Breaking News
Home / ꠍꠤꠟꠐ / ꠍꠤꠘ ꠘꠤ: ꠛꠤꠙꠣꠡꠣ ꠛꠤꠘꠔꠦ ꠢꠇ

ꠍꠤꠘ ꠘꠤ: ꠛꠤꠙꠣꠡꠣ ꠛꠤꠘꠔꠦ ꠢꠇ

ꠍꠤꠘ ꠘꠤ?
ꠛꠤꠙꠣꠡꠣ ꠛꠤꠘꠔꠦ ꠢꠇ


ꠘꠣ ꠘꠣ, ꠁꠟꠣꠘ ꠘꠣꠄ ꠎꠦꠘ ꠀꠝꠤ ꠛꠥꠟꠤ ꠉꠦꠍꠤ
ꠔꠥꠝꠣꠞ ꠔꠥꠟꠔꠥꠟꠣ ꠢꠣꠔꠞ ꠝꠦꠘ꠆ꠖꠤ,
ꠀꠋꠉꠥꠟ ꠛꠣꠁꠀ ꠟꠣꠝꠤꠀ ꠀꠃꠀ ꠚꠣꠘꠤꠞ ꠍ꠆ꠞꠥꠔ
ꠃꠘ꠆ꠖꠣꠟꠞ ꠟꠣꠈꠠꠤꠞ ꠝꠣꠐꠤꠀ ꠉꠘ
ꠢꠣꠅꠞ ꠛꠥꠞ ꠖꠤꠀ ꠡꠣꠙꠟꠣ ꠔꠥꠟꠤꠀ ꠀꠘꠣ,
ꠀꠁꠎꠅ ꠔꠥꠝꠣꠞ ꠒꠦꠉꠞ ꠔꠥꠡꠣ ꠡꠤꠞꠘꠤ,
ꠔꠥꠝꠣꠞ ꠎꠝꠤꠘꠞ ꠀꠃꠡꠣ ꠇꠖꠥ, ꠀꠞ
ꠟꠣꠁꠚꠣꠔꠣ ꠖꠤ ꠍꠦꠋ ꠝꠣꠍꠞ ꠛꠞ꠆ꠔꠣ
ꠀꠝꠣꠞꠦ ꠝꠎꠛꠥꠞ ꠈꠞꠦ, ꠀꠝꠣꠞꠦ ꠢꠤꠞꠛꠣꠞ
ꠚꠤꠞꠣꠁꠀ ꠀꠘꠦ ꠅꠃ ꠡꠥꠞꠝꠣ ꠉꠣꠋꠉꠞ ꠈꠣꠘ꠆ꠖꠣꠔ।
ꠀꠝꠞꠣꠞ ꠖꠞꠉꠣꠔ ꠃꠐ ꠚꠣꠇꠤꠞ ꠒꠤꠝ
ꠇꠣꠟꠘꠤ ꠉꠣꠋꠉꠅ ꠡꠥꠀ ꠍꠣꠘ ꠚꠣꠇꠤ
ꠛꠤꠍ꠆ꠞꠣꠔ ꠉꠥꠀꠟꠉꠣꠖ꠆ꠖꠣ ꠃꠞꠤ, ꠀꠞ
ꠀꠝꠞꠣꠞ ꠜꠣꠐꠤꠖꠦꠡꠞ ꠈꠝꠟꠣꠅ
ꠘꠤꠔ꠆ꠔ ꠈꠞꠁꠘ ꠕꠝꠇꠤꠀ ꠕꠝꠇꠤꠀ।
ꠀꠝꠞꠣꠞ ꠡꠤꠔꠟꠚꠣꠐꠤꠔ ꠖꠦꠈꠛꠣꠄ
ꠝꠥꠞ꠆ꠔꠣꠛꠦꠔꠞ ꠎꠣꠟꠤ, ꠝꠣꠔꠅ ꠚꠣꠁꠛꠣꠄ
ꠈꠝꠟꠣ ꠟꠦꠝ꠆ꠛꠥꠞ ꠉꠘ
ꠀꠝꠞꠣꠞ ꠍꠤꠟꠐ,
ꠛꠣꠛꠣ ꠡꠣꠎꠣꠟꠣꠟꠞ ꠚꠥꠁꠘ꠆ꠘꠜꠥꠝꠤ।
ꠘꠣ ꠘꠣ, ꠅꠟꠣꠘ ꠈꠂꠅ ꠘꠣ ꠛꠥꠟꠦ
ꠀꠝꠤ ꠚꠥꠛꠣꠟꠤ ꠛꠣꠔꠣꠡꠅ ꠝꠤꠟꠣꠁ ꠉꠦꠍꠤ,
ꠀꠝꠤ ꠉꠣꠋ ꠚꠣꠞꠣꠁ ꠉꠦꠍꠤ—
ꠀꠁꠎꠅ ꠀꠝꠤ ꠔꠥꠇꠣꠁ
ꠗꠥꠝ ꠏꠞꠤꠞ ꠝꠣꠎꠦ ꠢꠤꠟꠦ ꠇꠥꠐꠣ ꠀꠝ।
ꠀꠁꠎꠅ ꠇꠤꠛꠣꠘ ꠀꠝꠤ ꠍꠘ꠆ꠘꠤ ꠞꠣꠁꠔꠅ
ꠃꠖꠣꠝ ꠚꠣꠃꠅ ꠛꠘ꠆ꠖ ꠛꠁꠀ ꠉꠣꠘ ꠉꠣꠁ
‘ꠢꠛꠤꠉꠘ꠆ꠎꠦꠞ ꠎꠣꠟꠣꠟꠤ ꠈꠂꠔꠞ, ꠡꠥꠘꠣꠝꠉꠘ꠆ꠎꠦꠞ ꠇꠥꠠꠣ
ꠡꠥꠞꠝꠣ ꠘꠖꠤꠞ ꠉꠣꠋꠍꠤꠟ ꠀꠝꠤ
ꠡꠥꠁꠘ꠆ꠘꠦ ꠖꠤꠟꠣꠝ ꠃꠠꠣ’।

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

Γ1-ꠡꠦ ꠚꠖꠇ ꠚꠣꠃꠞꠣ ꠛꠤꠎꠤꠔ ꠟꠣꠟ ꠖꠣꠡ ꠀꠞ ꠍꠤꠟꠦꠐ ꠄꠇꠣꠒꠦꠝꠤ

Γ1-ꠡꠦ ꠚꠖꠇ ꠚꠣꠃꠞꠣ ꠛꠤꠎꠤꠔ ꠟꠣꠟ ꠖꠣꠡ ꠀꠞ ꠍꠤꠟꠦꠐ ꠄꠇꠣꠒꠦꠝꠤ (সিলেট একাডেমি) ꠟꠁꠀ ꠔꠥꠞꠣ ꠝꠣꠔ :::::::::::::::::: …