শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠞ ꠞꠣꠎꠘꠤꠔꠤꠞ ꠃꠐꠣꠘ ꠅꠈꠘ ꠖꠥꠇꠇꠦ ꠈꠣꠔꠞ। ꠡꠣꠛꠦꠇ ꠍꠤꠐꠤ ꠝꠦꠅꠞ ꠛꠖꠞ ꠃꠖꠖꠤꠘ ꠇꠣꠝꠞꠣꠘ ꠝꠣꠞꠣ ꠏꠣꠁꠔꠦ ꠘꠣ ꠏꠣꠁꠔꠦ ꠅꠈꠘ ꠝꠣꠞꠣ ꠉꠦꠟꠣ ꠍꠤꠟꠐꠞ ꠢꠈꠟꠞ ꠡꠖꠖꠦꠅ ꠞꠣꠎꠘꠤꠔꠤꠇ ꠍꠤꠘꠤꠅꠞ ꠘꠦꠔꠣ ꠄꠝ ꠄ ꠢꠇ। (ꠁꠘ꠆ꠘꠣ ꠟꠤꠟꠟꠣꠢꠤ ꠅꠀ ꠁꠘ꠆ꠘꠣ ꠁꠟꠣꠁꠢꠤ ꠞꠣꠎꠤꠃꠘ)। ꠉꠦꠍꠦꠈꠣꠁꠟ ꠡꠥꠇꠇꠥꠞꠛꠣꠞ ꠛꠤꠀꠘ ꠡꠣꠠꠦ ১০ꠐꠣꠔ ꠔꠣꠁꠘ ꠇꠞꠘꠣꠞ ꠍꠤꠘ ꠟꠁꠀ ꠘꠞꠕ ꠁꠍꠐ ꠝꠦꠒꠤꠇꠦꠟ ꠇꠟꠦꠎ ꠝꠣꠞꠣ ꠉꠦꠍꠁꠘ। ꠝꠞꠢꠥꠝ ꠄꠝ ꠄ ꠢꠇ ꠡꠢ-ꠡꠜꠣꠚꠔꠤ ꠙꠖ ꠛꠤꠄꠘꠙꠤ ꠌꠤꠀꠞꠙꠣꠞꠍꠘ ꠛꠦꠉꠝ ꠈꠣꠟꠦꠖꠣ ꠎꠤꠀꠞ ꠃꠙꠖꠦꠡꠐꠣ, ꠍꠤꠟꠐ ꠎꠤꠟꠣ ꠀꠞ ꠝꠢꠣꠘꠉꠞ ꠛꠤꠄꠘꠙꠤꠞ ꠛꠃꠔꠛꠣꠞꠞ ꠡꠣꠛꠦꠇ ꠡꠜꠣꠚꠔꠤ ꠀꠍꠟꠣ। ꠡꠥꠇꠇꠥꠞꠛꠣꠞ ꠛꠤꠀꠟꠦ ꠍꠤꠟꠐ ꠀꠞ ꠢꠣꠁꠘꠎꠣ ꠛꠣꠟꠣ ꠡꠣꠠꠦ ৭ꠐꠣꠔ ꠛꠣꠟꠣꠉꠁꠘ ꠉꠣꠅꠞ ꠛꠣꠠꠤꠔ ২ꠞꠣ ꠎꠣꠘꠣꠎꠣꠞ ꠛꠣꠖꠦ ꠚꠣꠞꠤꠛꠣꠞꠤꠇ ꠉꠥꠞꠥꠍꠔꠣꠘ ꠔꠣꠘ ꠛꠣꠚꠝꠣꠞ ꠈꠣꠘ꠆ꠖꠣꠔ ꠔꠣꠘꠞꠦ ꠈꠄꠛꠞ ꠖꠦꠅꠀ ꠅꠄ। ꠙ꠆ꠞꠛꠤꠘ ꠁ ꠛꠤꠄꠘꠙꠤ ꠘꠦꠔꠣ ꠝꠣꠞꠣ ꠎꠣꠅꠀꠄ ꠞꠣꠎꠘꠤꠔꠤꠞ ꠃꠐꠣꠘꠅ ꠖꠥꠇꠇꠞ ꠍꠦꠝꠣ ꠀꠁꠀ ꠀꠁꠀ ꠚꠠꠍꠦ। ꠔꠣꠘ ꠉꠣꠅꠞ ꠛꠣꠠꠤꠔ ꠛꠣꠟꠣꠉꠁꠘꠎꠞ ꠖꠦꠅꠀꠘꠛꠣꠎꠣꠞ ꠁꠘꠤꠅꠘꠞ ꠈꠟꠥꠝꠣ ꠉꠣꠅꠔ।
ꠍꠤꠟꠦꠐ ꠍꠤꠐꠤ ꠇꠞ꠆ꠙꠥꠞꠦꠡꠘꠞ ꠝꠦꠅꠞ ꠀꠞꠤꠚꠥꠟ ꠢꠇ ꠌꠃꠗꠥꠞꠤ, ꠀꠅꠀꠝꠤꠟꠤꠉꠞ ꠇꠦꠘ꠆ꠖꠞꠤꠅ ꠡꠣꠋꠉꠐꠘꠤꠇ ꠡꠝ꠆ꠙꠣꠖꠇ ꠡꠚꠤꠃꠟ ꠀꠟꠝ ꠘꠣꠖꠦꠟ, ꠛꠤꠄꠘꠙꠤꠞ ꠇꠦꠘ꠆ꠖꠞꠤꠅ ꠡꠢ ꠡꠣꠋꠉꠐꠘꠤꠇ ꠡꠝ꠆ꠙꠣꠖꠇ ꠡꠣꠛꠦꠇ ꠄꠝꠙꠤ ꠇꠟꠤꠝ ꠃꠖꠖꠤꠘ ꠀꠢꠝꠖ ꠝꠤꠟꠘ, ꠡꠣꠛꠦꠇ ꠄꠝꠙꠤ ꠀꠛ꠆ꠖꠥꠟ ꠇꠣꠢꠤꠞ ꠌꠃꠗꠥꠞꠤ, ꠎꠤꠟꠣ ꠛꠤꠄꠘꠙꠤꠞ ꠡꠣꠛꠦꠇ ꠡꠜꠣꠙꠔꠤ ꠀꠛꠥꠟ ꠇꠣꠢꠦꠞ ꠡꠣꠝꠤꠝ, ꠛꠤꠄꠘꠙꠤꠞ ꠇꠦꠘ꠆ꠖꠞꠤꠅ ꠘꠤꠞ꠆ꠛꠣꠢꠤ ꠡꠖꠁꠡꠡ ꠝꠤꠎꠣꠘꠥꠞ ꠞꠢꠝꠣꠘ ꠌꠃꠗꠥꠞꠤ, ꠝꠢꠣꠘꠉꠞ ꠀꠅꠀꠝꠤꠟꠤꠉꠞ ꠡꠣꠛꠦꠇ ꠡꠣꠗꠣꠞꠘ ꠡꠝ꠆ꠙꠣꠖꠇ ꠀꠍꠣꠖ ꠃꠖꠖꠤꠘ ꠀꠢꠝꠖ, ꠀꠅꠀꠝꠤ ꠟꠤꠉ ꠘꠦꠔꠣ ꠛꠤꠞ ꠝꠥꠇꠔꠤꠎꠥꠖꠗꠣ ꠀꠛ꠆ꠖꠥꠟ ꠈꠣꠟꠤꠇ, ꠎꠤꠟꠣ ꠛꠤꠄꠘꠙꠤꠞ ꠡꠣꠛꠦꠇ ꠡꠣꠗꠣꠞꠘ ꠡꠝ꠆ꠙꠣꠖꠇ ꠀꠟꠤ ꠀꠢꠝꠖ, ꠍꠤꠟꠦꠐ ꠝꠢꠣꠘꠉꠞ ꠎꠣꠝꠣꠔꠞ ꠀꠝꠤꠞ ꠄꠒꠜꠥꠇꠦꠐ ꠄꠢꠍꠣꠘꠥꠟ ꠝꠣꠢꠛꠥꠛ ꠎꠥꠛꠣꠄꠞ, ꠖꠇꠇꠤꠘ ꠎꠤꠟꠣ ꠎꠣꠝꠣꠔꠞ ꠀꠝꠤꠞ ꠝꠃꠟꠣꠘꠣ ꠢꠣꠛꠤꠛꠥꠞ ꠞꠢꠝꠣꠘ, ꠎꠣꠡꠖ ꠘꠦꠔꠣ ꠛꠤꠞ ꠝꠥꠇꠔꠤꠎꠥꠖꠗꠣ ꠞꠚꠤꠇꠥꠟ ꠢꠇ, ꠘꠦꠎꠣꠝꠦ ꠁꠍꠟꠣꠝ ꠙꠣꠞ꠆ꠐꠤꠞ ꠄꠒꠜꠥꠇꠦꠐ ꠀꠛ꠆ꠖꠥꠞ ꠞꠇꠤꠛ, ꠍꠤꠐꠤ ꠇꠣꠃꠘꠍꠤꠟꠞ ꠞꠦꠎꠣꠃꠟ ꠢꠣꠑꠣꠘ ꠇꠄꠍ ꠟꠥꠖꠤ, ꠎꠝꠤꠅꠔ ꠘꠦꠔꠣ ꠝꠃꠟꠣꠘꠣ ꠝꠣꠢꠝꠥꠖꠥꠟ ꠢꠣꠍꠣꠘ ꠡꠁꠔꠦ ꠞꠣꠎꠘꠤꠔꠤꠇ, ꠡꠣꠝꠣꠎꠤꠇ, ꠡꠣꠋꠁꠍꠇ꠆ꠞꠤꠔꠤꠇ, ꠚꠦꠡꠣꠎꠤꠛꠤ ꠡꠋꠉꠑꠘꠞ ꠛꠃꠔ ꠘꠦꠔꠣ ꠈꠞꠝꠤꠘ ꠎꠣꠘꠣꠎꠣꠔ ꠡꠞꠤꠇ ꠀꠍꠟꠣ। ꠁ ꠡꠝꠄ ꠛꠤꠄꠘꠙꠤꠞ ꠚꠇꠇ ꠔꠘꠦ ꠄꠝ ꠄ ꠢꠇ ꠡꠣꠛꠞ ꠇꠚꠤꠘ ꠚꠥꠟ ꠖꠤ ꠡꠖꠗꠣ ꠎꠣꠘꠣꠘꠤ ꠅꠄ। ꠢꠦꠡꠦ ꠔꠣꠘ ꠘꠤꠎ ꠉꠣꠅꠔ ২ꠞꠣ ꠎꠣꠘꠣꠎꠣ ꠛꠣꠖꠦ ꠝꠣꠐꠤ ꠖꠤꠛꠣꠞ ꠖꠣꠄ ꠟꠁꠀ ꠎꠣꠅꠀ ꠅꠄꠉꠤ। ꠔꠣꠘ ꠄꠈꠝꠣꠔ꠆ꠞ ꠚꠥꠀ ꠛꠦꠞꠤꠡꠐꠣꠞ ꠞꠤꠀꠡꠣꠖ ꠀꠎꠤꠝ ꠢꠇꠦ ꠢꠈꠟꠞ ꠉꠦꠍꠦ ꠔꠣꠘ ꠀꠛꠛꠣꠞ ꠖꠣꠄ ꠖꠥꠀ ꠍꠣꠁꠍꠁꠘ।
