শুরমা ফারর খবর ছিলটি জবানে ছিলটর খবর
Related Articles
ꠛꠣꠋꠟꠣꠖꠦꠡꠞ ꠡꠣꠛꠦꠇ ꠡꠞꠣꠡ꠆ꠐ꠆ꠞꠝꠘ꠆ꠔ꠆ꠞꠤ ꠀꠞ ꠀꠅꠀꠝꠤ ꠟꠤꠉ ꠘꠦꠔ꠆ꠞꠤ ꠡꠣꠢꠣꠞꠣ ꠈꠣꠔꠥꠘ ꠉꠦꠍꠦꠈꠣꠁꠟ ꠛꠤꠞꠡꠁꠔꠛꠣꠞ ꠛꠦꠋꠇꠇ ꠅꠡꠗꠈꠞꠣꠘꠤ ꠅꠛꠍꠕꠣꠔ ꠝꠣꠞꠣ ꠉꠦꠍꠁꠘ (ꠁꠘ꠆ꠘꠣ ꠟꠤꠟ꠆ꠟꠣꠢꠤ ꠅꠀ ꠁꠘ꠆ꠘꠣ ꠁꠟꠣꠁꠢꠤ ꠞꠣꠎꠤꠃꠘ)।
ꠛꠦꠋꠇꠇꠞ ꠛꠣꠝꠞꠥꠘꠉ꠆ꠞꠣꠖ ꠀꠡꠙꠣꠔꠣꠟ ꠔꠁꠘ ꠝꠃꠔ ꠅꠄ ꠛꠣꠋꠟꠣꠖꠦꠡ ꠐꠣꠁꠝ ꠛꠤꠞꠡꠁꠔꠛꠣꠞ ꠞꠣꠁꠔ ꠡꠣꠠꠦ ১১ꠐꠣꠔ। ꠝꠃꠔꠞ ꠛꠣꠟꠣ ꠔꠣꠘ ꠛꠄꠡ ꠀꠍꠟ ৭৭ ꠛꠌ꠆ꠌꠞ।
ꠡꠣꠢꠣꠞꠣ ꠈꠣꠔꠥꠘ ꠛꠥꠠꠣꠇꠤ ꠛꠦꠝꠣꠞꠣꠎꠣꠞꠦ ꠚꠁꠟ ꠓꠣꠈꠣꠞ ꠄꠈ ꠀꠡꠙꠣꠔꠣꠟ ꠅꠡꠗꠈꠞꠣꠘꠤꠔ ꠀꠍꠟꠣ।
ꠔꠣꠘ ꠢꠣꠟꠔ ꠛꠣꠖ ꠔꠘꠦ ꠛꠣꠖ ꠅꠁꠟꠦ ꠉꠦꠍꠦ ৬ꠁ ꠎꠥꠘ ꠄꠀꠞ ꠄꠝ꠆ꠛꠥꠟꠦꠘ꠆ꠍ ꠖꠤ ꠔꠣꠘꠞꠦ ꠛꠦꠋꠇꠇ ꠟꠁꠀ ꠎꠣꠅꠀ ꠅꠄ ꠅꠡꠗ ꠈꠞꠣꠘꠤꠔ।
ꠔꠣꠘ ꠝꠃꠔꠞ ꠖꠣꠄ ꠖꠥꠇꠇ ꠎꠣꠘꠣꠁꠍꠁꠘ ꠚꠗꠣꠘꠝꠘ꠆ꠔ꠆ꠞꠤ ꠡꠦꠈ ꠢꠣꠍꠤꠘꠣ।
ꠀꠅꠀꠝꠤ ꠟꠤꠉ ২০০৯ ꠡꠣꠟ ꠎꠦꠛ꠆ꠟꠣ ꠉꠖꠤꠔ ꠛꠄ, ꠢꠤꠡꠝꠄ ꠔꠣꠁꠘ ꠡꠞꠣꠡ꠆ꠐ꠆ꠞꠝꠘ꠆ꠔ꠆ꠞꠤ ꠅꠁꠍꠟꠣ।
ꠔꠤꠘ ꠛꠌ꠆ꠌꠞ ꠁ ꠝꠘ꠆ꠔ꠆ꠞꠘꠣꠟꠅ ꠔꠣꠁꠘ ꠖꠣꠁꠔ꠆ꠔꠔ ꠀꠍꠟꠣ।
ꠓꠣꠈꠣ ꠍꠤꠐꠤꠔ ꠔꠣꠁꠘ ꠀꠅꠀꠝꠤ ꠟꠤꠉꠞ ꠞꠣꠎꠘꠤꠔꠤꠔ ꠡꠇ꠆ꠞꠤꠅ ꠀꠍꠟꠣ। ꠔꠣꠁꠘ ꠓꠣꠈꠣꠞ ꠄꠈꠐꠣ ꠀꠡꠘ ꠔꠘꠦ ꠡꠋꠡꠖ ꠡꠖꠁꠡ꠆ꠡ ꠀꠍꠟꠣ।
ꠔꠣꠁꠘ ꠀꠅꠀꠝꠤ ꠟꠤꠉ ꠡꠝꠞ꠆ꠕꠤꠔ ꠀꠁꠘꠎꠤꠛꠤꠘꠔꠞ ꠚꠥꠞꠣꠝꠞꠅ ꠄꠈꠎꠘ ꠘꠦꠔꠣ ꠀꠍꠟꠣ।
