Home / ꠚꠛꠣꠡꠞ ꠈꠛꠞ / ꠚꠛꠣꠡꠤꠘ꠆ꠔꠞ ꠡꠋꠉꠑꠘ “ꠞꠦꠝꠤꠐꠦꠘ꠆ꠍ ꠚꠣꠁꠐꠣꠞ꠆ꠍ ꠅꠚ ꠛꠣꠋꠟꠣꠖꠦꠡ (RFB)” ꠅꠞ ꠀꠘꠥꠡ꠆ꠑꠣꠘꠤꠇ ꠀꠔ꠆ꠔꠚꠇꠣꠡ

ꠚꠛꠣꠡꠤꠘ꠆ꠔꠞ ꠡꠋꠉꠑꠘ “ꠞꠦꠝꠤꠐꠦꠘ꠆ꠍ ꠚꠣꠁꠐꠣꠞ꠆ꠍ ꠅꠚ ꠛꠣꠋꠟꠣꠖꠦꠡ (RFB)” ꠅꠞ ꠀꠘꠥꠡ꠆ꠑꠣꠘꠤꠇ ꠀꠔ꠆ꠔꠚꠇꠣꠡ

ꠚꠛꠣꠡꠤꠘ꠆ꠔꠞ ꠡꠣꠞ꠆ꠕ ꠞꠇ꠆ꠇꠣꠞ ꠖꠣꠄ “Remittance Fighters of Bangladesh” ꠡꠋꠉꠑꠘꠞ ꠀꠘꠥꠡ꠆ꠑꠣꠘꠤꠇ ꠀꠔ꠆ꠔꠚꠇꠣꠡ ꠅꠁꠟ।


ꠡꠋꠉꠑꠘꠞ ꠝꠥꠟ ꠡꠝꠘ꠆ꠘꠅꠇ ꠎꠘꠣꠛ ꠄꠝ ꠞꠢꠝꠣꠘ ꠝꠣꠡꠥꠝ ꠡꠋꠉꠑꠘꠞ ꠀꠘꠥꠡ꠆ꠑꠣꠘꠤꠇ ꠀꠔ꠆ꠔꠚꠇꠣꠡꠞ ꠊꠥꠡꠘꠣ ꠁꠇꠐꠣ ꠔꠣꠘ ꠝꠣꠔꠞ ꠟꠣꠈꠣꠘ ꠖꠦꠅꠀ ꠅꠁꠟ⁕

“ꠛꠤꠍꠝꠤꠟ꠆ꠟꠣꠢꠤꠞ ꠞꠣꠢꠝꠣꠘꠤꠞ ꠞꠣꠢꠤꠝ ”

ꠡꠥꠞꠥ:-
ꠚꠞꠛꠣꠡꠅ ꠀꠞ ꠖꠦꠡꠞ ꠎꠦ ꠎꠦꠈꠣꠘ ꠔꠘꠦ ꠁꠔꠤꠝꠖꠗꠦ ꠎꠥꠉ ꠖꠤꠍꠁꠘ ꠀꠞ ꠖꠤꠛꠣ ꠢꠇ꠆ꠇꠟꠞꠦ ꠡꠣꠟꠣꠝ, ꠝꠣꠄꠀ ꠀꠞ ꠡꠥꠜꠦꠌ꠆ꠌꠣ ꠎꠣꠘꠣꠁꠀ ꠀꠁꠎꠇꠥꠞ ꠇꠥꠛ ꠝꠘꠕꠣꠈꠣ ꠉꠥꠞꠥꠔ꠆ꠔꠚꠥꠞ꠆ꠘ ꠊꠞꠥꠀ ꠙꠞꠤꠡꠞꠅ ꠛꠤꠡꠦꠡ ꠜꠣꠞ꠆ꠌꠥꠀꠟ ꠅꠘꠥꠡ꠆ꠐꠣꠘ ꠡꠥꠞꠥ ꠈꠞꠟꠣꠝ, ꠟꠉꠦ ꠀꠍꠤ ꠀꠚꠘꠣꠞꠣꠞ ꠜꠣꠁ-ꠛꠘ꠆ꠗꠥ ꠄꠝ ꠞꠢꠝꠣꠘ ꠝꠣꠍꠥꠝ (M Rahman Masum) ꠘꠤꠃꠁꠅꠞ꠆ꠇ ꠀꠝꠦꠞꠤꠇꠣ ꠔꠘꠦ⁕

ꠀꠁꠎꠇꠥꠞ ꠛꠤꠡꠦꠡ ꠟꠣꠁꠜꠞ ꠛꠤꠡꠄ:-
ꠀꠁꠎꠇꠥꠞ ꠛꠤꠡꠦꠡ ꠟꠣꠁꠜ ꠛꠣ ꠜꠣꠞ꠆ꠌꠥꠅꠣꠟ ꠅꠘꠥꠡ꠆ꠐꠣꠘꠞ ꠝꠥꠟ ꠛꠤꠡꠄ ꠅꠁꠟꠉꠤ ꠚꠛꠣꠡꠤꠘ꠆ꠔꠞ ꠡꠣꠞ꠆ꠕ ꠡꠥꠞꠇ꠆ꠇꠣꠞ ꠡꠋꠉꠑꠘ “ꠞꠦꠝꠤꠐ꠆ꠎꠣꠘ꠆ꠡ ꠚꠣꠁꠐꠣꠞ꠆ꠡ ꠅꠚ ꠛꠣꠋꠟꠣꠖꠦꠡꠞ” ꠀꠘꠥꠡ꠆ꠑꠣꠘꠤꠇ ꠊꠥꠡꠘꠣ⁕

ꠚꠦꠇ꠆ꠇꠣꠚꠐ:-

ꠡꠣꠗꠤꠘꠔꠣꠞ ꠛꠣꠖꠦ ꠛꠣꠋꠟꠣꠖꠦꠡꠞ ꠅꠞ꠆ꠕꠘꠤꠔꠤꠞ ꠝꠥꠟꠔ ꠍꠟꠌꠤꠟ ꠘꠣꠟꠣꠀ, ꠈꠣꠚꠠ ꠅꠔꠣꠞ ꠃꠚꠠꠦ। ꠇꠤꠘ꠆ꠔꠥꠇ ꠛꠞ꠆ꠔꠝꠣꠘꠇꠥ ꠅꠞ꠆ꠕꠘꠤꠔꠤꠞ ꠝꠥꠟ ꠍꠣꠇ꠆ꠇꠣ ꠅꠁꠟ ꠉꠤꠀ ꠚꠛꠣꠡꠤꠘ꠆ꠔꠞ ꠞꠦꠝꠤꠐꠦꠘ꠆ꠍ⁕
ꠚꠛꠣꠡꠤꠘ꠆ꠔꠞ ꠞꠦꠝꠤꠐꠦꠘ꠆ꠍꠞ ꠉꠥꠞꠥꠔ꠆ꠔ ꠝꠣꠔꠤ ꠡꠦꠡ ꠅꠁꠔ ꠘꠣꠄ⁕
ꠖꠦꠡꠞ ꠁ ꠛꠤꠞꠡꠘ꠆ꠔꠣꠘ ꠅꠈꠟ ꠅꠞ꠆ꠕꠘꠤꠔꠤꠔ ꠅꠇ꠆ꠍꠤꠎꠦꠘꠞ ꠟꠣꠈꠣꠘ ꠎꠣꠘꠚꠞꠣꠘ ꠐꠤꠇꠣꠁꠟꠦꠅ ꠞꠅꠡ꠆ꠡ ꠎꠘꠇꠜꠣꠛꠦ ꠔꠣꠞꠣꠞ ꠚꠔꠤ ꠞꠣꠡ꠆ꠐ ꠛꠣꠟꠣꠝꠔ ꠎꠔ꠆ꠘꠡꠤꠟ ꠀꠍꠞꠘ ꠖꠦꠈꠣꠞ ꠘꠣ, ꠎꠦꠈꠐꠣ ꠀꠝꠣꠞ ꠝꠘꠅ ꠖꠣꠉ ꠈꠣꠐꠍꠦ⁕ ꠅꠕꠍ, ꠞꠣꠡ꠆ꠐꠞ ꠃꠌꠤꠔ ꠀꠍ꠆ꠟ ꠞꠦꠝꠤꠐꠦꠘ꠆ꠍ ꠎꠧꠖ꠆ꠗꠣꠁꠘ꠆ꠔꠞ ꠟꠣꠉꠤ ꠡꠞ꠆ꠛꠥꠌ꠆ꠌ ꠎꠔ꠆ꠘꠚꠣꠔꠤ ꠘꠤꠌ꠆ꠌꠤꠔ ꠈꠞꠣ⁕ ꠇꠤꠘ꠆ꠔꠥꠇ ꠖꠣꠁꠔ꠆ꠔꠡꠤꠟ ꠅꠈꠟꠞ ꠑꠤꠇꠝꠔ ꠖꠣꠁꠔ꠆ꠔ ꠚꠣꠟꠘꠞ ꠊꠣꠐꠔꠤ ꠛꠣ ꠈꠣꠝꠈꠦꠀꠟꠤꠞ ꠖꠣꠄ ꠞꠦꠝꠤꠐꠦꠘ꠆ꠍ ꠎꠧꠖ꠆ꠗꠣꠁꠘ ꠞꠥꠎ ꠛꠤꠠꠝ꠆ꠛꠘꠣꠞ ꠡꠤꠇꠣꠞ ꠅꠁꠞꠣ⁕ ꠎꠦꠢꠦꠔꠥ, ꠞꠣꠡ꠆ꠐꠄ ꠑꠤꠇꠑꠣꠇ ꠖꠣꠁꠔ꠆ꠔ ꠘꠦꠅꠀꠔ ꠇꠥꠛꠦꠈꠐꠣ ꠚꠦꠡꠣꠖꠣꠞꠤꠞ ꠚꠞꠤꠍꠄ ꠖꠤꠔ ꠚꠣꠞꠍꠦ ꠘꠣ, ꠁꠇꠣꠘ ꠝꠘꠈꠞꠤꠀ ꠀꠝꠤ ꠄꠈꠎꠘ ꠚꠛꠣꠡꠤ ꠢꠤꠡꠣꠛꠦ ꠞꠦꠝꠤꠐꠦꠘ꠆ꠍ ꠎꠧꠖ꠆ꠗꠣꠁꠘ꠆ꠔꠞ ꠝꠘꠞ ꠘꠣ-ꠈꠀ ꠈꠕꠣ ꠀꠍ ꠈꠞꠤ ꠚꠛꠣꠡꠤꠘ꠆ꠔꠞ ꠡꠣꠞ꠆ꠕ ꠡꠥꠞꠇ꠆ꠇꠣꠞ ꠖꠣꠄ ꠄꠈꠐꠣ ꠡꠋꠉꠑꠘꠞ ꠖꠞꠈꠣꠞ ꠝꠘꠈꠞꠤ ꠎꠦꠈꠐꠣ ꠁꠔꠤꠝꠖ꠆ꠗꠦ ꠅꠘꠣꠘꠥꠡ꠆ꠑꠣꠘꠤꠇ ꠜꠣꠛꠦ ꠀꠙꠘꠣꠞꠣꠞ ꠉꠦꠍꠦ ꠚꠃꠍꠤ ꠉꠦꠍ “ꠞꠦꠝꠤꠐꠦꠘ꠆ꠍ ꠚꠣꠁꠐꠣꠞ꠆ꠍ ꠅꠚ ꠛꠣꠋꠟꠣꠖꠦꠡ” ꠘꠣꠝꠦ⁕

ꠟꠇ꠆ꠇ, ꠃꠖ꠆ꠖꠦꠡ꠆ꠡ ꠀꠞ ꠡꠤꠡꠐꠝ:-

ꠚꠛꠣꠡꠤꠘ꠆ꠔꠞ ꠄꠈꠝꠣꠔ꠆ꠞ ꠖꠥꠘꠤꠀꠎꠥꠠꠣ ꠡꠋꠉꠑꠘ “ꠞꠦꠝꠤꠐꠦꠘ꠆ꠍ ꠚꠣꠁꠐꠣꠞ꠆ꠍ ꠅꠚ ꠛꠣꠋꠟꠣꠖꠦꠡ” ꠞꠦꠝꠤꠐꠦꠘ꠆ꠍ ꠎꠥꠖ꠆ꠗꠣꠁꠘ꠆ꠔꠞ ꠎꠥꠉ꠆ꠉꠔꠣ ꠅ ꠖꠇ꠆ꠇꠔꠣꠞ ꠛꠣꠠꠣꠘꠤ, ꠈꠣꠝꠞ ꠎꠣꠉꠣꠔ ꠑꠤꠇꠝꠔ ꠘꠤꠞꠣꠚꠔ꠆ꠔꠣ ꠘꠤꠌ꠆ꠌꠤꠔ, ꠞꠣꠡ꠆ꠐꠞ ꠡꠞ꠆ꠛꠥꠌ꠆ꠌ ꠖꠦꠈꠛꠣꠟꠞ ꠝꠣꠁꠖ꠆ꠗꠝꠦ ꠖꠦꠡꠞ ꠁ ꠛꠣꠀꠖꠥꠞ ꠅꠈꠟꠞ ꠡꠣꠞ꠆ꠕ ꠡꠥꠞꠇ꠆ꠇꠣꠞ ꠟꠣꠉꠤ ꠞꠣꠡ꠆ꠐꠞ ꠡꠣꠖ ꠖꠦꠅꠞꠣ ꠝꠣꠘꠦ ꠄꠒꠜꠥꠇꠦꠍꠤ ꠐꠤꠝ ꠛꠣ ꠙ꠆ꠞꠦꠡꠣꠞꠉ꠆ꠞꠥꠙ ꠢꠤꠡꠣꠛꠦ ꠈꠣꠝ ꠈꠞꠣ⁕
ꠄꠍꠣꠠꠣꠅ, ꠇꠥꠛꠛꠦꠡꠤ ꠝꠣꠘꠥꠡ ꠀꠝꠞꠣꠞ ꠁ ꠖꠦꠡꠅ ꠀꠍꠔꠦꠀꠍꠔꠦ ꠛꠦꠇꠣꠞꠔ꠆ꠔ ꠡꠝꠡ꠆ꠡꠣ ꠛꠠ ꠡꠝꠡ꠆ꠡꠣ ꠅꠁꠉꠦꠍ⁕ ꠁ ꠡꠝꠡ꠆ꠡꠣ ꠚꠔꠤꠇꠣꠞꠞ ꠖꠣꠄ ꠖꠦꠡꠞ ꠛꠦꠇꠣꠞ ꠎꠘꠉꠥꠡ꠆ꠑꠤꠞꠦ ꠑꠤꠇꠑꠣꠇ ꠚꠡꠤꠇ꠆ꠇꠘ ꠖꠤꠀ ꠎꠘꠡꠇ꠆ꠔꠤ ꠛꠣꠘꠣꠁꠀ ꠛꠤꠖꠦꠡꠅ ꠘꠄꠀ ꠘꠄꠀ ꠈꠣꠝꠞ ꠛꠣꠎꠣꠞ ꠕꠥꠇꠣꠁꠀ ꠖꠦꠡꠞ ꠅꠞ꠆ꠕꠘꠤꠔꠤꠞ ꠡꠣꠞ꠆ꠛꠤꠇ ꠀꠉꠥꠀꠘꠤꠔ ꠡꠋꠉꠑꠘ ꠄ ꠞꠣꠡ꠆ꠐꠞꠦ ꠡꠛꠛꠣꠄ ꠡꠣꠖ ꠖꠤꠛ⁕

ꠊꠥꠡꠘꠣ:-
ꠡꠝꠥꠖꠅ ꠛꠤꠡꠅꠦꠞ ꠘꠤꠞꠤꠈꠦ ꠀꠝꠤ ꠄꠝ ꠞꠢꠝꠣꠘ ꠝꠣꠍꠥꠝ ꠄꠈꠎꠘ ꠛꠣꠋꠟꠣꠖꠦꠡꠤ ꠞꠦꠝꠤꠐꠦꠘ꠆ꠍ ꠎꠥꠖ꠆ꠗꠣ ꠢꠤꠡꠣꠛꠦ ꠖꠦꠡꠙ꠆ꠞꠦꠝꠅ ꠃꠖ꠆ꠛꠥꠖ꠆ꠗ ꠅꠁꠀ ꠘꠤꠎꠔꠘꠦ ꠚꠛꠣꠡꠤꠘ꠆ꠔꠞ ꠡꠝ꠆ꠜꠣꠛ꠆ꠛ ꠢꠈꠟ ꠛꠣꠟꠣꠁ ꠘꠤꠌ꠆ꠌꠤꠔ ꠈꠞꠔꠦ ꠀꠘ꠆ꠔꠞ꠆ꠎꠣꠔꠤꠇ ꠝꠣꠘꠞ ꠅꠗꠤꠇꠣꠞ ꠡꠥꠞꠇ꠆ꠇꠣꠞ ꠡꠋꠉꠑꠘꠅ ꠞꠥꠙ ꠖꠤꠔꠦ “ꠞꠦꠝꠤꠐꠦꠘ꠆ꠍ ꠚꠣꠁꠐꠣꠞ꠆ꠍ ꠅꠚ ꠛꠣꠋꠟꠣꠖꠦꠡ” ꠘꠣꠝꠦ ꠀꠘꠥꠡ꠆ꠑꠣꠘꠤꠇ ꠀꠔ꠆ꠝꠚꠇꠣꠡ ꠊꠥꠡꠘꠣ ꠈꠞꠟꠣꠝ⁕

ꠢꠦꠡꠈꠕꠣ:- ১৯৭১ ꠡꠣꠟꠞ ২৫ꠡꠦ ꠝꠣꠞ꠆ꠌ ꠞꠣꠁꠔꠇꠥ ꠛꠣꠋꠟꠣꠖꠦꠡꠞ ꠡꠣꠗꠤꠘꠔꠣꠞ ꠁꠍꠕꠙꠔꠤ ꠇꠥꠐꠤ ꠝꠣꠘꠥꠡꠞ ꠝꠘꠞ ꠍꠣꠅꠀ ꠛꠋꠉꠛꠘ꠆ꠗꠥ ꠡꠦꠈ ꠝꠥꠎꠤꠛꠥꠞ ꠞꠢꠝꠣꠘꠞꠦ ꠙꠡ꠆ꠌꠤꠝ ꠙꠣꠇꠤꠍꠕꠣꠘꠤ ꠀꠞ꠆ꠝꠤꠘ꠆ꠔꠦ ꠎꠦꠛ꠆ꠟꠣ ꠗꠞꠤꠀ ꠟꠁꠀ ꠎꠣꠀ, ꠑꠤꠇ ꠢꠃꠡꠝꠄ ꠀꠛꠤꠞ꠆ꠜꠣꠛ ꠊꠐꠦ ꠡꠢꠤꠖ ꠙ꠆ꠞꠦꠍꠤꠒꠦꠘ꠆ꠐ ꠝꠦꠎꠞ ꠎꠤꠀꠃꠞ ꠞꠢꠝꠣꠘꠞ⁕ ꠎꠦꠁꠘ ꠘꠣꠒꠞꠣꠅꠞꠣ ꠖꠦꠡꠙ꠆ꠞꠦꠝꠞ ꠌꠦꠔꠘꠣꠔ ꠃꠎ꠆ꠎꠤꠛꠤꠔ ꠅꠁꠀ ꠇꠣꠟꠥꠞꠊꠣꠐ ꠛꠦꠔꠣꠞꠇꠦꠘ꠆ꠖ꠆ꠞ ꠔꠘꠦ ꠡꠣꠗꠤꠘꠔꠣꠞ ꠊꠥꠡꠘꠣ ꠖꠤꠀ ꠖꠦꠡꠛꠣꠡꠤꠞꠦ ꠝꠥꠇ꠆ꠔꠤꠎꠥꠖ꠆ꠗꠦ ꠅꠋꠡ ꠟꠅꠀꠞ ꠀꠢꠛꠣꠘ ꠎꠣꠘꠣꠁꠘ⁕ ꠑꠤꠇ ꠅꠟꠣꠘ ꠞꠣꠡ꠆ꠐꠎꠘ꠆ꠔ꠆ꠞ ꠎꠦꠛ꠆ꠟꠣ ꠚꠛꠣꠡꠤꠘ꠆ꠔꠞ ꠡꠣꠞ꠆ꠕ ꠡꠥꠞꠇ꠆ꠡꠣ ꠘꠤꠌ꠆ꠌꠤꠔ ꠈꠞꠔ ꠚꠣꠞꠍꠦ ꠘꠣ, ꠑꠤꠇ ꠁꠡꠝꠄ ꠡꠣꠖ ꠖꠦꠅꠞꠣ ꠢꠤꠡꠣꠛꠦ ꠈꠣꠝ ꠈꠞꠣꠔ “ꠞꠦꠝꠤꠐꠦꠘ꠆ꠍ ꠚꠣꠁꠐꠣꠞ꠆ꠍ ꠅꠚ ꠛꠣꠋꠟꠣꠖꠦꠡ” ꠅꠞ ꠀꠉꠥꠀꠁꠀ ꠀꠅꠀ⁕ ꠀꠚꠘꠣꠞꠣꠞ ꠡꠋꠉꠑꠘ “ꠞꠦꠝꠤꠐꠦꠘ꠆ꠍ ꠚꠣꠁꠐꠣꠞ꠆ꠍ ꠅꠚ ꠛꠣꠋꠟꠣꠖꠦꠡ” ꠅꠞ ꠈꠣꠝꠞꠦ ꠍꠣꠟꠣꠁꠀ ꠘꠤꠅꠀꠔ ꠀꠚꠘꠣꠞꠣꠞ ꠘꠤꠎꠘꠤꠎ ꠡ꠆ꠞꠝ, ꠝꠦꠗꠣ, ꠘꠦꠔ꠆ꠞꠤꠔ꠆ꠔ ꠚꠕꠖꠦꠈꠣꠘꠤ ꠇꠥꠛꠛꠠ ꠜꠥꠝꠤꠇꠣ ꠞꠣꠈꠛ ꠅꠈꠣꠘ ꠀꠡꠣ ꠈꠞꠤ⁕ ꠎꠦꠞꠣ ꠁ ꠡꠋꠉꠑꠘꠞ ꠟꠉꠦ ꠘꠤꠡ꠆ꠡꠣꠞ꠆ꠕꠜꠣꠛꠦ ꠈꠣꠝ ꠈꠞꠔꠣ ꠍꠣꠁꠘ, ꠡꠈꠟꠞꠦ ꠡꠣꠉꠔ ꠎꠣꠘꠣꠁꠞꠣꠝ⁕ ꠛꠣꠖꠦ ꠡꠋꠉꠑꠘꠞ ꠚꠥꠞꠣ ꠞꠥꠚꠞꠦꠈꠣ ꠡꠥꠁꠖ꠆ꠗꠣ ꠚꠥꠞꠣ ꠀꠢꠛꠣꠅꠇ ꠇꠝꠤꠐꠤ ꠊꠥꠡꠘꠣ ꠈꠞꠣ ꠅꠁꠛ⁕ ꠄꠞ ꠟꠉꠦ ꠡꠋꠉꠑꠘꠞ ꠅꠄꠛꠡꠣꠁꠐꠞ ꠝꠣꠖ꠆ꠗꠝꠦ ꠇꠤꠟꠣꠘ ꠎꠥꠇ꠆ꠔ ꠅꠁꠛꠣ, ꠁꠔꠣ ꠛꠣꠖꠦ ꠟꠣꠁꠜꠅ ꠀꠁꠀ ꠢꠈꠟꠞꠦ ꠎꠣꠘꠣꠘꠤ ꠅꠁꠛ⁕

ꠈꠀ ꠟꠣꠉꠦ, ꠇꠞꠘꠣꠞ ꠝꠢꠣꠝꠣꠞꠤꠞ ꠅꠡꠋꠉꠔꠤ ꠄꠠꠣꠘꠤꠞ ꠖꠣꠄ ꠊꠞꠤꠀ ꠚꠞꠤꠡꠞꠦ ꠡꠋꠉꠑꠘꠞ ꠀꠔ꠆ꠝꠚꠇꠣꠡ ꠊꠥꠡꠘꠣ ꠈꠞꠔꠦ ꠛꠣꠖ꠆ꠗ ꠅꠁꠟꠣꠝ⁕

ꠟꠉꠦ ꠕꠣꠈꠁꠘ ꠟꠉꠦ ꠞꠣꠈꠁꠘ ꠡꠥꠍ꠆ꠕ ꠕꠣꠈꠁꠘ, ꠡꠥꠜꠇꠣꠝꠘꠣ ꠀꠞ ꠜꠣꠟꠛꠣꠡꠣ ꠘꠤꠞꠘ꠆ꠔꠞ⁕

Together we Progress, Inshallah.

ꠀꠟ꠆ꠟꠣꠢ ꠢꠣꠚꠦꠎ, ꠀꠍꠍꠣꠟꠣꠝꠥ ꠀꠟꠣꠁꠇꠥꠝ⁕

ꠄꠝ ꠞꠢꠝꠣꠘ ꠝꠣꠍꠥꠝ,
ꠚꠗꠣꠘ ꠡꠝꠘ꠆ꠛꠅꠇ
ꠞꠦꠝꠤꠐꠦꠘ꠆ꠍ ꠚꠣꠁꠐꠣꠞ꠆ꠍ ꠅꠚ ꠛꠣꠋꠟꠣꠖꠦꠡ
ꠘꠤꠃꠁꠅꠞ꠆ꠇ, ꠀꠝꠦꠞꠤꠇꠣ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠁꠞꠣꠘ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠄꠟꠣ ꠉꠥꠐ꠆ꠐꠣ ꠟꠁꠍꠂꠘ ꠛꠣꠋꠟꠣꠖꠦꠡꠞ ꠛꠡꠤꠞ ꠀꠢꠝꠣꠖ

ꠁꠞꠣꠘꠞ ꠞꠣꠎꠗꠣꠘꠤ ꠔꠦꠢꠞꠣꠘ ꠅꠃꠀ ꠛꠤꠡ꠆ꠡ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠕꠝ ꠎꠣꠉꠣ ꠟꠁꠟꠍꠂꠘ ꠢꠛꠤꠉꠘ꠆ꠎꠞ ꠚꠥꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖꠦ …