ꠈꠣꠝꠟꠣ ꠛꠦꠛꠡꠣꠁ ꠇꠟꠡ꠆ꠐꠘꠞ ꠎꠣꠉꠣꠔ ꠈꠣꠟꠤꠀꠘꠣ ꠝꠣꠞꠤꠅꠟꠞ ꠚꠥꠔꠟꠣ
ꠀꠝꠦꠞꠤꠇꠣꠞ ꠈꠣꠟꠤꠀꠘꠣ ꠎꠞ꠆ꠎ ꠚ꠆ꠟꠄꠒ ꠇꠥꠘꠞ ꠊꠐꠘꠣꠔ ꠖꠥꠘꠤꠀꠎꠥꠠꠤ ꠍꠣꠘꠤꠎꠣꠅꠀ ꠝꠣꠞꠤꠞꠞ ꠎꠦꠞꠦ ꠉꠦꠍꠦ ꠝꠣꠡ ꠁꠋꠟꠦꠘ꠆ꠒꠞ ꠛ꠆ꠞꠤꠡ꠆ꠐꠟ ꠝꠣꠞꠤꠅꠟꠦ ꠔꠥꠟꠤ ꠚꠣꠟꠣꠁꠘ ꠡꠔ꠆ꠞꠡ ꠡꠔꠣꠛ꠆ꠖꠤꠞ ꠈꠣꠝꠟꠣ ꠛꠦꠛꠡꠣꠁ ꠄꠒꠅꠀꠞ꠆ꠒ ꠇꠟꠡ꠆ꠐꠘꠞ ꠚꠥꠔꠟꠣꠞ ꠎꠦꠉꠣꠔ ꠄꠛ꠆ꠟꠣ ꠛꠀꠘꠤ ꠅꠁꠍꠦ ꠄꠇ ꠈꠣꠟꠤꠀꠘꠣ ꠝꠣꠞꠤꠅꠟꠞ ꠚꠥꠔꠟꠣ⁕ ꠛ꠆ꠞꠤꠐꠤꠡ ꠡꠤꠟ꠆ꠙꠤ ꠝꠣꠞ꠆ꠇ ꠇꠥꠁꠘꠦ ꠁ ꠚꠥꠔꠟꠣ ꠛꠣꠘꠣꠁꠍꠘ⁕ ꠛꠥꠗꠛꠣꠞ ꠝꠣꠞ꠆ꠇ ꠇꠥꠁꠘꠞ ꠉꠥꠞꠄ ꠈꠣꠟꠤꠀꠘꠣ ꠎꠦꠘ ꠞꠤꠒꠞ ꠚꠥꠔꠟꠣ ꠛꠀꠁꠍꠦ⁕
‘ꠖꠣ ꠉꠣꠞ꠆ꠒꠤꠀꠘ’ ꠙꠦꠙꠣꠞꠦ ꠎꠣꠘꠣꠄ, ꠛ꠆ꠞꠤꠡ꠆ꠐꠟ ꠃꠔ꠆ꠔꠣꠟ ꠛꠤꠇ꠆ꠡꠧꠜꠦꠞ ꠡꠝꠅ ꠇꠟꠡ꠆ꠐꠘꠞ ꠚꠥꠔꠟꠣ ꠐꠣꠘꠤꠀ ꠘꠣꠝꠣꠘꠤ ꠛꠣꠖꠦ ꠢꠃ ꠚꠤꠟꠣꠞꠞ ꠃꠚꠞꠦ ꠈꠣꠟꠤꠀꠘꠣ ꠝꠣꠞꠤꠅꠟ ꠎꠦꠘ ꠞꠤꠒꠞ ꠃꠛꠣꠘꠤꠔ ꠕꠣꠈꠣ ꠄꠉꠥ ꠍꠛꠤ ꠟꠣꠉꠣꠘꠤ ꠅꠁꠍ꠆ꠟ⁕ ꠎꠦꠘ ꠞꠤꠒ ‘ꠛ꠆ꠟꠣꠇ ꠟꠣꠁꠜ꠆ꠍ ꠝꠦꠐꠣꠞ’ ꠀꠘ꠆ꠖꠥꠟꠘꠅ ꠡꠞꠤꠇ ꠅꠀ ꠄꠈ ꠛꠦꠐꠤ⁕ ꠚꠥꠔꠟꠣ ꠉꠥ ꠔꠣꠘ ꠒꠃꠟꠦ ꠀꠔ ꠃꠚꠞꠦꠖꠤ ꠔꠤꠟꠣꠀ ꠝꠥꠁꠐ ꠈꠞꠣ ꠝꠣꠞꠤꠞ ꠟꠣꠈꠣꠘ ꠛꠣꠘꠣꠁꠟ ꠅꠁꠍꠦ⁕
ꠎꠞꠤꠀ: ꠞꠄꠐꠣꠞ꠆ꠍ