Breaking News
Home / ꠖꠦꠡꠞ ꠈꠛꠞ / ꠀꠁꠎ ꠛꠤꠙ꠆ꠟꠛꠤ ꠔꠤꠔꠥꠝꠤꠞꠞ ꠎꠘ꠆ꠝꠖꠤꠘ

ꠀꠁꠎ ꠛꠤꠙ꠆ꠟꠛꠤ ꠔꠤꠔꠥꠝꠤꠞꠞ ꠎꠘ꠆ꠝꠖꠤꠘ

ꠔꠤꠔꠥꠝꠤꠞ

ꠔꠤꠔꠥꠝꠤꠞ, ꠛꠤꠙ꠆ꠟꠛꠤꠞ ꠄꠈ ꠚꠞꠤꠍꠤꠔ ꠘꠣꠝ ⁕ ꠀꠁꠎ ꠔꠣꠘ ꠝꠢꠣꠘ ꠎꠘ꠆ꠝꠖꠤꠘ ⁕ 1V8Γ ꠡꠣꠟꠞ ΓV ꠎꠣꠘꠥꠀꠞꠤ (1188 ꠛꠣꠋꠟꠣꠔ, 1b ꠝꠣꠊ) ꠚꠍꠤꠝꠛꠣꠋꠟꠣꠞ ꠌꠛ꠆ꠛꠤꠡ ꠚꠞꠉꠘꠣ ꠎꠤꠟꠣꠞ ꠛꠡꠤꠞꠢꠣꠐ ꠝꠢꠇꠥꠝꠣꠞ ꠍꠣꠘ꠆ꠖꠚꠥꠞ ꠉꠣꠃꠔ ꠔꠣꠁꠘ ꠎꠘ꠆ꠝꠤꠍꠟꠣ ⁕

ꠛꠣꠋꠟꠣꠞ ꠚꠎꠣꠁ꠆ꠘꠔꠞ ꠃꠚꠞꠦ ꠕꠣꠘꠤꠅ ꠢꠤꠘ꠆ꠖꠥ ꠎꠝꠤꠖꠣꠞ ꠀꠞ ꠁꠃꠞꠥꠙꠤꠅ ꠘꠤꠟꠇꠞ ꠅꠈꠟꠞ ꠅꠁꠔ꠆ꠔꠣꠍꠞ ꠀꠐꠈꠣꠘꠤ ꠀꠞ ꠛ꠆ꠞꠤꠐꠤꠡ ꠡꠣꠡꠘ ꠔꠘꠦ ꠛꠣꠋꠟꠣꠞꠦ ꠝꠥꠇ꠆ꠔ ꠈꠞꠣꠞ ꠟꠣꠉꠤꠘ ꠍꠣꠟꠣꠘꠤ ꠀꠘ꠆ꠖꠥꠟꠘꠞ ꠘꠦꠔꠣ ꠀꠍꠟꠣ ꠡꠢꠤꠖ ꠔꠤꠔꠥꠝꠤꠞ ⁕ ꠚꠁꠟ ꠝꠥꠇꠣꠄ ꠔꠣꠘ ꠀꠘ꠆ꠖꠥꠟꠘꠞ ꠃꠖ꠆ꠖꠦꠡ꠆ꠡ ꠀꠍꠤꠟ ꠡꠣꠝꠣꠎꠤꠇ ꠀꠞ ꠗꠞ꠆ꠝꠤꠅ ꠛꠣꠃꠇ꠆ꠇꠞꠣ ⁕ ꠝꠥꠍꠟꠤꠝ ꠡꠝꠣꠎꠅ ꠡꠤꠞꠤꠇ ꠀꠞ ꠛꠤꠖꠀꠔꠞ ꠍꠟ ꠛꠘ꠆ꠗ ꠈꠞꠣ ⁕ ꠝꠥꠡꠟꠝꠣꠘ ꠅꠈꠟꠞ ꠞꠥꠎꠇꠥꠞ ꠎꠤꠘ꠆ꠖꠦꠉꠤꠔ ꠁꠍꠟꠣꠝ ꠝꠣꠚꠤꠇ ꠝꠣꠘꠤꠀ ꠍꠟꠣꠚꠤꠞꠣꠔ ꠔꠣꠉꠤꠖ ꠖꠦꠃꠀ ꠃ ꠀꠍꠤꠟ ꠔꠣꠘ ꠀꠘ꠆ꠖꠥꠟꠘꠞ ꠚꠁꠟ ꠃꠖ꠆ꠖꠦꠡ꠆ꠡ ⁕

ꠔꠤꠔꠥꠝꠤꠞꠦ ꠎꠥꠟꠥꠝꠛꠣꠎ ꠁꠘ꠆ꠖꠥ ꠎꠝꠤꠖꠣꠞ ꠇ꠆ꠞꠤꠡ꠆ꠘꠖꠦꠛ ꠞꠣꠄ ꠅꠞ ꠈꠞꠣ ꠝꠥꠡꠟꠝꠣꠘ ꠅꠈꠟꠞ ꠃꠚꠞꠦ ꠛꠦꠁꠘꠍꠣꠚꠤꠜꠣꠛꠦ ꠍꠣꠚꠣꠁꠀ ꠖꠦꠃꠀ ‘ꠖꠣꠠꠤꠞ ꠈꠣꠎꠘꠣ’ ꠀꠞ ꠝꠌ꠆ꠌꠤꠖꠞ ꠐꠦꠇ꠆ꠍꠞ ꠔꠤꠛ꠆ꠞ ꠛꠤꠞꠥꠗꠤꠔꠣ ꠈꠞꠂꠘ ⁕ ꠎꠦꠉꠔꠤꠇꠦ ꠔꠤꠔꠥꠝꠤꠞ ꠀꠞ ꠔꠣꠘꠞ ꠟꠉ꠆ꠉꠤꠘ꠆ꠔꠞ ꠟꠉꠦ ꠕꠣꠘꠤꠅ ꠎꠝꠤꠖꠣꠞ ꠀꠞ ꠘꠤꠟꠇꠞ ꠡꠣꠢꠦꠛꠈꠟꠞ ꠝꠣꠏꠦ ꠝꠣꠁꠞ ꠛꠦꠉꠔꠤꠇ ꠅꠁꠀ ꠃꠐꠦ ⁕ ꠝꠥꠍꠟꠝꠣꠘ ꠅꠈꠟꠞ ꠃꠚꠞꠦ ꠡꠣꠝ꠆ꠙ꠆ꠞꠖꠣꠁꠇ ꠛꠤꠖ꠆ꠖꠦꠡ ꠀꠞ ꠔꠣꠞꠣꠞ ꠃꠚꠞꠦ ꠅꠛꠂꠗ ꠐꠦꠇ꠆ꠍ ꠍꠣꠚꠣꠘꠤꠞ ꠟꠣꠉꠤꠘ ꠁꠘ꠆ꠖꠥ ꠎꠝꠤꠖꠣꠞ ꠇ꠆ꠞꠤꠡ꠆ꠘꠖꠦꠛ ꠞꠣꠄ-ꠅꠞ ꠟꠉꠦ ꠔꠤꠔꠥꠝꠤꠞꠞ ꠝꠣꠁꠞ ꠟꠣꠉꠦ ⁕ ꠈꠦꠔꠉꠤꠞꠍꠔꠤ ꠈꠞ꠆ꠞꠣꠁꠘ꠆ꠔꠞ ꠃꠚꠞꠦ ꠁꠘ꠆ꠖꠥ ꠎꠝꠤꠖꠣꠞꠈꠟꠞ ꠅꠔ꠆ꠔꠣꠍꠣꠞ ꠀꠐꠈꠣꠘꠤꠔ ꠉꠤꠀꠅ ꠛꠣꠞꠛꠣꠞ ꠅꠔ꠆ꠔꠣꠍꠣꠞꠤ ꠁꠘ꠆ꠖꠥ ꠎꠝꠤꠖꠣꠞꠈꠟꠞ ꠟꠉꠦ ꠔꠤꠔꠥꠝꠤꠞꠞ ꠝꠣꠁꠞ ꠅꠄ ⁕ ꠔꠤꠔꠥꠝꠤꠞꠞ ꠡꠈ꠆ꠔꠤ ꠛꠟꠣꠄ ꠒꠞꠣꠁꠀ ꠁꠘ꠆ꠖꠥ ꠎꠝꠤꠖꠣꠞꠈꠟ ꠔꠣꠘ ꠛꠤꠞꠥꠖ꠆ꠖꠦ ꠄꠈꠟꠉꠦ ꠢꠣꠝꠟꠣ ꠀꠞ ꠔꠣꠘꠞ ꠛꠤꠞꠥꠖ꠆ꠖꠦ ꠎꠥꠖ꠆ꠖꠔ ꠁꠋꠟꠤꠡꠈꠟꠞꠦ ꠀꠘꠤꠀ ꠎꠞꠣꠘꠤꠞ ꠌꠦꠡ꠆ꠐꠣ ꠍꠣꠟꠣꠄ ⁕

ꠔꠤꠔꠥꠝꠤꠞ ꠌꠛ꠆ꠛꠤꠡ ꠚꠞꠉꠘꠣ, ꠘꠖꠤꠀ ꠀꠞ ꠚꠞꠤꠖꠚꠥꠞ ꠎꠤꠟꠣꠔ ꠔꠣꠘ ꠘꠤꠎ ꠡꠞꠣꠎ ꠉꠞꠍꠤꠟꠣ ⁕ ꠔꠣꠇꠤ ꠀꠞ ꠉꠥꠛꠞꠒꠣꠋꠉꠣꠞ ꠎꠥꠟꠥꠝꠛꠣꠎ ꠁꠘ꠆ꠖꠥ ꠎꠝꠤꠖꠣꠞꠈꠟꠦ ꠁꠋꠟꠤꠡꠈꠟꠞ ꠢꠣꠄ ꠍꠣꠁꠟꠦ ꠇꠟꠇꠣꠔꠣ ꠔꠘꠦ ꠄꠈ ꠁꠋꠟꠤꠡ ꠛꠣꠢꠤꠘꠤ ꠔꠤꠔꠥꠝꠤꠞꠞ ꠛꠤꠞꠥꠖ꠆ꠖꠦ ꠚꠣꠐꠣꠘꠤ ꠅꠄ ⁕ ꠇꠤꠘ꠆ꠔꠥ ꠁꠋꠟꠤꠡ ꠀꠞ ꠎꠥꠟꠥꠝꠛꠣꠎ ꠁꠘ꠆ꠖꠥ ꠎꠝꠤꠖꠣꠞꠈꠟꠞ ꠉꠥꠁꠐꠛꠣꠘ꠆ꠖꠣ ꠛꠣꠢꠤꠘꠤ ꠔꠤꠔꠥꠝꠤꠞꠞ ꠛꠤꠞ ꠛꠣꠢꠤꠘꠤꠞ ꠐꠣꠁꠘ ꠎꠦꠎꠣꠔ ꠗꠞꠣꠡꠣꠁ ꠅꠁꠀ ꠀꠞꠦ ⁕ ꠛꠣꠖꠦ ꠟꠞ꠆ꠒ ꠃꠁꠟꠤꠀꠝ ꠛꠦꠘ꠆ꠐꠤꠋꠇ, ꠟꠦꠚꠐꠦꠘꠦꠘ꠆ꠐ ꠇꠞ꠆ꠘꠦꠟ ꠁꠡ꠆ꠐꠥꠀꠞ꠆ꠐꠞ ꠘꠦꠔꠣꠉꠤꠞꠤꠄ 100 ꠊꠥꠞꠍꠥꠀꠞꠤ, ৩00 ꠕꠣꠘꠤꠅ ꠚꠖꠣꠔꠤꠇ, ꠖꠥꠁꠐꠣ ꠇꠣꠝꠣꠘ ꠡꠢ ꠉꠥꠟꠘ꠆ꠖꠣꠎ ꠡꠂꠘ꠆ꠘꠞ ꠄꠈ ꠘꠤꠅꠝꠤꠔ ꠛꠣꠢꠤꠘꠤ ꠔꠤꠔꠥꠝꠤꠞꠞ ꠛꠤꠞꠥꠖ꠆ꠖꠦ ꠚꠣꠐꠣꠄ ⁕
18৩1 ꠡꠣꠟꠞ 1b ꠘꠜꠦꠝ꠆ꠛꠞ ꠁꠋꠞꠦꠎ ꠛꠣꠢꠤꠘꠤ ꠛꠣꠡꠦꠞꠇꠦꠟ꠆ꠟꠣꠞ ꠃꠚꠞꠦ ꠀꠇ꠆ꠞꠝꠘ ꠍꠣꠟꠣꠄ ⁕ ꠇꠣꠝꠣꠘ ꠀꠞ ꠀꠗꠥꠘꠤꠇ ꠅꠡ꠆ꠞꠄ ꠡꠎ꠆ꠎꠤꠔ ꠁꠋꠞꠦꠎ ꠛꠣꠢꠤꠘꠤꠞꠦ ꠔꠤꠔꠥꠝꠤꠞꠦ ꠔꠣꠘ ꠕꠣꠘꠤꠅ ꠅꠡ꠆ꠞ ꠖꠤꠀ ꠚꠔꠤꠞꠥꠗ ꠈꠞꠔꠦ ꠅꠚꠣꠞꠉ ꠅꠁꠀ ꠛꠣꠡꠞꠇꠦꠟ꠆ꠟꠣꠔ ꠀꠡ꠆ꠞꠄ ꠘꠦꠁꠘ ⁕ ꠁꠋꠞꠦꠎ ꠅꠈꠟꠦ ꠇꠣꠝꠣꠘꠖꠤꠀ ꠉꠥꠟꠟꠤ ꠝꠣꠞꠤꠀ ꠀꠍꠔꠣ ꠇꠦꠟ꠆ꠟꠣ ꠛꠤꠖ꠆ꠖꠍ꠆ꠔ ꠈꠞꠤ ꠖꠦꠄ ⁕ ꠔꠤꠔꠥꠝꠤꠞꠞ ꠞꠣꠁꠎ꠆ꠎꠤꠞ ꠡꠂꠘꠤꠇ ꠅꠈꠟ ꠝꠣꠞꠣ ꠎꠣꠁꠘ ⁕ ꠈꠈꠖꠤꠘꠇꠥꠞ ꠞꠈ꠆ꠔꠎꠞꠣꠁꠟ ꠎꠥꠖ꠆ꠖꠞ ꠛꠣꠖꠦ 19 ꠘꠜꠦꠝ꠆ꠛꠞ ꠛꠃꠔ ꠅꠘꠥꠡꠣꠞꠤ ꠡꠢ ꠔꠤꠔꠥꠝꠤꠞ ꠡꠢꠤꠖ ꠅꠁꠘ ⁕ ꠖꠟꠘꠦꠔꠣ ꠉꠥꠟꠣꠝ ꠝꠣꠍꠥꠝ ꠡꠢ ꠡꠣꠠꠦ ꠔꠤꠘꠡ ꠎꠘ ꠛꠤꠙ꠆ꠟꠛꠤ ꠡꠂꠘꠤꠇ ꠁꠋꠞꠦꠎ ꠅꠈꠟꠞ ꠀꠔꠅ ꠛꠘ꠆ꠖꠤ ꠅꠁꠘ ⁕ ꠉꠥꠟꠣꠝ ꠝꠣꠍꠥꠝꠞꠦ ꠛꠣꠖꠦ ꠝꠣꠟꠤꠟꠣꠃꠀꠞ ꠖꠘ꠆ꠒꠦ ꠖꠘ꠆ꠒꠤꠔ ꠈꠞꠣ ꠅꠄ ⁕
ꠔꠤꠔꠥꠝꠤꠞ ꠎꠥꠟꠥꠝꠛꠣꠎ ꠁꠘ꠆ꠖꠥ ꠎꠝꠤꠖꠣꠞ ꠀꠞ ꠛ꠆ꠞꠤꠐꠤꠡꠈꠟꠞ ꠛꠤꠞꠥꠖ꠆ꠖꠦ ꠡꠋꠉ꠆ꠞꠣꠝ ꠀꠞ ꠔꠣꠘꠞ ꠘꠣꠝꠈꠞꠣ ꠛꠣꠡꠞꠇꠦꠟ꠆ꠟꠣꠞ ꠟꠣꠉꠤ ꠘꠣꠝꠤꠀꠟꠣ ꠅꠁꠀ ꠞꠂꠍꠂꠘ ⁕ ꠛ꠆ꠞꠤꠐꠤꠡ ꠀꠞ꠆ꠝꠤꠞ ꠟꠉꠦ ꠎꠥꠖ꠆ꠖꠔ ꠕꠣꠈꠣ ꠅꠛꠍ꠆ꠕꠣꠄ ꠅꠃ ꠛꠣꠡꠞꠇꠦꠟ꠆ꠟꠣꠔꠃ ꠁ ꠝꠢꠣꠘ ꠛꠤꠞ ꠡꠢꠤꠖ ꠅꠁꠘ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠈꠖꠤꠘꠞ ꠝꠦꠊꠦ ꠢꠛꠤꠉꠂꠘ꠆ꠎ ꠚꠣꠘꠤ ꠟꠣꠉꠤꠉꠦꠍ

ꠢꠛꠤꠉꠂꠘ꠆ꠎ ꠡꠁꠔꠦ ꠁ ꠈꠈꠖꠤꠘ ꠔꠘꠦ ꠍꠤꠟꠐꠞ ꠘꠣꠘꠣꠘ ꠄꠟꠣꠇꠣꠔ ꠈꠦꠍꠣ ꠝꠦꠊ ꠀꠞ ꠏꠞꠤ ꠖꠤꠞ ⁕ ꠔꠄ …