ꠄꠉꠥ ꠚꠐꠥ ꠁꠀꠝꠤꠘ ꠀꠞ ꠔꠣꠞ ꠝꠣꠞꠦ ꠖꠦꠡꠎꠥꠠꠤ ꠚꠞꠤꠍꠤꠔ ꠈꠞꠤꠟꠣꠄ⁕ ꠖꠦꠡ ꠈꠁꠟꠦ ꠜꠥꠟ ꠅꠁꠛ, ꠖꠥꠘꠤꠀꠎꠥꠠꠤ ꠚꠞꠤꠍꠤꠔꠤ ꠖꠤꠍꠦ⁕ ꠀꠘ꠆ꠔꠞ꠆ꠎꠣꠔꠤꠇ ꠝꠤꠒꠤꠀꠔꠅ ꠔꠣꠞꠣ ꠖꠄꠎꠘꠞ ꠚꠐꠥ ꠛꠣꠞꠄ⁕ ꠁꠀꠝꠤꠘꠞ ꠀꠝ꠆ꠝꠣꠞ ꠁꠘ꠆ꠐꠣꠞꠜꠤꠃ ꠛꠣꠞꠄ⁕ ꠚꠥꠀꠞ ꠈꠣꠁꠡ ꠝꠤꠐꠣꠘꠤꠞ ꠖꠣꠄ ꠔꠣꠘ ꠅꠛꠖꠣꠘꠞꠦ ꠢꠈꠟꠦ ꠡꠣꠗꠥꠛꠣꠖ ꠎꠣꠘꠣꠁꠍꠁꠘ⁕
ꠝꠣ-ꠚꠥꠀꠞ ꠇ꠆ꠞꠤꠇꠦꠐ ꠈꠦꠟꠣꠞ ꠍꠛꠤ ꠍꠡꠣꠟ ꠝꠤꠒꠤꠀꠔ ꠍꠤꠔ꠆ꠞꠤ ꠉꠦꠟꠦ ꠡꠥꠞꠥ ꠅꠄ ꠛꠃꠔ ꠝꠣꠔꠣꠝꠣꠔꠤ⁕ ꠛꠃꠔꠦ ꠝꠣꠞ ꠈꠣꠁꠡ ꠀꠞ ꠡꠣꠅꠡꠞ ꠔꠣꠞꠤꠚ ꠉꠣꠁꠍꠁꠘ⁕ ꠈꠦꠃꠈꠦꠃ ꠀꠞꠛꠣꠞ ꠔꠦꠠꠣ ꠍꠃꠇꠦ ꠍꠣꠁꠍꠁꠘ⁕
ꠔꠄ ꠛꠦꠡꠤꠞꠜꠣꠉꠦꠃ ꠝꠣ-ꠚꠥꠀꠞ ꠄꠟꠣꠘ ꠡꠥꠘ꠆ꠖꠞ ꠡꠝꠞꠦ ꠢꠥꠀꠉ ꠎꠣꠘꠣꠁꠍꠁꠘ⁕ ꠎꠣꠔꠤꠅ ꠖꠟꠞ ꠁꠡꠐꠣꠞ ꠇ꠆ꠞꠤꠇꠦꠐꠣꠞ ꠝꠥꠡꠚꠤꠇꠥꠞ ꠞꠢꠤꠝꠅ ꠔꠣꠞꠞ ꠟꠣꠋꠉꠣꠁꠞꠅ⁕ ꠈꠣꠟꠤ ꠍꠣꠙꠥꠐ ꠘꠣꠄ, ꠝꠣꠑꠅ ꠉꠤꠀꠅ ꠔꠣꠞꠣꠞ ꠟꠉꠦ ꠖꠦꠈꠣ ꠇꠞꠍꠁꠘ-ꠡꠝꠄ ꠖꠤꠍꠁꠘ ꠐꠣꠁꠉꠣꠞ ꠖꠟꠞ ꠁ ꠃꠁꠇꠦꠐ ꠇꠤꠙꠣꠞ ꠛꠦꠐꠍꠝꠦꠘ⁕