Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠡꠣꠔ ꠈꠁꠘꠣꠞ ꠛꠣꠈꠣꠘ: ꠍꠃꠕꠣ ꠛꠄꠀꠘ ꠇꠣꠋꠇꠥꠘꠤ ꠈꠁꠘꠣꠞ

ꠡꠣꠔ ꠈꠁꠘꠣꠞ ꠛꠣꠈꠣꠘ: ꠍꠃꠕꠣ ꠛꠄꠀꠘ ꠇꠣꠋꠇꠥꠘꠤ ꠈꠁꠘꠣꠞ

“ꠡꠣꠔ ꠈꠁꠘꠣꠞ ꠛꠣꠈꠣꠘ” (b)


ꠍꠤꠟꠐꠤ ꠘꠣꠉꠞꠤ ꠢꠞꠚꠦ ꠟꠦꠈꠣ ꠀꠞ ꠇꠥꠛ ꠘꠣꠝꠈꠞꠣ ꠄꠈꠣꠘ ꠚꠥꠕꠤꠞ ꠘꠣꠝ ꠅꠁꠟ “ꠡꠣꠔ ꠈꠁꠘꠣꠞ ꠛꠣꠈꠣꠘ” ⁕ ꠎꠦꠈꠐꠣꠞ ꠟꠦꠈꠞꠣ ꠍꠂꠅꠖ ꠡꠣꠢꠘꠥꠞ ⁕
“ꠡꠣꠔ ꠈꠁꠘꠣꠞ ꠛꠣꠈꠣꠘ” ꠚꠥꠕꠤꠞ ꠢꠡꠔꠥꠘꠤ, ꠡꠋꠇꠥꠘꠤ, ꠘꠣꠉꠥꠘꠤ, ꠇꠣꠋꠇꠥꠘꠤ, ꠇꠤꠋꠇꠥꠘꠤ, ꠍꠤꠘ꠆ꠔꠘꠤ, ꠚꠖ꠆ꠖꠤꠘꠤ ꠅꠟꠣꠘ ꠡꠣꠔ ꠟꠣꠈꠣꠘ ꠘꠣꠝꠦ ꠄꠛꠅ ꠉꠣꠃ ꠉꠦꠞꠣꠝꠅ ꠚꠥꠕꠤꠞ ꠟꠉꠦꠟꠉꠦ ꠇꠤꠌ꠆ꠌꠣꠅ ꠢꠥꠘꠣ ꠎꠣꠄ ⁕


⁕ ꠍꠃꠕꠣ ꠛꠄꠀꠘ ꠇꠣꠋꠇꠥꠘꠤ ꠈꠁꠘꠣꠞ ⁕

 

ꠀꠞꠦꠈ ꠛꠄꠀꠘ ꠜꠣꠁ ꠔꠣꠔꠦ ꠈꠞ ꠝꠘ ।।

ꠇꠣꠋꠇꠥꠘꠤ ꠈꠁꠘꠣꠞ ꠇꠤꠍꠥ ꠟꠦꠈꠤ ꠛꠤꠛꠞꠘ ⁕

ꠇꠣꠋꠇꠥꠘꠤ ꠎꠦꠁ ꠈꠁꠘꠣ ꠚꠥꠡꠣꠉ ꠟꠣꠉꠣꠄ ।।

ꠡꠣꠔ ꠈꠣꠝ ꠊꠞꠦ ꠕꠁꠀ ꠚꠞꠤ ꠛꠣꠠꠤ ꠎꠣꠄ ⁕

ꠚꠞꠤ ꠛꠣꠠꠤ ꠎꠣꠄ ꠛꠦꠐꠤ ꠖꠤꠟꠦ ꠇꠥꠡꠤ ꠢꠁꠀ ।।

ꠚꠞꠤ ꠛꠣꠠꠤꠞ ꠛꠦꠐꠤ ꠛꠣꠞꠄ ꠈꠣꠐ ꠚꠤꠠꠣ ꠟꠁꠀ ⁕

ꠀꠁꠡ ꠀꠁꠡ ꠅꠢꠦ ꠛꠁꠘ ꠉ ꠈꠣꠅ ꠛꠣꠐꠣꠞ ꠚꠣꠘ ।।

ꠔꠥꠝꠣꠞꠦ ꠘꠣ ꠖꠦꠇꠤꠟꠦ ꠜꠁꠘ ꠃꠠꠦ ꠎꠣꠄ ꠚꠞꠣꠘ ⁕

ꠖꠥꠇꠦ ꠡꠥꠇꠦ ꠚꠠꠤꠟꠦ ꠜꠁꠘ ꠉ ꠈꠦꠘ ꠘꠣꠁ ꠚꠣꠁ ।।

ꠇꠥꠘꠥ ꠉꠠꠤ ꠀꠡꠤꠛꠣꠄ ꠜꠁꠘ ꠉ ꠚꠕꠦꠞ ꠚꠣꠘꠦ ꠍꠣꠁ ⁕

ꠈꠝꠛꠈꠔꠦ ꠈꠝꠛꠈꠔꠦ ꠎꠖꠤ ꠝꠤꠟꠘ ꠢꠁꠟ ꠚꠥꠞꠣ ।।

ꠖꠤꠟꠦꠞ ꠈꠕꠣ ꠜꠣꠋꠉꠤ ꠈꠁꠟꠦ ꠝꠞꠖꠦꠞ ꠢꠄ ꠛꠥꠞꠣ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …