Home / ꠍꠤꠟꠐ / ꠍꠤꠟꠐꠤ ꠝꠣꠔꠣ ꠀꠘ꠆ꠖꠥꠟꠘꠞ ꠚꠣꠍ ꠈꠣꠘ ꠛꠥꠘꠤꠀꠖꠤ ꠚꠣꠄꠀ: ꠝꠥꠝꠤꠘꠥꠟ ꠢꠇ

ꠍꠤꠟꠐꠤ ꠝꠣꠔꠣ ꠀꠘ꠆ꠖꠥꠟꠘꠞ ꠚꠣꠍ ꠈꠣꠘ ꠛꠥꠘꠤꠀꠖꠤ ꠚꠣꠄꠀ: ꠝꠥꠝꠤꠘꠥꠟ ꠢꠇ

mominul hoque
ꠁꠔꠤꠢꠣꠡꠛꠤꠖ ꠝꠥꠝꠤꠘꠤꠟ ꠢꠇ (ꠍꠛꠤ ©ꠘꠦꠐ ꠔꠘꠦ)

ꠍꠤꠟꠐꠤ ꠝꠣꠔ, ꠍꠤꠟꠐꠤ ꠘꠣꠉꠞꠤ ꠢꠞꠚ ꠀꠞ ꠍꠤꠟꠐꠤ ꠝꠣꠘꠥꠡ ꠅꠈꠟꠞ ꠖꠣꠄ ꠖꠥꠘꠤꠀꠎꠥꠠꠤ ꠈꠣꠍꠖꠤꠟꠦ ꠛꠃꠔꠦ ꠛꠃꠔ ꠟꠣꠈꠣꠘ ꠈꠣꠝ ꠈꠞꠤꠀ ꠎꠣꠁꠞꠣ ⁕ ꠔꠣꠘꠔꠣꠘꠞ ꠈꠣꠝꠈꠣꠎꠞ ꠏꠠꠤꠀꠄ ꠍꠤꠟꠐꠤ ꠝꠣꠔ ꠎꠦ ꠈꠣꠟꠤ ꠝꠤꠍꠝꠣꠞ ꠅꠀꠞ ꠀꠔ ꠔꠘꠦ ꠢꠦꠚꠣꠏꠔ ꠅꠁꠍꠦ ꠁꠟꠣꠘ ꠘꠣꠄ, ꠃꠚꠔꠦ ꠗꠣꠘ꠆ꠖꠣꠇꠥꠞ ꠅꠈꠟꠞ ꠁ ꠟꠤꠚꠤꠞꠦ ꠛꠤꠘꠣꠡ ꠈꠞꠤꠀ ꠝꠤꠃꠏꠤꠀꠝꠅ ꠚꠣꠐꠣꠘꠤꠞ ꠚꠣꠄꠔꠣꠞꠣ ꠔꠘꠦ ꠞꠦꠢꠣꠁ ꠚꠣꠁꠀ ꠍꠤꠟꠐꠤ ꠘꠣꠉꠞꠤ ꠢꠞꠚ ꠅꠘꠇꠦ ꠝꠣꠘꠡꠞ ꠀꠔꠀꠔ ꠀꠃꠀꠞ ꠟꠣꠈ ꠅꠁꠀ ꠀꠁꠔ꠆ꠔꠦ ꠇꠣꠝꠤꠀꠛ ꠅꠁꠍꠦ ⁕ ꠎꠦ ꠉꠔꠤꠇꠦ ꠍꠤꠟꠐꠤ ꠘꠣꠉꠞꠤ ꠢꠞꠚ ꠖꠤꠀ ꠀꠁꠎ ꠝꠣꠘꠡꠦ ꠟꠦꠈꠔꠣ-ꠚꠠꠔꠣ ꠚꠣꠞꠞꠣ; ꠀꠞꠎꠣꠔꠤ ꠝꠣꠔꠦ ꠟꠦꠈꠣ ꠃꠁꠇꠤꠝꠤꠒꠤꠀ ꠚꠎꠦꠇ꠆ꠐꠞ ꠝꠔꠘ ꠁ ꠎꠛꠣꠘꠦꠅ ꠟꠦꠈꠣ ꠅꠁꠍꠦ – ꠍꠤꠟꠐꠤ ꠃꠁꠇꠤꠙꠤꠒꠤꠀ, ꠃꠁꠇꠤꠡꠛ꠆ꠖꠣꠁꠘ, ꠃꠁꠇꠤꠈꠛꠞ, ꠃꠁꠇꠤꠍꠚꠞ, ꠃꠁꠇꠤꠒꠣꠈ ꠡꠁꠔꠦ ꠃꠁꠇꠤꠛꠁ ⁕

ꠁꠔꠤꠀꠡꠛꠤꠖ ꠒ. ꠝꠥꠝꠤꠘꠥꠟ ꠢꠇ ꠛꠃꠔ ꠖꠤꠘ ꠗꠞꠤ ꠍꠤꠟꠐꠤ ꠝꠣꠔ ꠟꠁꠀ ꠈꠣꠝꠈꠣꠏ ꠈꠞꠞꠣ ꠔ ꠈꠞꠞꠣ, ꠟꠉꠦ ꠔꠣꠁꠘ ꠔꠣꠘ ꠘꠤꠎꠞ ꠉꠣꠐꠤꠞ ꠚꠄꠡꠣ ꠈꠞꠍ ꠈꠞꠤꠀ ꠍꠤꠟꠐꠤ ꠘꠣꠉꠞꠤ ꠍꠣꠁꠞ ꠛꠣꠄ ꠍꠤꠔꠞꠣꠁꠀ ꠖꠤꠛꠣꠞ ꠖꠣꠄ ꠈꠣꠝ ꠈꠞꠤꠀ ꠎꠣꠁꠞꠣ ⁕ ꠔꠣꠁꠘ ꠚꠣꠍ-ꠚꠣꠍ ꠈꠣꠘ ꠁꠔꠤꠀꠡ ꠛꠁꠀꠁꠘ ꠟꠦꠈꠍꠂꠘ ⁕ ꠅꠃ ꠏꠠꠤꠀꠄ ꠔꠣꠁꠘ ꠔꠣꠉꠤꠖ ꠖꠤꠀ ꠞꠣꠎ꠆ꠎꠤꠞ ꠡꠤꠇ꠆ꠇꠣ ꠚꠔꠤꠡꠐꠣꠘ ꠍꠤꠟꠐꠤ ꠘꠣꠉꠞꠤ ꠢꠤꠇꠣꠘꠤꠔ ꠇꠣꠝꠤꠀꠛꠤ ꠚꠣꠁꠍꠂꠘ, ꠀꠞ ”ꠘꠣꠉꠞꠤ ꠛꠞ꠆ꠘꠦ ꠍꠤꠟꠐꠤ ꠜꠣꠡꠣ ꠡꠤꠇꠞꠤꠔꠤ ꠙꠞꠤꠡꠖ” ꠘꠣꠝꠦ ꠄꠈꠣꠘ ꠉꠘ-ꠉꠥꠁꠐ ꠍꠣꠟꠥ ꠈꠞꠍꠂꠘ ⁕ ꠎꠦꠈꠐꠣꠄ ꠖꠦꠡ ꠛꠤꠖꠦꠡ ꠍꠤꠟꠐꠤ ꠘꠣꠉꠞꠤꠞ ꠖꠣꠄ ꠞꠣꠁꠔꠦ ꠖꠤꠘꠦ ꠈꠣꠝ ꠍꠣꠟꠣꠁꠀ ꠎꠣꠞ ⁕

ꠘꠣꠉꠞꠤ ꠢꠤꠇꠤ (Nagri Hiki) ꠛꠁꠅ ꠝꠥꠝꠤꠘꠥꠟ ꠢꠇꠞ ꠛꠄꠀꠘ

Γ০Γ1 ꠚꠤꠞꠔꠤꠞ ꠀꠉꠡ꠆ꠐ ꠝꠣꠡ ꠁꠃ’ꠄꠘ’ꠒꠤ’ꠙꠤ ꠀꠞ ꠝꠣꠍ꠆ꠐꠣꠞꠙꠤꠍ ꠛꠣꠋꠟꠣꠖꠦꠡꠞ ꠖꠄꠎꠘꠞ ꠃꠖ꠆ꠖꠥꠉꠦ ꠘꠣꠉꠞꠤ ꠢꠤꠇꠤ ꠛꠁ ꠈꠣꠘ ꠍꠣꠚꠣꠁꠟꠦ ꠒ. ꠝꠥꠝꠤꠘꠥꠟ ꠢꠇꠦ ꠁꠇꠣꠘ ꠟꠁꠀ ꠔꠣꠘꠞ ꠀꠈꠟꠝꠣꠘ ꠝꠔꠣꠝꠔ ꠖꠦꠁꠘ ⁕ ꠔꠣꠘ ꠛꠄꠀꠘꠦ, ꠍꠤꠟꠐꠤ ꠝꠣꠔꠣ ꠀꠘ꠆ꠖꠥꠟꠘꠞ ꠚꠣꠍ ꠈꠣꠘ ꠛꠥꠘꠤꠀꠖꠤ ꠚꠣꠄꠀ ꠀꠍꠦ:

ꠄꠈ, ꠍꠤꠟꠐꠤ ꠝꠣꠔ ꠚꠥꠞꠣ ꠃ ꠄꠈꠣꠘ ꠘꠤꠎꠦꠡ꠆ꠡ ꠝꠣꠔ

ꠖꠥꠁ, ꠍꠤꠟꠐꠤ ꠝꠣꠔ ꠃ ꠍꠤꠟꠐꠤꠘꠔꠞ ꠝꠣꠁꠞꠝꠣꠔ  

ꠔꠤꠘ, ꠍꠤꠟꠐꠤ ꠄꠉꠥ ꠀꠉꠟꠣ ꠎꠣꠔꠤꠞ ꠘꠣꠝ

ꠍꠣꠁꠞ, ꠘꠣꠉꠞꠤ ꠛꠣꠘꠣꠘ ꠟꠣꠝ꠆ꠛꠣꠈꠞꠤ ꠁ ꠖꠤꠀ ꠅꠁꠔ ꠘꠣꠄ, ꠛꠣꠐ꠆ꠐꠤꠈꠞꠤ ꠁ ꠖꠤꠀ ꠅꠁꠛ (ꠚꠥꠛꠞ ꠘꠣꠉꠞꠤꠔ ꠁ ꠖꠥꠁꠈꠣꠘ)

ꠚꠣꠍ, ꠍꠤꠟꠐꠤ ꠝꠣꠔꠞ ꠍꠤꠚꠣꠁ ꠅꠈꠟ ꠍꠤꠟꠐꠤ ꠎꠣꠔꠤꠞ ꠡꠛꠍꠦ ꠡꠦꠞꠣ ꠍꠣꠃꠍꠤꠠꠤ ⁕ 

5/5 - (6 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ ꠍꠣꠟꠣꠝ, ꠁꠖ ꠝꠥꠛꠣꠞꠇ

ꠍꠃꠖꠤ, ꠝꠤꠒꠤꠟꠤꠡ꠆ꠐ ꠡꠢ ꠚꠍ꠆ꠝꠞ ꠖꠦꠡꠣꠁꠘ꠆ꠔ ꠀꠁꠎ ꠁꠖ-ꠃꠟ-ꠚꠤꠔꠤꠞ ꠚꠣꠟꠘ ꠈꠞꠣ ꠅꠁꠞ ⁕ ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ …