শুরমা ফারর খবর ছিলটি জবানে ছিলটর খবর
Related Articles
ꠛꠃꠔ ꠖꠤꠘ ꠗꠞꠤ ꠜꠣꠞꠍꠤꠐꠤ ꠀꠞ ꠝꠦꠒꠤꠇꠦꠟ ꠄꠒꠝꠤꠡꠘ ꠐꠦꠡ꠆ꠐꠞ ꠚꠍ꠆ꠘ ꠒꠝ ꠈꠞꠣꠞ ꠟꠉꠦ ꠡꠣꠝꠤꠟ ꠝꠣꠘꠥꠁꠘꠞꠦ ꠛꠣꠋꠟꠣꠖꠦꠡ ꠚꠥꠟꠤꠡꠞ ꠍꠤꠀꠁꠒꠤꠄ ꠗꠞꠣꠞ ꠟꠣꠉꠤ ꠈꠣꠝ ꠈꠞꠦꠞ ꠀꠞ ꠛꠃꠔ꠆ꠔꠣꠞꠦꠅ ꠗꠞꠍꠦ ⁕
ꠁꠀꠖ꠆ꠞꠣ ꠏꠣꠘꠣ ꠏꠣꠄ • ꠝꠦꠒꠤꠇꠦꠟ ꠄꠒꠝꠤꠡꠘ ꠐꠦꠡ꠆ꠐꠞ ꠚꠍ꠆ꠘ ꠒꠝ ꠈꠞꠤꠀ ꠖꠦꠃꠀꠞ ꠟꠉꠦ ꠡꠞꠤꠇ ꠖꠤꠘꠣꠏꠚꠥꠞꠞ ꠊꠥꠠꠣꠊꠣꠐ ꠃꠚꠏꠤꠟꠣꠞ ৩ ꠟꠝ꠆ꠛꠞ ꠡꠤꠋꠠꠣ ꠁꠃꠘꠤꠅꠘ ꠚꠞꠤꠡꠖꠞ ꠅꠘꠇꠥꠞ ꠌꠤꠀꠞꠝꠦꠘ ꠡꠣꠎ꠆ꠎꠣꠖ ꠢꠥꠡꠦꠘ ⁕ ꠚꠍ꠆ꠘ ꠒꠝ ꠚꠣꠐꠤꠞ ꠃꠔ꠆ꠞꠞ ꠍꠤꠘꠒꠤꠇꠦꠐꠞ ꠝꠥꠞꠛ꠆ꠛꠤ ꠢꠤꠡꠣꠛꠦ ꠄꠁꠘ ꠈꠣꠝ ꠈꠞꠔꠣ ⁕ ꠄꠘ ꠉꠦꠍꠔꠘꠦ ꠚꠍ꠆ꠘ ꠇꠤꠘꠤꠀ ꠘꠣꠘꠣꠘ ꠡꠞꠈꠣꠞꠤ ꠝꠦꠒꠤꠇꠦꠟ ꠅꠈꠟꠞ ꠝꠣꠏꠦ ꠈꠝꠍꠦ ꠔꠤꠞꠤꠡ ꠏꠘꠦ ꠜꠞꠔꠤꠞ ꠡꠦꠛ ꠚꠣꠁꠍꠤꠟ ꠈꠞꠤꠀ ꠚꠥꠟꠤꠡꠞ ꠍꠤꠀꠁꠒꠤꠄ ꠔꠁꠔ꠆ꠔ ꠚꠣꠁꠍꠦ ꠈꠞꠤ ꠏꠣꠘꠣ ꠉꠦꠍꠦ ⁕ ꠏꠣꠘꠣ ꠉꠦꠍꠦ • ꠔꠤꠘꠖꠤꠘ ꠔꠥꠇꠣꠔꠥꠇꠤ ꠈꠞꠤꠀ ꠓꠣꠈꠣ • ꠘꠤꠟꠚꠣꠝꠣꠞꠤ ꠀꠞ ꠖꠤꠘꠣꠏꠚꠥꠞ ꠔꠘꠦ ꠍꠤꠀꠁꠒꠤꠄ ꠛꠣꠇꠇꠣ ꠍꠥꠞꠣꠁꠘ꠆ꠔꠞꠦ ꠗꠞꠦ ⁕ ꠏꠣꠞꠝꠣꠏꠦ ꠌꠤꠀꠞꠝꠦꠘ ꠡꠣꠎ꠆ꠎꠣꠖ ꠢꠥꠡꠦꠘ • ꠘꠤꠟꠚꠣꠝꠣꠞꠤꠞ ꠄꠈ ꠇꠥꠌꠤꠋ ꠍꠦꠘꠐꠣꠞꠞ ꠍꠣꠟꠈꠖꠣꠞ ꠀꠞ ꠈꠈꠐꠣ ꠀꠡꠚꠣꠔꠣꠟꠞ ꠚꠣꠍ ꠏꠘ ꠒꠣꠈ꠆ꠔꠞ ꠅ ꠞꠁꠍꠂꠘ ⁕
