শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠤꠘ꠆ꠔꠞ ꠈꠣꠘꠣꠚꠤꠘꠣ ꠀꠞ ꠈꠣꠘꠤꠛꠘꠤꠞ ꠞꠍꠝ ꠛꠦꠋꠉꠟꠤꠘ꠆ꠔꠞ ꠔꠘꠦ ꠏꠦꠟꠣꠘ ꠀꠟꠣꠖꠣ • ꠅꠟꠣꠘ ꠢꠣꠔꠏꠣꠔꠤ ꠈꠣꠘꠤꠄ ꠜꠞꠣ ⁕ ꠍꠤꠟꠐꠤ ꠞꠣꠘꠗꠣꠛꠣꠠꠣ ꠝꠥꠟꠔ ꠍꠤꠟꠐꠤꠘ꠆ꠔꠞ ꠈꠣꠘꠤꠞ ꠞꠍꠝꠞꠦ ꠔꠥꠟꠤꠀ ꠗꠞꠦ, ꠏꠣꠞ ꠝꠣꠏꠦ ꠝꠡꠟꠣꠀꠟꠣ ꠝꠥꠞꠉꠤꠞ ꠐꠤꠇ꠆ꠇꠣ ꠝꠡꠟꠣ ꠔꠘꠦ ꠡꠥꠞꠥ ꠈꠞꠤꠀ ꠐꠦꠋꠉꠣ ꠡꠣꠖꠞ ꠢꠣꠔꠈꠞꠣ, ꠘꠥꠘꠔꠣꠘꠥꠘꠔꠣ ꠘꠥꠘꠉꠠꠣ ꠔꠘꠦ ꠡꠥꠞꠥ ꠈꠞꠤꠀ ꠝꠤꠐꠣꠏꠣꠔꠞ ꠔꠥꠡꠣ ꠡꠤꠘ꠆ꠘꠤ ꠡꠁꠔꠦ ꠟꠣꠁꠍꠣꠐꠘꠤ ꠀꠞ ꠢꠥꠐꠇꠤ ꠡꠤꠞꠣ ꠞꠁꠍꠦ ⁕ ꠍꠤꠟꠐꠤ ꠞꠣꠘꠗꠣꠡꠂꠟꠤꠔ ꠢꠣꠔꠈꠞꠣ ꠄꠉꠥ ꠡꠣꠗꠣꠞꠘ ꠚꠖ ꠏꠦꠉꠥ ꠝꠣꠍ ꠀꠞ ꠝꠣꠋꠡꠞ ꠟꠉꠦ ꠘꠣꠘꠣꠘ ꠈꠣꠘꠤ ꠞꠣꠘꠗꠣꠔ ꠛꠦꠛꠀꠞ ꠅꠄ ⁕ ꠜꠤꠐꠣꠝꠤꠘ ꠍꠤ ꠀꠞ ꠄꠘ꠆ꠐꠤꠅꠇ꠆ꠍꠤꠒꠦꠘ꠆ꠐꠦ ꠜꠞꠣ ꠢꠣꠔꠈꠞꠣ ꠍꠣꠟꠘ ꠜꠣꠔ ꠖꠤ ꠈꠣꠁꠔꠦ ꠢꠈꠟꠔꠘꠦ ꠛꠣꠟꠣ ꠟꠣꠉꠦ ⁕ ꠍꠤꠟꠐꠤꠘ ꠝꠥꠟꠔ ꠜꠣꠔ ꠀꠞ ꠝꠣꠍ ꠈꠣꠁꠀ ꠕꠣꠈꠟꠦꠅ ꠔꠣꠞꠣꠞ ꠞꠘ꠆ꠗꠘꠡꠂꠟꠤ ꠘꠘ-ꠍꠤꠟꠐꠤꠘ꠆ꠔꠞ ꠔꠘꠦ ꠛꠃꠔ ꠀꠟꠣꠖꠣ ⁕ ꠍꠤꠟꠐꠤ ꠞꠣꠘ꠆ꠗꠣꠔ ꠏꠦꠝꠟꠣꠘ ꠀꠘꠣꠔꠦꠟꠞ ꠍꠣꠟꠘ ꠞꠁꠍꠦ • ꠅꠝꠟꠣꠘ ꠛꠃꠔꠔꠣ ꠐꠦꠋꠉꠣ ꠡꠣꠖꠞ ꠍꠣꠟꠘ ꠅ ꠞꠁꠍꠦ ⁕
∆ ꠜꠣꠔ: ꠍꠤꠟꠐꠤꠘ꠆ꠔꠞ ꠝꠥꠟ ꠈꠣꠘꠤ ꠜꠣꠔ-ꠍꠣꠟꠘ ꠅꠁꠟꠦꠅ ꠛꠦꠡꠤꠜꠣꠉ ꠍꠤꠟꠐꠤꠘ꠆ꠔꠦ ꠛꠦꠋꠉꠟꠤꠘ꠆ꠔꠞ ꠟꠣꠈꠣꠘ ꠃꠘꠣ ꠜꠣꠔ ꠘꠣ ꠈꠣꠁꠀ ꠀꠟꠣ ꠜꠣꠔ ꠈꠣꠁꠀ ꠕꠣꠈꠂꠘ ⁕
