Breaking News
Home / ꠖꠦꠡꠞ ꠈꠛꠞ / ꠍꠤꠘꠢꠣꠞ ꠝꠃꠔ: ꠅꠍꠤ ꠙ꠆ꠞꠖꠤꠙ-ꠟꠤꠀꠇꠔ ꠡꠥꠖ꠆ꠖꠣ ৩ ꠀꠡꠣꠝꠤꠞ ৭ ꠖꠤꠘꠞ ꠞꠤꠝꠣꠘ꠆ꠒ ꠅꠁꠍꠦ

ꠍꠤꠘꠢꠣꠞ ꠝꠃꠔ: ꠅꠍꠤ ꠙ꠆ꠞꠖꠤꠙ-ꠟꠤꠀꠇꠔ ꠡꠥꠖ꠆ꠖꠣ ৩ ꠀꠡꠣꠝꠤꠞ ৭ ꠖꠤꠘꠞ ꠞꠤꠝꠣꠘ꠆ꠒ ꠅꠁꠍꠦ

ꠅꠚꠡꠞꠚꠣꠅꠀ ꠝꠦꠎꠞ ꠞꠣꠡꠦꠖ ꠍꠤꠘꠢꠣ ꠝꠣꠒꠣꠞ ꠇꠦꠁꠍꠞ ꠅꠍꠤ ꠙ꠆ꠞꠖꠤꠙ, ꠁꠘꠤꠍꠙꠦꠇ꠆ꠐꠞ ꠟꠤꠀꠇꠔ ꠡꠥꠖ꠆ꠖꠣ ৩ ꠀꠡꠣꠝꠤꠞ ৭ ꠖꠤꠘꠞ ꠞꠤꠝꠣꠘ꠆ꠒ ꠅꠁꠍꠦ⁕

ꠅꠚꠡꠞꠚꠣꠅꠀ ꠝꠦꠎꠞ ꠍꠤꠘꠢꠣ ꠞꠣꠡꠦꠖ ꠝꠣꠒꠣꠞ ꠇꠦꠍꠤꠔ ꠐꠦꠇꠘꠣꠚ ꠕꠣꠘꠣꠞ ꠀꠉꠞ ꠅꠍꠤ ꠙ꠆ꠞꠖꠤꠙ ꠇꠥꠝꠣꠞ ꠖꠣꠡ ꠀꠞ ꠛꠣꠢꠣꠞꠍꠠꠣ ꠌꠦꠇꠙꠥꠡ꠆ꠐꠞ ꠁꠘꠌꠣꠞ꠆ꠎ ꠟꠤꠀꠇꠔ ꠡꠥꠖ꠆ꠖꠣ ৭ ꠀꠡꠣꠝꠤꠞ ꠛꠤꠞꠥꠖ꠆ꠗꠦ ১০ ꠖꠤꠘꠇꠥꠞ ꠞꠤꠝꠣꠘ꠆ꠒꠞ ꠟꠣꠉꠤ ꠞꠦꠛꠦ ꠀꠛꠦꠖꠘ ꠎꠣꠘꠣꠁꠍꠤꠟ⁕

ꠄꠞ ꠀꠉꠦ, ꠔꠣꠞꠣꠞ ꠎꠣꠝꠤꠘ ꠀꠛꠦꠖꠘ ꠘꠣꠝꠘ꠆ꠎꠥꠞ ꠈꠞꠤ ꠎꠦꠟ ꠚꠣꠑꠣꠘꠤꠞ ꠘꠤꠞ꠆ꠖꠦꠡ ꠖꠦꠄ ꠎꠥꠒꠤꠡꠤꠀꠟ ꠝꠦꠎꠤꠡ꠆ꠐꠦꠁꠐ ꠀꠖꠣꠟꠔ⁕ ꠀꠁꠎ ꠛꠤꠀꠟꠇꠥ ꠇꠇ꠆ꠍꠛꠣꠎꠣꠞꠞ ꠎꠥꠒꠤꠡꠤꠀꠟ ꠝꠦꠎꠤꠡ꠆ꠐꠦꠁꠐ ꠀꠖꠣꠟꠔꠅ ꠗꠞꠣ ꠖꠦꠁꠘ ꠀꠡꠣꠝꠤꠘ꠆ꠔꠦ⁕ ꠁ ꠛꠣꠟꠣ ꠎꠣꠝꠤꠘ ꠀꠛꠦꠖꠘ ꠈꠞꠣ ꠅꠁꠟꠦ, ꠛꠣꠍꠣꠞꠤꠄ ꠔꠣ ꠘꠣꠝꠘ꠆ꠎꠥꠞ ꠈꠞꠦ ꠎꠦꠟ ꠚꠣꠑꠣꠘꠤꠞ ꠘꠤꠞ꠆ꠖꠦꠡ ꠖꠦꠁꠘ⁕ ꠁ ꠇꠦꠍꠤꠞ ৯ ꠀꠡꠣꠝꠤꠞ ꠝꠣꠏꠦ ꠖꠥꠁꠎꠘ ꠇꠃꠐꠅ ꠀꠁꠀ ꠗꠞꠣ ꠖꠤꠍꠁꠘ⁕

ꠁꠛꠣꠄ, ꠄꠞꠦꠡꠐꠞ ꠛꠣꠖꠦ ꠌꠐ꠆ꠐꠉ꠆ꠞꠣꠝ ꠔꠘꠦ ꠙꠥꠟꠤꠡ ꠢꠦꠚꠣꠎꠔꠦ ꠇꠇ꠆ꠍꠛꠣꠎꠣꠞ ꠘꠦꠅꠀ ꠅꠄ ꠐꠦꠇꠘꠣꠚ ꠕꠣꠘꠣꠞ ꠛꠣꠖ ꠖꠦꠅꠀ ꠅꠍꠤ ꠙ꠆ꠞꠖꠤꠙꠞꠦ⁕ ꠛꠤꠞꠡꠁꠔꠛꠣꠞ (৬ ꠀꠉꠡ꠆ꠐ) ꠛꠤꠀꠟ ꠚꠣꠍꠐꠣ ꠛꠣꠄ ꠇꠇ꠆ꠍꠛꠣꠎꠣꠞ ꠚꠃꠍꠤꠀ ꠎꠥꠒꠤꠡꠤꠀꠟ ꠝꠦꠎꠤꠡ꠆ꠐꠦꠁꠐ ꠀꠖꠣꠟꠔ ꠗꠞꠣ ꠖꠦꠁꠘ ꠙ꠆ꠞꠖꠤꠙ ꠇꠥꠝꠣꠞ ꠖꠣꠡ⁕

ꠛꠥꠗꠛꠣꠞ (৫ ꠀꠉꠡ꠆ꠐ) ꠛꠤꠀꠘꠦ ꠐꠦꠇꠘꠣꠚ ꠕꠣꠘꠣꠞ ꠅꠍꠤ ꠙ꠆ꠞꠖꠤꠙ ꠀꠞ ꠛꠣꠢꠣꠞꠍꠠꠣ ꠌꠦꠇꠙꠥꠡ꠆ꠐꠞ ꠀꠁꠍꠤ ꠟꠤꠀꠇꠔ ꠡꠥꠖ꠆ꠖꠣ ৯ ꠙꠥꠟꠤꠡ ꠡꠖꠁꠡ꠆ꠡꠞꠦ ꠀꠡꠣꠝꠤ ꠈꠞꠤ ꠇꠇ꠆ꠍꠛꠣꠎꠣꠞ ꠎꠥꠒꠤꠡꠤꠀꠟ ꠝꠦꠎꠤꠡ꠆ꠐꠦꠁꠐ ꠀꠖꠣꠟꠔꠅ ꠝꠣꠒꠣꠞꠞ ꠇꠦꠁꠍ ꠈꠞꠁꠘ ꠝꠣꠞꠣ ꠎꠣꠅꠀ ꠝꠦꠎꠞꠞ ꠛꠁꠘꠦ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠁꠞꠣꠘ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠄꠟꠣ ꠉꠥꠐ꠆ꠐꠣ ꠟꠁꠍꠂꠘ ꠛꠣꠋꠟꠣꠖꠦꠡꠞ ꠛꠡꠤꠞ ꠀꠢꠝꠣꠖ

ꠁꠞꠣꠘꠞ ꠞꠣꠎꠗꠣꠘꠤ ꠔꠦꠢꠞꠣꠘ ꠅꠃꠀ ꠛꠤꠡ꠆ꠡ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠕꠝ ꠎꠣꠉꠣ ꠟꠁꠟꠍꠂꠘ ꠢꠛꠤꠉꠘ꠆ꠎꠞ ꠚꠥꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖꠦ …