শুরমা ফারর খবর ছিলটি জবানে ছিলটর খবর
Related Articles
ꠙꠔꠣꠞꠘꠣ ꠈꠞꠤꠀ ꠐꠦꠈꠣ ꠀꠔꠣꠁꠀ ꠘꠦꠅꠀ ꠀꠍꠟ ꠞꠤꠎꠦꠘ꠆ꠐꠞ ꠝꠣꠟꠤꠇ ꠡꠣꠢꠦꠖꠞ ꠝꠥꠁꠘ ꠍꠟ-ꠍꠣꠔꠥꠞꠤ। ꠛꠥꠗꠛꠣꠞ (০৮ ꠎꠥꠟꠣꠁ) ꠖꠥꠅꠚꠞꠤꠔ ꠛ꠆ꠞꠤꠚꠤꠋꠅ ꠞꠦꠛꠦ ꠈꠄ, ꠞꠤꠎꠦꠘ꠆ꠐ ꠀꠡꠙꠣꠔꠣꠟ ꠅꠜꠤꠎꠣꠘ ꠌꠣꠟꠣꠘꠤꠔ ꠉꠤꠀ ꠔꠣꠞꠣ ꠎꠤꠞ ꠇꠥꠖꠣꠔ ꠄꠘꠣꠇꠥꠘ꠆ꠒꠣ ꠚꠣꠁꠍꠦ। ꠛꠣꠉ꠆ꠞꠣ ꠡꠣꠢꠦꠖ ꠡꠥꠁꠖꠖꠣ ꠛꠣꠇꠤ ꠘꠄ ꠀꠡꠣꠝꠤꠞꠦ ꠔꠥꠇꠣꠘꠤꠞ ꠅꠜꠤꠎꠣꠘ ꠍꠟꠍꠦ ꠈꠞꠤ ꠎꠣꠘꠣꠁꠍꠦ ꠞꠦꠛꠞ ꠉꠘꠝꠣꠁꠖꠗꠝ ꠡꠣꠈꠣꠞ ꠚꠞꠤꠌꠣꠟꠇ ꠍꠣꠞꠅꠀꠞ ꠛꠤꠘ ꠇꠣꠡꠦꠝ।
ꠁꠛꠣꠄ, ꠡꠞꠦꠎꠝꠤꠘ ꠖꠦꠈꠣ ꠎꠣꠄ ꠅꠘꠤꠅꠝꠞ ꠅꠜꠤꠎꠧꠉꠦ ꠄꠞ ꠀꠉꠦ ꠛꠘ꠆ꠗ ꠈꠞꠤ ꠖꠦꠅꠀ ꠛꠣꠇꠇꠣ ꠈꠔꠐꠤ ꠀꠡꠙꠣꠔꠣꠟ ꠈꠄꠈꠝꠣꠡꠞ ꠝꠣꠏꠦ ꠢꠤꠞꠧ ꠈꠣꠝ ꠡꠥꠞꠥ ꠈꠞꠤꠟꠍꠦ।
ꠇꠜꠤꠒ ꠛꠦꠝꠣꠞꠤ ꠙꠞꠤꠇꠇꠣ ꠘꠣ ꠈꠞꠤ ꠞꠤꠙꠞ꠆ꠐ ꠖꠦꠅꠀꠡꠢ ꠛꠃꠔꠔꠣ ꠅꠙꠞꠣꠗꠦ ꠝꠋꠉꠟꠛꠣꠞ (৭ ꠎꠥꠟꠣꠁ) ꠛꠘ꠆ꠗ ꠈꠞꠤ ꠖꠦꠅꠀ ꠅꠄ ꠞꠤꠎꠦꠘ꠆ꠐ ꠀꠡꠙꠣꠔꠣꠟꠞ ꠃꠔ꠆ꠔꠞꠣ ꠡꠣꠈꠣ।
ꠄꠞ ꠀꠉꠦꠅ ꠛꠃꠔ ꠡꠝꠎ ꠛꠤꠜꠤꠘ꠆ꠘ ꠅꠙꠞꠣꠗꠦ ꠛꠘ꠆ꠗ ꠅꠄ ꠀꠞ ꠛꠣꠇꠇꠣ ꠀꠡꠙꠣꠔꠣꠟ। ꠎꠦꠉꠥꠁꠘꠔꠞ ꠄꠈꠐꠣ ꠝꠥꠢꠣꠝ꠆ꠝꠖꠙꠥꠞꠞ ꠞꠎꠦꠟ ꠀꠡꠙꠣꠔꠣꠟ। ২০১৮ ꠡꠣꠟ ꠁ ꠢꠡꠙꠤꠐꠣꠟ ꠅꠜꠤꠎꠣꠘ ꠌꠣꠟꠣꠄ ꠀꠁꠘꠍ꠆ꠞꠤꠋꠇꠟꠣ ꠛꠣꠢꠤꠘꠤꠞ ꠡꠖꠁꠡꠡꠄ। ꠛꠃꠔꠔꠣ ꠅꠜꠤꠎꠥꠉꠞ ꠖꠣꠄ ꠀꠡꠙꠣꠔꠣꠟꠐꠣ ꠛꠘ꠆ꠗ ꠈꠞꠤ ꠡꠤꠟꠉꠣꠟꠣ ꠈꠞꠣ ꠅꠁꠍꠤꠟ।
ꠇꠤꠘ꠆ꠔꠥꠇ ꠛꠘ꠆ꠗ ꠈꠞꠣꠞ ꠝꠣꠔ꠆ꠞ ৩ ꠝꠣꠡꠞ ꠝꠣꠏꠦ ꠢꠣꠁ ꠇꠅꠐ ꠔꠘꠦ ꠁꠍꠔꠉꠤꠔ ꠚꠔ꠆ꠞ ꠟꠁꠀ ꠀꠞꠛꠣꠞ ꠈꠣꠝ ꠡꠥꠞꠥ ꠈꠞꠦ ꠀꠡꠙꠣꠔꠣꠟ ꠁꠇꠐꠣꠄ। ꠎꠥꠖꠤꠘꠅ ꠛꠖꠟꠤꠍꠦ ꠘꠣ ꠀꠡꠙꠣꠔꠣꠟꠞ ꠚꠞꠤꠛꠦꠡ, ꠃꠚꠔꠣ ꠀꠉꠞ ꠟꠣꠈꠣꠘ ꠍꠟꠦꠞ।
ꠝꠥꠢꠣꠝ꠆ꠝꠖꠙꠥꠞꠞ ꠀꠞꠉꠥ ꠀꠡꠙꠣꠔꠣꠟ ꠡꠦꠛꠤꠇꠣ। ꠝꠣꠔ꠆ꠞ ꠈꠄꠇ ꠝꠣꠡ ꠀꠉꠦ ꠀꠁꠘꠍ꠆ꠞꠤꠋꠇꠟꠣ ꠛꠣꠢꠤꠘꠤ ꠢꠤꠈꠣꠘ ꠅꠜꠤꠎꠣꠘ ꠌꠣꠟꠣꠁꠀ ꠛꠃꠔ ꠎꠣꠔꠤ ꠅꠘꠤꠎꠥꠝꠞ ꠈꠣꠞꠘꠦ ꠎꠞꠤꠝꠣꠘꠣ ꠈꠞꠦ।
ꠛꠥꠗꠛꠣꠞ ꠀꠡꠙꠣꠔꠣꠟ ꠐꠣꠔ ꠉꠤꠀ ꠖꠦꠈꠣ ꠎꠣꠄ, ꠒꠣꠀꠉꠘꠡ꠆ꠐꠤꠇ ꠍꠦꠘ꠆ꠐꠣꠞ ꠘꠣ ꠕꠣꠈꠟꠦꠅ ꠛꠦꠛꠀꠞ ꠈꠞꠣ ꠅꠞ ꠁꠇꠐꠣ। ꠞꠤꠡꠦꠙꠡꠘꠅ ꠈꠦꠃ ꠘꠣꠁ।
