শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠤ ꠝꠣꠔ, ꠍꠤꠟꠐꠤ ꠘꠣꠉꠞꠤ ꠢꠞꠚ ꠀꠞ ꠍꠤꠟꠐꠤ ꠝꠣꠘꠥꠡ ꠅꠈꠟꠞ ꠖꠣꠄ ꠖꠥꠘꠤꠀꠏꠥꠠꠤ ꠈꠣꠍꠖꠤꠟꠦ ꠛꠃꠔꠦ ꠛꠃꠔ ꠟꠣꠈꠣꠘ ꠈꠣꠝ ꠈꠞꠤꠀ ꠏꠣꠁꠞꠣ ⁕ ꠔꠣꠘꠔꠣꠘꠞ ꠈꠣꠝꠈꠣꠏꠞ ꠏꠠꠤꠀꠄ ꠍꠤꠟꠐꠤ ꠝꠣꠔ ꠏꠦ ꠈꠣꠟꠤ ꠝꠤꠍꠝꠣꠞ ꠅꠀꠞ ꠀꠔ ꠔꠘꠦ ꠢꠦꠚꠣꠏꠔ ꠅꠁꠍꠦ ꠁꠟꠣꠘ ꠘꠣꠄ, ꠃꠚꠔꠦ ꠗꠣꠘ꠆ꠖꠣꠇꠥꠞ ꠅꠈꠟꠞ ꠁ ꠟꠤꠚꠤꠞꠦ ꠛꠤꠘꠣꠡ ꠈꠞꠤꠀ ꠝꠤꠃꠏꠤꠀꠝꠧ ꠚꠣꠐꠣꠘꠤꠞ ꠚꠣꠄꠔꠣꠞꠣ ꠔꠘꠦ ꠞꠦꠢꠣꠁ ꠚꠣꠁꠀ ꠍꠤꠟꠐꠤ ꠘꠣꠉꠞꠤ ꠢꠞꠚ ꠅꠘꠇꠦ ꠝꠣꠘꠡꠞ ꠀꠔꠧꠀꠔꠧ ꠀꠅꠀꠞ ꠟꠣꠈ ꠅꠁꠀ ꠀꠁꠔ꠆ꠔꠦ ꠇꠣꠝꠤꠀꠛ ꠅꠁꠍꠦ ⁕ ꠏꠦ ꠉꠔꠤꠇꠦ ꠍꠤꠟꠐꠤ ꠘꠣꠉꠞꠤ ꠢꠞꠚ ꠖꠤꠀ ꠀꠁꠏ ꠝꠣꠘꠡꠦ ꠟꠦꠈꠔꠣ-ꠚꠠꠔꠣ ꠚꠣꠞꠞꠣ; ꠀꠞꠏꠣꠔꠤ ꠝꠣꠔꠦ ꠟꠦꠈꠣ ꠃꠁꠇꠤꠝꠤꠒꠤꠀ ꠚꠎꠦꠇ꠆ꠐꠞ ꠝꠔꠘ ꠁ ꠏꠛꠣꠘꠦꠅ ꠟꠦꠈꠣ ꠅꠁꠍꠦ – ꠍꠤꠟꠐꠤ ꠃꠁꠇꠤꠙꠤꠒꠤꠀ, ꠃꠁꠇꠤꠡꠛ꠆ꠖꠣꠁꠘ, ꠃꠁꠇꠤꠈꠛꠞ, ꠃꠁꠇꠤꠍꠚꠞ, ꠃꠁꠇꠤꠒꠣꠈ ꠡꠁꠔꠦ ꠃꠁꠇꠤꠛꠁ ⁕
ꠁꠔꠤꠀꠡꠛꠤꠖ ꠒ. ꠝꠥꠝꠤꠘꠥꠟ ꠢꠇ ꠛꠃꠔ ꠖꠤꠘ ꠗꠞꠤ ꠍꠤꠟꠐꠤ ꠝꠣꠔ ꠟꠁꠀ ꠈꠣꠝꠈꠣꠏ ꠈꠞꠞꠣ ꠔ ꠈꠞꠞꠣ, ꠟꠉꠦ ꠔꠣꠁꠘ ꠔꠣꠘ ꠘꠤꠏꠞ ꠉꠣꠐꠤꠞ ꠚꠄꠡꠣ ꠈꠞꠍ ꠈꠞꠤꠀ ꠍꠤꠟꠐꠤ ꠘꠣꠉꠞꠤ ꠍꠣꠁꠞꠧ ꠛꠣꠄ ꠍꠤꠔꠞꠣꠁꠀ ꠖꠤꠛꠣꠞ ꠖꠣꠄ ꠈꠣꠝ ꠈꠞꠣꠁꠀ ꠏꠣꠁꠞꠣ ⁕ ꠔꠣꠁꠘ ꠚꠣꠍ-ꠚꠣꠍ ꠈꠣꠘ ꠁꠔꠤꠀꠡ ꠛꠁꠀꠁꠘ ꠟꠦꠈꠍꠂꠘ ⁕ ꠅꠃ ꠏꠠꠤꠀꠄ ꠔꠣꠁꠘ ꠔꠣꠉꠤꠖ ꠖꠤꠀ ꠞꠣꠎ꠆ꠎꠤꠞ ꠡꠤꠇ꠆ꠇꠣ ꠚꠔꠤꠡꠐꠣꠘꠧ ꠍꠤꠟꠐꠤ ꠘꠣꠉꠞꠤ ꠢꠤꠇꠣꠘꠤꠔ ꠇꠣꠝꠤꠀꠛꠤ ꠚꠣꠁꠍꠂꠘ, ꠀꠞ ”ꠘꠣꠉꠞꠤ ꠛꠞ꠆ꠘꠦ ꠍꠤꠟꠐꠤ ꠜꠣꠡꠣ ꠡꠤꠇꠞꠤꠔꠤ ꠙꠞꠤꠡꠖ” ꠘꠣꠝꠦ ꠄꠈꠣꠘ ꠉꠘ-ꠉꠥꠁꠐ ꠍꠣꠟꠥ ꠈꠞꠍꠂꠘ ⁕ ꠏꠦꠈꠐꠣꠄ ꠖꠦꠡ ꠛꠤꠖꠦꠡꠧ ꠍꠤꠟꠐꠤ ꠘꠣꠉꠞꠤꠞ ꠖꠣꠄ ꠞꠣꠁꠔꠦ ꠖꠤꠘꠦ ꠈꠣꠝ ꠍꠣꠟꠣꠁꠀ ꠏꠣꠞ ⁕
Γ০Γ1 ꠚꠤꠞꠔꠤꠞ ꠀꠉꠡ꠆ꠐ ꠝꠣꠡꠧ ꠁꠃ•ꠄꠘ•ꠒꠤ•ꠙꠤ ꠀꠞ ꠝꠣꠍ꠆ꠐꠣꠞꠙꠤꠍ ꠛꠣꠋꠟꠣꠖꠦꠡꠞ ꠖꠄꠏꠘꠞ ꠃꠖ꠆ꠖꠥꠉꠦ ꠘꠣꠉꠞꠤ ꠢꠤꠇꠤ ꠛꠁ ꠈꠣꠘ ꠍꠣꠚꠣꠁꠟꠦ ꠒ. ꠝꠥꠝꠤꠘꠥꠟ ꠢꠇꠦ ꠁꠇꠣꠘ ꠟꠁꠀ ꠔꠣꠘꠞ ꠀꠈꠟꠝꠣꠘ ꠝꠔ ꠖꠦꠁꠘ ⁕ ꠔꠣꠘ ꠛꠄꠀꠘꠦ, ꠍꠤꠟꠐꠤ ꠝꠣꠔꠣ ꠀꠘ꠆ꠖꠥꠟꠘꠞ ꠚꠣꠍ ꠈꠣꠘ ꠛꠥꠘꠤꠀꠖꠤ ꠚꠣꠄꠀ ꠀꠍꠦ:
ꠄꠈ, ꠍꠤꠟꠐꠤ ꠝꠣꠔ ꠚꠥꠞꠣ ꠃ ꠄꠈꠣꠘ ꠘꠤꠎꠦꠡ꠆ꠡ ꠝꠣꠔ
ꠖꠥꠁ, ꠍꠤꠟꠐꠤ ꠝꠣꠔ ꠃ ꠍꠤꠟꠐꠤꠘꠔꠞ ꠝꠣꠁꠞꠝꠣꠔ
ꠔꠤꠘ, ꠍꠤꠟꠐꠤ ꠄꠉꠥ ꠀꠉꠟꠣ ꠏꠣꠔꠤꠞ ꠘꠣꠝ
ꠍꠣꠁꠞ, ꠘꠣꠉꠞꠤ ꠛꠣꠘꠣꠘ ꠟꠣꠝ꠆ꠛꠣ ꠁ ꠖꠤꠀ ꠅꠁꠔꠧ ꠘꠣꠄ, ꠛꠣꠐ꠆ꠐꠤ ꠁ ꠖꠤꠀ ꠅꠁꠛꠧ (ꠚꠥꠛꠞ ꠘꠣꠉꠞꠤꠔ ꠁ ꠖꠥꠁꠈꠣꠘ)
ꠚꠣꠍ, ꠍꠤꠟꠐꠤ ꠝꠣꠔꠞ ꠍꠤꠚꠣꠁ ꠅꠈꠟ ꠍꠤꠟꠐꠤ ꠏꠣꠔꠤꠞ ꠡꠛꠍꠦ ꠡꠦꠞꠣ ꠍꠣꠃꠍꠤꠠꠤ ⁕
