শুরমা ফারর খবর ছিলটি জবানে ছিলটর খবর
Related Articles
ꠇꠞꠘꠣ ꠜꠣꠁꠞꠣꠎꠞ ꠖꠣꠄ ꠛꠘ ꠕꠣꠈꠣ ꠡꠤꠇ꠆ꠇꠣ ꠚꠔꠤꠡ꠆ꠑꠣꠘ ꠈꠥꠟꠣꠞ ꠛꠤꠡꠄ ꠄꠛꠅ ꠇꠥꠘꠥ ꠡꠤꠖ꠆ꠗꠣꠘ꠆ꠔ ꠅꠁꠍꠦ ꠘꠣ⁕ ꠀꠉꠣꠝꠤ ২৫ ꠀꠉꠡ꠆ꠐꠞ ꠛꠣꠖꠦ ꠛꠤꠡꠄ ꠡꠤꠖ꠆ꠗꠣꠘ꠆ꠔ ꠟꠀ ꠅꠁꠛ ꠈꠞꠤꠀ ꠎꠣꠘꠣꠁꠍꠁꠘ ꠡꠤꠇ꠆ꠇꠣ ꠝꠘ꠆ꠔ꠆ꠞꠘꠣꠟꠅꠞ ꠝꠣꠖ꠆ꠖꠝꠤꠇ ꠅ ꠃꠌ꠆ꠌ ꠡꠤꠇ꠆ꠇꠣ ꠛꠤꠜꠣꠉꠞ ꠡꠌꠤꠛ ꠝꠥ. ꠝꠣꠢꠛꠥꠛ ꠢꠥꠡꠦꠘ⁕
ꠡꠝꠛꠣꠞ ꠡꠌꠤꠛꠣꠟꠄ ꠡꠣꠋꠛꠣꠖꠤꠇ ꠅꠈꠟꠞꠦ ꠄꠈ ꠚꠍ꠆ꠘꠞ ꠎꠥꠀꠚꠦ ꠁ ꠈꠕꠣ ꠔꠣꠁꠘ ꠈꠁꠘ⁕
ꠇꠞꠘꠣ ꠜꠣꠁꠞꠣꠍꠞ ꠖꠣꠄ ꠛꠘ ꠕꠣꠈꠣ ꠄꠁꠌꠄꠍꠍꠤ ꠙꠞꠤꠇ꠆ꠇꠣ ꠟꠁꠀ ꠡꠌꠤꠛ ꠝꠣꠢꠛꠥꠛ ꠢꠥꠡꠦꠘꠦ ꠈꠁꠘ, ‘ꠎꠦꠛꠟꠣꠃ ꠀꠝꠞꠣ ꠙꠞꠤꠇ꠆ꠇꠣ ꠘꠦꠁ ꠘꠦ ꠈꠦꠘꠦ, ꠊꠥꠡꠘꠣ ꠖꠤ ꠎꠣꠘꠣꠘꠤ ꠅꠁꠛ⁕ ꠁꠔꠣ ꠇꠥꠘꠥ ꠟꠥꠇꠣꠁꠟ ꠡꠤꠖ꠆ꠗꠣꠘ꠆ꠔ ꠘꠣꠄ⁕ ꠡ ꠡ ꠈꠞꠔꠤꠚꠇ꠆ꠇꠞ ꠅꠘꠥꠝꠥꠖꠘ ꠟꠁꠀ ꠡꠤꠇ꠆ꠇꠣ ꠝꠘ꠆ꠔ꠆ꠞꠘꠣꠟꠄ ꠔꠘꠦ ꠙꠞꠤꠇ꠆ꠇꠣ ꠡꠥꠞꠥꠞ ꠛꠤꠡꠄ ꠊꠥꠡꠘꠣ ꠈꠞꠣ ꠅꠁꠛ⁕ ꠁꠔꠣ ꠟꠁꠀ ꠇꠥꠘꠥ ꠉꠥꠎꠛ ꠍꠤꠔ꠆ꠞꠣꠘꠤꠅ ꠃꠍꠤꠔ ꠘꠣꠄ⁕’
ꠔꠣꠁꠘ ꠈꠁꠘ, ‘ꠁꠇꠐꠣ (ꠄꠁꠌꠄꠍꠍꠤ) ꠄꠈꠐꠣ ꠙꠣꠛꠟꠤꠇ ꠙꠞꠤꠇ꠆ꠇꠣ, ꠄꠞ ꠟꠉꠦ ꠀꠝꠞꠣꠞ ꠛꠃꠔ ꠚꠠꠥꠀꠁꠘ꠆ꠔꠞ ꠎꠤꠛꠘ ꠎꠠꠤꠔ⁕’
ꠉꠦꠍꠦ ১৭ ꠝꠣꠞ꠆ꠌ ꠔꠘꠦ ꠇꠞꠘꠣꠞ ꠖꠣꠄ ꠖꠦꠡꠞ ꠢꠈꠟ ꠡꠤꠇ꠆ꠇꠣ ꠚꠔꠤꠡ꠆ꠑꠣꠘ ꠀꠉꠣꠝꠤ ৩১ ꠀꠉꠡ꠆ꠐ ꠚꠞ꠆ꠎꠘ꠆ꠔ ꠛꠘ꠆ꠗ ꠊꠥꠡꠘꠣ ꠈꠞꠣ ꠅꠁꠍꠦ⁕
ꠡꠤꠇ꠆ꠇꠣ ꠚꠔꠤꠡ꠆ꠑꠣꠘ ꠈꠥꠟꠣꠞ ꠛꠦꠚꠣꠞꠦ ꠡꠌꠤꠛ ꠝꠣꠢꠛꠥꠛ ꠢꠥꠡꠦꠘꠦ ꠈꠁꠘ, ‘২৫ ꠔꠣꠞꠤꠇꠞ ꠛꠣꠖꠦ ꠀꠝꠞꠣ ꠊꠥꠡꠘꠣ ꠈꠞꠝꠥ ꠎꠦ, ꠇꠤꠔꠣ ꠈꠞꠔꠣꠝ⁕’
ꠀꠍ꠆ꠔꠦꠀꠍ꠆ꠔꠦ ꠛꠤꠡ꠆ꠡꠛꠤꠖ꠆ꠖꠣꠟꠄ, ꠇꠟꠦꠎ, ꠁꠍ꠆ꠇꠥꠟ ꠈꠥꠟꠣ ꠅꠁꠛ ꠇꠤ ꠘꠣ- ꠚꠍ꠆ꠘꠦ ꠔꠣꠁꠘ ꠈꠁꠘ, ‘ꠎꠦꠛ꠆ꠟꠣꠃ ꠀꠝꠞꠣ ꠇꠤꠟꠤꠀꠞꠦꠘ꠆ꠍ ꠚꠣꠁꠝꠥ, ꠟꠉꠟꠉ ꠎꠣꠘꠣꠁꠝꠥ⁕’
