Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠔꠞꠎꠝꠣ ꠚꠁꠖ꠆ꠖ: ꠛꠞꠣꠚꠎꠠꠤ (Snow)

ꠔꠞꠎꠝꠣ ꠚꠁꠖ꠆ꠖ: ꠛꠞꠣꠚꠎꠠꠤ (Snow)

ꠚꠂꠖ꠆ꠖ: ꠛꠞꠣꠚꠎꠠꠤ《沁园春·雪》
ꠇꠛꠤ: ꠝꠣꠅ ꠍꠦꠔꠥꠋ (毛泽东)
ꠔꠞꠎꠝꠣ: ꠀꠛꠥ ꠍꠣꠁꠖ

ꠁꠔꠣ ꠘꠥ ꠖꠦꠈꠣꠎꠣꠄ ꠖꠦꠡꠞ ꠃꠔ꠆ꠞꠉꠣꠟꠣꠔ
ꠀꠎꠣꠞ ꠟꠤ ꠛꠞꠚꠞ ꠔꠟꠣꠔ,
ꠖꠡ ꠀꠎꠣꠞ ꠟꠤ ꠔꠥꠡꠣꠞꠞ ꠍꠤꠚꠣꠔ।
ꠝꠢꠣꠚꠣꠍꠤꠞꠞ ꠜꠤꠔ꠆ꠔꠞ ꠀꠘ꠆ꠘꠣꠄ ꠛꠣꠞꠣ,
ꠁ ꠎꠦꠘ ꠢꠈꠟꠔꠣ ꠛꠘꠤꠉꠦꠍ ꠔꠥꠘꠖ꠆ꠞꠣ।
ꠢꠥꠀꠋꠢꠥ ꠉꠣꠋꠉꠞ ꠃꠚꠞ ꠈꠃ ꠘꠤꠍ
ꠁ ꠎꠦꠘ ꠎꠐꠣ ꠟꠣꠉꠣꠁꠟ ꠛꠞꠣꠚꠞ ꠚꠤꠍ।
ꠞꠥꠚꠣꠟꠤ ꠢꠣꠚꠞ ꠟꠣꠈꠣꠘ ꠎꠦꠘꠦ ꠈꠦꠎꠣꠁꠟ ꠝꠥꠠꠣꠁꠟ ꠚꠣꠢꠣꠠ,
ꠖꠣꠔꠣꠟꠣ ꠀꠔ꠆ꠔꠤꠞ ꠟꠣꠈꠣꠘ ꠚꠣꠟꠣꠁꠀ ꠃꠚꠞꠦ,
ꠎꠦꠒ ꠞꠣꠎꠣꠞ ꠟꠉꠦ ꠎꠦꠘ ꠚꠣꠟ꠆ꠟꠣꠖꠤ ꠃꠠꠛ!
ꠇꠥꠘꠥ ꠄꠈ ꠞꠖꠤꠞ ꠖꠤꠘꠅ,
ꠚꠈꠚꠈꠣ ꠚꠇꠞꠤꠔꠤꠞ ꠎꠦꠘꠦ ꠟꠣꠟ ꠈꠣꠚꠞ ꠚꠤꠘ꠆ꠖꠘꠅ,
ꠀꠘꠣꠁꠀ ꠛꠤꠘꠣꠁꠀ ꠒꠣꠈꠦ ꠀꠞ ꠎꠦꠘꠦ ꠐꠣꠘꠦ।

ꠡꠣꠄꠡꠥꠘ꠆ꠖꠞ ꠘꠥ ꠁ ꠎꠘꠚꠖ
ꠈꠔ ꠔꠣꠉꠠꠣꠁꠘꠞꠦ ꠈꠞꠍꠦ ꠡꠝ꠆ꠝꠣꠘꠤꠔ ꠚꠖ।
ꠡꠝ꠆ꠞꠣꠐ ꠌꠤꠘ-ꠡꠤ ꠢꠥꠀꠋ ꠀꠞ ꠢꠣꠘ ꠁꠃ’ꠞ ꠟꠣꠉꠤ ꠟꠣꠉꠦ ꠀꠚꠍꠥꠍ,
ꠡꠣꠁꠔ꠆ꠔꠞ ꠛꠣꠄ ꠄꠞꠣꠞ ꠘꠣ ꠀꠍ꠆ꠟ ꠞꠥꠡ।
ꠔꠣꠋ-ꠎꠋ ꠀꠞ ꠍꠣꠋ-ꠎꠥ ꠡꠝ꠆ꠞꠣꠐ ꠅ ꠀꠍ꠆ꠟꠣ ꠅꠟꠣꠘ,
ꠈꠣꠁꠡ ꠘꠣ ꠀꠍꠤꠟ ꠄꠞꠣꠞꠅ ꠚꠂꠖ꠆ꠖꠞ ꠟꠣꠉꠤꠘ।
ꠄꠈ ꠍꠤꠠꠤꠞ ꠉꠠꠤꠝꠣ ꠍꠤꠠ ꠝꠢꠣꠘ,
ꠡꠣꠅꠡꠤ ꠝꠣꠞꠤꠅꠟ ꠌꠦꠋꠉꠤꠍ ꠈꠣꠘ,
ꠁꠉꠟ ꠡꠤꠇꠣꠞ ꠎꠣꠘꠔꠣ ꠛꠣꠟꠣ’ꠃ ꠗꠘꠥꠇ ꠔꠦꠠꠣꠁꠀ।
ꠀꠁꠎ ꠘꠥ ꠡꠛꠔꠣ ꠡꠤꠔꠤ
ꠘꠣꠝꠤꠀꠟꠣ ꠝꠣꠘꠥꠁꠘ꠆ꠔꠞ ꠅ ꠘꠣꠁ ꠉꠘ-ꠉꠔꠤ,
ꠇꠥꠘꠥ ꠍꠥꠞꠔ ꠀꠝꠞꠣ ꠅꠘꠦ ꠚꠞꠤ ꠞꠁꠍꠤ।

 

ꠌꠤꠘꠞ ꠚꠔꠤꠡꠐꠣꠔꠣ ꠝꠣꠅ ꠍꠦꠔꠥꠋ (Mao Zedong) ꠅꠞ ꠄꠉꠥ ꠘꠣꠝꠈꠞꠣ ꠚꠁꠖ꠆ꠖ ꠛꠞꠣꠚꠎꠠꠤꠞ ꠔꠞꠎꠝꠣ⁕

5/5 - (11 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …