ꠍꠤꠟꠐ ꠘꠣꠝꠈꠞꠘ ꠅꠞ ꠁꠔꠤꠀꠡ: ꠞꠥꠢꠥꠟ ꠀꠝꠤꠘ ꠡꠥꠝꠘ

ꠈ꠆ꠞꠤꠡ꠆ꠐꠚꠥꠞ꠆ꠛ Γ000 ꠚꠤꠞꠣ ꠀꠉꠝꠣꠘ꠆ꠔꠦ ꠈꠈ ꠡꠔꠣꠛ꠆ꠖꠤ ꠗꠞꠤꠀ ꠝꠣꠏꠞ-ꠌꠤꠘ ꠔꠘꠦ ꠌꠃ ꠛꠋꠡꠤꠅ ꠝꠣꠘꠥꠁꠘ ꠀꠡꠣꠝ ꠢꠣꠝꠣꠁꠀ ꠔꠣꠘꠔꠤꠔ ꠟꠁꠀ ꠛꠡ ꠈꠞꠔ ꠕꠣꠈꠦ ⁕ ꠕꠣꠘꠤꠅ ꠅꠗꠤꠛꠣꠡꠤꠘ꠆ꠔꠦ ꠄꠞꠣꠞ ꠘꠣꠝ ꠖꠦꠁꠘ ꠎꠃꠔꠤꠡ ꠎꠣꠔꠤ ⁕ ꠈꠣꠞꠘ ꠔꠣꠞꠣ ꠎꠥꠔꠤꠞ꠆ꠛꠤꠖ꠆ꠖꠣꠄ ꠙꠣꠞꠖꠞ꠆ꠡꠤ ꠀꠍꠤꠟ ⁕ ꠄꠞꠣꠃ ꠛꠣꠖꠦ ꠙ꠆ꠞꠣꠉꠎꠥꠔꠤꠡꠚꠥꠞ ꠞꠣꠁꠎ꠆ꠎꠞ ꠁꠀꠘ ꠉꠣꠞꠦ ⁕ ꠔꠣꠞꠣꠞ ꠄꠈ ꠉꠥꠞꠞ ꠈꠣꠝꠃ ꠀꠍꠤꠟ ꠞꠦꠡꠝ ꠚꠟꠣꠘꠤ ꠀꠞ ꠈꠣꠚꠞ ꠛꠣꠁꠘ ⁕ ꠝꠋꠉꠟꠤꠅ ꠝꠣꠔꠦ ꠞꠦꠡꠝꠞꠦ ꠈꠃꠀ ꠅꠄ ꠡꠤꠞꠇꠦꠇ, ꠌꠤꠘꠣ ꠝꠣꠔꠦ ꠡꠤ, ꠇꠥꠞꠤꠀꠘ ꠝꠣꠔꠦ ꠡꠤꠞ, ꠉ꠆ꠞꠤꠇ ꠝꠣꠔꠦ ꠡꠤꠞ ꠀꠞ ꠟꠦꠐꠤꠘ ꠝꠣꠔꠦ ꠡꠤꠞꠤꠇꠣꠝ ⁕ ꠖꠦꠡꠛꠤꠖꠦꠡꠤ ꠛꠣꠘꠤꠎ꠆ꠎꠞ ꠃꠍꠤꠟ꠆ꠟꠣꠄ ꠁꠖꠦꠡꠞ ꠞꠦꠡꠝ ꠛꠦꠚꠣꠞꠤꠘ ꠡꠤꠞ ꠇꠤ ꠡꠤꠞꠤ ꠎꠣꠔꠤ ꠈꠁꠀ ꠒꠣꠈꠣ ꠅꠁꠔꠦ ꠅꠁꠔꠦ ꠢꠦꠡꠝꠦꠡ ꠅꠃ ꠘꠣꠝꠦꠃ ꠍꠤꠘꠣ ꠎꠣꠘꠣ ꠅꠁꠎꠣꠁꠘ ⁕ ꠅꠃ ꠞꠦꠡꠝ ꠛꠦꠛꠡꠣꠞ ꠘꠣꠝꠤꠖꠣꠝꠤ ꠛꠦꠍꠣꠞ ꠏꠋꠡꠘ- ꠍꠤꠞꠢꠣꠐ, ꠍꠤꠞꠤꠢꠣꠐ ꠅꠞ ꠛꠤꠔꠟꠣꠁꠟꠞꠥꠚ ꠍꠤꠞꠢꠐ > ꠍꠤꠞꠐ ꠘꠣꠝꠦ ꠛꠦꠡꠦꠛꠣ ꠚꠞꠤꠍꠤꠔꠤ ꠚꠣꠄ ⁕
ꠛꠣꠖꠦ ꠛꠂꠖꠤꠇ ꠛꠣꠜꠘ ꠅꠈꠟꠦ ꠍꠤꠞꠤꠢꠣꠐ ꠞꠦ ꠡꠋꠁꠍꠇ꠆ꠞꠤꠔꠦ ꠡ꠆ꠞꠤꠢꠐ꠆ꠐ ꠘꠣꠝꠦ ꠈꠣꠉꠎꠦꠚꠔ꠆ꠞꠦ ꠍꠣꠟꠥ ꠈꠞꠦ ⁕ ꠔꠄ ꠀꠝꠙꠣꠛꠟꠤꠇꠞ ꠝꠥꠇꠝꠥꠇ ꠍꠤꠞꠐ > ꠍꠤꠟꠐ ꠛꠃꠔ ꠛꠦꠡꠤ ꠛꠦꠛꠀꠞ ꠅꠃꠀ ꠔꠈꠘꠅ ꠀꠍꠤꠟ, ꠅꠈꠘꠅ ꠀꠍꠦ ⁕
ꠅꠁꠔꠤꠢꠣꠡꠤꠇ Arian ꠈ꠆ꠞꠤꠡ꠆ꠐꠚꠥꠞ꠆ꠛ b00 ꠚꠤꠞꠣꠔ ꠍꠤꠞꠐ ꠞꠦ sirioto, ꠈ꠆ꠞꠤꠡ꠆ꠐꠤꠅ ꠖꠥꠍꠞꠣ ꠡꠔꠈꠅ ꠅꠁꠔꠤꠢꠣꠡꠤꠇ Ailien ꠔꠣꠘꠞ ꠛꠄꠀꠘꠅ siratae ꠀꠞ ꠈ꠆ꠞꠤꠡ꠆ꠐꠤꠅ ꠚꠄꠟꠣ ꠡꠔꠈꠅ ꠟꠦꠈꠣ Periplus of the Erythrean sea ꠛꠁꠅ siratae ꠟꠦꠈꠣ ꠞꠁꠍꠦ ⁕ ꠈ꠆ꠞꠤꠡ꠆ꠐꠤꠅ ꠚꠘ꠆ꠌꠖꠡ ꠡꠔꠈꠅ ꠙꠞ꠆ꠔꠥꠉꠤꠎ ꠜꠃꠉꠟꠤꠇ Goa do borros ꠅꠞ ꠘꠈꠡꠣꠔ Siriot ꠘꠣꠝꠦ ꠁ ꠅꠘ꠆ꠌꠟꠞꠦ ꠍꠤꠘ꠆ꠘꠔ ꠖꠤꠀ ꠞꠣꠈꠍꠂꠘ ⁕

Plinny, Ctesius, Girini, Curtias, Hacataeus, Strabo, Dyonysius, Pompenius, Herodotus ꠡꠢ ꠀꠞꠅ ꠅꠁꠔꠤꠢꠣꠡꠤꠇ, ꠜꠃꠉꠟꠤꠇ, ꠡꠖꠣꠉꠞ ꠀꠞ ꠚꠣꠈꠣꠃꠞꠣꠁꠘ꠆ꠔꠞ ꠛꠄꠀꠘꠅ ꠞꠦꠡꠝ ꠛꠦꠚꠣꠞꠤꠘ꠆ꠔꠞꠦ ꠡꠦꠞ/ꠡꠤꠞ ꠘꠣꠝꠦ ꠀꠞ ꠔꠣꠞꠣꠞ ꠀꠛꠣꠡꠜꠥꠝꠤ ꠍꠤꠞꠐ/ꠍꠤꠞꠤꠅꠐ ꠘꠣꠝꠦ ꠛꠦꠡꠤ ꠍꠤꠘꠣꠎꠣꠘꠣ ꠀꠍꠤꠟ ⁕
ꠀꠁꠘ ꠁ ꠀꠇꠛꠞꠤ, ꠚꠔꠥꠀꠄ ꠀꠟꠝꠉꠤꠞꠤ, ꠔꠛꠇꠣꠔꠦ ꠘꠣꠡꠤꠞꠤ, ꠞꠤꠀꠎ ꠃꠍ ꠍꠣꠟꠣꠔꠤꠘ, ꠛꠣꠢꠣꠞꠤꠍ꠆ꠔꠣꠘ ꠁ ꠉꠣꠄꠛꠤ ꠡꠥꠖ꠆ꠖꠣ ꠞꠣꠎ꠆ꠎꠤꠞ ꠛꠁꠀꠁꠘ꠆ꠔ ꠘꠣꠄꠞꠣ ꠍꠤꠟꠢꠦꠐ ꠇꠤ ꠡꠞꠇꠣꠞꠦ ꠍꠤꠟꠣꠢꠣꠐ ꠃꠟ꠆ꠟꠦꠈ ꠈꠞꠣ ꠅꠁꠍꠦ ⁕ ꠓꠣꠈꠣ ꠝꠤꠃꠎꠤꠀꠝꠅ ꠍꠦꠝꠐꠣꠁꠟ Henry Ernest Stapleton ꠅꠞ ꠔꠥꠛꠣꠁꠟ ꠡꠤꠟꠣꠟꠤꠚꠤ, ꠎꠦꠈꠐꠣꠞꠦ ꠍꠤꠟꠐ ꠛꠤꠎꠄꠞ ꠙ꠆ꠞꠣꠝꠣꠘ꠆ꠘ ꠖꠟꠤꠟ ꠗꠞꠣ ꠅꠄ, ꠁꠇꠐꠣꠔ ꠅ ꠚꠣꠞ꠆ꠍꠤꠔꠦ ꠍꠤꠞꠤꠢꠐ/ ꠍꠤꠞꠤꠢꠣꠐ ꠟꠦꠈꠣ ꠀꠍꠦ ⁕ ꠛ꠆ꠞꠤꠐꠤꠡ ꠡꠣꠡꠈ ꠅꠈꠟꠦ ꠁꠋꠟꠤꠡꠦ Sylhet ꠀꠞ ꠛꠣꠋꠟꠣꠄ ꠍꠤꠟꠦꠐ ꠘꠣꠝꠖꠤ ꠍꠣꠟꠣꠁ ꠖꠦꠄ ꠎꠦꠉꠥꠞ ꠄꠛ ꠍꠟ ꠞꠁꠍꠦ ⁕
ꠡꠣꠗꠣꠞꠘ ꠝꠣꠘꠥꠄ ꠅꠈꠘꠅ ꠘꠤꠎꠞ ꠎꠘ꠆ꠝꠜꠦꠡꠣꠔꠞꠦ ꠍꠤꠟꠐ ꠀꠞ ꠘꠤꠎꠞꠦ ꠍꠤꠟꠐꠤ ꠈꠁꠀ ꠚꠞꠤꠍꠄ ꠖꠤꠔꠣ ꠛꠣꠟꠣ ꠚꠣꠁꠘ ⁕( ꠛꠣꠐꠐꠤꠈꠞꠤ ꠟꠦꠈꠣ)

ꠔꠁꠔ꠆ꠔꠡꠥꠔ꠆ꠞ –
ꠍꠤꠟꠐꠦ ꠙ꠆ꠞꠌꠟꠤꠔ ꠙꠁ-ꠙ꠆ꠞꠛꠣꠖ ꠒꠣꠇ- ꠒꠤꠐꠣꠘ,
ꠟꠦꠈꠞꠣ – ꠖꠦꠅꠀꠘ ꠉꠥꠟꠣꠝ ꠝꠥꠞ꠆ꠔꠣꠎꠣ
ꠙ꠆ꠞꠇꠣꠡꠇ – ꠛꠣꠋꠟꠣ ꠄꠇꠣꠒꠦꠝꠤ
ꠙ꠆ꠞꠇꠣꠡꠇꠣꠟ – 1998

(ꠁ ꠀꠟꠥꠍꠘꠣ ꠔꠘꠦ ꠖꠦꠈꠣ ꠎꠣꠞ ꠈꠣꠉꠎꠦꠈꠟꠝꠦ ꠍꠤꠞꠢꠣꠐ > ꠍꠤꠞꠤꠢꠣꠐ > ꠍ꠆ꠞꠤꠢꠐ꠆ꠐ > ꠍꠤꠟꠦꠐ ꠀꠁꠍꠦ ⁕ ꠔꠛꠦ ꠡꠣꠗꠣꠞꠘ ꠝꠣꠘꠥꠁꠘ ꠍꠤꠞꠢꠣꠐ > ꠍꠤꠞꠤꠅꠐ > ꠍꠤꠞꠐ > ꠍꠤꠟꠐ > ꠍꠤꠟꠐꠅ ꠀꠁꠀ ꠝꠣꠘꠡꠞ ꠡꠈ ꠜꠥꠔꠣ ꠅꠁꠍꠦ ⁕)