শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠞ ꠛꠣꠟꠣꠉꠁꠘꠎ ꠃꠚꠎꠤꠟꠣꠞ ꠇꠤꠔꠤꠡꠘ꠆ꠔꠣꠘ ꠀꠛ꠆ꠖꠥꠟ ꠢꠣꠚꠤꠎ ꠎꠥꠄꠟ ꠛ꠆ꠞꠤꠐꠦꠘꠞ ꠄꠍꠦꠇ꠆ꠍ ꠇꠣꠃꠘ꠆ꠐꠤꠞ ‘ꠝꠣꠟꠒꠘ ꠐꠣꠃꠘ ꠇꠣꠃꠘ꠆ꠍꠤꠟ’-ꠅꠞ ꠝꠦꠅꠞ ꠅꠁꠍꠘ⁕ ꠇꠣꠃꠘ꠆ꠍꠤꠟꠞ ꠛꠣꠞ꠆ꠡꠤꠇ ꠡꠣꠗꠣꠞণ ꠡꠜꠣꠔ ꠉꠦꠍꠦ ꠡꠝꠛꠣꠞ (২১ ꠎꠥꠟꠣꠁ) ꠔꠣꠘꠞꠦ ꠝꠦꠅꠞ ꠛꠣꠘꠣꠁꠟ ꠅꠁꠍꠦ⁕ ꠄꠞ ꠀꠉꠞ ꠝꠦꠀꠖꠅ ২০১৭-১৮ ꠡꠣꠟ ꠔꠣꠁꠘ ꠒꠦꠙꠥꠐꠤ ꠝꠦꠅꠞ ꠢꠤꠡꠣꠛꠦ ꠖꠣꠁꠔ꠆ꠔ ꠚꠣꠟꠘ ꠈꠞ꠆ꠍꠟꠣ⁕
ꠀꠛ꠆ꠖꠥꠟ ꠢꠣꠚꠤꠎ ꠎꠥꠄꠟ ꠛꠣꠟꠣꠉꠁꠘꠎ ꠃꠚꠎꠤꠟꠣꠞ ꠖꠦꠅꠀꠘ ꠛꠣꠎꠣꠞ ꠁꠘꠤꠅꠘꠞ ꠡꠤꠞꠣꠎꠚꠥꠞ ꠉꠣꠅꠟ ꠇꠤꠔꠤꠡꠘ꠆ꠔꠣꠘ⁕ ꠔꠣꠘ ꠀꠛ꠆ꠛꠣꠞ ꠘꠣꠝ ꠀꠛ꠆ꠖꠥꠟ ꠎꠛ꠆ꠛꠣꠞ ꠀꠞ ꠀꠝ꠆ꠝꠣꠞ ꠘꠣꠝ ꠀꠍꠣꠛꠥꠘ ꠘꠦꠍꠣ⁕
ꠀꠛ꠆ꠖꠥꠟ ꠢꠣꠚꠤꠎ ꠎꠥꠄꠟꠞ ꠎꠘ꠆ꠝ ১৯৭৩ ꠡꠣꠟꠞ ৮ꠎꠣꠘꠥꠀꠞꠤ⁕ ꠔꠣꠘ ꠀꠛ꠆ꠛꠣ-ꠀꠝ꠆ꠝꠣꠞ ꠟꠉꠦ ১৯৭৫ ꠡꠣꠟ ꠚꠁꠟ ꠛ꠆ꠞꠤꠐꠦꠘ ꠉꠦꠟꠦꠅ ১৯৮৯ ꠡꠣꠟ ꠔꠘꠦ ꠔꠣꠁꠘ ꠁꠍꠕꠣꠁꠜꠣꠛꠦ ꠕꠣꠈꠣ ꠡꠥꠞꠥ ꠈꠞꠁꠘ⁕ ꠔꠣꠁꠘ ꠖꠦꠡ ꠕꠣꠈꠔꠦꠛꠣꠟꠣ ꠛꠣꠟꠣꠉꠁꠘꠎꠞ ꠅꠁꠔꠤꠎꠎꠛꠣꠢꠤ ꠖꠦꠅꠀꠘ ꠀꠛ꠆ꠖꠥꠞ ꠞꠢꠤꠝ ꠢꠣꠁꠎꠇꠥꠟ ꠖꠡ ꠇꠦꠟꠣꠍ ꠚꠞ꠆ꠎꠘ꠆ꠔ ꠙꠠꠣꠟꠦꠈꠣ ꠈꠞ꠆ꠍꠟꠣ⁕ ꠄꠞꠛꠣꠖꠦ ꠛ꠆ꠞꠤꠐꠦꠘ ꠉꠤꠀ ꠌꠦꠝ꠆ꠍꠚꠞ꠆ꠒ ꠇꠟꠦꠎ ꠔꠘꠦ ꠄ ꠟꠦꠜꠦꠟ ꠈꠞꠁꠘ⁕
ꠀꠛ꠆ꠖꠥꠟ ꠢꠣꠚꠤꠎ ꠎꠥꠄꠟ ꠉꠦꠎꠦ ꠛꠌ꠆ꠌꠞ ꠝꠦ ꠝꠣꠡ (২০১৯) ২ꠞꠣ ꠛꠣꠞ ꠇꠣꠃꠘ꠆ꠍꠤꠟꠞ ꠅꠁꠀ ꠍꠟꠔꠤ ꠛꠌ꠆ꠌꠞ ꠢꠦꠡꠝꠦꠡ ꠉꠦꠍꠦ ২০ꠎꠥꠟꠣꠁ ꠝꠦꠅꠞ ꠅꠁꠘ⁕
ꠀꠛ꠆ꠖꠥꠟ ꠢꠣꠚꠤꠎ ꠎꠥꠄꠟ ২০০৪ ꠡꠣꠟ ꠝꠣꠟꠒꠘ ꠒꠤꠡ꠆ꠐ꠆ꠞꠤꠇ ꠁꠍꠟꠣꠝꠤꠇ ꠇꠣꠟꠌꠣꠞꠣꠟ ꠄꠍꠍꠤꠄꠡꠘꠞ ꠜꠣꠁꠍ ꠙ꠆ꠞꠦꠍꠤꠒꠦꠘ꠆ꠐ ꠅꠁꠘ⁕ ২০১২ ꠡꠣꠟ ꠔꠘꠦ ꠔꠣꠁꠘ ꠄꠍꠍꠤꠄꠡꠘꠞ ꠙ꠆ꠞꠦꠍꠤꠒꠦꠘ꠆ꠐ ꠢꠤꠡꠣꠛꠦ ꠖꠣꠁꠔ꠆ꠔ ꠚꠣꠟꠘ ꠈꠞꠁꠘ⁕
