শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐ ꠚꠁꠟ ꠛꠣꠞꠞ ꠝꠔ ꠅꠁꠀ ꠉꠦꠟ ‘Brandslancer Sylhet Half Marathon ২০২০’।
ꠢꠣꠞꠣꠖꠦꠡꠞ ꠄꠈ ꠀꠎꠣꠞ ꠖꠃꠒꠛꠤꠖ ꠅꠈꠟꠞ ꠅꠋꠡ ꠘꠦꠅꠀꠄ ꠄꠔꠤꠎ꠆ꠎꠛꠣꠢꠤ ꠚꠛꠤꠔ꠆ꠞ ꠍꠤꠟꠐ ꠘꠉꠞꠤꠔ ꠍꠤꠟꠦꠐ ꠞꠣꠘꠣꠞ꠆ꠍ ꠇꠝꠤꠃꠘꠤꠐꠤ ꠀꠞ ꠒꠤꠎꠤꠐꠣꠟ ꠝꠣꠞ꠆ꠇꠦꠐꠤꠋ ꠄꠎꠦꠘ꠆ꠍꠤ ꠛ꠆ꠞꠦꠘ꠆ꠒꠟꠣꠘ꠆ꠍꠣꠞ ꠅꠞ ꠎꠃꠕ ꠃꠖ꠆ꠖꠥꠉꠦ ০৪ꠐꠣ ꠒꠤꠡꠦꠝ꠆ꠛꠞ ২০২০ ꠔꠣꠞꠤꠈ (ꠡꠥꠇ꠆ꠇꠥꠞꠛꠣꠞ) ꠅꠘꠥꠡ꠆ꠑꠤꠔ ꠅꠁꠟ ꠚꠁꠟ ꠛꠣꠞꠞ ꠝꠔ ‘Brandslancer Sylhet Half Marathon ২০২০’ ꠘꠣꠝꠦ ꠄꠈꠐꠣ ꠝꠦꠉꠣ ꠁꠜꠦꠘ꠆ꠐ⁕ ꠀꠞ ꠁ ꠢꠣꠚ ꠝꠦꠞꠣꠕꠘꠅ ꠚꠥꠞꠣ ꠁꠜꠦꠘ꠆ꠐꠞ ꠍꠤꠟ꠆ꠟꠈ ꠢꠤꠡꠣꠛꠦ ꠛꠦꠛꠢꠣꠞ ꠈꠞꠣ ꠅꠁꠍꠦ ꠍꠤꠟꠐ’ꠞ ꠇꠤꠡꠐꠤ ꠇꠣꠟꠌꠣꠞ ꠀꠞ ꠍꠤꠟꠐꠞ ꠘꠤꠎꠡ꠆ꠡ ꠘꠣꠉꠞꠤ ꠜꠣꠡꠣꠞ ꠢꠞꠚ ꠘꠣꠉꠞꠤꠟꠤꠙꠤ⁕ ꠎꠣꠔꠦ ꠛꠤꠡ꠆ꠡꠞ ꠖꠞꠛꠣꠞꠅ ꠍꠤꠟꠐꠞ ꠇꠤꠡꠐꠤ ꠇꠣꠟꠌꠣꠞꠞꠦ ꠚꠞꠤꠍꠄ ꠈꠞꠣꠘꠤ ꠎꠣꠄ⁕
ꠝꠦꠞꠣꠕꠘ ꠁꠉꠥ ꠘꠉꠞꠤꠞ ꠚꠥꠞꠣꠘ ꠚꠥꠟ ꠄꠟꠣꠇꠣ ꠔꠘꠦ ꠛꠤꠀꠘ ৬ ꠐꠣꠔ ꠡꠥꠞꠥ ꠅꠁꠀ ꠘꠉꠞꠤꠞ ꠡꠦꠈꠊꠣꠐ ꠙꠎꠄꠘ꠆ꠐ ꠔꠘꠦ ꠞꠤꠇꠣꠁꠛꠣꠎꠣꠞ, ꠞꠤꠇꠣꠛꠣꠎꠣꠞ ꠔꠘꠦ ꠘꠄꠀꠡꠠꠇ ꠙꠄꠘ꠆ꠐ, ꠘꠄꠀꠡꠠꠇ ꠙꠄꠘ꠆ꠐ ꠔꠘꠦ ꠡꠣꠢꠤ ꠁꠖꠉꠣꠢ, ꠡꠣꠢꠤ ꠁꠖꠉꠣꠢ ꠔꠘꠦ ꠛꠠꠛꠣꠎꠣꠞ, ꠛꠠꠛꠣꠎꠣꠞ ꠔꠘꠦ ꠈꠣꠍꠖꠛꠤꠞ, ꠈꠣꠍꠖꠛꠤꠞ ꠔꠘꠦ ꠁꠀꠞꠙꠥꠐ ꠞꠃꠒꠞ ꠍꠣ ꠛꠣꠉꠣꠘꠞ ꠡꠥꠘ꠆ꠖꠞ ꠡꠣꠘ꠆ꠖꠞ ꠞꠣꠍ꠆ꠔꠣꠁꠘ ꠍꠇ꠆ꠇꠞ ꠖꠤꠀ ꠛꠣꠖꠦ ꠟꠣꠇ꠆ꠇꠣꠔꠥꠞꠣ ꠍꠤꠟꠦꠐ ꠁꠘ꠆ꠐꠣꠞꠘꠦꠡꠘꠣꠟ ꠇ꠆ꠞꠤꠇꠦꠐ ꠁꠡ꠆ꠐꠦꠒꠤꠀꠝ ꠀꠁꠀ ꠡꠦꠡ ꠅꠄ⁕
ꠝꠦꠞꠣꠕꠘꠅ ꠀꠄꠃꠎꠇ ꠅꠈꠟꠦ ২ꠉꠥ ꠛꠤꠜꠣꠉꠖꠥ ꠚꠔꠤꠎꠥꠉꠤꠔꠣꠞ ꠀꠄꠃꠎꠘ ꠈꠞꠂꠘ⁕ ꠎꠦꠘ ꠀꠍꠤꠟ ꠢꠣꠚ ꠝꠦꠞꠣꠕꠘ ২১.১ ꠇꠤꠟꠥꠝꠤꠐꠣꠞꠞ ꠎꠥꠀꠘ ꠖꠃꠠꠛꠤꠖꠞ ꠛꠤꠜꠣꠉ ꠀꠞ ꠄꠞꠟꠉꠦ ৭.৫ ꠇꠤꠟꠥꠝꠤꠐꠣꠞꠞ ꠝꠥꠞꠛ꠆ꠛꠤ ꠛꠤꠜꠣꠉ, ꠎꠦꠘ ৫০ꠅꠞ ꠛꠦꠡꠤ ꠛꠄꠡꠤ ꠚꠔꠤꠎꠥꠉꠤ ꠅꠋꠡ ꠘꠦꠁꠘ⁕
৭.৫ ꠇꠤꠟꠥꠝꠤꠐꠣꠞ ꠚꠔꠤꠎꠥꠉꠤꠔꠣꠞ ꠛꠦꠐꠣꠁꠘ ꠛꠤꠜꠣꠉꠅ ꠌꠦꠝ꠆ꠙꠤꠀꠘ ꠅꠁꠍꠂꠘ- ꠡꠣꠎ꠆ꠎꠣꠖ ꠢꠥꠍꠣꠁꠘ ꠁꠍꠘꠤꠉ꠆ꠗ, ꠚꠁꠟ ꠞꠣꠘꠣꠞꠀꠙ- ꠈꠣꠁꠞꠥꠟ ꠛꠣꠡꠣꠞ ꠀꠞ ꠖꠥꠍꠞꠣ ꠞꠣꠘꠣꠞꠀꠙ- ꠝꠥꠢꠣꠝ꠆ꠝꠖ ꠝꠘꠍꠥꠞ ꠀꠢꠝꠦꠖ⁕
ꠛꠦꠐꠤꠘ ꠛꠤꠜꠣꠉꠅ ꠌꠦꠝ꠆ꠙꠤꠀꠘ ꠅꠁꠍꠂꠘ- ꠡꠣꠞꠝꠤꠘ ꠀꠇ꠆ꠔꠣꠞ ꠡꠥꠙ꠆ꠔꠣ, ꠚꠁꠟ ꠞꠣꠘꠣꠞꠀꠙ – ꠘꠣꠍꠞꠤꠘ ꠛꠦꠉꠝ, ꠖꠥꠍꠞꠣ ꠞꠣꠘꠣꠞꠀꠙ- ꠘꠣꠞ꠆ꠉꠤꠍ ꠎꠣꠢꠣꠘ ꠅꠢꠣꠛ ⁕
ꠢꠤꠛꠣꠄ ২১.১ ꠇꠤꠟꠥꠝꠤꠐꠣꠞ ꠚꠔꠤꠎꠥꠉꠤꠔꠣꠞ ꠛꠦꠐꠣꠁꠘ ꠛꠤꠜꠣꠉꠅ ꠌꠦꠝ꠆ꠙꠤꠀꠘ ꠅꠁꠍꠂꠘ- ꠝꠥꠢꠣꠝ꠆ꠝꠖ ꠀꠟ ꠀꠝꠤꠘ, ꠚꠁꠟ ꠞꠣꠘꠣꠞꠀꠙ- ꠝꠣꠢꠛꠥꠛꠥꠞ ꠞꠢꠝꠣꠘ ꠀꠞ ꠖꠥꠍꠞꠣ ꠞꠣꠘꠣꠞꠀꠙ- ꠀꠡꠞꠣꠞꠥꠟ ꠀꠟꠝ ꠇꠣꠡꠦꠝ ⁕
ꠛꠦꠐꠤꠘ ꠛꠤꠜꠣꠉꠅ ꠌꠦꠝ꠆ꠙꠤꠀꠘ ꠅꠁꠍꠂꠘ- ꠍꠣꠞꠅꠀꠔ ꠙꠣꠞꠜꠤꠘ, ꠚꠁꠟ ꠞꠣꠘꠣꠞꠀꠙ ꠢꠣꠝꠤꠖꠣ ꠀꠇ꠆ꠔꠣꠞ ꠎꠦꠛꠣ, ꠖꠥꠍꠞꠣ ꠞꠣꠘꠣꠞꠀꠙ- ꠖꠥꠟꠣ ꠛꠠꠥꠀ⁕
