Home / ꠍꠤꠟꠐꠞ ꠡꠣꠁꠔ꠆ꠔ / ꠍꠤꠟꠐꠤ ꠇꠛꠤꠔꠣ ꠚꠔꠤꠎꠥꠉꠤꠔꠣ ২০১৯-ꠅ ꠅꠀ ꠡꠦꠞꠣ ꠇꠛꠤꠔꠣ

ꠍꠤꠟꠐꠤ ꠇꠛꠤꠔꠣ ꠚꠔꠤꠎꠥꠉꠤꠔꠣ ২০১৯-ꠅ ꠅꠀ ꠡꠦꠞꠣ ꠇꠛꠤꠔꠣ

ꠇꠛꠤꠔꠣ :

ꠝꠞꠘ

ꠇꠝꠞ ꠃꠖꠖꠤꠘ ꠟꠡꠇꠞ

ꠝꠞꠘ ꠘꠣꠝꠞ ꠛꠟꠣꠄ ꠎꠈꠘ
ꠎꠣꠘꠐꠣ ꠈꠥꠟꠤ ꠘꠦꠄ
ꠉꠞꠤꠛ ꠗꠘꠤ ꠢꠇ꠆ꠇꠟꠦꠞꠦ
ꠢꠝꠣꠘ ꠛꠣꠘꠣꠁ ꠖꠦꠄ ⁕
ꠝꠞꠘ ꠀꠁꠔꠦ ꠎꠣꠘꠣꠄꠘꠣ ꠜꠣꠁ
ꠀꠈꠔꠣꠃ ꠀꠁꠀ ꠗꠞꠦ
ꠙꠕꠦ ꠊꠣꠐꠦ ꠉꠣꠠꠤꠔ ꠛꠣꠠꠤꠔ
ꠇꠔ꠆ꠔꠧ ꠝꠣꠘꠥ ꠝꠞꠦ ⁕
ꠉꠥꠞꠥꠡꠔꠣꠘꠦ ꠉꠦꠟꠦ ꠖꠦꠈꠛꠣꠄ
ꠢꠝꠣꠘ ꠝꠣꠐꠤꠞ ꠊꠞ
ꠇꠧꠘ꠆ ꠇꠛꠞꠐꠣ ꠡꠣꠢꠦꠘꠡꠣꠢꠦꠞ
ꠇꠧꠘ꠆ꠐꠣ ꠚꠇꠤꠞꠞ
ꠖꠦꠈꠣꠞ ꠛꠣꠖꠦ ꠎꠣꠄꠘꠣ ꠌꠤꠘꠣ
ꠝꠞꠘ ꠇꠞꠍꠦ ꠄꠇ
ꠝꠞꠘꠦ ꠍꠁꠟꠦ ꠕꠣꠈꠦꠘꠣ ꠀꠞ
ꠛꠣꠢꠣꠖꠥꠞꠤꠞ ꠞꠦꠈ ⁕
ꠛꠣꠖꠡꠣꠢ ꠚꠇꠤꠞ ꠢꠈꠟꠞ ꠔꠘꠥ
ꠝꠣꠐꠤꠞ ꠚꠦꠐꠧ ꠚꠍꠦ
ꠔꠘꠥ ꠈꠣꠅꠀꠞ ꠛꠣꠖꠦ ꠇꠛꠞ
ꠀꠚꠘꠣꠀꠚꠘꠤ ꠗꠍꠦ ⁕
ꠄꠞ ꠕꠣꠇꠤꠘꠃ ꠈꠂ ꠜꠣꠁꠀꠁꠘꠞꠦ
ꠇꠤꠅꠞ ꠅꠔ꠆ꠔꠧ ꠛꠠꠣꠁ
ꠇꠧꠐꠤꠙꠔꠤꠞ ꠔꠘꠥꠅ ꠙꠍꠦ
ꠝꠣꠐꠤꠔ ꠉꠠꠣꠁ ꠉꠠꠣꠁ ⁕

5/5 - (1 vote)

About abu sayeed

Check Also

https://bangladeshpost.net/posts/workshop-on-dhamail-dance-and-music-held-at-bsa-6679

ꠗꠣꠝꠣꠁꠟ: ꠀꠁꠟꠣꠞꠦ ꠘꠄꠀ ꠖꠣꠝꠣꠘ

ꠀꠁꠟꠣꠞꠦ ꠘꠄꠀ ꠖꠣꠝꠣꠘ (আইলারে নয়া দামান) ꠍꠤꠟꠐꠤ ꠝꠣꠔꠈꠕꠣꠄ ꠘꠣꠝꠈꠞꠣ ꠄꠈꠣꠘ ꠛꠤꠀꠞ ꠉꠤꠔ ꠅꠁꠟꠦꠅ ꠚꠦꠁꠍꠛꠥꠇ, ꠐꠤꠇꠐꠇ, …