Breaking News
Home / ꠍꠤꠟꠐ / ꠍꠤꠟꠐꠤ ꠚꠣꠘ꠆ꠌꠣꠁꠔ ꠘꠣꠝꠞ ꠡꠋꠊꠐꠘꠞ ꠏꠣꠔ꠆ꠞꠣ ꠡꠥꠞꠥ

ꠍꠤꠟꠐꠤ ꠚꠣꠘ꠆ꠌꠣꠁꠔ ꠘꠣꠝꠞ ꠡꠋꠊꠐꠘꠞ ꠏꠣꠔ꠆ꠞꠣ ꠡꠥꠞꠥ

ꠍꠤꠟꠐꠤ ꠚꠣꠘ꠆ꠌꠣꠁꠔ (সিলটি পাঞ্চায়িত) ꠘꠣꠝꠦ ꠍꠤꠟꠐ ꠛꠤꠜꠣꠉꠞ ꠄꠈꠣꠘ ꠡꠋꠉꠑꠘ ꠛꠘꠤꠀ ꠞꠥꠀꠘꠣ ꠖꠤꠟ ⁕ ꠚꠄꠟꠣꠛꠣꠄ ꠉꠥꠁꠐ ꠁꠇꠣꠘꠦ ꠍꠤꠟꠐ ꠛꠤꠜꠣꠉꠞ ꠝꠣꠏꠦ ꠔꠣꠞꠣꠞ ꠈꠣꠝ ꠍꠣꠟꠣꠁꠀ ꠏꠣꠁꠛ ⁕ ꠡꠣꠝꠘꠞ ꠁꠟꠦꠇꠡꠘꠧ ꠉꠥꠁꠐꠤꠇꠐꠣꠄ ꠛꠤꠜꠣꠉꠞ 19ꠐꠣ ꠍꠤꠐꠧ ꠘꠤꠏꠡꠡ ꠝꠣꠘꠥꠡ ꠖꠤꠔꠧ ꠍꠣꠁꠞꠧ ⁕ ꠉꠥꠁꠐ ꠁꠇꠐꠣ Γ0ΓΓ ꠡꠣꠟꠞ Γ1 ꠘꠜꠦꠝ꠆ꠛꠞ ꠡꠝꠛꠣꠞ ꠛꠤꠀꠟꠦ ꠍꠤꠟꠐ ꠝꠢꠣꠘꠉꠞꠤꠞ ꠄꠉꠥ ꠘꠣꠝꠤꠀꠟꠣ ꠞꠦꠡꠐꠥꠞꠦꠘꠐꠧ ꠈꠛꠞꠞ ꠚꠣꠘꠌꠣꠟꠟꠣ ꠈꠞꠤꠀ ꠚꠔꠤꠡꠐꠣ ꠟꠣꠜ ꠈꠞꠦ ⁕

ꠈꠛꠞꠞ ꠚꠣꠘꠌꠣꠟꠟꠣꠔ ꠟꠦꠈꠣ ꠛꠈꠔꠤꠔꠣꠔ ꠍꠤꠟꠐ ꠛꠤꠜꠣꠉꠞ ꠚꠥꠞꠣꠚꠥꠞꠤ ꠃꠘ꠆ꠘꠄꠅꠘꠧ ꠘꠤꠏꠡꠣꠡꠘ ꠖꠣꠛꠤ ꠈꠞꠦ ꠁ ꠉꠥꠁꠐꠦ ⁕ ꠟꠦꠈꠣ ꠛꠈꠔꠤꠔꠣ ꠚꠠꠤꠀ ꠢꠥꠘꠣꠁꠘ ꠉꠥꠁꠐ ꠈꠣꠘꠔꠣꠞ ꠌꠤꠀꠞꠝꠦꠘ ꠘꠣꠍꠤꠞ ꠃꠖ꠆ꠖꠤꠘ ꠀꠢꠝꠖ ꠌꠃꠗꠥꠞꠤ ⁕

ꠔꠣꠁꠘ ꠈꠁꠘ, ‘ꠄꠁꠔꠤꠀꠡꠤꠇ ꠄꠈ ꠏꠘꠝꠔꠞ ꠏꠞꠤꠀꠄ ꠍꠤꠟꠐ ꠛꠤꠜꠣꠉꠞ ꠝꠣꠘꠥꠡꠣꠁꠘ ꠄꠘ꠆ꠒꠤꠀ ꠍꠣꠠꠤꠀ ꠚꠥꠛꠞ ꠚꠣꠇꠤꠍꠔꠣꠘ, ꠏꠦꠈꠐꠣ ꠀꠁꠏꠇꠥꠞ ꠛꠣꠋꠟꠣꠖꠦꠡꠧꠞ ꠟꠉꠦ ꠡꠣꠝꠤꠟ ꠅꠃꠀꠞ ꠖꠣꠄ ꠚꠄꠍꠣꠟꠣ ꠈꠞꠍꠤꠟꠣ ⁕ ꠏꠦꠉꠔꠤꠇꠦ ꠘꠥ ꠀꠝꠞꠣ ꠀꠍꠇꠥꠞ ꠛꠣꠋꠟꠣꠖꠦꠡꠧ ꠀꠍꠤ ⁕ ꠍꠤꠟꠐꠤꠘꠔꠦ ꠡꠋꠉ꠆ꠞꠣꠝꠞ ꠛꠍꠞ ꠏꠦꠏꠣꠔ ꠅꠛꠖꠣꠘ ꠞꠣꠈꠍꠤꠟꠣ ⁕ ꠔꠣꠞꠣ ꠝꠥꠇꠔꠤ ꠡꠋꠉ꠆ꠞꠣꠝꠞ ꠟꠣꠉꠤ ꠚꠣꠘ꠆ꠒ ꠉꠠꠟꠣ ⁕ ꠖꠦꠡꠞ ꠡꠛꠍꠦ ꠛꠦꠡ ꠛꠤꠖꠦꠡꠤ ꠀꠄ ꠅꠃ ꠍꠤꠟꠐꠤ ꠝꠣꠘꠥꠡꠦ ꠀꠘꠂꠘ ⁕ ꠇꠤꠘꠔꠥꠇ ꠅꠃ ꠍꠤꠟꠐꠞꠦꠃ ꠄꠟꠣ ꠈꠞꠣ ꠅꠄ ⁕ ꠓꠣꠈꠣ, ꠍꠤꠐꠣꠉꠣꠋ ꠡꠁꠔꠦ ꠀꠞ ꠛꠤꠜꠣꠉꠞ ꠟꠣꠉꠤꠘ ꠀꠏꠣꠞ ꠀꠏꠣꠞ ꠇꠥꠐꠤ ꠐꠦꠈꠣ ꠈꠞꠍꠣ ꠈꠞꠣ ꠅꠁꠟꠦꠅ ꠍꠤꠟꠐ ꠛꠤꠜꠣꠉꠞ ꠟꠣꠉꠤꠘ ꠁꠟꠣꠘ ꠇꠥꠘꠥ ꠈꠞꠍꠣꠘꠤ ꠅꠁꠍꠦ ꠘꠣ ⁕ ꠁꠘꠍꠣꠚꠤꠞ ꠃꠘ꠆ꠘꠄꠅꠘ ꠔꠘꠦꠅ ꠛꠣꠖ ꠞꠁꠍꠦ ꠍꠤꠟꠐ ꠛꠤꠜꠣꠉ’ ⁕

ꠄꠈꠣꠘ ꠟꠦꠈꠣ ꠛꠄꠀꠘꠧ ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠡꠜꠣꠚꠔꠤꠄ ꠀꠞꠧ ꠈꠁꠘ, ‘ꠍꠤꠟꠐꠃ ꠄꠈꠝꠣꠔ꠆ꠞ ꠛꠤꠜꠣꠉ, ꠏꠦꠈꠣꠘꠞ ꠝꠣꠘꠡꠞ ꠀꠚꠘ ꠝꠣꠔ ꠀꠞ ꠀꠉꠟꠣ ꠟꠤꠚꠤ ꠞꠁꠍꠦ। ꠏꠦꠔꠣ ꠀꠞ ꠛꠤꠜꠣꠉꠞ ꠝꠣꠘꠡꠞ ꠘꠣꠄ ⁕ ꠜꠤꠘꠎꠣꠔꠤꠅ ꠜꠣꠛꠦ ꠡꠤꠇꠞꠤꠔ ꠍꠤꠟꠐꠤꠘ꠆ꠔꠞ ꠝꠥꠇꠞ ‘ꠍꠤꠟꠐꠤ ꠝꠣꠔ’ ꠅꠘꠦ ꠄꠟꠣꠔ ꠚꠠꠤ ꠞꠁꠍꠦ ⁕ ꠀꠝꠞꠣꠞ ꠘꠣꠉꠞꠤ ꠢꠞꠚꠞ ꠍꠞꠍꠣ ꠅꠄ ꠘꠣ ⁕ ꠄꠞꠖꠣꠄ ꠀꠝꠞꠣ ꠏꠥꠠ ꠖꠣꠛꠤꠖꠣꠃꠀ ꠔꠥꠟꠞꠣꠝ ꠏꠦ ꠍꠤꠟꠐ ꠛꠤꠜꠣꠉꠞ ꠚꠞꠔꠦꠈꠐꠣ ꠚꠣꠡꠡꠣꠟꠣ ꠁꠍꠇꠥꠟꠧ ꠍꠤꠟꠐꠤ ꠘꠣꠉꠞꠤ ꠢꠞꠚꠦ ꠚꠠꠣꠘꠤ ꠅꠃꠇ ⁕

ꠚꠞꠔꠦꠈ ꠛꠍꠞꠤ ꠀꠚꠣꠁ ꠔꠘꠦ ꠍꠤꠟꠐ ꠛꠤꠜꠣꠉꠞꠦ ꠢꠦꠚꠣꠏꠔ ꠞꠣꠈꠣꠞ ꠖꠣꠄ ꠉꠣꠋꠉ ꠇꠥꠖꠣꠘꠤ ꠡꠢ ꠏꠦꠔꠣ ꠝꠣꠍꠐꠣꠞ ꠙ꠆ꠟꠣꠘ ꠟꠃꠀ ꠏꠣꠄ ꠅꠔꠣ ꠈꠞꠣꠞ ꠖꠣꠄ ꠡꠞꠈꠣꠞꠞ ꠐꠣꠁꠘ ꠖꠞꠈꠣꠍ ꠈꠞꠂꠘ ⁕ ꠁꠇꠣꠘ ꠍꠣꠠꠣꠅ ꠔꠣꠁꠘ ꠍꠤꠟꠐ ꠛꠤꠜꠣꠉ ꠔꠘꠦ ꠢꠐꠣꠁꠀ ꠘꠦꠃꠁ ꠢꠣꠁ ꠇꠃꠞ꠆ꠐ ꠛꠦꠘ꠆ꠌ ꠢꠤꠞꠤ ꠛꠢꠣꠟꠞ ꠏꠥꠠ ꠖꠣꠛꠤ ꠏꠣꠘꠣꠁꠘ ⁕ ꠔꠣꠁꠘ ꠍꠤꠟꠐꠧ ‘ꠀꠅꠠ ꠃꠘ꠆ꠘꠄꠅꠘ ꠛꠃꠞ꠆ꠒ’ ꠍꠣꠟꠥ ꠀꠞ ꠅꠔꠣ ꠖꠣꠛꠤꠖꠣꠃꠀꠁꠘ ꠜꠣꠟꠣꠝꠔꠧ ꠚꠥꠞꠣ ꠈꠞꠣꠞ ꠟꠣꠉꠤ ꠍꠤꠟꠐꠞꠦ ꠘꠤꠏꠡꠣꠡꠘꠞ ꠖꠣꠛꠤ ꠝꠣꠋꠉꠁꠘ ⁕

 

ꠈꠛꠞꠞ ꠡꠝꠝꠦꠟꠘꠧ ꠡꠣꠝꠛꠣꠖꠤꠇ ꠅꠈꠟꠞ ꠍꠥꠀꠟꠞ ꠏꠥꠀꠚꠦ ‘ꠍꠤꠟꠐꠤ ꠚꠣꠘꠌꠣꠁꠔ’ ꠘꠣꠝꠞ ꠘꠄꠀ ꠁ ꠚꠣꠐꠤꠞ ꠡꠜꠣꠚꠔꠤ ꠀꠞ ꠛ꠆ꠞꠤꠢꠔ꠆ꠔꠞ ꠍꠤꠟꠦꠐ ꠍꠣꠔ꠆ꠞ ꠚ꠆ꠞꠘꠐꠞ ꠚꠔꠤꠡꠐꠣꠔꠣ ꠡꠜꠣꠚꠔꠤ ꠘꠣꠍꠤꠞ ꠃꠖ꠆ꠖꠤꠘ ꠀꠢꠝꠖ ꠌꠃꠗꠥꠞꠤꠄ ꠈꠁꠘ, ‘ꠀꠝꠒꠣꠞ ꠖꠣꠛꠤꠖꠣꠃꠀ ꠚꠟꠣꠘꠤꠕ ꠡꠣꠝꠘꠞ ꠁꠟꠦꠇꠡꠘꠧ ꠍꠤꠟꠐ ꠛꠤꠜꠣꠉꠞ 19ꠐꠣ ꠍꠤꠐꠧ ꠘꠤꠏꠡ꠆ꠡ ꠚꠣꠞꠕꠤ ꠖꠤꠝꠥ ⁕ ꠀꠝꠞꠣꠞ ꠄꠇꠤꠘ ꠀꠍꠦ ꠍꠤꠟꠐꠤꠘ ꠀꠝꠒꠣꠞ ꠟꠉꠦ ꠞꠁꠀ ꠀꠍꠔꠣ ꠛꠤꠜꠣꠉꠞ ꠃꠘ꠆ꠘꠄꠅꠘꠧ ꠡꠥꠏꠥꠉ ꠖꠤꠛꠣ ⁕ ꠉꠥꠁꠐ ꠁꠇꠣꠘ ꠄꠛꠧ ꠞꠦꠎꠤꠍꠐꠣꠞ ꠅꠁꠍꠦ ꠘꠣ ꠏꠣꠘꠣꠁꠀ ꠔꠣꠁꠘ ꠟꠤꠝ ꠖꠤꠟꠣ- ꠞꠦꠎꠤꠍꠐꠣꠞꠤꠞ ꠈꠣꠝ ꠏꠟꠖꠤꠃ ꠡꠥꠞꠥ ꠅꠁꠛꠧ ⁕

5/5 - (4 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠉꠞꠥꠞ ꠉꠥꠍ꠆ꠔꠞ ꠛꠣꠎꠣꠞꠅ ꠎꠦꠎꠣꠔ ꠀꠍꠣꠐꠣ ꠚꠞꠤꠍꠕꠤꠔꠤ

ꠈꠈꠚꠤꠞꠣ ꠔꠘꠦ ꠛꠣꠋꠟꠣꠖꠦꠡꠞ ꠞꠥꠎꠇꠥꠞ ꠛꠣꠎꠣꠞꠅ ꠎꠤꠘꠤꠡꠞ ꠖꠣꠝ ꠛꠉꠔꠤꠇ ⁕ ꠎꠦꠉꠔꠤꠇꠦ ꠝꠣꠘꠡꠦ ꠎꠦꠎꠣꠔ ꠢꠦꠖꠣꠔ ꠚꠣꠁꠞꠣ ⁕ …