Home / ꠍꠤꠟꠐ / ꠔꠣꠢꠤꠞꠙꠥꠞ ꠘꠣꠅꠜꠥꠞꠤ ꠝꠥꠇ꠆ꠔꠤꠎꠥꠖ꠆ꠗꠣꠞ ꠚꠥꠀ ꠀꠞꠣꠈꠣꠟꠤ

ꠔꠣꠢꠤꠞꠙꠥꠞ ꠘꠣꠅꠜꠥꠞꠤ ꠝꠥꠇ꠆ꠔꠤꠎꠥꠖ꠆ꠗꠣꠞ ꠚꠥꠀ ꠀꠞꠣꠈꠣꠟꠤ

ꠡꠥꠘꠣꠝꠉꠁꠘꠎꠞ ꠔꠣꠢꠤꠞꠙꠥꠞ ꠀꠈꠔꠣ ꠛꠣꠔꠣꠡꠞ ꠏꠣꠚꠐꠣꠔ ꠚꠠꠤꠀ ꠘꠣꠅꠜꠥꠞꠤ ꠄꠈ ꠍꠣ ꠛꠦꠍ꠆ꠞꠣ ꠀꠞꠣꠈꠣꠟꠤ ꠅꠁꠉꠦꠍꠘ⁕  ꠀꠞꠣꠈꠣꠟꠤ ꠍꠣ ꠛꠦꠍ꠆ꠞꠣꠞ ꠘꠣꠝ ꠝꠥ. ꠔꠃꠚꠤꠇ ꠝꠤꠀ (৩০)⁕ ꠔꠣꠁꠘ ꠃꠚꠎꠤꠟꠣꠞ ꠡ꠆ꠞꠤꠙꠥꠞ ꠃꠔ꠆ꠔꠞ ꠁꠘꠤꠅꠘꠞ ꠈꠟꠤꠡꠣꠎꠥꠠꠤ ꠉꠣꠅꠞ ꠝꠥꠇ꠆ꠔꠤꠎꠥꠖ꠆ꠗꠣ ꠡꠤꠞꠣꠎ ꠝꠤꠀꠞ ꠚꠥꠀ⁕

ꠡꠘꠤꠛꠣꠞ ꠞꠣꠁꠔ ৯ꠐꠣ ꠛꠣꠄ ꠃꠚꠎꠤꠟꠣꠞ ꠡ꠆ꠞꠤꠙꠥꠞ (ꠃꠔ꠆ꠔꠞ) ꠁꠘꠤꠅꠘꠦꠞ ꠙꠣꠐꠟꠣꠁ ꠉꠣꠋꠉ ꠁ ꠊꠐꠘꠣ ꠊꠐꠍꠦ⁕

ꠕꠣꠘꠤꠅ ꠅꠈꠟ ꠀꠞ ꠙꠥꠟꠤꠡꠦ ꠈꠄ, ꠡꠘꠤꠛꠣꠞ ꠞꠣꠁꠔ ৯ꠐꠣ ꠛꠣꠄ ꠃꠚꠎꠤꠟꠣꠞ ꠖꠇ꠆ꠇꠤꠘ ꠛꠠꠖꠟ ꠁꠘꠤꠅꠘꠞ ꠘꠣꠟꠦꠞꠛꠘ꠆ꠖ ꠉꠣꠅꠞ ꠡꠣꠝꠍꠥꠟ ꠢꠇꠞ ꠚꠥꠀ ꠘꠣꠁ’ꠁꠀ ꠡꠣꠎꠤꠟꠇ ꠛꠣꠟꠤꠀꠊꠣꠐ ꠘꠔꠥꠘ ꠛꠣꠎꠣꠞ ꠕꠘꠦ ১৮ ꠎꠘ ꠎꠣꠔ꠆ꠞꠤ ꠟꠁꠀ ꠢꠥꠞꠥ ꠄꠇ ꠞꠥꠇꠞ ꠘꠣꠅ ꠖꠤ ꠈꠟꠤꠡꠣꠎꠥꠠꠤ ꠀꠞ ꠘꠣꠟꠦꠞꠛꠘ꠆ꠖ ꠉꠣꠅꠞ ꠛꠣꠄ ꠎꠣꠔ꠆ꠞꠣ ꠈꠞꠁꠘ⁕ ꠀꠗꠣꠚꠕ ꠙꠣꠐꠟꠣꠁ ꠉꠣꠋꠉꠞ ꠝꠣꠏꠈꠣꠘ ꠀꠈꠔꠣ ꠛꠣꠔꠣꠡꠞ ꠏꠣꠚꠐꠣꠔ ꠚꠠꠤꠀ ꠘꠣꠅ ꠃꠚꠁꠔ ꠅꠁꠀ ꠜꠥꠞꠤ ꠎꠣꠄ⁕ ꠁ ꠛꠣꠟꠣ ꠚꠦꠍꠤꠘ꠆ꠖꠣꠞ ꠅꠈꠟꠞ ꠍꠤꠟꠟꠣꠘꠤ ꠢꠥꠘꠤꠀ ꠛꠣꠟꠤꠀꠊꠣꠐ ꠘꠔꠥꠘ ꠛꠣꠎꠣꠞ ꠔꠘꠦ ꠝꠣꠘꠥꠡ ꠅꠈꠟ ꠉꠤꠀ ১৭ ꠎꠘꠞꠦ ꠃꠖ꠆ꠗꠣꠞ ꠈꠞꠟꠦꠅ ꠔꠃꠚꠤꠇ ꠝꠤꠀ ꠘꠣꠝꠦ ꠄꠇꠎꠘꠞ ꠇꠥꠎ ꠝꠤꠟꠍꠦ ꠘꠣ⁕ ꠞꠣꠁꠔ ১১ꠐꠣ ꠚꠞ꠆ꠎꠘ꠆ꠔ ꠕꠣꠘꠤꠅ ꠅꠈꠟꠦ ꠘꠣꠅ ꠟꠁꠀ ꠃꠖ꠆ꠗꠣꠞ ꠈꠣꠝ ꠌꠣꠟꠣꠁꠟꠦꠅ ꠔꠣꠘꠞꠦ ꠀꠞ ꠝꠤꠟꠍꠦ ꠘꠣ⁕

ꠛꠤꠡꠅꠐꠤ ꠘꠤꠡ꠆ꠌꠤꠔ ꠇꠞꠦꠍꠦꠘ ꠐ꠆ꠎꠣꠇꠦꠞꠊꠣꠐ ꠙꠥꠟꠤꠡ ꠇ꠆ꠎꠣꠡ ꠁꠘꠌꠣꠞ꠆ꠎ ꠄꠄꠡꠀꠁ ꠀꠛꠥ ꠝꠥꠍꠣ⁕

ꠔꠣꠢꠤꠞꠙꠥꠞ ꠕꠣꠘꠣꠞ ꠅꠍꠤ ꠝꠥ. ꠀꠔꠤꠇꠥꠞ ꠞꠢꠝꠣꠘ ꠁ ꠛꠤꠡꠄ ꠈꠁꠘ, ꠞꠣꠁꠔ ৯ꠐꠣ ꠛꠣꠄ ꠙꠣꠐꠟꠣꠁ ꠉꠣꠋꠉ ꠄꠇꠐꠣ ꠘꠣꠅꠜꠥꠞꠤ ꠄꠈꠎꠘ ꠀꠞꠣꠈꠣꠟꠤ ꠅꠀꠞ ꠈꠛꠞ ꠚꠣꠁꠍꠤ⁕ ꠊꠐꠘꠣꠞ ꠁꠘꠅ ꠙꠥꠟꠤꠡ ꠀꠍꠁꠘ⁕

Rate this post

About abu sayeed

Check Also

ꠍꠤꠟꠐꠤ ꠜꠣꠡꠣꠞ ꠡꠍꠦꠔꠘꠔꠣꠞ ꠖꠣꠄ ꠛꠤꠀꠘꠤꠛꠣꠎꠣꠞ ꠢꠤꠞꠤ ꠚꠞꠤꠇ꠆ꠇꠣ

ꠝꠣꠔꠣꠝꠣꠔꠤꠞ ꠡꠁꠋꠇꠣꠛꠣꠄ ꠍꠤꠟꠐꠤ ꠅꠁꠟ ꠉꠤꠀ ꠖꠥꠘꠤꠀꠞ ꠢꠇꠟ ꠔꠘꠦ ꠛꠦꠡꠝꠣꠔꠞꠣ ꠝꠣꠔꠞ ꠝꠣꠎꠦ ৯৭ ꠟꠝ꠆ꠛꠞ⁕ ꠁ ꠜꠣꠡꠣꠞ …