শুরমা ফারর খবর ছিলটি জবানে ছিলটর খবর
Related Articles
ꠞꠁꠛꠣꠞ (১৩ ꠒꠤꠍꠦꠝ꠆ꠛꠞ) ꠄꠈ ꠛ꠆ꠞꠤꠚꠤꠋꠅꠞ ꠡꠝꠄ ꠞꠦꠛꠦ ꠎꠣꠘꠣꠄ, ꠎꠥꠟꠣꠁ ꠝꠣꠡꠞ ꠝꠣꠏꠣꠝꠣꠏꠤꠔ ꠁꠀꠛꠣ ꠚꠣꠍꠣꠞꠞ ꠛꠤꠡꠄ ꠙ꠆ꠞꠖꠤꠙꠞ ꠛꠈꠔꠛ꠆ꠛ ꠘꠤꠔꠣ ꠍꠣꠁꠘ ꠍꠤꠘꠢꠣ, ꠛꠣꠖꠦ ꠐꠦꠇꠘꠣꠚ ꠕꠣꠘꠣꠔ ꠙ꠆ꠞꠖꠤꠙꠞ ꠘꠦꠔꠞꠤꠔꠔꠦ ꠄꠉꠥ ꠝꠤꠐꠤꠋ ꠅꠄ⁕ ꠅꠃ ꠝꠤꠐꠤꠋꠅ ꠟꠤꠀꠇꠔꠞꠦ, ꠍꠤꠘꠢꠣꠞꠦ ꠝꠣꠞꠣꠞ ꠖꠣꠄ ꠖꠣꠅꠤꠔ꠆ꠔ ꠖꠦꠅꠀ ꠅꠄ⁕
ꠍꠤꠘꠢꠣꠞ ꠝꠃꠔ: ꠅꠍꠤ ꠙ꠆ꠞꠖꠤꠙ-ꠟꠤꠀꠇꠔ ꠡꠥꠖ꠆ꠖꠣ ৩ ꠀꠡꠣꠝꠤꠞ ৭ ꠖꠤꠘꠞ ꠞꠤꠝꠣꠘ꠆ꠒ ꠅꠁꠍꠦ
ꠛ꠆ꠞꠤꠚꠤꠋꠅ ꠀꠞꠅ ꠈꠀ ꠅꠄ, ꠁꠀꠛꠣ ꠛꠦꠛꠡꠣ ꠟꠁꠀ ꠝꠦꠎꠞ (ꠅꠚꠡꠞ) ꠍꠤꠘꠢꠣ ꠅꠍꠤ ꠙ꠆ꠞꠖꠤꠙꠞ ꠛꠈꠔꠛ꠆ꠛ ꠘꠤꠔꠦ ꠍꠣꠁꠟꠦ ꠔꠣꠁꠘ ꠀꠉꠦ ꠍꠤꠘꠢꠣꠞꠦ ꠢꠥꠝꠇꠤ ꠖꠦꠁꠘ, ꠀꠞ ꠛꠣꠖꠦ ꠔꠣꠘꠞꠦ ꠢꠁꠔ꠆ꠔꠣ ꠈꠞꠂꠘ⁕ ꠚꠣꠈꠣꠘꠤ ꠛꠤꠡꠅꠇ ꠄꠉꠥ ꠒꠇꠥꠝꠦꠘꠐꠣꠞꠤ ꠔꠣꠁꠀꠞ ꠈꠞꠣꠔ ꠉꠤꠀ ꠕꠣꠘꠤꠅ ꠝꠣꠘꠥꠡ ꠅꠈꠟꠞ ꠟꠉꠦ ꠝꠣꠔꠤꠀ ꠁꠀꠛꠣ ꠈꠣꠞꠛꠣꠞꠞ ꠟꠉꠦ ꠙ꠆ꠞꠖꠤꠙꠞ ꠎꠠꠤꠔ ꠕꠣꠈꠣꠞ ꠔꠂꠔ꠆ꠔ ꠚꠣꠁꠍꠟꠣ ꠝꠦꠎꠞ ꠍꠤꠘꠢꠣꠄ⁕ ꠄꠞꠟꠉꠦ ꠙ꠆ꠞꠖꠤꠙꠞ ꠘꠣꠘꠣꠘꠎꠣꠔꠤ ꠘꠤꠞ꠆ꠎꠣꠔꠘꠞ ꠈꠛꠞꠅ ꠛꠣꠞꠁꠎꠣꠄ⁕ ꠎꠣꠞꠖꠣꠄ ꠐꠦꠇꠘꠣꠚ ꠕꠣꠘꠣꠔꠃ ꠙ꠆ꠞꠖꠤꠙꠦ ꠍꠤꠘꠢꠣꠞꠦ ꠢꠥꠝꠇꠤ ꠖꠦꠁꠘ⁕
ꠅꠉꠥꠅ ꠚꠠꠇꠣ: ꠝꠣꠒꠣꠞ ꠁꠉꠥ ꠀꠉꠔꠘꠦ ꠚꠣꠔꠣꠁꠟ ꠚꠝꠣꠘ ꠚꠣꠁꠍꠦ ꠞꠦꠛꠦ
ꠍꠤꠘꠢꠣ ꠝꠣꠔ꠆ꠞ ꠈꠈꠖꠤꠘꠦꠃ ꠙ꠆ꠞꠖꠤꠙꠞ ꠡꠘꠔ꠆ꠞꠣꠡꠞ ꠞꠣꠎꠔ꠆ꠔꠞ ꠈꠛꠞ ꠚꠣꠁꠟꠟꠦꠅ ꠀꠁꠘ ꠡꠤꠋꠇꠟꠣꠛꠣꠢꠤꠘꠤꠄ ꠈꠦꠘꠦ ꠁꠔꠣ ꠎꠣꠘꠔ ꠘꠣ, ꠁꠉꠥ ꠛꠦꠞꠔꠔꠣ ꠇꠤ ꠘꠣ, ꠁꠟꠣꠘ ꠚꠍꠘꠞ ꠎꠥꠀꠚꠦ ꠞꠦꠛꠞ ꠖꠣꠛꠤ ꠀꠁꠘ ꠡꠤꠋꠟꠣꠛꠣꠢꠤꠘꠤ ꠛꠦꠞ꠆ꠔ ꠔꠣꠞꠣ ꠁꠔꠣ ꠝꠘ ꠈꠞꠂꠘ ꠘꠣ⁕
