꠍ꠆ꠔ ꠚꠣꠞꠛ ⁕

• ꠡꠤꠟꠐꠤ ꠜꠣꠡꠣ ꠚꠞꠍꠣꠞ ꠈꠞꠣꠞ ꠟꠣꠉꠤ ꠍꠡꠣꠟ ꠝꠤꠒꠤꠀꠔ ꠘꠣꠘꠣꠘ ꠞꠈꠝ ꠟꠦꠈꠣ ꠙꠥꠡ꠆ꠐ ꠖꠦꠅꠀ ꠅꠄ ⁕ ꠅꠘꠦꠈꠦ ꠖꠤꠔꠦ ꠖꠦꠈꠍꠤ ⁕ ꠈꠦꠃ ꠈꠦꠃ ꠁꠋꠟꠤꠡꠞ ꠍꠤꠟꠐꠤ ꠔꠞꠎꠝꠣ ꠟꠦꠇꠤꠀ ꠖꠦꠁꠘ ⁕ ꠄꠈꠛꠣꠞ ꠖꠦꠈꠟꠣꠝ ꠄꠈꠎꠘꠦ ꠟꠦꠈꠍꠁꠘ:

Who are you? ꠍꠤꠟꠐꠤ ꠔꠞꠎꠝꠣ ꠈꠞꠍꠁꠘ- ꠔꠥꠁ ꠈꠦꠉꠥ?

ꠀꠞꠈꠐꠣ ꠟꠦꠈꠣ ꠁꠋꠟꠤꠡ ꠕꠣꠇꠤ ꠍꠤꠟꠐꠤ ꠔꠞꠎꠝꠣ ꠖꠦꠈꠟꠣꠝ- keep quiet- ꠘꠤꠞꠣꠁ ꠕꠣꠈ !

ꠀꠝꠣꠞ ꠝꠘꠦ ꠅꠄ, ꠘꠤꠞꠣꠁ ꠕꠣꠈ ꠘꠣ ꠖꠤꠀ ‘ꠘꠤꠞꠣꠁ ꠕꠣꠈꠁꠘ ꠇꠤ ꠘꠤꠞꠣꠁ ꠕꠣꠈꠅꠃꠇꠣ ꠖꠤꠔꠣ ꠀꠍꠟꠣ ꠇꠤꠀꠟ ꠈꠞꠅꠃꠇꠣ, ꠍꠤꠟꠐꠤ ꠜꠣꠡꠣꠄ ꠈꠣꠟꠤ ꠔꠥꠁ ꠍꠣꠠꠣꠅ ꠔꠥꠝꠤ, ꠀꠚꠘꠦ ꠅ ꠀꠍꠦ ⁕ ꠝꠤꠍꠣꠟ (example) ꠖꠤꠟꠦ ꠈꠣꠟꠤ ꠔꠥꠁ ꠈꠁꠀ ꠖꠤꠟꠦ ꠅꠜꠖ꠆ꠞꠔꠣ ꠅꠄ ⁕ ꠔꠥꠝꠤ ꠈꠦ ꠛꠣ ? ꠛꠣ ꠀꠚꠘꠦ ꠈꠦ ? ꠅꠟꠣ ꠟꠦꠇꠤꠀ ꠖꠦꠃꠇꠣ ⁕ ꠄꠞ ꠟꠉꠦ ꠔꠥꠁ ꠈꠦꠉꠥ ꠅ ꠖꠤꠔꠣ ꠚꠣꠞꠁꠘ ⁕ ꠜꠖ꠆ꠞꠜꠣꠛꠦ ꠝꠣꠔꠅꠃꠇꠣ, ꠈꠣꠟꠤ ꠔꠥꠁ ꠔꠥꠇꠣꠞꠤ ꠘꠣ !
• ꠍꠤꠟꠐꠤ ꠎꠛꠣꠘꠦ ꠛꠁ, ꠚꠔ꠆ꠞꠤꠇꠣ, ꠘꠣꠐꠈꠞ ꠛꠁ, ꠇꠛꠤꠔꠣ ꠀꠞ ꠚꠥꠕꠤꠞ ꠛꠁ, ꠚꠥꠡ꠆ꠐꠣꠞ ꠛꠣꠘꠣꠁꠀ ꠚꠞꠍꠣꠞꠞ ꠟꠣꠉꠤ ꠛꠣꠐꠤꠀ ꠖꠦꠅꠀ ꠟꠣꠉꠛ ⁕ ꠁꠔꠣ ꠛꠁꠚꠔ꠆ꠞꠞ ꠝꠣꠏꠦ ꠇꠥꠘ ꠛꠦꠈ꠆ꠔꠤꠞ ꠘꠣꠝ ꠚꠣꠐꠣꠘꠤꠞ ꠍꠦꠡ꠆ꠐꠣ ꠈꠞꠟꠦ ꠟꠣꠜ ꠕꠣꠇꠤ ꠟꠥꠇꠡꠣꠘ ꠛꠦꠡꠤ ꠅꠁꠛ ⁕ ꠁ ꠛꠁ ꠈꠣꠘꠣꠁꠘ ꠀꠚꠣꠔꠔ: ꠛꠣꠋꠟꠣ ꠢꠞꠚꠦ ꠈꠞꠣ ꠎꠣꠁꠔ ꠚꠣꠞꠦ ⁕ ꠚꠞꠦ ꠕꠥꠠꠣ ꠕꠥꠠꠣ ꠈꠞꠤ ꠘꠣꠉꠞꠤ ꠢꠞꠚꠦ ꠛꠖꠟꠣꠘꠤ ꠎꠣꠁꠛ ⁕ ꠀꠞ ꠘꠣꠄ, ꠘꠣꠉꠞꠤ ꠢꠤꠇꠣꠞ ꠀꠡꠣꠄ ꠀꠡꠟ ꠈꠣꠝ ꠛꠣꠖ ꠚꠠꠤ ꠎꠣꠁꠛ ⁕
ꠀꠞ, ꠄꠞ ꠟꠣꠉꠤ ꠘꠤꠡ꠆ꠡꠣꠞ꠆ꠕ, ꠘꠣꠝꠞ ꠈꠣꠋꠉꠣꠟ ꠘꠣꠄ ꠅꠃ ꠟꠣꠈꠣꠘ ꠛꠦꠡꠤ ꠘꠣꠄ, ꠖꠥꠁ ꠔꠤꠘꠎꠘ ꠚꠘ꠆ꠒꠤꠔ ꠝꠣꠘꠥꠡ ꠖꠞꠈꠣꠞ ⁕ ꠀꠞꠅ ꠖꠞꠈꠣꠞ ꠄꠈꠐꠣ ꠇꠤ ꠖꠥꠁꠐꠣ ꠚꠔꠤꠡ꠆ꠐꠣꠘ ⁕ ꠄꠇꠣꠒꠦꠝꠤ, ꠚꠣꠃꠘ꠆ꠒꠦꠡꠘ ꠅꠟꠣ ꠇꠤꠌ꠆ꠌꠥ ꠄꠈꠐꠣ ⁕
ꠀꠞ ꠎꠥꠖꠤꠘ ꠀꠝꠣꠞ ꠈꠕꠣ ꠈꠣꠘꠣꠁꠘ ꠀꠚꠘꠣꠞ ꠚꠍꠘ꠆ꠖ ꠟꠣꠉꠦ ꠔꠦ ꠀꠉ ꠛꠣꠠꠅꠃꠇꠣ ⁕ ꠀꠝꠣꠞ ꠀꠞꠅ ꠕꠥꠠꠣ ꠝꠣꠔ ꠀꠍꠦ…


ꠍꠤꠟꠐꠤ ꠝꠣꠔ-ꠈꠕꠣ: ꠁꠇꠐꠣꠞ ꠜꠛꠤꠡ꠆ꠡꠔ-Γ …

ꠀꠝꠣꠞ ꠝꠘꠅ ꠅꠁꠉꠦꠟ ꠄꠇꠐꠣ ꠍꠤꠟꠐꠤ ꠒꠤꠐꠣꠘ (ꠍꠤꠟ꠆ꠟꠈ) ⁕

ꠜꠣꠉ ꠘꠣꠁ ꠛꠦꠐꠣꠞ ꠚꠞꠥ ꠛꠤꠀ,

ꠀꠞꠤꠚꠞꠤꠄ ꠈꠣꠁꠔꠣ ꠉꠤꠀ… ⁕’

ꠈꠦꠘꠦ ꠁꠇꠐꠣ ꠝꠘꠅ ꠅꠁꠟ, ꠈꠁꠟꠔꠣꠝ ꠘꠤ ? ꠔꠦ ꠚꠠꠤꠀ ꠎꠣꠃꠇꠣ, ꠚꠣꠁꠛꠣꠘꠦ ⁕

ꠖꠥꠁꠔꠤꠘ ꠛꠍꠞ ꠀꠉꠦ ꠟꠦꠈꠍꠤꠟꠣꠝ-ꠍꠤꠟꠐꠤ ꠝꠣꠔ: ꠁꠇꠐꠣꠞ ꠜꠛꠤꠡ꠆ꠡꠔ ⁕ ꠡꠛꠦ ꠡꠝꠣꠖꠞ ꠈꠞꠍꠤꠟꠣ ꠀꠝꠣꠞ ꠢꠤ ꠟꠦꠈꠣꠐꠣ ⁕ ꠁ ꠖꠥꠁꠔꠤꠘ ꠛꠍꠞꠦ ꠛꠃꠔꠔꠣ ꠛꠖꠟꠤ ꠉꠦꠍꠦ ⁕ ꠄꠈꠘ ꠀꠞꠅ ꠇꠤꠍꠥ ꠝꠣꠔ ꠝꠣꠔꠣꠞ ꠖꠞꠈꠣꠞ ꠝꠘ ꠅꠞ ⁕ ꠛꠃꠔ ꠝꠣꠔ ꠀꠍꠦ, ꠡꠛꠔꠣ ꠄꠈꠛꠣꠞꠦ ꠝꠣꠔꠤꠀ ꠟꠣꠜ ꠘꠣꠄ ⁕ ꠕꠥꠠꠣ ꠕꠥꠠꠣ ꠈꠞꠤ ꠝꠣꠔꠤ… ꠟꠣꠄ ꠟꠣꠄ ꠢꠈꠟ ꠝꠣꠔ ꠅꠃ ꠝꠣꠔꠣ ꠎꠣꠁꠛ ⁕ ꠔꠦ ꠡꠛ ꠈꠕꠣꠞ ꠚꠄꠟꠣ ꠈꠕꠣ ꠅꠁꠟ ꠉꠤꠀ-

ꠍꠤꠟꠐꠤ ꠝꠣꠔ ꠀꠍ꠆ꠔꠦ ꠀꠍ꠆ꠔꠦ ‘ꠘꠣꠁ’ ꠅꠁ ꠎꠣꠞꠉꠤ ⁕

ꠁꠇꠐꠣꠞꠦ ꠐꠤꠇꠣꠁꠀ ꠞꠣꠈꠣ ꠟꠣꠉꠛ ⁕ ꠄꠞ ꠟꠣꠉꠤ ꠇꠤꠍꠥ ꠛꠦꠛꠍ꠆ꠕꠣ ꠘꠦꠅꠀ ꠟꠣꠉꠛ ⁕ ꠎꠦ ꠈꠣꠝ ꠉꠥꠁꠘ ꠈꠞꠣ ꠟꠣꠉꠛ:

Ι.

ꠄꠈꠐꠣ ꠅꠁꠟ ‘ꠍꠤꠟꠐꠤ ꠢꠞꠚ’, ꠎꠣꠞꠦ ꠈꠄ ꠘꠣꠉꠞꠤ ꠟꠤꠚꠤ, ꠁꠇꠐꠣꠞꠦ ꠀꠞꠅ ꠃꠘ꠆ꠘꠔ ꠈꠞꠣ ꠟꠣꠉꠛ ⁕ ꠀꠞ ꠡꠛ ꠝꠣꠁꠘꠡꠞ ꠉꠦꠍꠦ ꠚꠃꠍꠣꠁꠀ ꠖꠦꠅꠀ ꠟꠣꠉꠛ ⁕ ꠔꠦ ꠄꠈꠣꠘ ꠈꠕꠣ ꠝꠘ ꠞꠣꠈꠣ ꠟꠣꠉꠛ, ꠍꠤꠟꠐꠤ ꠝꠣꠔ ꠛꠣ ꠎꠛꠣꠘꠞ ꠟꠣꠉꠤꠃ ꠘꠣꠉꠞꠤ ꠢꠞꠚ ⁕ ꠘꠣꠉꠞꠤꠞ ꠀꠉꠦ ꠍꠤꠟꠐꠤ ꠎꠛꠣꠘ ꠀꠁꠍꠦ ⁕ ꠡꠛꠦ ꠈꠣꠟꠤ ꠘꠣꠉꠞꠤ ꠘꠣꠉꠞꠤ ꠈꠞꠟꠦ ‘ꠍꠤꠟꠐꠤ ꠜꠣꠡꠣ ꠚꠞꠍꠣꠞꠞ ꠡꠛ ꠈꠣꠝ ꠅꠁꠔ ꠘꠣꠄ ⁕ ꠎꠥꠖꠤ ꠡꠛ ꠈꠣꠟꠤ ꠘꠣꠉꠞꠤ ꠟꠁꠀ ꠛꠦꠍ꠆ꠔꠅ ꠅꠁ ꠎꠣꠁꠘ, ꠔꠦ ꠝꠣꠁꠞꠦ ꠝꠣꠍ ꠝꠣꠞꠤꠀ ꠈꠣꠛꠣꠁꠛ ꠈꠦ? ꠈꠕꠣꠞ ꠝꠣꠁꠘꠤ ꠅꠁꠟ, ꠄꠈ ꠗꠥꠞꠣ ꠘꠣꠄ, ꠢꠈꠟ ꠛꠣꠄꠖꠤ ꠈꠣꠝ ꠈꠞꠣ ꠟꠣꠉꠛ ⁕ ꠎꠦ ꠎꠦꠛꠣꠄꠖꠤ ꠈꠣꠝ ꠈꠞꠞꠣ, ꠡꠛꠞꠦ ꠡꠣꠛ꠆ꠛꠣꠡꠤ ꠖꠦꠅꠀ ꠟꠣꠉꠛ ⁕ ꠀꠚꠘꠦ ꠎꠦꠈꠐꠣ ꠈꠞꠞꠣ, ꠀꠞꠈꠎꠘꠦ ꠎꠥꠖꠤ ꠀꠚꠘꠣꠞ ꠟꠉꠦ ꠀꠁꠀ ꠡꠞꠤꠇ ꠘꠣ ꠅꠄ, ꠔꠦ ꠢꠦ ꠛꠣꠖ ꠅꠁ ꠉꠦꠟ ꠉꠤ, ꠁꠟꠣ ꠇꠥꠘꠥ ꠈꠕꠣ ꠘꠣꠄ ⁕ ꠁꠟꠣ ꠎꠥꠖꠤ ꠝꠘ ꠈꠞꠁꠘ ꠔꠦ ꠈꠣꠝ ꠛꠦꠡꠤ ꠅꠁꠔ ꠘꠣꠄ, ꠛꠤꠛꠣꠖ ꠏꠉꠠꠣ ꠈꠞꠣ ꠅꠃ ꠡꠣꠞ ꠅꠁꠛ ⁕ ꠍꠤꠟꠐꠤ ꠎꠛꠣꠘ ꠚꠞꠍꠣꠞ ꠅꠞ ꠈꠣꠝꠅ ꠛꠣꠗꠣ ꠀꠁꠛ ⁕ ꠎꠥꠖꠤ ꠀꠚꠘꠦ ꠁꠟꠣ ꠝꠘ ꠈꠞꠁꠘ ꠔꠦ ꠀꠚꠘꠦ ꠅ ꠝꠘ ꠞꠣꠈꠛꠣ, ꠜꠣꠟꠣ ꠈꠞꠔꠦ ꠉꠤꠀ ꠛꠥꠞꠣ ꠗꠞꠣꠁꠟꠤꠞꠣ ⁕ ꠅꠞ꠆ꠔꠣꠔ ꠟꠣꠜ ꠈꠞꠣꠔ ꠉꠤꠀ ꠈꠔꠤ ꠈꠞꠞꠣ ꠀꠚꠘꠦ ⁕

Γ.

ꠖꠥꠁ ꠟꠝ꠆ꠛꠞ ꠈꠣꠝ ꠅꠁꠟ ꠉꠤꠀ, ꠍꠤꠟꠐꠤ ꠎꠛꠣꠘꠦ ꠟꠦꠈꠣ ꠛꠦꠡ ꠇꠤꠍꠥ ꠛꠁ ꠚꠔ꠆ꠞ ꠍꠣꠚꠣꠘꠤ ꠟꠣꠉꠛ ⁕ ꠍꠤꠟꠐꠤ ꠜꠣꠡꠣꠞ ‘ꠡꠣꠢꠤꠔ꠆ꠔ ꠍꠤꠡ꠆ꠐꠤ’ ꠈꠞꠣ ꠟꠣꠉꠛ ⁕ ꠎꠔꠖꠤꠘ ꠡꠈꠟꠞ ꠝꠣꠏꠦ ꠍꠤꠟꠐꠤ ꠘꠣꠉꠞꠤ ꠚꠃꠍꠤꠍꠦꠘꠣ, ꠅꠔꠖꠤꠘ ꠛꠣꠋꠟꠣ ꠢꠞꠚꠦ ꠍꠤꠟꠐꠤ ꠝꠣꠔꠞ ꠛꠁ ꠚꠔ꠆ꠞ ꠍꠣꠚꠣꠁꠀ ꠢꠈꠟ ꠎꠣꠉꠣꠄ ꠚꠃꠍꠣꠘꠤ ꠟꠣꠉꠛ ⁕ ꠄꠞ ꠟꠉꠦ ꠍꠤꠟꠐꠤ ꠉꠣꠘ, ꠇꠛꠤꠔꠣ, ꠘꠣꠐꠈꠞ ꠅꠒꠤꠅ ꠜꠤꠒꠤꠅ ꠛꠣꠘꠣꠁꠀ ꠎꠣꠉꠣꠄ ꠎꠣꠉꠣꠄ ꠚꠃꠍꠣꠘꠤ ꠟꠣꠉꠛ ⁕ ꠍꠤꠟꠐꠤ ꠝꠣꠔ ꠈꠁꠟꠦ ꠅꠃ ꠈꠣꠟꠤ ꠀ’ꠡꠤ-ꠔꠣꠝꠡꠣ ꠘꠣꠄ, ꠖꠥꠇ꠆ꠇꠞ ꠇꠛꠤꠔꠣ, ꠉꠣꠘ, ꠘꠣꠐꠈ ꠛꠣꠘꠣꠘꠤ ꠟꠣꠉꠛ ⁕ ꠡꠥꠇꠦ ꠖꠥꠇ꠆ꠇꠦ ꠎꠤꠛꠘ ⁕ ꠄꠞꠟꠣꠉꠤ ꠅꠃ ꠀꠡꠤ’ꠞ ꠟꠉꠦ ꠖꠥꠇ꠆ꠇꠞ ꠈꠕꠣꠅ ‘ꠡꠣꠢꠤꠔ꠆ꠔ’ꠔ ꠀꠅꠀ ꠎꠞꠥꠞꠤ ⁕ ꠡꠣꠢꠤꠔ꠆ꠔ ꠡꠛꠞ ꠈꠣꠝ ꠘꠣꠄ ⁕ ꠡꠛ ꠡꠣꠢꠤꠔ꠆ꠔꠤꠇꠅ ꠘꠣꠄ ⁕ ꠄꠞ ꠟꠣꠉꠤ ꠎꠦꠞꠣ ꠡꠣꠢꠤꠔ꠆ꠔꠤꠇ ꠀꠍꠁꠘ, ꠔꠣꠞꠣ ꠀꠃꠉꠉꠣꠁꠀ ꠀꠅꠀ ꠖꠞꠈꠣꠞ ⁕ ꠄꠈ ꠖꠥꠁꠐꠣ ‘ꠍꠤꠟꠐꠤ ꠜꠣꠡꠣ ꠄꠇꠣꠒꠦꠝꠤ ꠇꠤ ꠚꠣꠃꠘ꠆ꠒꠦꠡꠘ’ ꠉꠑꠘ ꠈꠞꠣ ꠖꠞꠈꠣꠞ, ꠎꠦꠞꠣ ꠛꠁ ꠍꠣꠚꠣꠘꠤ, ꠚꠞꠍꠣꠞ, ꠡꠜꠣ, ꠍꠦꠝꠤꠘꠣꠞ ꠈꠞꠛꠣ ꠛꠌ꠆ꠌꠞꠞ ꠛꠣꠞꠝꠣꠡ ⁕
ꠉꠣꠃ ꠖꠦꠡꠞ ꠅꠡꠤꠇ꠆ꠇꠤꠔ ꠝꠣꠁꠘꠡꠞ ꠝꠥꠇꠅ ꠀꠛ ꠍꠤꠟꠐꠤ ꠝꠣꠔ ꠛꠢꠣꠟ ꠀꠍꠦ ⁕ ꠅꠁꠟꠦ, ꠎꠦꠞꠣ ꠟꠦꠈꠣꠚꠠꠣ ꠈꠞꠤꠀ ꠡꠤꠇ꠆ꠇꠤꠔ ꠅꠁꠍꠁꠘ, ꠄꠞꠣ ꠛꠦꠡꠤꠞ ꠜꠣꠉꠦ ꠍꠤꠟꠐꠤ ꠝꠣꠔ ꠝꠣꠔꠤꠔꠣ ꠚꠣꠞꠁꠘ ꠘꠣ ⁕ ꠎꠥꠖꠤꠅ ꠛꠣ ꠝꠣꠔꠤꠔꠣ ꠚꠣꠞꠁꠘ, ꠔꠦ ꠟꠦꠈꠛꠣꠞ ꠈꠕꠣ ꠈꠁꠟꠦ ꠖꠦꠈꠣ ꠎꠣꠄ ꠀꠗꠣ ꠕꠣꠇꠤ ꠛꠦꠡꠤ ꠛꠣꠋꠟꠣ ꠀꠞ ꠁꠋꠟꠤꠡ ꠖꠤꠀ ꠜꠞꠣꠁ ꠟꠣꠁꠍꠁꠘ !! ꠄꠞꠣꠞ ꠛꠦꠡꠤꠞ ꠜꠣꠉꠦ, ꠁ ꠈꠕꠣ ꠛꠥꠏꠔꠣꠅ ꠚꠣꠞꠁꠘ ꠘꠣ ꠎꠦ ꠔꠣꠁꠘ ꠍꠤꠟꠐꠤ ꠝꠣꠔ ꠚꠣꠃꠞꠤꠟꠣꠁꠍꠁꠘ ⁕ ꠔꠣꠁꠘ ꠎꠦꠔꠣ ꠝꠣꠔꠞꠣ ꠛꠣ ꠟꠦꠈꠞꠣ, ꠢꠤꠞꠛꠣꠞ ꠈꠁꠞꠣ ‘ꠁꠇꠐꠣ ꠍꠤꠟꠐꠤ’, ꠀꠡꠟꠦ ꠁꠇꠐꠣ ꠍꠤꠟꠐꠤ ꠘꠣꠄ ⁕ ꠁꠇꠐꠣꠞ ꠛꠦꠡꠤꠞ ꠜꠣꠉ ꠛꠣꠋꠟꠣ ꠀꠞ ꠇꠤꠍꠥ ꠁꠋꠟꠤꠡ ⁕ ꠔꠦ ꠔꠣꠞꠣꠞꠦ ꠁ ꠈꠕꠣ ꠈꠁꠟꠦꠅ ꠡꠢꠎꠦ ꠝꠣꠘꠔꠦ ꠞꠣꠎꠤ ꠅꠁꠘꠘꠣ ⁕ ꠘꠣꠘꠣꠘ ꠛꠤꠀꠇ꠆ꠇꠣ ꠖꠦꠈꠣꠁꠘ ⁕ ꠛꠥꠏꠣꠁꠀ ꠈꠁꠟꠦ, ꠁ ꠈꠕꠣ ꠝꠣꠘꠁꠘ – ꠔꠣꠁꠘ ꠎꠦ ꠟꠚꠏ ꠈꠁꠍꠁꠘ, ꠁꠇꠐꠣ ꠍꠤꠟꠐꠤ ꠘꠣꠄ ⁕ ꠔꠃ ꠎꠥꠇ꠆ꠔꠤ ꠖꠦꠈꠣꠁꠘ, ꠛꠣꠁꠞꠣ ꠕꠣꠇꠤ ꠟꠚꠎ ꠛꠣ ꠡꠛ꠆ꠖ ꠀꠘꠤꠀ ꠔꠣꠁꠘ ꠍꠤꠟꠐꠤ ꠎꠛꠣꠘꠞꠦ ‘ꠡꠝꠞꠤꠖ꠆ꠖ’ ꠈꠞꠣꠞ ꠌꠦꠡ꠆ꠐꠣꠔ ꠀꠍꠁꠘ ⁕ ꠛꠥꠏꠟꠣꠘꠤ ?
ꠝꠣꠔ ꠢꠥꠘꠃꠇꠣ ꠛꠦꠐꠣꠞ !

ꠘꠤꠎꠦ ꠝꠣꠔ꠆ꠔ ꠚꠣꠞꠦꠘꠣ ꠍꠤꠟꠐꠤ ꠀꠞ ꠈꠄ, ꠢꠦ ꠛꠥꠟꠦ ꠍꠤꠟꠐꠤ ꠎꠛꠣꠘꠞꠦ ꠚꠥꠇ꠆ꠔ (ꠡꠝꠞꠤꠖ꠆ꠖ) ꠈꠞꠦꠞ ! ‘ꠜꠣꠉ ꠘꠣꠁ ꠛꠦꠐꠣꠞ ꠚꠞꠥ ꠛꠤꠀ, ꠀꠞꠤ ꠚꠞꠤꠄ ꠈꠣꠁꠔꠣ ꠉꠤꠀ !’ ꠁꠔꠣꠞ ꠅꠁꠟ ꠅꠃ ꠢꠣꠟꠔ ! ꠀꠐꠣ ꠢꠤꠇꠛꠣꠞ ꠀꠉꠦ ꠖꠃꠠ ꠝꠣꠞꠣꠞ ꠌꠦꠡ꠆ꠐꠣ ꠈꠞꠟꠦ ꠄꠞ ꠚꠟ ꠇꠤꠔꠣ ꠈꠁꠔꠣꠝ ꠘꠤ ? ꠄꠞ ꠚꠟ ꠅꠁꠟ- ꠀꠍꠣꠠ ꠈꠣꠁꠀ ꠃꠚꠁꠔ ꠅꠁꠀ ꠚꠠꠣ ⁕
৩.
ꠔꠤꠘ ꠘꠝ꠆ꠛꠞ ꠏꠦ ꠈꠕꠣ ‘ꠛꠥꠏꠣ ꠀꠞ ꠁꠀꠖ ꠞꠣꠈꠣ’ ꠖꠞꠈꠣꠞ, ꠁꠇꠐꠣ ꠅꠁꠟꠧ-ꠘꠤꠡ꠆ꠡꠣꠞ꠆ꠕ ꠜꠣꠛꠦ ꠈꠣꠝ ꠈꠞꠣ ꠟꠣꠉꠛꠧ ⁕ ꠇꠥꠘꠥ ꠛꠦꠇ꠆ꠔꠤꠉꠔ ꠚꠣꠄꠖꠣ ꠢꠣꠍꠤꠟ ꠈꠞꠣꠞ ꠍꠤꠘ꠆ꠔꠣ ꠛꠣꠖ ꠖꠤꠀ ꠍꠤꠟꠐꠤ ꠜꠣꠡꠣꠞ ꠚꠞꠞꠍꠣꠞ ꠈꠞꠣ ꠟꠣꠉꠛꠧ ⁕ ꠍꠤꠟꠐꠤ ꠜꠣꠡꠣꠞ ꠈꠕꠣ ꠈꠁꠀ ꠛꠦꠡ ꠈꠞꠤ ꠍꠣꠘ꠆ꠖꠣ ꠔꠥꠟꠤꠀ ꠇꠤꠍꠥ ꠚꠄꠍꠣ ꠏꠦꠛꠧ/ꠚꠇꠦꠐꠧ ꠓꠥꠇꠣꠁꠛꠣꠞ ꠍꠤꠘ꠆ꠔꠣ ꠝꠣꠕꠣ ꠕꠣꠇꠤ ꠛꠣꠖ ꠖꠤꠔꠣ ꠅꠁꠛꠧ ⁕ ꠀꠞꠈ ꠈꠕꠣ ꠈꠁ ? ꠍꠤꠟꠐꠤ ꠏꠛꠣꠘ ꠟꠁꠀ ꠀꠚꠘꠣꠞ ꠈꠣꠝ, ꠀꠚꠘꠣꠞ ꠡꠋꠉ꠆ꠞꠣꠝ ꠏꠥꠖꠤ ꠅꠄ, ꠔꠦ ꠈꠦ ꠙ꠆ꠞꠕꠝ ꠀꠞ ꠈꠦ ২ꠅ, ꠁꠔꠣ ꠖꠤ ꠇꠤꠔꠣ ꠈꠞꠔꠣ ? ꠛꠣꠞ ꠛꠣꠞ ‘ꠙ꠆ꠞꠕꠝ ꠖꠣꠛꠤ’ ꠔꠥꠟꠍꠦ ꠈꠦ, ꠚꠄꠟꠣ ꠚꠘ꠆ꠐ ꠛꠣꠘꠣꠁꠍꠦ ꠈꠦ .. ꠁꠔꠣ ꠝꠣꠔꠟꠦ ꠇꠤꠔꠣ ꠍꠤꠟꠐꠤ ꠏꠛꠣꠘ ꠚꠞꠍꠣꠞꠅ ꠟꠣꠜ ꠀꠍꠦꠘꠤ ?

ꠀꠚꠘꠣꠞ ꠟꠣꠜ ꠅꠁꠔꠧ ꠚꠣꠞꠦ, ꠅꠁꠟꠦ ꠍꠤꠟꠐꠤ ꠜꠣꠡꠣꠞ ꠇꠥꠘꠥ ꠟꠣꠜ ꠘꠣꠄ ⁕ ꠝꠣꠘꠥꠡ ꠛꠦ-ꠀꠇ꠆ꠇꠟ ꠘꠣꠄ, ꠔꠣꠞꠣ ꠛꠥꠏꠛꠣ ꠈꠦ ꠈꠣꠐꠤ ꠍꠤꠟꠐꠤ ꠏꠛꠣꠘ ꠚꠞꠍꠣꠞ ꠍꠣꠁꠘ, ꠀꠞ ꠈꠦ ꠘꠣꠝ ꠚꠣꠐꠣꠘꠤ ꠍꠣꠁꠘ ⁕ ꠀꠚꠘꠦ ꠄꠈꠝꠘꠦ ꠈꠣꠝ ꠈꠞꠟꠦ ꠄꠞ ꠡꠤꠇꠞꠤꠔꠤ ꠏꠞꠥꠞ ꠚꠣꠁꠛꠣ ⁕ ꠀꠞ ꠘꠣ ꠚꠣꠁꠟꠦ ꠅꠃ ꠇꠤꠔꠣ ? ꠀꠚꠘꠦ ꠔꠧ ꠁ ꠜꠣꠡꠣꠞ ꠟꠣꠉꠤ ꠈꠣꠝ ꠈꠞꠞꠣ, ꠘꠣꠝꠞ ꠟꠣꠉꠤ ꠘꠣꠄ ⁕ ꠔꠦ ꠛꠣꠖ ꠖꠦꠃꠇꠣ ꠈꠦ ꠚꠄꠟꠣ ꠀꠞ ꠈꠦ ꠖꠤꠔꠤꠅ, ꠁ ꠍꠤꠘ꠆ꠔꠣ ꠛꠣꠖ ꠖꠦꠃꠇꠣ ⁕ ꠀꠚꠘꠦ ꠏꠦ ꠈꠣꠝ ꠚꠄꠟꠣ ꠈꠞꠍꠁꠘ ꠁꠇꠐꠣ, ꠀꠚꠘꠦ ꠈꠁꠔꠣ ꠘꠣ, ꠈꠁꠔꠧ ꠀꠞ ꠖꠡꠏꠘꠦ ⁕

ꠀꠞ ꠏꠥꠖꠤ ꠀꠚꠘꠦ ꠘꠤꠏꠦ ꠘꠤꠏꠞ ꠓꠥꠟ ꠛꠣꠏꠣꠘꠤꠔ ꠟꠣꠉꠤ ꠏꠣꠁꠘ, ꠔꠦ ꠙ꠆ꠞꠝꠣꠘ ꠅꠁꠛꠧ, ꠀꠚꠘꠦ ꠍꠤꠟꠐꠤ ꠜꠣꠡꠣꠞ ꠚꠞꠍꠣꠞ ꠘꠣꠄ, ꠘꠤꠏꠞ ꠚꠞꠍꠣꠞ ꠍꠣꠁꠘ ⁕ ꠀꠞꠧ ꠇꠤꠍꠥ ꠏꠤꠘꠤꠡ ꠈꠁ…

ꠄꠈ ꠗꠞꠘꠞ ꠝꠣꠘꠥꠡ ꠀꠍꠁꠘ, ꠈꠦꠃ ꠍꠤꠟꠐꠤ ꠝꠣꠔꠈꠕꠣ ꠟꠦꠈꠟꠦ ꠅꠃ, ꠜꠥꠟ ꠗꠞꠣ ꠡꠥꠞꠥ ꠈꠞꠁꠘ⁕ ‘ꠛꠣꠘꠣꠘ ꠜꠥꠟ, ꠛꠣꠘꠣꠘ ꠅꠟꠣ ꠅꠁꠔꠧ, ꠢ’ꠟꠣ ꠅꠁꠔꠧ, ꠁꠇꠐꠣ ꠍꠤꠟꠐꠤ ꠝꠣꠔ ꠅꠁꠍꠦꠘꠣ’, ꠀꠞꠧ ꠈꠔꠔꠣ ⁕ ꠁꠟꠣ ꠈꠞꠤꠀ ꠀꠚꠘꠦ ꠝꠣꠘꠥꠡꠞꠦ ꠒꠞ ꠖꠦꠈꠣꠃꠇꠣ ꠘꠣ ⁕ ꠝꠣꠘꠥꠡ ꠜꠣꠉꠣꠃꠇꠣ ꠘꠣ ⁕ ꠄꠈꠐꠣ ꠜꠣꠡꠣꠞꠦ ꠀꠞꠛꠣꠞ ꠀꠗꠣꠝꠞꠣ ꠕꠣꠇꠤ ꠏꠤꠔꠣ ꠈꠞꠔꠦ ꠅꠁꠟꠦ ꠛꠃꠔ ꠏꠤꠘꠤꠡ ꠛꠤꠛꠦꠍꠘꠣ ꠈꠞꠣ ꠟꠣꠉꠦ ⁕ ꠖꠥꠁ ꠄꠈꠏꠘꠦ ꠜꠥꠟ ꠅꠃ ꠟꠦꠈꠃꠇꠘꠣ ! ꠟꠦꠈꠦꠞ ꠏꠦꠘꠦ, ꠅꠈꠐꠣ ꠅꠃ ꠢꠣꠘ꠆ꠖꠦꠡ ⁕ ꠀꠃꠇꠣ ꠀꠚꠣꠔꠔ: ꠛꠦꠡꠤ ꠝꠣꠘꠥꠡꠞꠦ ꠡꠣꠝꠤꠟ ꠈꠞꠤ, ꠜꠥꠟ ꠡꠥꠖ꠆ꠖ ꠡꠈꠟ ꠏꠣꠔ ꠝꠤꠟꠣꠁꠀ ꠀꠉꠦ ꠛꠣꠠꠤ ⁕ ꠈꠦꠃ ꠜꠥꠟ ꠟꠦꠈꠟꠦ ꠀꠚꠘꠦ ꠔꠣꠞꠦ ꠡꠞꠝꠤꠘ꠆ꠖꠣ ꠘꠣ ꠈꠞꠤꠀ ꠘꠤꠏꠦ ꠘꠤꠏꠦ ꠀꠟꠣꠖꠣ ꠜꠣꠛꠦ ꠡꠥꠖ꠆ꠖꠐꠣ ꠚꠞꠍꠣꠞ ꠈꠞꠃꠇꠣ ꠏꠦꠟꠣ ꠕꠥꠠꠣ ꠀꠉꠦ ꠀꠝꠤ ꠟꠦꠈꠍꠤ ⁕ ꠜꠥꠟ ꠈꠣꠞꠣ ꠈꠞꠁꠘ ꠅꠃ ꠈꠕꠣ ꠀꠝꠤꠅ ꠈꠁꠀ ꠖꠤꠍꠤ ⁕ ꠛꠦꠈꠔꠤ ꠛꠤꠡꠦꠡꠞꠦ ꠡꠞꠝ ꠘꠣ ꠖꠤꠀꠅ ꠡꠋꠡꠥꠗꠘꠞ ꠡꠥꠏꠥꠉ ꠀꠍꠦ ⁕ ꠡꠣꠝꠘꠣ ꠡꠣꠝꠘꠤ ꠖꠥꠡ ꠘꠣ ꠗꠞꠤꠀ ꠡꠣꠛꠣꠡꠤ ꠖꠦꠅꠇꠣ ꠔꠣꠘꠞꠦ, ꠔꠣꠁꠘ ꠏꠦꠘ ꠍꠤꠟꠐꠤ ꠟꠦꠈꠞꠣ ꠄꠞ ꠟꠣꠉꠤ ⁕ ꠀꠞ ꠇꠤꠍꠥ ꠍꠤꠟꠐꠤ ꠝꠣꠔ ꠘꠤꠏꠦ ꠡꠑꠤꠇ ꠜꠣꠛꠦ ꠟꠦꠈꠤꠀ ꠚꠣꠑꠣꠁꠀ ꠖꠦꠃꠇꠣ, ꠏꠦ ꠜꠥꠟ ꠟꠦꠈꠁꠘ, ꠔꠣꠘꠞꠦ ⁕ ꠀꠝꠤ ꠏꠣꠘꠤ ꠁꠟꠣ ꠈꠧꠈ ꠏꠘꠞꠦ ꠏꠣꠞꠣ ꠁ ꠟꠣꠈꠣꠘ ꠈꠞꠁꠘ ⁕ ꠔꠣꠞꠣꠞꠦ ꠡꠥꠇꠞꠤꠀ ꠏꠣꠘꠣꠁ, ꠗꠁꠘ꠆ꠘꠛꠣꠖ ꠖꠦꠁ ⁕

ꠢꠦꠡ-ꠝꠦꠡ ꠝꠣꠔ:

ꠀꠝꠤ ꠏꠦꠔꠣ ꠅꠔꠡꠝꠄ ꠗꠞꠤ ꠈꠁꠟꠣꠝ, ꠁꠔꠣ ꠈꠕꠣ ꠀꠚꠘꠣꠞ ꠚꠍꠘ꠆ꠖ ꠘꠣ ꠅꠁꠟꠦꠅ ꠅꠡꠥꠛꠤꠗꠣ ꠘꠣꠁ ⁕ ꠀꠚꠘꠣꠞ ꠃꠚꠞꠦ ꠀꠝꠣꠞ ꠡ꠆ꠞꠖ꠆ꠖꠣ ꠅ ꠝꠢꠛ꠆ꠛꠔꠞ ꠈꠝꠔꠤ ꠅꠁꠔꠧ ꠘꠣꠄ ⁕ ꠀꠡꠣ ꠈꠞꠤ ꠀꠚꠘꠦꠅ ꠀꠝꠞꠣ ꠏꠣꠞꠣ ꠍꠤꠟꠐꠤ-ꠏꠛꠣꠘꠞꠦ ꠜꠣꠟꠣ ꠚꠣꠁꠀ ꠁꠇꠐꠣꠞ ꠚꠞꠍꠣꠞ ꠈꠞꠔꠣꠝ ꠍꠣꠁ, ꠔꠣꠞꠣꠞ ꠟꠉꠦ ꠝꠤꠟ ꠝꠢꠛ꠆ꠛꠔ ꠞꠣꠈꠛꠣ ⁕ ꠀꠚꠘꠣꠞ ꠚꠄ-ꠚꠞꠣꠝꠤꠡ ꠖꠤꠛꠣ ⁕

ꠀꠞ ꠏꠥꠖꠤ ꠀꠝꠣꠞ ꠈꠕꠣ ꠈꠣꠘꠣꠁꠘ ꠀꠚꠘꠣꠞ ꠚꠍꠘ꠆ꠖ ꠟꠣꠉꠦ ꠔꠦ ꠀꠉ ꠛꠣꠠꠅꠃꠇꠣ ⁕ ꠀꠃꠇꠣ, ꠢꠈꠟꠦ ꠝꠤꠟꠤ ꠈꠣꠝ ꠈꠞꠤ ⁕

The post ꠍꠤꠟꠐꠤ ꠝꠣꠔꠞ ꠘꠛꠎꠤꠅꠘ: ꠢꠣꠍꠘꠣꠔ ꠀꠘꠥꠀꠞ appeared first on শুরমা ফারর খবর.

]]>
ꠇꠥꠖꠤꠞ ꠝꠥꠁꠐ꠆ꠐꠣ : ꠝꠥꠢꠣꠝ꠆ꠝꠖ ꠍꠥꠟꠦꠝꠣꠘ ꠀꠟ-ꠀꠎꠣꠖ https://surmafarorkhobor.com/kmsa/ Sat, 12 Jun 2021 23:48:27 +0000 https://surmafarorkhobor.com/?p=10377 ꠇꠥꠖꠤꠞ ꠝꠥꠁꠐ꠆ꠐꠣ ꠝꠥꠢꠣꠝ꠆ꠝꠖ ꠍꠥꠟꠦꠝꠣꠘ ꠀꠟ-ꠀꠎꠣꠖ ꠄꠈ ꠛꠦꠐꠣꠞ ꠏꠣꠘꠦ ꠍꠣꠁꠍꠦ ꠇꠥꠖꠤꠞ ꠝꠥꠁꠐ꠆ꠐꠣ ꠈꠣꠁꠔꠣ ⁕ ꠈꠣꠁꠔꠣ ꠈꠁꠀꠅ ꠖꠦꠞꠤꠊꠞꠧ ꠉꠤꠀ ꠛꠘ꠆ꠗꠥꠅꠈꠟꠞ ꠟꠉꠦ ꠔꠣꠡ ꠈꠦꠟꠣꠔ ꠛꠁꠉꠦꠍꠦ ⁕ ꠛꠦꠐꠣꠞ ꠛꠃꠄ ꠇꠥꠖꠤꠞ ꠝꠥꠁꠐ꠆ꠐꠣ ꠛꠞ꠆ꠔꠘꠧ ꠟꠁꠀ ꠉꠦꠟꠣ ꠛꠦꠐꠣꠞꠦ ꠒꠣꠈꠔꠣ ⁕ ꠟꠉꠦ ꠀꠞꠧ ꠛꠦꠐꠣꠁꠘ ꠖꠦꠇꠤꠀ ꠡꠞꠝꠣꠁꠀ ꠇꠤꠟꠣ ꠈꠁꠔꠣ ꠏꠦ ꠃꠐꠤꠀ ꠀꠅꠇꠣ, ꠔꠥꠝꠣꠞ ꠇꠥꠖꠤꠞ ꠝꠥꠁꠐ꠆ꠐꠣ ꠅꠁꠉꠦꠍꠦ ꠀꠁꠀ ꠈꠣꠁꠟꠤꠔꠣ? ꠅꠘꠇꠥ ꠟꠉꠦꠞ ꠛꠦꠐꠣꠁꠘꠦ ꠛꠥꠏꠔꠣꠘꠣ ⁕ ꠀꠛꠣꠞ …

The post ꠇꠥꠖꠤꠞ ꠝꠥꠁꠐ꠆ꠐꠣ : ꠝꠥꠢꠣꠝ꠆ꠝꠖ ꠍꠥꠟꠦꠝꠣꠘ ꠀꠟ-ꠀꠎꠣꠖ appeared first on শুরমা ফারর খবর.

]]>
ꠇꠥꠖꠤꠞ ꠝꠥꠁꠐ꠆ꠐꠣ

ꠝꠥꠢꠣꠝ꠆ꠝꠖ ꠍꠥꠟꠦꠝꠣꠘ ꠀꠟ-ꠀꠎꠣꠖ


ꠄꠈ ꠛꠦꠐꠣꠞ ꠏꠣꠘꠦ ꠍꠣꠁꠍꠦ ꠇꠥꠖꠤꠞ ꠝꠥꠁꠐ꠆ꠐꠣ ꠈꠣꠁꠔꠣ ⁕
ꠈꠣꠁꠔꠣ ꠈꠁꠀꠅ ꠖꠦꠞꠤꠊꠞꠧ ꠉꠤꠀ ꠛꠘ꠆ꠗꠥꠅꠈꠟꠞ ꠟꠉꠦ ꠔꠣꠡ ꠈꠦꠟꠣꠔ ꠛꠁꠉꠦꠍꠦ ⁕
ꠛꠦꠐꠣꠞ ꠛꠃꠄ ꠇꠥꠖꠤꠞ ꠝꠥꠁꠐ꠆ꠐꠣ ꠛꠞ꠆ꠔꠘꠧ ꠟꠁꠀ ꠉꠦꠟꠣ ꠛꠦꠐꠣꠞꠦ ꠒꠣꠈꠔꠣ ⁕
ꠟꠉꠦ ꠀꠞꠧ ꠛꠦꠐꠣꠁꠘ ꠖꠦꠇꠤꠀ ꠡꠞꠝꠣꠁꠀ ꠇꠤꠟꠣ ꠈꠁꠔꠣ ꠏꠦ ꠃꠐꠤꠀ ꠀꠅꠇꠣ, ꠔꠥꠝꠣꠞ ꠇꠥꠖꠤꠞ ꠝꠥꠁꠐ꠆ꠐꠣ ꠅꠁꠉꠦꠍꠦ ꠀꠁꠀ ꠈꠣꠁꠟꠤꠔꠣ?
ꠅꠘꠇꠥ ꠟꠉꠦꠞ ꠛꠦꠐꠣꠁꠘꠦ ꠛꠥꠏꠔꠣꠘꠣ ⁕
ꠀꠛꠣꠞ ꠛꠦꠐꠣꠅ ꠛꠥꠏꠤꠟꠤꠔꠣ ⁕
ꠇꠥꠘꠈꠕꠣ ꠈꠁꠟꠦ ꠛꠦꠐꠣꠄ ꠛꠥꠏꠤꠀ ꠀꠁꠛ꠆ꠛꠣ?

ꠛꠣꠖꠦ ꠛꠦꠐꠤꠄ ꠉꠤꠀ ꠈꠁꠟꠣ, ꠍꠣꠃꠟꠍꠞꠘꠞ ꠛꠦꠐꠣ ꠈꠥꠖꠤꠍꠞꠘ ꠞꠣꠄ, ꠀꠚꠘꠣꠞ ꠟꠉꠦ ꠡꠣꠇꠇꠣꠔ ꠈꠞꠔꠧ ꠍꠣꠄ ⁕
ꠛꠦꠐꠣꠄ ꠏꠤꠇꠣꠁꠟꠣ ꠟꠉꠦ ꠈꠦꠃ ꠀꠍꠦꠘꠤ?
ꠛꠦꠐꠤꠄ ꠈꠁꠟꠣ ꠅꠄ ꠀꠍꠦ, ꠡꠣꠉꠞꠏꠝꠣꠗꠣꠞ ꠀꠞ ꠟꠛꠘꠡꠞꠇꠣꠞ ⁕

The post ꠇꠥꠖꠤꠞ ꠝꠥꠁꠐ꠆ꠐꠣ : ꠝꠥꠢꠣꠝ꠆ꠝꠖ ꠍꠥꠟꠦꠝꠣꠘ ꠀꠟ-ꠀꠎꠣꠖ appeared first on শুরমা ফারর খবর.

]]>
ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 6 https://surmafarorkhobor.com/syloti-proverb-6/ Mon, 16 Nov 2020 05:54:08 +0000 https://surmafarorkhobor.com/?p=9445 ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕ ꠞꠣꠏꠣꠞ ꠖꠥꠡꠦ ꠞꠣꠁꠎ꠆ꠎ ꠘꠡ꠆ꠐ ꠞꠣꠏꠣꠞ ꠖꠥꠡꠦ ꠞꠣꠁꠎ꠆ꠎ ꠚꠥꠠꠦ ꠞꠣꠠꠤ/ꠟꠣꠠꠤ ꠛꠦꠐꠤꠞ ꠀꠐꠣꠞꠧ ꠢꠣꠁ, ꠈꠣꠝꠞ ꠛꠣꠟꠣ ꠄꠉꠥꠔꠣ ꠘꠣꠁ ꠟꠃ ꠈꠣꠐꠟꠦ ꠖꠥ ꠚꠣꠈ ꠅꠄ ꠟꠋꠟꠣ ꠉꠣꠁꠀ ꠛꠦꠐꠤ ꠉ, ꠃꠍꠣꠔ ꠛꠣꠘ꠆ꠗꠁꠘ ꠇꠥꠚꠣ, ꠟꠣꠋꠉꠞ ꠟꠣꠉꠤ ꠢꠣꠁ ꠝꠣꠞꠤꠀ ꠎꠣꠔ ꠟꠣꠉꠣꠁꠘ ꠇꠥꠐꠣ ꠟꠣꠔ ꠝꠣꠞꠤ ꠘꠝꠡ꠆ꠇꠣꠞ ꠟꠥꠛꠦ …

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 6 appeared first on শুরমা ফারর খবর.

]]>
ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕

  • ꠞꠣꠏꠣꠞ ꠖꠥꠡꠦ ꠞꠣꠁꠎ꠆ꠎ ꠘꠡ꠆ꠐ
  • ꠞꠣꠏꠣꠞ ꠖꠥꠡꠦ ꠞꠣꠁꠎ꠆ꠎ ꠚꠥꠠꠦ
  • ꠞꠣꠠꠤ/ꠟꠣꠠꠤ ꠛꠦꠐꠤꠞ ꠀꠐꠣꠞꠧ ꠢꠣꠁ, ꠈꠣꠝꠞ ꠛꠣꠟꠣ ꠄꠉꠥꠔꠣ ꠘꠣꠁ
  • ꠟꠃ ꠈꠣꠐꠟꠦ ꠖꠥ ꠚꠣꠈ ꠅꠄ
  • ꠟꠋꠟꠣ ꠉꠣꠁꠀ ꠛꠦꠐꠤ ꠉ, ꠃꠍꠣꠔ ꠛꠣꠘ꠆ꠗꠁꠘ ꠇꠥꠚꠣ, ꠟꠣꠋꠉꠞ ꠟꠣꠉꠤ ꠢꠣꠁ ꠝꠣꠞꠤꠀ ꠎꠣꠔ ꠟꠣꠉꠣꠁꠘ ꠇꠥꠐꠣ
  • ꠟꠣꠔ ꠝꠣꠞꠤ ꠘꠝꠡ꠆ꠇꠣꠞ
  • ꠟꠥꠛꠦ ꠚꠣꠚ ꠚꠣꠚꠦ ꠝꠤꠞꠔꠥ
  • ꠡꠈ꠆ꠔꠞ ꠜꠈ꠆ꠔ, ꠘꠞꠝꠞ ꠎꠝ
  • ꠡꠋꠉ ꠖꠥꠡꠦ ꠟꠥꠀꠅ ꠚꠣꠘꠤꠔ ꠜꠣꠡꠦ
  • ꠡꠝꠄꠞ ꠄꠈ ꠚꠥꠠ, ꠅꠡꠝꠄꠞ ꠖꠡ ꠚꠥꠠ
  • ꠡꠞꠈꠣꠞꠤ ꠈꠣꠁꠘ ꠀꠞ ꠝꠌ꠆ꠌꠤꠖ ꠊꠥꠝꠣꠁꠘ
  • ꠡꠤꠇꠣꠞꠞ ꠡꠝꠄ ꠇꠥꠔꠔꠤ ꠀꠉꠣꠁꠅꠘꠣ
  • ꠡꠥꠇꠦ ꠕꠣꠈꠟꠦ ꠚꠥꠇꠦ ꠈꠣꠄ
  • ꠢꠃꠟ ꠝꠣꠍꠞ ꠟꠦꠋꠉꠥꠞ ꠈꠣꠟꠣ, ꠇꠥꠘ ꠝꠥꠟꠇꠞ ꠢꠠꠤ ꠜꠣꠟꠣ
  • ꠢꠇꠖꠣꠞꠞ ꠢꠇ ꠖꠞꠤꠀꠄꠅ ꠘꠣ ꠍꠃꠇ
  • ꠢꠇꠞ ꠝꠣꠟ ꠔꠣꠚꠣꠁ ꠅꠄ ꠘꠣ
  • ꠢꠇꠤꠞ ꠛꠣꠡ꠆ꠡꠣ ꠅꠁꠟꠦꠅ ꠢꠇꠤꠞꠤ ꠏꠣꠄ ꠘꠣ
  • ꠢꠋꠇꠦ ꠚꠠꠟꠦ ꠛꠣꠁ ꠛꠣꠁ, ꠀꠚꠞꠇꠦ ꠢꠣꠟꠣ
  • ꠢꠞꠦꠈ ꠉꠣꠋꠉꠞ ꠢꠞꠦꠈ ꠚꠣꠘꠤ, ꠢꠞꠦꠈ ꠝꠥꠟ꠆ꠟꠣꠞ ꠢꠞꠦꠈ ꠛꠣꠘꠤ
  • ꠢꠡ ꠚꠣꠁꠟꠦ ꠏꠦ ꠛꠣꠘ꠆ꠖꠤꠄ ꠘꠣꠍꠁꠘ, ꠁ ꠛꠣꠘ꠆ꠖꠤꠞ ꠘꠤ ꠝꠣꠁ ꠛꠣꠚ ꠀꠍꠁꠘ
  • ꠢꠣꠞꠣꠖꠤꠘ ꠀꠘꠦ ꠀꠞ ꠛꠣꠘꠦ, ꠢꠣꠁ ꠀꠁꠟꠦ ꠛꠣꠞꠣ ꠛꠣꠘꠦ

 

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 6 appeared first on শুরমা ফারর খবর.

]]>
ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 5 https://surmafarorkhobor.com/syloti-proverb-5/ Sun, 08 Nov 2020 12:29:54 +0000 https://surmafarorkhobor.com/?p=9423 ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕ ꠚꠁꠞ ꠀꠍꠦ ꠀꠎꠣꠞ ꠉꠥꠘ, ꠈꠣꠁꠀ ꠖꠦꠈ ꠔꠣꠞ ꠘꠥꠘ ꠚꠞꠞ ꠝꠣꠔꠦ ꠝꠣꠔ, ꠀꠘꠣ ꠚꠣꠄ ꠟꠣꠔ ꠚꠞꠞ ꠝꠣꠔꠦ ꠝꠣꠔ, ꠛꠤꠘꠣ ꠚꠣꠄ ꠟꠣꠔ ꠚꠞꠣꠞ ꠍꠣꠟ꠆ꠟꠣ ꠟꠃꠞꠣ ꠚꠣꠖꠞ ꠍꠟꠣ ꠛꠃꠞꠣ ꠚꠞꠤ ꠉꠥꠘꠦ ꠚꠠꠤꠀ ꠛꠟꠖ ꠛꠤꠇꠦ ꠚꠣꠁꠀ ꠚꠞꠣꠞ ꠗꠘ, ꠛꠣꠚꠦ ꠚꠥꠔꠦ ꠈꠞꠦ ꠇꠤꠞꠔꠘ ꠚꠣꠠꠣ …

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 5 appeared first on শুরমা ফারর খবর.

]]>
ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕

  • ꠚꠁꠞ ꠀꠍꠦ ꠀꠎꠣꠞ ꠉꠥꠘ, ꠈꠣꠁꠀ ꠖꠦꠈ ꠔꠣꠞ ꠘꠥꠘ
  • ꠚꠞꠞ ꠝꠣꠔꠦ ꠝꠣꠔ, ꠀꠘꠣ ꠚꠣꠄ ꠟꠣꠔ
  • ꠚꠞꠞ ꠝꠣꠔꠦ ꠝꠣꠔ, ꠛꠤꠘꠣ ꠚꠣꠄ ꠟꠣꠔ
  • ꠚꠞꠣꠞ ꠍꠣꠟ꠆ꠟꠣ ꠟꠃꠞꠣ ꠚꠣꠖꠞ ꠍꠟꠣ ꠛꠃꠞꠣ
  • ꠚꠞꠤ ꠉꠥꠘꠦ ꠚꠠꠤꠀ ꠛꠟꠖ ꠛꠤꠇꠦ
  • ꠚꠣꠁꠀ ꠚꠞꠣꠞ ꠗꠘ, ꠛꠣꠚꠦ ꠚꠥꠔꠦ ꠈꠞꠦ ꠇꠤꠞꠔꠘ
  • ꠚꠣꠠꠣ ꠈꠦꠔꠣꠔ ꠢꠥꠔꠤꠀ ꠟꠣꠈ ꠐꠦꠈꠣꠞ ꠡꠚꠘ ꠖꠦꠈꠣ
  • ꠚꠥꠐꠇꠤꠔ ꠉꠥ ꠕꠣꠈꠟꠦ ꠎꠤꠟꠣꠚꠤꠞ ꠟꠣꠈꠣꠘ ꠀꠉꠣ ꠎꠣꠄ
  • ꠛꠃꠞ ꠛꠦꠟꠣ ꠘꠄꠀ ꠡꠣꠠꠤ, ꠝꠣꠁꠞ ꠛꠦꠟꠣ ꠉꠟꠣꠞ ꠖꠠꠤ
  • ꠛꠣꠊꠞ ꠄꠈ ꠛꠣꠁꠌ꠆ꠌꠣ ꠅꠃ ꠜꠣꠟꠣ
  • ꠛꠣꠐꠞ ꠇꠤꠟ ꠜꠥꠔꠦꠅ ꠇꠤꠟꠣꠄ
  • ꠛꠣꠔ ꠈꠣꠅ ꠢꠣꠁꠅꠞ, ꠀꠞ ꠈꠣꠃꠀ ꠒꠣꠈꠣꠅ ꠟꠣꠋꠉꠞꠞ
  • ꠛꠣꠘ꠆ꠖꠤꠞ ꠑꠦꠋꠉ ꠗꠞꠤ ꠘꠣ ꠈꠣꠝꠞ ꠑꠦꠋꠉ ꠗꠞꠤ
  • ꠛꠣꠚ ꠖꠣꠖꠣꠞ ꠘꠣꠝ ꠘꠣꠁ, ꠍꠣꠘ ꠝꠥꠠꠟꠞ ꠛꠤꠀꠁ
  • ꠛꠣꠚꠞ ꠉꠥꠔꠦ ꠢꠁꠔꠣ ꠖꠦꠈꠍꠔ ꠘꠤ
  • ꠛꠣꠚꠞ ꠘꠣꠝꠦ ꠔꠣꠚꠞ ꠎꠣꠟꠣ, ꠔꠣꠚ ꠃꠑꠦ ꠢꠣꠁꠘ꠆ꠎꠣꠛꠣꠟꠣ
  • ꠛꠣꠚꠣꠃꠔꠤ ꠊꠥꠠꠣ ꠘꠣ ꠚꠣꠁꠟꠦꠅ ꠔꠥꠠꠣ ꠔꠥꠠꠣ
  • ꠛꠣꠚꠦ ꠍꠤꠘꠦꠘꠣ ꠛꠁꠡꠞ ꠚꠦꠟ ꠅ, ꠊꠥꠠꠣ ꠖꠃꠠꠣꠁꠀ ꠚꠥꠀ ꠡꠤꠇꠣꠞ ꠉꠦꠟꠅ
  • ꠛꠣꠚꠦ ꠘꠣ ꠉꠥꠔꠦ ꠀꠞ ꠍꠥꠋꠉꠣ ꠛꠞꠤ ꠝꠥꠔꠦ
  • ꠛꠣꠚꠦ ꠛꠦꠐꠣ, ꠉꠣꠍꠦ ꠉꠥꠐꠣ, ꠝꠣꠄ ꠏꠤ, ꠉꠣꠁꠄ ꠊꠤ
  • ꠛꠣꠛꠘꠦ ꠛꠣꠁꠇ ꠚꠠꠁꠘ, ꠚꠣꠐꠣꠞ ꠚꠦꠟꠦꠅ ꠢꠥꠘꠁꠘ ꠘꠣ
  • ꠛꠣꠟꠣ ꠝꠣꠁꠘꠡꠞ ꠎꠥꠔꠣ ꠛꠁꠅ, ꠈꠝꠤꠘ꠆ꠖꠞ ꠚꠣꠉꠠꠤꠅ ꠘꠣ
  • ꠛꠣꠠꠤ ꠈꠣꠘ꠆ꠖꠣꠞ ꠇꠥꠔ꠆ꠔꠣꠄꠅ ꠛꠦꠃꠇꠣꠄ
  • ꠛꠣꠠꠤꠞ ꠛꠟ ꠇꠥꠔ꠆ꠔꠣꠄ ꠈꠞꠦ
  • ꠛꠣꠠꠦ ꠛꠘ ꠚꠥꠠꠦ
  • ꠛꠣꠡ ꠔꠘꠦ ꠍꠤꠋꠟꠣ ꠛꠠ
  • ꠛꠣꠡ꠆ꠡꠣ ꠢꠇꠤꠞ ꠅꠁꠟꠦꠅ ꠛꠣꠡ꠆ꠡꠣꠁ ꠎꠣꠄ ꠘꠣ
  • ꠛꠤꠀꠘꠦ ꠛꠣꠖꠡꠣ ꠛꠤꠀꠟꠦ ꠢꠇꠤꠞ
  • ꠛꠤꠍꠣꠞ ꠝꠣꠘꠤ, ꠔꠣꠟ ꠉꠣꠍ ꠀꠝꠣꠞ
  • ꠛꠥꠏꠞ ꠡꠔ꠆ꠞꠥ ꠅꠃ ꠜꠣꠟꠣ
  • ꠛꠥꠛꠣ ꠝꠣꠘꠡꠞ ꠡꠔ꠆ꠞꠥ ꠘꠣꠁ
  • ꠛꠥꠠꠣ ꠅꠁꠉꠦꠟꠦ ꠝꠣꠘꠥꠡ ꠢꠥꠞꠥꠔꠣꠞ ꠟꠣꠈꠣꠘ ꠅꠁꠏꠣꠄ
  • ꠛꠥꠠꠣꠄ-ꠗꠥꠠꠣꠄ ꠞꠣꠁꠎꠎ ꠚꠣꠁꠟꠣ, ꠈꠣꠟꠡꠞ꠆ꠚ ꠛꠤꠃꠠꠦ ꠉꠦꠟꠣ
  • ꠛꠦꠐꠤ ꠀꠞ ꠝꠣꠐꠤ ꠚꠍꠣꠖꠞ ꠊꠣꠐꠤ
  • ꠛꠦꠜꠥꠔꠣꠞꠦ ꠖꠤꠀ ꠛꠣꠟꠅ ꠍꠤꠠꠣꠁꠅ ꠘꠣ
  • ꠛꠦꠡ ꠝꠣꠔꠦ ꠝꠣꠕꠣ ꠚꠣꠔꠟꠣ, ꠀꠞ ꠛꠦꠡ ꠝꠦꠊꠦ ꠏꠣꠟꠣ ꠜꠣꠔꠟꠣ
  • ꠜꠣꠁꠉꠘꠣ ꠇꠥꠐꠥꠝ ꠘꠤꠝꠢꠣꠞꠣꠝ
  • ꠜꠣꠟꠣ ꠝꠣꠘꠡꠦ ꠍꠠ ꠈꠣꠄ, ꠉꠣꠟ ꠀꠔꠣꠁꠀ ꠛꠣꠠꠤꠔ ꠏꠣꠄ
  • ꠜꠣꠟꠣ ꠝꠣꠘꠡꠞ ꠃꠚꠣ ꠘꠣꠁ, ꠈꠝꠤꠘ꠆ꠖꠞ ꠝꠞꠘ ꠘꠣꠁ
  • ꠜꠣꠋꠉꠣ ꠑꠦꠋꠉ ꠛꠦꠞꠣ
  • ꠝꠣ ꠝꠞꠟꠦ ꠈꠣꠟꠅ, ꠛꠣꠚ ꠝꠞꠟꠦ ꠒꠣꠟꠅ
  • ꠝꠣꠁ ꠔꠣꠇꠤ ꠝꠁ ꠀꠚꠘ
  • ꠝꠣꠁꠞ ꠚꠣꠐꠦꠘꠣ ꠝꠁꠞ ꠚꠣꠐꠦ ꠀꠞ ꠖꠣꠁꠛꠦꠐꠤꠞ ꠌꠦꠠꠣꠔꠔꠤ ꠃꠑꠦ
  • ꠝꠣꠁꠄ ꠍꠣꠁꠘ ꠚꠥꠀꠞ ꠚꠦꠐꠦꠖꠤ ꠀꠞ ꠛꠃꠄ ꠍꠣꠁꠘ ꠀꠔꠦꠖꠤ
  • ꠝꠣꠁꠞ ꠊꠞ ꠕꠣꠈꠣ, ꠀꠞ ꠢꠣꠁꠞ ꠊꠞ ꠈꠞꠣ ꠄꠈ ꠘꠣꠄ
  • ꠝꠣꠃꠉꠞ ꠈꠔꠣꠄ ꠍꠟꠛꠣꠄ, ꠀꠉꠘ ꠝꠣꠡ ꠢꠇꠤꠞ ꠅꠁꠛꠣꠄ
  • ꠝꠣꠄ ꠈꠣꠠꠦ ꠉꠥ ꠝꠥꠔ, ꠢꠁꠠ꠆ꠠꠦ ꠈꠣꠄ ꠊꠤ, ꠅꠝꠘ ꠖꠥꠇꠇꠞ ꠈꠕꠣ ꠈꠣꠞꠦ ꠈꠁꠝꠥꠉꠤ
  • ꠝꠣꠔꠤꠟꠦ ꠝꠣꠔ꠆ꠞꠣ ꠘꠣ ꠝꠣꠔꠤꠟꠦ ꠀꠛꠞꠣ
  • ꠝꠣꠔꠦ ꠈꠔꠣꠄ ꠡꠥꠛꠣꠞꠤꠡ, ꠖꠁ ꠘꠦꠍꠔꠦ ꠈꠟꠁ ꠀꠘꠤꠍ
  • ꠝꠣꠔꠦꠘꠣ ꠒꠦꠈꠣꠄ ꠝꠣꠕꠣ ꠝꠣꠞꠦ, ꠅꠃ ꠒꠦꠈꠣꠄ ꠝꠣꠘꠥꠡ ꠝꠣꠞꠦ
  • ꠝꠣꠔꠦꠘꠣ ꠛꠟꠖꠦ ꠝꠣꠕꠣ ꠟꠣꠠꠦ, ꠁ ꠛꠟꠖꠦ ꠝꠣꠘꠥ ꠝꠣꠞꠦ
  • ꠝꠣꠘꠥꠡꠞ ꠝꠥꠟ ꠔꠘꠦꠅ ꠄꠉ꠆ꠉꠦꠍꠣ ꠞꠉ ꠔꠦꠠꠣ
  • ꠝꠣꠝꠣꠄ ꠉꠣꠍ ꠈꠣꠐꠦ, ꠀꠞ ꠜꠣꠁꠉꠘꠣꠄ ꠈꠄ ꠈꠍꠥ ꠈꠣꠐꠦ
  • ꠝꠣꠝꠣꠞ ꠛꠣꠠꠤ ꠜꠣꠁꠉꠘꠣ ꠛꠁꠔꠟ
  • ꠝꠣꠞ ꠖꠤ ꠛꠣꠔ ꠈꠣꠁꠀ, ꠉꠚ ꠝꠣꠞꠦ ꠖꠁꠞ
  • ꠝꠣꠞ ꠛꠥꠇ, ꠖꠥꠘꠤꠀꠞ ꠡꠥꠇ
  • ꠝꠥꠇ ꠖꠥꠡꠣꠁ ꠝꠣꠞ ꠉꠟꠣꠄ, ꠉꠣꠝꠍꠣ ꠛꠣꠁꠀ ꠚꠣꠘ ꠚꠞꠣꠁ
  • ꠝꠥꠟ ꠃ ꠘꠣꠁ ꠊꠞ, ꠚꠥꠛꠦꠖꠤ ꠖꠥꠀꠞ
  • ꠝꠥꠟ꠆ꠟꠣꠞ ꠖꠃꠠ ꠝꠌ꠆ꠌꠤꠖ ꠙꠞ꠆ꠎꠘ꠆ꠔ
  • ꠝꠦꠘꠣ ꠉꠣꠁꠄ ꠄꠘꠣ ꠝꠣꠞꠣ ꠢꠈꠟ ꠉꠞꠥꠁꠘ ꠈꠣꠘꠣ ꠈꠞꠦ

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 5 appeared first on শুরমা ফারর খবর.

]]>
ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 4 https://surmafarorkhobor.com/syloti-proverb-4/ Mon, 02 Nov 2020 15:29:55 +0000 https://surmafarorkhobor.com/?p=9410 ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕ ꠐꠤꠚꠣꠔ ꠝꠡꠣ ꠝꠣꠞꠣ ꠐꠦ ꠈꠁꠟꠦ ꠐꠦꠋꠞꠣ ꠛꠥꠏꠣ ꠐꠦꠈꠣ ꠕꠣꠈꠟꠦ ꠛꠤꠀ ꠈꠞꠦ, ꠈꠦ ꠈꠣꠞꠦ ꠎꠤꠇꠣꠞ ꠈꠞꠦ ꠐꠦꠈꠣꠞ ꠘꠣꠝ ꠎꠄꠞꠣꠝ,ꠐꠦꠈꠣ ꠅꠁꠟꠦ ꠅꠄ ꠈꠣꠝ ꠒꠣꠁꠟꠞ ꠝꠎꠣ ꠝꠣꠁꠞꠅ ꠒꠣꠁꠟꠞ ꠝꠣꠏꠦ ꠝꠡꠥꠞꠤ, ꠝꠣꠘꠡꠞ ꠝꠣꠏꠦ ꠡꠣꠡꠥꠠꠤ ꠒꠦꠈꠣ ꠉꠞꠥꠄ ꠛꠣꠊ ꠝꠣꠘꠦ ꠘꠣ ꠔꠘ ꠖꠦꠈꠣꠁꠟꠦ ꠝꠘ ꠘꠣꠡ, …

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 4 appeared first on শুরমা ফারর খবর.

]]>
ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕

  • ꠐꠤꠚꠣꠔ ꠝꠡꠣ ꠝꠣꠞꠣ
  • ꠐꠦ ꠈꠁꠟꠦ ꠐꠦꠋꠞꠣ ꠛꠥꠏꠣ
  • ꠐꠦꠈꠣ ꠕꠣꠈꠟꠦ ꠛꠤꠀ ꠈꠞꠦ, ꠈꠦ ꠈꠣꠞꠦ ꠎꠤꠇꠣꠞ ꠈꠞꠦ
  • ꠐꠦꠈꠣꠞ ꠘꠣꠝ ꠎꠄꠞꠣꠝ,ꠐꠦꠈꠣ ꠅꠁꠟꠦ ꠅꠄ ꠈꠣꠝ
  • ꠒꠣꠁꠟꠞ ꠝꠎꠣ ꠝꠣꠁꠞꠅ
  • ꠒꠣꠁꠟꠞ ꠝꠣꠏꠦ ꠝꠡꠥꠞꠤ, ꠝꠣꠘꠡꠞ ꠝꠣꠏꠦ ꠡꠣꠡꠥꠠꠤ
  • ꠒꠦꠈꠣ ꠉꠞꠥꠄ ꠛꠣꠊ ꠝꠣꠘꠦ ꠘꠣ
  • ꠔꠘ ꠖꠦꠈꠣꠁꠟꠦ ꠝꠘ ꠘꠣꠡ, ꠔꠟ ꠖꠦꠈꠣꠁꠟꠦ ꠎꠥꠉꠤꠞꠅ ꠅꠄ ꠡꠞ꠆ꠛꠘꠣꠡ
  • ꠔꠞ ꠘꠣꠁ ꠢꠥꠡ, ꠝꠞ ꠇꠤ ꠖꠥꠡ
  • ꠔꠞꠅ ꠛꠣꠟꠤ, ꠝꠞꠅ ꠛꠣꠟꠤ
  • ꠔꠥꠝꠣꠞ ꠘꠣꠁ ꠢꠥꠡ, ꠀꠝꠣꠞ ꠇꠤ ꠖꠥꠡ
  • ꠔꠦꠟꠣ ꠝꠣꠕꠣꠔ ꠔꠦꠟ ꠒꠣꠟꠣ
  • ꠕꠣꠈꠟꠦ ꠈꠣꠍꠤ ꠀꠞꠣꠁꠟꠦ ꠖꠣ
  • ꠕꠣꠈꠦ ꠏꠥꠖꠤꠘ ꠕꠈꠔꠅ, ꠀꠁꠛ ꠏꠦꠍꠣ ꠅꠈꠔꠅ 
  • ꠖꠡꠅ ꠍꠈꠞꠦ ꠢꠣꠈꠞꠣꠁꠔ
  • ꠖꠡꠞ ꠝꠥꠇ ꠢꠣꠈꠞꠣꠁꠔ
  • ꠖꠡꠞ ꠟꠣꠐꠤ ꠄꠈꠞ ꠛꠥꠏꠣ
  • ꠖꠥꠁ ꠘꠣꠅ ꠎꠠꠦ, ꠃꠚꠁꠔ ꠅꠁꠀ ꠝꠞꠦ
  • ꠖꠥꠗ ꠜꠣꠔ ꠍꠣꠠꠤꠅ, ꠡꠋꠉ ꠍꠣꠠꠤꠅ ꠘꠣ
  • ꠗꠞꠣ ꠛꠣꠘ꠆ꠗꠣꠞ ꠢꠣꠁ, ꠞꠣꠁꠔ ꠚꠥꠀꠁꠔꠦ ꠘꠣꠁ
  • ꠗꠣꠘ ꠀꠁꠟ ꠀꠠꠤ ꠀꠠꠤ, ꠛꠃꠞ ꠅꠁꠟ ꠏꠞ ꠏꠣꠞꠤ ⁕ ꠗꠣꠘ ꠀꠁꠟ ꠝꠣꠠꠣ ꠏꠣꠠꠣ, ꠛꠃꠄ ꠖꠦꠁꠘ ꠉꠣ ꠝꠥꠠꠣ
  • ꠗꠤꠞꠦ ꠀꠐꠦ ꠛꠄꠘꠣ, ꠔꠣꠞ ꠟꠣꠉ ꠈꠦꠃ ꠚꠣꠄ ꠘꠣ
  • ꠘꠄꠀ ꠎꠥꠉꠤ ꠔꠣꠔ ꠃꠐꠍꠁꠘ
  • ꠘꠖꠤ ꠚꠣꠞ ꠅꠁꠔꠦ ꠈꠦꠅꠀꠘꠤ ꠛꠣꠚ, ꠚꠣꠞ ꠅꠁꠉꠦꠟꠦ ꠢꠣꠟꠣꠞ ꠎꠣꠔ
  • ꠘꠣ ꠈꠞꠣꠞ ꠟꠣꠉꠤ ꠈꠞꠦꠞ ꠔꠤꠘ ꠃꠔꠣꠘ
  • ꠘꠣ ꠝꠣꠔꠞꠣ ꠛꠤꠟꠣꠁ ꠈꠣꠘ ꠖꠞꠤ ꠇꠤꠟꠣꠁ
  • ꠘꠣꠍꠔꠦ ꠘꠣ ꠎꠣꠘꠟꠦ ꠃꠑꠣꠘ ꠔꠦꠠꠣ
  • ꠘꠣꠖꠣꠘ ꠖꠥꠡ꠆ꠔ ꠔꠘꠦ ꠖꠣꠘꠣ ꠖꠥꠡꠝꠘ ꠜꠣꠟꠣ
  • ꠘꠤꠏꠞ ꠈꠣꠁꠀ ꠘꠖꠣꠁꠞ ꠉꠤꠔ ꠉꠣꠅꠀ
  • ꠘꠤꠏꠞ ꠈꠣꠚꠠꠦ ꠢꠦꠋꠉꠣ ꠛꠅꠀ
  • ꠘꠤꠝꠞꠣ ꠛꠤꠟꠣꠁ ꠚꠞ ꠈꠣꠁꠛꠣꠞ ꠎꠝ
  • ꠘꠤꠞꠣꠁꠞ ꠛꠣꠊ ꠀꠞ ꠛꠣꠊꠞ ꠛꠤꠟꠣꠁ

 

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 4 appeared first on শুরমা ফারর খবর.

]]>
ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 3 https://surmafarorkhobor.com/syloti-proverb/ Wed, 28 Oct 2020 07:03:37 +0000 https://surmafarorkhobor.com/?p=9403 ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕ ꠊꠞꠧ ꠘꠣꠁ ꠊꠐꠤ ꠟꠥꠐꠣ, ꠈꠝꠞꠧ ꠛꠣꠘ꠆ꠗꠣ ꠍꠣꠛꠤꠞ ꠏꠥꠐꠣ ꠊꠣꠁꠟ ꠀꠘꠝꠣꠘ ꠍꠤꠀ, ꠏꠣꠔꠦ ꠏꠣꠔꠦ ꠛꠤꠀ ꠊꠣꠐ ꠚꠣꠞ ꠅꠁꠟꠦꠃ ꠈꠦꠃꠀꠘꠤ ꠢꠣꠟꠣ ꠊꠣꠐ ꠚꠣꠞꠂꠔꠦ ꠃꠟꠣꠝꠦꠟꠣ , ꠊꠣꠐ ꠚꠣꠞꠂꠟꠦ ꠈꠦꠃꠀꠘꠤ ꠢꠣꠟꠣ ꠊꠥꠝꠦ ꠀꠞ ꠝꠞꠣꠄ ꠢꠝꠣꠘ ꠊꠥꠞꠤ ꠚꠤꠞꠤ ꠛꠐꠞ ꠔꠟ ꠍꠁꠖꠚꠥꠞꠤ ꠀꠟꠣ-ꠏꠣꠟꠣ, ꠄꠈ ꠜꠣꠁꠞ …

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 3 appeared first on শুরমা ফারর খবর.

]]>
ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕

  • ꠊꠞꠧ ꠘꠣꠁ ꠊꠐꠤ ꠟꠥꠐꠣ, ꠈꠝꠞꠧ ꠛꠣꠘ꠆ꠗꠣ ꠍꠣꠛꠤꠞ ꠏꠥꠐꠣ
  • ꠊꠣꠁꠟ ꠀꠘꠝꠣꠘ ꠍꠤꠀ, ꠏꠣꠔꠦ ꠏꠣꠔꠦ ꠛꠤꠀ
  • ꠊꠣꠐ ꠚꠣꠞ ꠅꠁꠟꠦꠃ ꠈꠦꠃꠀꠘꠤ ꠢꠣꠟꠣ
  • ꠊꠣꠐ ꠚꠣꠞꠂꠔꠦ ꠃꠟꠣꠝꠦꠟꠣ , ꠊꠣꠐ ꠚꠣꠞꠂꠟꠦ ꠈꠦꠃꠀꠘꠤ ꠢꠣꠟꠣ
  • ꠊꠥꠝꠦ ꠀꠞ ꠝꠞꠣꠄ ꠢꠝꠣꠘ
  • ꠊꠥꠞꠤ ꠚꠤꠞꠤ ꠛꠐꠞ ꠔꠟ
  • ꠍꠁꠖꠚꠥꠞꠤ ꠀꠟꠣ-ꠏꠣꠟꠣ, ꠄꠈ ꠜꠣꠁꠞ ꠝꠣꠝꠣ ꠢꠃꠞ, ꠀꠞꠈ ꠜꠣꠁꠞ ꠢꠣꠟꠣ
  • ꠍꠃꠇꠦ ꠈꠣꠁꠟꠦ ꠝꠥꠇꠦ ꠈꠣꠄ
  • ꠍꠈꠍꠈ ꠈꠞꠟꠦ ꠃ ꠡꠥꠘꠣ ꠅꠄ ꠘꠣ
  • ꠍꠞꠦ ꠢꠇꠤꠞ ꠝꠞꠦ ꠘꠣ
  • ꠍꠣꠁꠞ ꠍꠃꠇꠦ ꠛꠣꠉꠦꠅ ꠈꠣꠄ ꠘꠣ
  • ꠍꠣꠉꠤꠄ ꠍꠦꠘꠣꠘꠤꠔ ꠗꠞꠁꠘ ꠘꠣ, ꠚꠞꠦ ꠔꠤꠘ ꠛꠘ꠆ꠖ ꠖꠃꠠꠣꠁꠘ
  • ꠍꠣꠟꠤꠄ ꠟꠦꠐꠚꠦꠐ ꠖꠥꠁꠈꠣꠘ ꠈꠣꠐꠣ, ꠔꠤꠞꠤꠜꠥꠛꠘ ꠖꠦꠈꠣꠁꠟꠦꠞꠦ ꠔꠥꠁ ꠍꠤꠟꠣꠛꠦꠐꠣ
  • ꠍꠥꠘ ꠍꠥꠘ ꠍꠥꠘꠞ ꠊꠐꠤ, ꠞꠣꠁꠔ ꠚꠥꠀꠁꠟꠦ ꠃꠏꠣꠘ ꠜꠣꠐꠤ
  • ꠍꠥꠞ ꠚꠣꠟꠣꠁꠟꠦ/ꠜꠣꠉꠟꠦ ꠛꠥꠖ꠆ꠖꠤ ꠛꠣꠠꠦ 
  • ꠍꠥꠞꠞ ꠖꠡ/ꠡꠣꠔ ꠖꠤꠘ ꠡꠣꠃꠗꠞ ꠄꠈꠖꠤꠘ
  • ꠍꠥꠞꠞ ꠝꠣꠞ ꠛꠠ ꠉꠟꠣ, ꠀꠞ ꠝꠣꠉꠦ ꠖꠥꠗ ꠈꠟꠣ
  • ꠍꠥꠞꠞꠦ ꠈꠄ ꠍꠥꠞꠤ ꠈꠞꠤꠍ, ꠡꠣꠃꠗꠞꠦ ꠈꠄ ꠢꠏꠣꠉ ꠕꠣꠈꠤꠍ
  • ꠍꠥꠞꠦ ꠍꠥꠞꠦ ꠀꠟꠤ, ꠄꠈ ꠍꠥꠞꠦ ꠛꠤꠀ ꠈꠞꠦ ꠀꠞꠈ ꠍꠥꠞꠞ ꠢꠣꠟꠤ
  • ꠍꠦꠝꠣ ꠁꠝꠣꠘꠖꠣꠞ ꠔꠘꠦ ꠈꠣꠠꠣ ꠛꠦꠁꠝꠣꠘ ꠛꠣꠟꠣ
  • ꠍꠦꠋꠉꠦꠅ ꠃꠏꠣꠁꠘ, ꠛꠦꠋꠉꠦꠅ ꠃꠏꠣꠁꠘ, ꠈꠁꠀ ꠚꠥꠐꠤ ꠔꠣꠁꠘꠅ ꠃꠏꠣꠁꠘ
  • ꠏꠝꠣꠘꠣꠞꠦ ꠗꠞꠍꠦ ꠜꠥꠔꠦ, ꠏꠥꠛꠣ ꠘꠣꠞꠤꠄ ꠍꠣꠐꠤꠔ ꠝꠥꠔꠦ
  • ꠏꠟꠖꠤ ꠈꠣꠝ ꠡꠄꠔꠣꠘꠤ, ꠀꠍꠔꠦ ꠈꠣꠝ ꠞꠢꠝꠣꠘꠤ
  • ꠏꠟꠣꠟꠚꠥꠞꠞ ꠝꠣꠐꠤꠄ ꠝꠣꠔꠦ
  • ꠏꠣꠔꠞ ꠚꠣꠍ ꠉꠣꠖ꠆ꠖꠣꠄꠅ ꠖꠦꠄ
  • ꠏꠣꠔꠞ ꠚꠥꠠꠤ ꠈꠣꠟꠣꠅ ꠜꠣꠟꠣ
  • ꠏꠣꠘ ꠛꠣꠍꠟꠦ ꠎꠣꠢꠣꠘ ꠀꠍꠦ
  • ꠏꠣꠘꠦꠘꠣ ꠛꠤꠍꠝꠤꠟ꠆ꠟꠣꠞ ꠉꠥꠠꠤ, ꠛꠤꠀ ꠈꠞꠤꠟꠣꠁꠔ ꠝꠥꠟ꠆ꠟꠣꠞ ꠚꠥꠠꠤ
  • ꠏꠣꠘꠤꠀ ꠜꠣꠃꠞꠞ ꠘꠣꠝ, ꠛꠃꠄ ꠈꠞꠁꠘ ꠃꠖꠞꠣꠝ ꠃꠖꠞꠣꠝ
  • ꠏꠣꠝꠣꠁ ꠝꠞꠟꠣ ꠢꠣꠁꠘ꠆ꠎꠣ ꠞꠣꠁꠔ, ꠈꠣꠘ꠆ꠖꠤꠀ ꠃꠑꠁꠘ ꠚꠕꠣ ꠞꠣꠁꠔ
  • ꠏꠣꠞ ꠈꠣꠝ ꠔꠣꠞꠦ ꠡꠣꠏꠦ
  • ꠏꠣꠞ ꠈꠦꠃ ꠘꠣꠁ ꠔꠣꠞ ꠀꠟ꠆ꠟꠣꠢ ꠀꠍꠁꠘ
  • ꠏꠣꠞ ꠛꠤꠀ ꠔꠣꠞ ꠈꠛꠞ ꠘꠣꠁ, ꠀꠞꠤ ꠚꠞꠤꠞ ꠊꠥꠝ ꠘꠣꠁ
  • ꠏꠣꠞ ꠜꠣꠟꠣ ꠏꠦꠔꠣ, ꠃꠟꠡꠞ ꠜꠣꠟꠣ ꠚꠣꠠꠣ ꠈꠦꠔꠣ
  • ꠏꠣꠞ ꠟꠉꠦ ꠏꠣꠞ ꠝꠏꠦ ꠝꠘ, ꠛꠤꠐ ꠅꠁꠟꠦꠅ ꠍꠘ꠆ꠖꠘ
  • ꠏꠣꠞ ꠟꠣꠉꠤ ꠀꠃꠐꠣ ꠛꠦꠠꠣ, ꠢꠦ ꠕꠣꠈꠦ ꠀꠃꠐꠣꠞ ꠛꠣꠞꠣ
  • ꠏꠣꠞ ꠟꠣꠉꠤ ꠈꠞꠟꠣꠝ ꠍꠥꠞꠤ ꠢꠦ ꠈꠄ ꠍꠥꠞ
  • ꠏꠣꠞ ꠢꠣꠔꠧ ꠅꠄ ꠘꠣ, ꠔꠣꠞ ꠢꠣꠔꠣꠡꠤꠔꠧꠅ ꠅꠄ ꠘꠣ
  • ꠏꠣꠞ ꠏꠦ ꠟꠄ/ꠡꠄ, ꠛꠥꠠꠣ ꠅꠁꠟꠦ ꠀꠞꠧ/ꠛꠦꠡ ꠅꠄ
  • ꠏꠣꠞꠦ ꠈꠣꠁꠟꠣꠄ ꠔꠣꠞꠦ ꠇꠤꠞꠣꠁꠟꠣꠄ
  • ꠏꠤ ꠖꠤꠟꠣꠝ ꠢꠣꠁ ꠑꠣꠁꠘ, ꠚꠥꠔ ꠖꠤꠟꠣꠝ ꠛꠃ ꠑꠣꠁꠘ- ꠀꠞꠖꠣꠡ ꠈꠞꠝꠥ ꠈꠣꠞ ꠑꠣꠁꠘ
  • ꠏꠥꠚ ꠛꠥꠏꠤ ꠇꠥꠚ ꠝꠣꠞꠣ
  • ꠏꠥꠇꠞ ꠝꠥꠇ ꠍꠥꠘ, ꠛꠤꠍꠣꠞ ꠝꠥꠇ ꠘꠥꠘ
  • ꠏꠥꠉꠤ ꠍꠤꠘꠤ ꠗꠤꠀꠘꠅ, ꠍꠣꠉꠤ ꠍꠤꠘꠤ ꠛꠤꠀꠘꠅ, ꠊꠥꠠꠣ ꠍꠤꠘꠤ ꠈꠣꠘꠅ, ꠘꠣꠚꠔꠞ ꠚꠥꠔ ꠏꠦ ꠛꠣꠖꠡꠣ ꠅꠁꠍꠁꠘ ꠔꠣꠘꠦ ꠍꠤꠘꠤ ꠖꠣꠘꠅ
  • ꠏꠥꠞ ꠏꠣꠞ ꠝꠥꠟ꠆ꠟꠥꠇ ꠔꠣꠞ
  • ꠏꠥꠀꠘꠞ ꠏꠥꠀꠘꠇꠤ, ꠀꠞ ꠛꠥꠠꠣꠞ ꠄꠈ ꠗꠣꠝꠇꠤ
  • ꠏꠣꠠꠟꠦ ꠞꠥꠐꠤ ꠘꠣꠁꠟꠦ ꠞꠥꠏꠣ
  • ꠏꠦ ꠏꠣꠞ ꠟꠣꠉꠤ ꠉꠣꠕ ꠇꠥꠖꠦ, ꠢꠦ ꠢꠃ ꠉꠣꠕ ꠚꠠꠤꠀ ꠝꠞꠦ
  • ꠏꠦ ꠏꠣꠞꠦ ꠘꠤꠘ꠆ꠖꠦ, ꠢꠦ ꠔꠣꠞ ꠚꠤꠘ꠆ꠖꠦ
  • ꠏꠦ ꠏꠦꠝꠘ, ꠔꠦ ꠔꠦꠝꠘ
  • ꠏꠦ ꠖꠦꠡ ꠏꠦ ꠍꠣꠁꠟ, ꠞꠣꠘꠗꠦ ꠝꠥꠞꠉꠤ, ꠅꠄ ꠒꠣꠁꠟ
  • ꠏꠦ ꠚꠥꠔ ꠞꠘ ꠏꠣꠄ, ꠔꠣꠞ ꠖꠥꠁ ꠀꠐꠥꠔ ꠍꠤꠘ
  • ꠏꠦꠉꠥꠄ ꠈꠁꠔꠘꠣ ꠐꠦꠋꠉꠞ ꠛꠣꠄ ꠍꠣꠁꠀ, ꠁꠉꠥꠄ ꠈꠄ ꠝꠉꠏꠧ ꠚꠣꠠꠣ ꠖꠤꠀ
  • ꠏꠦꠉꠥꠞ ꠢꠣꠔꠧ ꠅꠄ ꠘꠣ, ꠁꠉꠥꠞ ꠢꠣꠔꠣꠁꠡꠅ ꠅꠄ ꠘꠣ
  • ꠏꠦꠏꠣꠔ ꠈꠣꠝ, ꠅꠏꠣꠔꠤ ꠖꠣꠝ
  • ꠏꠦꠛꠣꠄ ꠘꠣꠁ ꠉꠞꠥꠞ ꠉꠣꠠꠤ ꠅꠛꠣꠄ ꠝꠣꠠꠀꠞꠤ
  • ꠏꠦꠝꠘ ꠈꠞ꠆ꠝ, ꠔꠦꠝꠘ ꠚꠟ
  • ꠏꠦꠝꠘ ꠀꠝꠣꠞ ꠀꠝꠣꠁ, ꠔꠦꠝꠘ ꠀꠝꠣꠞ ꠘꠣꠔꠤꠘ ꠏꠣꠝꠣꠁ
  • ꠏꠦ ꠡꠄ, ꠢꠦ ꠞꠄ
  • ꠏꠤ ꠖꠤꠟꠣꠝ ꠢꠣꠁ ꠑꠣꠁꠘ, ꠚꠥꠔ ꠖꠤꠟꠣꠝ ꠛꠃ ꠑꠣꠁꠘ- ꠀꠞꠖꠣꠡ ꠈꠞꠝꠥ ꠈꠣꠞ ꠑꠣꠁꠘ
  • ꠏꠥꠚ ꠛꠥꠏꠤ ꠇꠥꠚ ꠝꠣꠞ

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 3 appeared first on শুরমা ফারর খবর.

]]>
ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – ২ https://surmafarorkhobor.com/syloti-proverb-2/ Thu, 22 Oct 2020 10:52:02 +0000 https://surmafarorkhobor.com/?p=9385 ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕ ꠇꠤꠀꠘꠧ ꠛꠣꠠꠤ ꠇꠤꠀꠘꠧ ꠊꠞ, ꠖꠝ ꠛꠣꠞꠂꠟꠦ ꠘꠤꠏꠦꠃ/ꠀꠚꠘꠦꠃ ꠚꠞ ꠇꠥꠔ꠆ꠔꠣꠄ ꠛꠣꠁꠌ꠆ꠌꠣ ꠈꠞꠦ, ꠢꠤꠀꠟꠞ ꠚꠦꠐ ꠜꠞꠦ ꠇꠥꠔ꠆ꠔꠣꠞ ꠟꠦꠋꠉꠥꠞ ꠊꠤ ꠖꠤꠀ ꠝꠣꠁꠘꠎꠣꠟꠦꠅ ꠡꠤꠖꠣ ꠅꠄ ꠘꠣ ꠇꠥꠔ꠆ꠔꠣꠞ ꠚꠦꠐꠧ ꠊꠤ ꠅꠏꠝ ꠅꠄ ꠘꠣ ꠈꠣꠃꠀꠞ ꠛꠣꠖꠣꠔ ꠇꠥꠟꠤꠞ ꠍꠣꠅ, ꠏꠣꠔ ꠀꠘꠝꠣꠘ ꠈꠣꠠꠦ ꠞꠣꠅ ꠇꠥꠖ ꠉꠟꠦꠘꠣ ꠛꠃꠞ …

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – ২ appeared first on শুরমা ফারর খবর.

]]>
ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕

  • ꠇꠤꠀꠘꠧ ꠛꠣꠠꠤ ꠇꠤꠀꠘꠧ ꠊꠞ, ꠖꠝ ꠛꠣꠞꠂꠟꠦ ꠘꠤꠏꠦꠃ/ꠀꠚꠘꠦꠃ ꠚꠞ
  • ꠇꠥꠔ꠆ꠔꠣꠄ ꠛꠣꠁꠌ꠆ꠌꠣ ꠈꠞꠦ, ꠢꠤꠀꠟꠞ ꠚꠦꠐ ꠜꠞꠦ
  • ꠇꠥꠔ꠆ꠔꠣꠞ ꠟꠦꠋꠉꠥꠞ ꠊꠤ ꠖꠤꠀ ꠝꠣꠁꠘꠎꠣꠟꠦꠅ ꠡꠤꠖꠣ ꠅꠄ ꠘꠣ
  • ꠇꠥꠔ꠆ꠔꠣꠞ ꠚꠦꠐꠧ ꠊꠤ ꠅꠏꠝ ꠅꠄ ꠘꠣ
  • ꠈꠣꠃꠀꠞ ꠛꠣꠖꠣꠔ ꠇꠥꠟꠤꠞ ꠍꠣꠅ, ꠏꠣꠔ ꠀꠘꠝꠣꠘ ꠈꠣꠠꠦ ꠞꠣꠅ
  • ꠇꠥꠖ ꠉꠟꠦꠘꠣ ꠛꠃꠞ ꠒꠞꠦ, ꠢꠈꠟ ꠇꠥꠖ ꠃꠔꠞꠣꠁꠀ ꠚꠠꠦ
  • ꠈꠃꠀꠄ ꠈꠄ ꠇꠣ, ꠢꠤꠀꠟꠦ ꠈꠄ ꠢꠥ, ꠎꠚꠣꠟꠚꠥꠞꠤ ꠁꠍꠔꠣꠞꠤ ꠒꠣꠟꠥ ꠜꠞꠣ ꠉꠥ
  • ꠈꠄꠟꠣ ꠗꠁꠟꠦ ꠝꠄꠟꠣ ꠏꠣꠄ ꠘꠣ
  • ꠈꠍꠥ ꠈꠣꠁꠟꠦ ꠈꠍ ꠈꠍꠤ ꠈꠞꠦ
  • ꠈꠕꠣꠄ ꠛꠣꠞꠔꠣꠄ ꠡꠥꠚꠣꠞꠤꠡ, ꠝꠣꠐꠣ ꠘꠦꠍꠔꠦ ꠈꠟꠁ ꠀꠘꠤꠍ
  • ꠈꠚꠣꠟꠚꠥꠠꠣ ꠎꠦꠛꠣꠄ ꠎꠣꠄ, ꠖꠞꠤꠀꠞ ꠚꠣꠘꠤꠅ ꠢꠥꠇꠣꠁ ꠎꠣꠄ
  • ꠈꠝ ꠀꠈꠟꠦ ꠔꠞꠦ, ꠛꠦꠡꠤ ꠀꠈꠟꠦ ꠝꠞꠦ
  • ꠈꠝ ꠚꠣꠘꠤꠞ ꠝꠣꠍ ꠛꠦꠡ ꠚꠣꠘꠤꠔ ꠎꠣꠅꠀ
  • ꠈꠣꠁꠛꠣꠞ ꠘꠣꠁ, ꠈꠣꠟꠣꠁꠛꠣꠞ ꠢꠣꠖꠣ
  • ꠈꠣꠁꠟꠦ ꠝꠣꠁꠝꠟ ꠛꠣꠠꠤ ꠀꠞ ꠢꠥꠔꠤꠟꠦ ꠍꠗꠞꠤ ꠛꠣꠠꠤ
  • ꠈꠣꠎꠘꠣ ꠕꠣꠇꠤ ꠛꠣꠎꠘꠣ ꠛꠠ
  • ꠈꠣꠝ ꠈꠞꠔꠦ ꠈꠞꠔꠦ ꠚꠤꠔ ꠚꠞꠤꠉꠦꠍꠦ
  • ꠈꠣꠝ ꠘꠣꠁ ꠇꠥꠔ꠆ꠔꠣꠞ ꠀꠁꠟꠦ ꠀꠁꠟꠦ ꠖꠃꠠ
  • ꠈꠣꠝ ꠘꠣꠁ ꠛꠃꠄ ꠈꠣꠝ ꠇꠞꠦ, ꠗꠣꠘꠦ ꠍꠣꠃꠟꠦ ꠄꠈ ꠈꠞꠦ
  • ꠈꠣꠝ ꠟꠣꠉꠟꠦ ꠈꠣꠎꠤ, ꠘꠣꠁꠟꠦ ꠚꠣꠎꠤ
  • ꠈꠣꠞ ꠉꠞꠥ ꠈꠦ ꠖꠥꠝꠣ ꠖꠦꠄ
  • ꠈꠣꠞ ꠢꠃꠇꠖꠣ ꠈꠣꠅ ꠉ ꠛꠣꠘ꠆ꠖꠤ ꠐꠣꠇꠥꠞ ꠍꠤꠘ ꠘꠣ
  • ꠈꠣꠟꠤ ꠖꠥꠀꠄ ꠚꠥꠀ ꠅꠄꠘꠣ, ꠔꠘꠣꠁꠞ ꠎꠥꠞꠅ ꠟꠣꠉꠦ
  • ꠉꠞꠥ ꠝꠞꠤꠀ ꠢꠣꠞꠟꠦ ꠊꠣꠡ ꠖꠦꠃꠀ
  • ꠉꠣꠁ ꠇꠤꠘꠣꠞ ꠀꠉꠦ ꠖꠥꠗ ꠟꠁꠀ ꠝꠣꠞꠣꠝꠣꠞꠤ
  • ꠉꠣꠁꠟ ꠀꠘ꠆ꠝꠣꠘ ꠍꠤꠀ, ꠎꠣꠔꠦ ꠎꠣꠔꠦ ꠛꠤꠀ
  • ꠉꠣꠅꠞ ꠘꠣꠝ ꠀꠉꠘꠣ, ꠝꠡꠣꠄ ꠈꠣꠁꠘ ꠝꠣꠉꠘꠣ
  • ꠉꠣꠋ ꠚꠣꠞ ꠅꠁꠀ ꠈꠦꠃꠀꠘꠤ ꠢꠣꠟꠣ
  • ꠉꠣꠍ ꠉꠥꠀ ꠉꠟꠣꠔ ꠉꠣꠁꠐ
  • ꠉꠣꠍꠅ ꠈꠣꠐꠟ ꠝꠥꠍꠅ ꠔꠦꠟ
  • ꠉꠣꠗꠣꠄ ꠚꠣꠘꠤ ꠈꠣꠄ ꠉꠥꠟꠣ ꠈꠞꠤꠀ
  • ꠉꠥꠞꠥ ꠔꠥꠁ ꠝꠣꠘꠥꠡ ꠅꠁꠟꠦꠘꠣ
  • ꠉꠥꠚꠞꠞ ꠊꠤꠟꠣꠔ ꠚꠃꠖ ꠚꠥꠟ ꠚꠥꠐꠣ
  • ꠊꠞ ꠘꠣꠁ ꠉꠐꠤ ꠟꠥꠐꠣ, ꠈꠝ꠆ꠞ ꠛꠣꠘ꠆ꠗꠣ ꠍꠣꠛꠤꠞ ꠎꠥꠐꠣ
  • ꠊꠤ ꠀꠔꠣꠁꠟꠦ ꠀꠔꠃ ꠟꠣꠉꠛꠧ

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – ২ appeared first on শুরমা ফারর খবর.

]]>
ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 1 https://surmafarorkhobor.com/sylpro/ Tue, 06 Oct 2020 13:07:52 +0000 http://surmafarorkhobor.com/?p=9257 ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕   ꠀꠁꠔꠦ ꠏꠣꠁꠔꠦ ꠟꠦꠖꠥꠞ ꠛꠣꠚ, ꠀꠝ ꠚꠣꠈꠟꠦ ꠝꠃꠀꠏꠤ ꠀꠁꠟ ꠖꠣꠞꠥꠘ ꠛꠣꠞꠤꠡꠣ ꠈꠣꠟ, ꠍꠣꠁꠉ꠆ꠉꠦ ꠍꠣꠐꠦ ꠛꠣꠊꠞ ꠉꠣꠟ ꠀꠁꠍꠦ ꠞꠦ ꠜꠣꠁ ꠈꠟꠤ ꠈꠣꠟ, ꠍꠣꠉꠤꠄ ꠍꠣꠐꠦ ꠛꠣꠊꠞ ꠉꠣꠟ ꠀꠄ ꠟꠠꠦ ꠘꠣ ꠛꠣꠄ ꠏꠟꠦꠞ, ꠢꠣꠁꠄ ꠈꠁꠘ ꠟꠇꠇꠤ ꠏꠟꠦꠞ ꠀꠅꠀ ꠍꠣꠠꠣꠟ ꠛꠈꠣꠒꠥꠝ, ꠢꠣꠁꠘ꠆ꠎꠣ ꠞꠣꠁꠔꠦ …

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 1 appeared first on শুরমা ফারর খবর.

]]>

ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ ꠀꠍꠦ⁕

 

  • ꠀꠁꠔꠦ ꠏꠣꠁꠔꠦ ꠟꠦꠖꠥꠞ ꠛꠣꠚ, ꠀꠝ ꠚꠣꠈꠟꠦ ꠝꠃꠀꠏꠤ
  • ꠀꠁꠟ ꠖꠣꠞꠥꠘ ꠛꠣꠞꠤꠡꠣ ꠈꠣꠟ, ꠍꠣꠁꠉ꠆ꠉꠦ ꠍꠣꠐꠦ ꠛꠣꠊꠞ ꠉꠣꠟ
  • ꠀꠁꠍꠦ ꠞꠦ ꠜꠣꠁ ꠈꠟꠤ ꠈꠣꠟ, ꠍꠣꠉꠤꠄ ꠍꠣꠐꠦ ꠛꠣꠊꠞ ꠉꠣꠟ
  • ꠀꠄ ꠟꠠꠦ ꠘꠣ ꠛꠣꠄ ꠏꠟꠦꠞ, ꠢꠣꠁꠄ ꠈꠁꠘ ꠟꠇꠇꠤ ꠏꠟꠦꠞ
  • ꠀꠅꠀ ꠍꠣꠠꠣꠟ ꠛꠈꠣꠒꠥꠝ, ꠢꠣꠁꠘ꠆ꠎꠣ ꠞꠣꠁꠔꠦ ꠄꠈ ꠊꠥꠝ
  • ꠀꠇ꠆ꠇꠟꠦ ꠢꠈꠟ ꠛꠘ꠆ꠖꠤ, ꠛꠣꠈꠟꠦ ꠛꠘ꠆ꠖꠤ ꠉꠣꠍ, ꠔꠤꠞꠤꠄ ꠚꠥꠞꠥꠡ ꠛꠘ꠆ꠖꠤ, ꠏꠣꠟꠦ ꠛꠘ꠆ꠖꠤ ꠝꠣꠍ
  • ꠀꠉꠞ ꠀꠟ ꠏꠦꠛꠣꠄ ꠏꠣꠄ, ꠚꠞꠞ ꠀꠟ ꠅ ꠅꠛꠣꠄ ꠏꠣꠄ
  • ꠀꠉꠤꠀ ꠢꠍꠁꠘꠘꠣ, ꠚꠣꠖꠤꠀ ꠏꠣꠁꠘꠉꠤ ꠉꠟꠣ ꠚꠣꠘꠤꠔ
  • ꠀꠔ ꠛꠂꠐꠣ, ꠊꠣꠐ ꠘꠣꠅ
  • ꠀꠔꠅ ꠈꠣꠃꠏꠣꠁꠟꠦ ꠚꠄꠡꠣ ꠝꠤꠟꠦ
  • ꠀꠔꠥꠞ ꠛꠤꠛꠤ ꠍꠔꠥꠞ ꠅꠁꠟꠣ, ꠛꠟꠣꠞ ꠈꠣꠝꠠ ꠈꠣꠁꠀ
  • ꠀꠖꠦꠈꠣꠄ ꠖꠦꠈꠟꠣ, ꠚꠥꠐꠤꠝꠣꠍꠦ ꠟꠦꠈꠟꠣ
  • ꠀꠟ ꠘꠣꠁ ꠛꠦꠐꠣꠄ ꠛꠥꠁ ꠎꠥꠠꠦ, ꠖꠣꠔ ꠘꠣꠁ ꠛꠦꠐꠤꠄ ꠢꠥꠇꠁꠘ ꠚꠠꠦ
  • ꠁꠔꠣꠞ ꠀꠍꠇꠥ ꠛꠦꠁꠟ ꠘꠣꠁ
  • ꠁꠖꠞ ꠍꠣꠘ ꠘꠣ ꠝꠇ꠆ꠇꠣꠞ ꠔꠦꠔꠁ, ꠅꠔꠖꠤꠘ ꠀꠍꠟꠣꠄ ꠈꠁ
  • ꠁꠟ꠆ꠟꠔ ꠎꠣꠄ ꠘꠣ ꠖꠁꠟꠦ, ꠈꠣꠁꠍꠟꠔ ꠎꠣꠄ ꠘꠣ ꠝꠁꠟꠦ
  • ꠃꠍꠣꠞ ꠃꠍ, ꠘꠤꠍꠞ ꠘꠤꠍ, ꠝꠣ ꠖꠦꠇꠤ ꠏꠤ ꠀꠘꠤꠍ
  • ꠃꠍꠤꠔ ꠝꠣꠔꠧ ꠜꠣꠔ ꠘꠣꠁ, ꠞꠣꠍꠔꠣꠛꠣꠄ ꠚꠕ ꠘꠣꠁ
  • ꠃꠍꠤꠔ ꠝꠣꠔꠦ ꠉꠥꠍꠤꠔ ꠗꠞꠦ
  • ꠃꠑꠔꠦ ꠛꠦꠈꠣ ꠍꠣꠘ, ꠎꠘꠝ ꠛꠦꠈꠣ ꠉꠣꠋ, ꠔꠦꠔꠁ ꠛꠦꠈꠣ ꠚꠥꠟ, ꠝꠣꠘꠥ ꠛꠦꠈꠣ ꠝꠥꠟ
  • ꠃꠖꠞ ꠟꠉꠦ ꠃꠟꠣꠄ ꠅ ꠜꠥꠞ ꠖꠦꠄ
  • ꠃꠠꠇꠤ ꠚꠦꠐꠞ ꠍꠥꠠꠇꠤ ꠘꠣꠁ, ꠀꠞ ꠘꠦꠃꠟ ꠚꠦꠐꠞ ꠝꠥꠞ ꠘꠣꠁ
  • ꠃꠖꠣꠘ ꠝꠣꠖꠣꠘ ꠛꠣꠍꠤꠀ, ꠈꠣꠝ ꠈꠞ ꠔꠣꠡꠤꠀ
  • ꠃꠖꠣꠘ ꠝꠣꠖꠣꠘ ꠛꠣꠍꠤꠀ, ꠈꠣꠝ ꠈꠞ ꠘꠣꠍꠤꠀ
  • ꠃꠘꠣꠞꠣꠁꠀ ꠎꠦꠛꠣꠄ ꠎꠣꠄ, ꠃꠚꠔꠣ ꠛꠄꠀꠞꠦ ꠔꠣꠞꠦ ꠚꠣꠄ
  • ꠃꠞꠣꠔ ꠖꠦꠈꠣꠁꠀ ꠛꠞꠝꠙꠥꠔ꠆ꠞ ꠚꠣꠞ
  • ꠃꠠꠤꠀ ꠀꠁꠀ ꠎꠥꠠꠤꠀ ꠛꠅꠀ
  • ꠄꠈ ꠝꠣꠊꠦ ꠡꠤꠔ ꠎꠣꠄ ꠘꠣ
  • ꠄꠈꠟꠣ ꠊꠞꠞ ꠛꠃꠏꠤ, ꠈꠣꠁꠔꠦ ꠛꠠ ꠡꠥꠇ, ꠝꠣꠞꠔꠦ ꠉꠦꠟꠦ ꠗꠞꠛꠣꠞ ꠘꠣꠁ, ꠅꠃ ꠛꠠ ꠖꠥꠇ
  • ꠄꠈꠣꠄ ꠀꠞ ꠛꠦꠈꠣꠄ ꠢꠝꠣꠘ
  • ꠄꠘ꠆ꠒꠣ ꠚꠣꠠꠦ ꠘꠣ ꠝꠥꠞꠉꠤ ꠇꠞ꠆ꠇꠞꠣꠘꠤꠔ ꠒꠣꠐ
  • ꠄꠛ ꠀꠉꠞ ꠟꠣꠈꠣꠘ ꠖꠤꠘ ꠝꠣꠖꠣꠘ ꠞꠁꠟꠘꠤ
  • ꠄꠝꠘ ꠈꠕꠣ ꠈꠁꠅ, ꠈꠦꠃꠘꠣ ꠈꠄ ꠎꠥꠐ, ꠄꠝꠘ ꠛꠃꠀ ꠛꠁꠅ, ꠈꠦꠃꠘꠣ ꠈꠄ ꠃꠑ
  • ꠄꠠꠣ ꠚꠥꠠꠤꠞ ꠖꠣꠝꠖꠦ ꠀꠞ ꠟꠣꠠꠤꠞ ꠖꠣꠃꠖꠦ ꠢꠝꠣꠘ
  • ꠄꠠꠣ ꠝꠣꠃꠉ ꠀꠉꠦ ꠢꠣꠎꠦ, ꠚꠣꠐꠣ ꠓꠥꠟ ꠀꠉꠦ ꠛꠣꠎꠦ
  • ꠄꠠꠣꠞ ꠉꠥꠠꠤꠞ ꠖꠣꠝꠖꠦ ꠀꠞ ꠟꠣꠠꠤꠞ ꠖꠣꠃꠖꠦ ꠢꠝꠣꠘ
  • ꠅꠁꠄ ꠀꠁꠟꠣꠄ, ꠛꠥꠘꠣꠁꠞꠦ ꠀꠞꠣꠁꠀ
  • ꠅꠃ ꠉꠣꠔꠦꠖꠤ ꠖꠤꠟꠣꠝ ꠗꠥꠝꠣ, ꠢꠃ ꠉꠣꠔꠦꠖꠤ ꠎꠣꠄ, ꠎꠣꠞ ꠟꠣꠉꠤ ꠖꠤꠟꠣꠝ ꠗꠥꠝꠣ, ꠔꠣꠞꠦ ꠈꠣꠄ ꠝꠡꠣꠄ
  • ꠅꠔꠤ ꠜꠈꠔꠤ ꠍꠥꠞꠞ ꠟꠇ꠆ꠇꠘ
  • ꠅꠝ꠆ꠞꠤꠔꠞ ꠝꠣꠞ ꠝꠥꠇ꠆ꠇꠣꠘꠤ ꠝꠤꠐꠣ, ꠢꠣꠞꠣ ꠖꠤꠘ ꠈꠣꠝ ꠈꠞꠣꠁꠀ ꠖꠦꠄ ꠀꠖꠈꠣꠘꠤ ꠚꠤꠑꠣ
  • ꠅꠞꠣꠘ꠆ꠗꠥꠘꠤꠞ ꠀꠔ, ꠞꠃ ꠝꠣꠍꠦ ꠈꠣꠘ꠆ꠖꠦ, ꠘꠣ ꠎꠣꠘꠤ ꠈꠦꠝꠘꠦ ꠞꠣꠘ꠆ꠗꠦ

 

The post ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 1 appeared first on শুরমা ফারর খবর.

]]>