শুরমা ফারর খবর ছিলটি জবানে ছিলটর খবর
Related Articles
ꠈꠣꠟꠥꠀꠞ ꠚꠘꠝꠣꠔ
ꠡꠤꠝꠥꠟ ꠍꠂꠅꠖ
১ꠟ : ꠢꠦꠟꠅ, ꠢꠦꠟꠅ ?
২ꠞꠣ : ꠄꠁ ꠈꠦꠉꠥ ꠛꠦ ?
১ꠟ : ꠢꠦꠟꠅ ꠇꠥꠞꠡꠤꠖꠣ ꠛꠥꠀꠁ ꠘꠤ ꠉ ?
২ꠞꠣ : ꠔꠥꠁ ꠇꠤꠉꠥ ꠛꠦ ?
১ꠟ : ꠀꠝꠤ ꠉ ? ꠎꠝꠞꠥꠖ⁕
২ꠞꠣ : ꠈꠦ ? ꠛꠣꠞꠥꠖ ?
১ꠟ : ꠗꠥꠞ ꠛꠦꠐꠤ ! ꠛꠣꠞꠥꠖ ꠘꠣꠄ, ꠎꠝꠞꠥꠖ⁕
২ꠞꠣ : ꠅ ꠎꠝꠞꠥꠖ ! ꠀꠁꠎ ꠇꠤꠟꠣꠘ ꠇꠤꠟꠣꠘ ꠞꠦ ꠜꠣꠁ ?
১ꠟ : ꠘꠣ ꠈꠁ ꠖꠦꠇꠤ ꠔꠥꠝꠤ ꠇꠤꠔꠣ ꠇꠞꠞꠣꠄ ?
২ꠞꠣ : ꠚꠠꠞꠣꠄ ? ꠇꠤꠔꠣ ꠚꠠꠞꠣꠄ ꠞꠦ ꠜꠣꠁ ?
১ꠟ : ꠚꠠꠣꠞ ꠈꠕꠣ ꠚꠁꠞꠣꠝ ꠘꠣ ꠛꠦꠐꠤ ? ꠎꠤꠉꠣꠁꠟꠣꠝ ꠛꠣꠟꠣ ꠀꠍꠘꠤ ?
২ꠞꠣ : ꠉꠣꠍ ꠃꠐꠍꠔ ꠘꠤ ? ꠢꠦꠁ ꠈꠝꠤꠘ꠆ꠖꠞ ꠊꠞꠞ ꠇꠝꠤꠘ꠆ꠖ, ꠀꠝꠣꠞ ꠉꠣꠍ ꠇꠤꠔꠣ ꠈꠞꠍ ?
১ꠟ : (ꠁꠔ ꠝꠢꠣ ꠎꠣꠟꠣꠞ ꠝꠣꠏꠦ ꠚꠠꠟꠣꠝ⁕ ꠛꠦꠐꠤꠞꠦ ꠝꠣꠔꠣꠁꠀ ꠑꠦꠈꠟꠣꠝ ꠘꠣ ꠇꠤꠔꠣ ) ꠅ ꠛꠥꠀꠁ ! ꠔꠥꠝꠣꠞ ꠈꠣꠘꠞ ꠝꠤꠡꠤꠘ ꠟꠣꠉꠣꠅ⁕
২ꠞꠣ : ꠢꠦ ꠇꠤꠔꠣ ꠈꠍ ? ꠈꠣꠞꠦ ꠜꠣꠉꠣꠁꠔꠣꠝ ?
১ꠟ : ꠈꠣꠟꠥꠀꠞ ꠊꠞꠞ ꠈꠣꠟꠥꠀ, ꠈꠁꠟꠣꠝ ꠈꠣꠘꠞ ꠝꠤꠡꠤꠘ ꠟꠣꠉꠣꠁꠔꠣꠄ !
২ꠞꠣ : ꠢꠦꠁ ꠉꠥꠟꠣꠝꠞ ꠚꠥꠀ, ꠈꠣꠟꠥꠀ ꠈꠣꠞꠦ ꠈꠍ ? ꠝꠥꠞꠇꠣꠁꠀ ꠘꠥ ꠕꠥꠔꠣ ꠜꠣꠋꠉꠤ ꠚꠣꠟꠣꠁ ꠖꠤꠝꠥ ?
১ꠟ : ꠅ ꠡꠥꠘꠣꠞ ꠝꠣꠁ ! ꠁꠇꠣꠘ ꠖꠦꠈꠤ ꠙꠐ꠆ꠐꠣꠞꠤ ꠢꠥꠘꠤ ꠟꠣꠁꠟꠣꠄ ?
২ꠞꠣ : ꠢꠥꠘꠔꠣꠝ ꠘꠣ ꠈꠦꠘꠦ ? ꠀꠝꠤ ꠇꠤꠔꠣ ꠔꠞ ꠟꠣꠈꠣꠘ ꠈꠣꠟꠥꠀ ꠘꠤ ?
১ꠟ : ꠅꠄ ꠉ ꠛꠥꠀꠁ, ꠑꠤꠇꠃ ꠈꠁꠍ⁕ ꠀꠝꠤ ꠈꠣꠟꠥꠀ ꠀꠝꠣꠞ ꠌꠃꠖ꠆ꠖꠉꠥꠡ꠆ꠐꠤ ꠈꠣꠟꠥꠀ⁕ ꠀꠞ ꠎꠥꠖꠤ ꠔꠥꠝꠣꠞꠦ ꠇꠥꠘꠥꠖꠤꠘ ꠚꠘ ꠈꠞꠤ, ꠔꠦ ꠛꠣꠎꠣꠞꠅ ꠉꠤꠀ ꠀꠝꠤ ꠘꠣꠍꠝꠥ ꠊꠣꠐꠥꠀ⁕
২ꠞꠣ : ꠢꠦꠟꠅ, ꠢꠦꠟꠅ ! ꠅ ꠎꠝꠞꠥꠖ ? ꠈꠣꠘꠞ ꠝꠤꠡꠤꠘ ꠟꠣꠉꠣꠁꠀ ꠛꠣꠖꠦ ꠚꠘ ꠈꠞꠤꠍꠞꠦ ꠜꠣꠁ .. ꠢꠦꠟꠅ …
*ꠝꠘ ꠞꠣꠈꠛꠣ, ꠡꠣꠁꠔ꠆ꠔ ꠚꠣꠔꠣꠔ ꠟꠦꠈꠣꠞ ©ꠝꠣꠟꠤꠇꠣꠘꠣ ꠈꠣꠟꠤ ꠟꠦꠈꠞꠣꠞ।
