শুরমা ফারর খবর ছিলটি জবানে ছিলটর খবর
Related Articles
ꠍꠤꠘꠧ ꠘꠤ?
ꠛꠤꠙꠣꠡꠣ ꠛꠤꠘꠔꠦ ꠢꠇ
ꠘꠣ ꠘꠣ, ꠁꠟꠣꠘ ꠘꠣꠄ ꠎꠦꠘ ꠀꠝꠤ ꠛꠥꠟꠤ ꠉꠦꠍꠤ
ꠔꠥꠝꠣꠞ ꠔꠥꠟꠔꠥꠟꠣ ꠢꠣꠔꠧꠞ ꠝꠦꠘ꠆ꠖꠤ,
ꠀꠋꠉꠥꠟ ꠛꠣꠁꠀ ꠟꠣꠝꠤꠀ ꠀꠅꠀ ꠚꠣꠘꠤꠞ ꠍ꠆ꠞꠥꠔ
ꠃꠘ꠆ꠖꠣꠟꠧꠞ ꠟꠣꠈꠠꠤꠞ ꠝꠣꠐꠤꠀ ꠉꠘ
ꠢꠣꠅꠞꠧ ꠛꠥꠞ ꠖꠤꠀ ꠡꠣꠙꠟꠣ ꠔꠥꠟꠤꠀ ꠀꠘꠣ..
ꠀꠁꠎꠧ ꠔꠥꠝꠣꠞ ꠒꠦꠉꠧꠞ ꠔꠥꠡꠣ ꠡꠤꠞꠘꠤ,
ꠔꠥꠝꠣꠞ ꠎꠝꠤꠘꠧꠞ ꠀꠃꠡꠣ ꠇꠖꠥ, ꠀꠞ
ꠟꠣꠁꠚꠣꠔꠣ ꠖꠤ ꠍꠦꠋ ꠝꠣꠍꠞ ꠛꠞ꠆ꠔꠣ
ꠀꠝꠣꠞꠦ ꠝꠎꠛꠥꠞ ꠈꠞꠦ, ꠀꠝꠣꠞꠦ ꠢꠤꠞꠛꠣꠞ
ꠚꠤꠞꠣꠁꠀ ꠀꠘꠦ ꠅꠃ ꠡꠥꠞꠝꠣ ꠉꠣꠋꠉꠧꠞ ꠈꠣꠘ꠆ꠖꠣꠔ⁕
ꠀꠝꠞꠣꠞ ꠖꠞꠉꠣꠔ ꠃꠐ ꠚꠣꠇꠤꠞ ꠒꠤꠝ꠆
ꠇꠣꠟꠘꠤ ꠉꠣꠋꠉꠧ ꠡꠥꠀ ꠍꠣꠘ ꠚꠣꠇꠤ
ꠛꠤꠍ꠆ꠞꠣꠔ ꠉꠥꠀꠟꠉꠣꠖ꠆ꠖꠣ ꠃꠞꠤ, ꠀꠞ
ꠀꠝꠞꠣꠞ ꠜꠣꠐꠤꠖꠦꠡꠧꠞ ꠈꠝꠟꠣꠅ
ꠘꠤꠔ꠆ꠔ ꠈꠞꠁꠘ ꠕꠝꠇꠤꠀ ꠕꠝꠇꠤꠀ⁕
ꠀꠝꠞꠣꠞ ꠡꠤꠔꠟꠚꠣꠐꠤꠔ ꠖꠦꠈꠛꠣꠄ
ꠝꠥꠞ꠆ꠔꠣꠛꠦꠔꠞ ꠎꠣꠟꠤ, ꠝꠣꠔꠧ ꠚꠣꠁꠛꠣꠄ
ꠈꠝꠟꠣ ꠟꠦꠝ꠆ꠛꠥꠞ ꠉꠘ
ꠀꠝꠞꠣꠞ ꠍꠤꠟꠐ,
ꠛꠣꠛꠣ ꠡꠣꠎꠣꠟꠣꠟꠧꠞ ꠙꠥꠁꠘ꠆ꠘꠜꠥꠝꠤ⁕
ꠘꠣ ꠘꠣ, ꠅꠟꠣꠘ ꠈꠂꠅ ꠘꠣ ꠛꠥꠟꠦ
ꠀꠝꠤ ꠚꠥꠛꠣꠟꠤ ꠛꠣꠔꠣꠡꠧ ꠝꠤꠟꠣꠁ ꠉꠦꠍꠤ,
ꠀꠝꠤ ꠉꠣꠋ ꠚꠣꠞꠣꠁ ꠉꠦꠍꠤ—
ꠀꠁꠎꠧ ꠀꠝꠤ ꠔꠥꠇꠣꠁ
ꠗꠥꠝ ꠏꠞꠤꠞ ꠝꠣꠎꠦ ꠢꠤꠟꠦ ꠇꠥꠐꠣ ꠀꠝ⁕
ꠀꠁꠎꠧ ꠇꠤꠛꠣꠘ ꠀꠝꠤ ꠍꠘ꠆ꠘꠤ ꠞꠣꠁꠔꠧ
ꠃꠖꠣꠝ ꠚꠣꠃꠅ ꠛꠘ꠆ꠖꠧ ꠛꠁꠀ ꠉꠣꠘ ꠉꠣꠁ
‘ꠢꠛꠤꠉꠘ꠆ꠎꠦꠞ ꠎꠣꠟꠣꠟꠤ ꠈꠂꠔꠞ, ꠡꠥꠘꠣꠝꠉꠘ꠆ꠎꠦꠞ ꠇꠥꠠꠣ
ꠡꠥꠞꠝꠣ ꠘꠖꠤꠞ ꠉꠣꠋꠍꠤꠟ ꠀꠝꠤ
ꠡꠥꠁꠘ꠆ꠘꠦ ꠖꠤꠟꠣꠝ ꠃꠠꠣ’⁕
