শুরমা ফারর খবর ছিলটি জবানে ছিলটর খবর
Related Articles
ꠀꠁꠍꠇꠥꠞ ꠍꠤꠟꠐ ꠀꠞꠘꠣꠄ ꠍꠤꠟꠦꠐ ꠅꠁꠟ ꠛꠣꠋꠟꠣꠖꠦꠡꠞ ꠃꠔ꠆ꠞ ꠚꠥꠛꠞ ꠄꠉꠥ ꠝꠦꠐ꠆ꠞꠙꠟꠤꠐꠘ ꠄꠞꠤꠀ ⁕ ꠎꠦꠈꠐꠣ ꠍꠤꠟꠐ ꠛꠤꠜꠣꠉ ꠀꠞ ꠎꠤꠟꠣꠞ ꠝꠦꠁꠘ ꠐꠣꠃꠘ ⁕ ꠡꠥꠞꠝꠣ ꠉꠣꠋꠉꠞ ꠚꠣꠞ ꠍꠤꠟꠐ ꠐꠣꠃꠘ ꠚꠠꠍꠦ ⁕ ꠍꠤꠟꠐꠞ ꠢꠣꠅꠀꠛꠣꠔꠣꠡ ꠝꠃꠡꠥꠝꠤ ꠀꠞ ꠎꠣꠉꠣꠁꠘ ꠔꠥꠞꠣ ꠐꠤꠟ꠆ꠟꠣꠐꠣꠟ꠆ꠟꠣꠞ ꠟꠣꠈꠣꠘ, ꠛꠣꠖꠛꠣꠇꠤ ꠚꠝꠣꠘ ꠀꠘ꠆ꠘꠣꠄ ꠀꠅꠞꠦ ꠜꠞꠣ ⁕
ꠍꠤꠟꠐꠞ ꠁꠔꠤꠀꠡ ꠛꠃꠔ ꠚꠥꠞꠣꠘꠣ ⁕ ꠛꠣꠞ ꠜꠥꠁꠀꠞ ꠀꠝꠟ ꠔꠘꠦ ꠁ ꠎꠘꠚꠖ ꠝꠥꠊꠟ ꠅꠈꠟꠞ ꠛꠤꠞꠥꠖ꠆ꠖꠦ ꠘꠤꠎꠡ꠆ꠡꠔꠣ ꠛꠎꠣꠄ ꠞꠣꠈꠔ ⁕ ꠛꠣꠖꠦ ꠀꠍꠔꠦ ꠀꠍꠔꠦ ꠀꠞ ꠎꠣꠉꠣꠁꠘꠔꠞ ꠟꠣꠈꠣꠘ ꠍꠤꠟꠐ ꠅ ꠛꠤꠐꠤꠡ ꠁꠘꠒꠤꠀꠞ ꠅꠋꠡ ꠅꠄ ⁕ ꠎꠣꠞ ꠖꠣꠄ ꠍꠤꠟꠐꠞ ꠜꠃꠉꠟꠤꠇ ꠄꠟꠣꠇꠣ ꠛꠣꠞꠛꠣꠞ ꠃꠟꠐꠚꠣꠟꠐ ꠅꠄ ⁕ ꠀꠁꠍꠇꠥꠞ ꠅꠃ ꠖꠤꠘ 1V8Γ ꠚꠤꠞꠣꠞ ৩ ꠎꠣꠘꠥꠀꠞꠤ ꠀꠡꠣꠝꠞ ꠔ꠆ꠞꠤꠚꠥꠞꠣ ꠞꠣꠁꠎ꠆ꠎ ꠔꠘꠦ ꠉꠘꠜꠥꠐꠞ ꠝꠣꠁꠖ꠆ꠖꠝꠦ ꠛꠤꠢꠔ꠆ꠔꠞ ꠍꠤꠟꠐꠞ ꠎꠘ꠆ꠝ!
ꠎꠦꠉꠔꠤꠇꠦ ꠛꠃꠔꠦ ꠍꠤꠟꠐꠞ ꠎꠘ꠆ꠝꠖꠤꠘ ꠢꠤꠡꠣꠛꠦ ꠁ ꠖꠤꠘꠞꠦ ꠝꠣꠘꠂꠘ ⁕
ꠌꠣꠁꠘꠤꠎ ꠄꠈ ꠁꠔꠤꠀꠡꠤꠛꠤꠖꠦ ꠍꠤꠟꠐꠞꠦ ꠡꠤꠌꠣꠟꠢꠣꠔꠣꠘ ꠘꠣꠝ ꠈꠁꠍꠁꠘ ⁕ ꠍꠤꠟꠐ ꠝꠣꠁꠘꠡꠞ ꠛꠡꠛꠣꠡ ꠈꠄꠈ ꠀꠎꠣꠞ ꠛꠞꠍ ꠁꠝꠣ, ꠄꠈꠡꠝꠅ ꠍꠤꠟꠐ ꠀꠍꠤꠟ ꠇꠣꠝꠞꠥꠙ ꠞꠣꠁꠎ꠆ꠎꠞ ꠜꠤꠔꠞꠦ ⁕ ꠛꠣꠖꠦ ꠄꠈ ꠡꠝꠅ ꠍꠤꠟꠐ ꠉꠃꠠ ꠉꠛꠤꠘ꠆ꠖꠞ ꠞꠣꠎ ꠀꠍꠤꠟ, ꠁ ꠡꠝꠄ ꠍꠤꠟꠐꠞ ꠝꠣꠘꠥꠡꠞ ꠃꠚꠞꠦ ꠎꠦꠎꠣꠔ ꠎꠥꠟꠥꠝ ꠅꠁꠍꠦ, ꠛꠤꠡꠦꠡ ꠈꠞꠤ ꠝꠥꠍꠟꠝꠣꠘ ꠀꠞ ꠛꠃꠖ꠆ꠖ ꠅꠈꠟꠞ ꠃꠚꠞꠦ ⁕ ꠄꠞꠛꠣꠖꠦ ꠡꠣꠢ ꠎꠣꠟꠣꠟꠦ ৩d0 ꠀꠃꠟꠤꠀ ꠟꠁꠀ ꠀꠁꠀ, ꠍꠤꠟꠐ ꠛꠤꠎꠄ ꠈꠞꠤꠀ ꠍꠤꠟꠐꠞ ꠝꠣꠘꠡꠞꠦ ꠃꠖ꠆ꠖꠣꠞ ꠈꠞꠟꠣ ⁕ ꠔꠣꠘ ꠘꠣꠝꠦ ꠄꠈ ꠡꠝꠄ ꠍꠤꠟꠐꠞ ꠘꠣꠝ ꠀꠍꠤꠟ ꠎꠣꠟꠣꠟꠣꠛꠣꠖ ⁕ ꠛ꠆ꠞꠤꠐꠤꠡ ꠀꠁꠛꠣꠞ ꠛꠣꠖꠦ ꠍꠤꠟꠐꠞ ꠉꠥꠞꠥꠔ꠆ꠔ ꠛꠣꠞꠤꠎꠣꠄ, ꠑꠣꠘ꠆ꠒꠣ ꠎꠣꠉꠣ ꠅꠀꠄ ꠍꠤꠟꠐ ꠛ꠆ꠞꠤꠐꠤꠡ ꠅꠈꠟꠞ ꠚꠍꠘ꠆ꠖ ꠅꠁꠍꠤꠟ ꠀꠞ ꠀꠡꠣꠝ ꠀꠞ ꠛꠣꠋꠟꠣꠞ ꠝꠣꠏꠦ ꠅꠀꠄ ꠍꠤꠟꠐ ꠀꠍꠤꠟ ꠎꠦ ꠖꠞꠈꠣꠞꠤ ꠄꠈ ꠎꠣꠉꠣ ⁕ ꠛꠣꠋꠟꠣ ꠀꠞ ꠀꠡꠣꠝꠞꠦ ꠖꠥꠁ ꠐꠥꠝꠣꠔ ꠛꠣꠐ ꠈꠞꠣꠞ ꠛꠣꠖꠦ ꠍꠤꠟꠐ ꠚꠞꠤ ꠎꠣꠄ ꠀꠡꠣꠝ ⁕ ꠁꠇꠐꠣ ꠟꠁꠀ ꠍꠤꠟꠐꠤ ꠅꠈꠟ ꠘꠣꠞꠣꠎ ꠀꠍꠟꠣ, ꠔꠃ ꠎꠦꠛꠟꠣ ꠛꠋꠉꠜꠋꠉ ꠇꠤ ꠛꠣꠋꠟꠣ ꠙ꠆ꠞꠦꠍꠤꠒꠦꠘ꠆ꠍꠤ ꠖꠥꠁ ꠐꠥꠝꠣ ꠅꠁꠟ, ꠍꠤꠟꠐ ꠒꠥꠇꠟ ꠚꠥꠛꠞ ꠛꠣꠋꠟꠣꠔ ⁕ ꠖꠦꠡ ꠜꠣꠉꠞ ꠡꠝꠄ ꠍꠤꠟꠐ ꠢꠤꠞꠤ ꠖꠥꠁ ꠐꠥꠝꠣ ꠅꠁꠎꠣꠄ, ꠄꠈ ꠐꠥꠝꠣ ꠕꠣꠈꠦ ꠚꠣꠇꠤꠍ꠆ꠔꠣꠘ ꠀꠞꠈꠐꠥꠝꠣ ꠄꠘ꠆ꠒꠤꠀꠔ ⁕ ꠛ꠆ꠞꠤꠢꠔ꠆ꠔꠞ ꠍꠤꠟꠐ ꠎꠤꠟꠣ ꠚꠥꠛꠞ ꠚꠣꠇꠤꠍ꠆ꠔꠣꠘꠅ ꠀꠄ ⁕ 19V1 ꠅꠞ ꠡꠋꠉ꠆ꠞꠣꠝꠅ ꠍꠤꠟꠐꠤ ꠅꠈꠟꠞ ꠛꠦꠡꠥꠝꠣꠞ ꠅꠛꠖꠣꠘ ꠀꠍꠤꠟ ⁕ ꠡꠋꠉ꠆ꠞꠣꠝꠞ ꠡꠝꠄ ꠎꠦꠘꠣꠞꠦꠟ ꠀꠍꠟꠣ ꠍꠤꠟꠐꠞ ꠄꠈ ꠈꠁꠟꠎꠣꠞ ꠐꠥꠇꠞꠣ ꠃꠍꠝꠣꠘꠤ, ꠀꠞ ꠖꠦꠡꠞ ꠚꠄꠟꠣ ꠡꠣꠖꠤꠘ ꠕꠣꠘꠣ ꠅꠁꠟ ꠍꠤꠟꠐ ꠎꠤꠟꠣꠞ ꠎꠇꠤꠉꠘꠎ ꠕꠣꠘꠣ ⁕
