শুরমা ফারর খবর ছিলটি জবানে ছিলটর খবর
Related Articles
“ꠡꠣꠔ ꠈꠁꠘꠣꠞ ꠛꠣꠈꠣꠘ” (৩)
ꠍꠤꠟꠐꠤ ꠘꠣꠉꠞꠤ ꠢꠞꠚꠦ ꠟꠦꠈꠣ ꠀꠞ ꠇꠥꠛ ꠘꠣꠝꠈꠞꠣ ꠄꠈꠣꠘ ꠚꠥꠕꠤꠞ ꠘꠣꠝ ꠅꠁꠟ “ꠡꠣꠔ ꠈꠁꠘꠣꠞ ꠛꠣꠈꠣꠘ” ⁕ ꠎꠦꠈꠐꠣꠞ ꠟꠦꠈꠞꠣ ꠍꠂꠅꠖ ꠡꠣꠢꠘꠥꠞ ⁕
“ꠡꠣꠔ ꠈꠁꠘꠣꠞ ꠛꠣꠈꠣꠘ” ꠚꠥꠕꠤꠞ ꠢꠡꠔꠥꠘꠤ, ꠡꠋꠇꠥꠘꠤ, ꠘꠣꠉꠥꠘꠤ, ꠇꠣꠋꠇꠥꠘꠤ, ꠇꠤꠋꠇꠥꠘꠤ, ꠍꠤꠘ꠆ꠔꠘꠤ, ꠚꠖ꠆ꠖꠤꠘꠤ ꠅꠟꠣꠘ ꠡꠣꠔ ꠟꠣꠈꠣꠘ ꠘꠣꠝꠦ ꠄꠛꠅ ꠉꠣꠃ ꠉꠦꠞꠣꠝꠅ ꠚꠥꠕꠤꠞ ꠟꠉꠦꠟꠉꠦ ꠇꠤꠌ꠆ꠌꠣꠅ ꠢꠥꠘꠣ ꠎꠣꠄ ⁕
⁕ ꠔꠦꠍꠞꠣ ꠛꠄꠀꠘ ꠘꠣꠉꠥꠘꠤ ꠈꠁꠘꠣꠞ ⁕
ꠀꠞꠦꠈ ꠛꠄꠀꠘ ꠜꠣꠁ ꠔꠣꠔꠦ ꠉꠞ ꠝꠘ ।।
ꠘꠣꠉꠥꠘꠤ ꠈꠁꠘꠣꠞ ꠇꠤꠍꠥ ꠟꠦꠈꠤꠝꠥ ꠄꠈꠘ ⁕
ꠘꠣꠉꠥꠘꠤ ꠎꠦꠁ ꠈꠁꠘꠣ ꠝꠞꠖꠦ ꠈꠄ ꠡꠔꠤ ।।
ꠖꠤꠘꠦ ꠞꠣꠁꠔꠦ ꠈꠦꠖꠝꠔ ꠈꠞꠦ ꠝꠞꠖꠦꠞ ꠃꠟꠝꠔꠤ ⁕
ꠝꠞꠖꠦ ꠈꠢꠦ ꠀꠝꠣꠞ ꠔꠤꠞꠤ ꠛꠠ ꠡꠔ꠆ꠔꠤ ꠀꠍꠦ ।।
ꠟꠥꠇꠣꠁ ꠍꠣꠚꠣꠁ ꠈꠁꠘꠣ ꠈꠔ ꠝꠞꠖ ꠞꠣꠇꠤꠍꠦ ⁕
ꠀꠛꠦꠞ ꠈꠣꠈꠁꠄ ꠈꠁꠘꠣ ꠡꠥꠗꠥ ꠛꠣꠘ꠆ꠖꠁꠘ ꠈꠦꠡ ।।
ꠈꠝꠞ ꠛꠦꠈꠣ ꠖꠤꠀ ꠢꠣꠐꠦ ꠗꠞꠦ ꠘꠣꠘꠣꠘ ꠜꠦꠡ ⁕
ꠈꠝꠞ ꠛꠦꠈꠣ ꠖꠤꠀ ꠢꠣꠐꠦ ꠝꠣꠎꠣ ꠈꠞꠦ ꠈꠤꠘ ।।
ꠖꠥꠁ ꠍꠃꠇ ꠊꠥꠞ ꠈꠞꠤ ꠍꠣꠄ ꠇꠤꠛꠣ ꠞꠣꠔꠞ ꠖꠤꠘ ⁕
ꠡꠡꠥꠠꠤꠄ ꠖꠤꠟꠦ ꠉꠣꠟꠤ ꠃꠖꠞ ꠜꠞꠤ ꠕꠄ ।।
ꠀꠚꠘ ꠡꠣꠝꠤ ꠛꠣꠠꠤ ꠀꠁꠟꠦ ꠈꠣꠘ꠆ꠖꠤ ꠔꠣꠞꠦ ꠈꠄ ⁕
ꠎꠖꠤ ꠈꠝꠛꠈꠔ ꠛꠦꠐꠣ ꠢꠄ ꠡꠥꠘꠦ ꠛꠃꠞ ꠈꠕꠣ ।।
ꠛꠃꠞ ꠈꠕꠣ ꠡꠥꠘꠤꠀ ꠎꠦ ꠍꠣꠠꠦ ꠝꠣꠔꠣ ꠚꠤꠔꠣ ⁕
ꠝꠣꠔꠣꠞ ꠈꠕꠣ ꠝꠤꠍꠣ ꠅꠄ ꠛꠃꠞ ꠈꠕꠣ ꠢꠣꠍꠣ ।।
ꠡꠄꠔꠣꠘꠦ ꠚꠣꠁꠀ ꠔꠣꠞꠦ ꠈꠞꠤꠍꠦ ꠡꠞꠛꠔꠣ ⁕
ꠚꠞꠤ ꠛꠣꠠꠤ ꠎꠣꠁꠔꠦ ꠘꠣꠞꠤ ꠉꠣꠁꠐꠦ ꠛꠣꠘ꠆ꠖꠦ ꠚꠣꠘ ।।
ꠜꠤꠘ ꠚꠥꠞꠥꠡ ꠒꠣꠇꠤꠀ ꠎꠃꠛꠘ ꠈꠞꠦ ꠖꠣꠘ ⁕
