শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠤ ꠝꠣꠔ ꠀꠞ ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠝꠤꠍꠝꠣꠞ ꠅꠃꠀꠞ ꠚꠕꠦ ⁕ ꠁ ꠝꠣꠔ ꠈꠣꠘꠔꠣꠞꠦ ꠢꠈꠟꠞ-ꠟꠣꠉꠤꠘ ꠀꠞ ꠛꠣꠋꠟꠣꠖꠦꠡꠞ ꠀꠞꠈꠣꠘ ꠚꠗꠣꠘ ꠝꠣꠔ ꠢꠤꠡꠣꠛꠦ ꠡꠣꠄ ꠖꠤꠛꠣꠞ ꠖꠣꠛꠤꠖꠣꠃꠀꠄ ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠇꠦꠘꠖ꠆ꠞꠤꠅ ꠡꠜꠣꠚꠔꠤ ꠘꠣꠍꠤꠞ ꠃꠖ꠆ꠖꠤꠘ ꠀꠢꠝꠖ ꠌꠃꠗꠥꠞꠤꠄ ꠎꠣꠔꠤꠡꠋꠊꠞ ꠟꠘ꠆ꠒꠘ ꠕꠣꠈꠣ ꠖꠚꠔꠞꠧ ꠄꠈꠣꠘ ꠖꠞꠈꠣꠍ꠆ꠔ ꠏꠝꠣ ꠖꠦꠁꠘ ⁕ ꠅꠟꠣꠘ ꠖꠞꠈꠣꠍ꠆ꠔ ꠀꠞꠈꠣꠘ ꠔꠣꠁꠘ ꠎꠣꠔꠤꠡꠋꠊꠞ ꠝꠥꠟ ꠖꠚꠔꠞꠧ ꠀꠞ ꠛꠣꠋꠟꠣꠖꠦꠡꠧ ꠕꠣꠈꠣ ꠎꠣꠔꠤꠡꠋꠊꠞ ꠖꠚꠔꠞꠧꠅ ꠏꠝꠣ ꠖꠦꠁꠘ ⁕
ꠉꠦꠍꠦ ꠛꠥꠗꠛꠣꠞ (d ꠍꠦꠙꠐꠦꠝ꠆ꠛꠞ) ꠉꠘꠝꠣꠁꠖ꠆ꠖꠝꠧ ꠚꠣꠐꠣꠘꠤ ꠄꠈ ꠙ꠆ꠞꠦꠍ ꠛ꠆ꠞꠤꠚꠤꠋ ꠅꠞ ꠏꠞꠤꠀꠄ ꠔꠣꠁꠘ ꠁ ꠖꠞꠈꠣꠍꠔꠞ ꠛꠦꠚꠣꠞꠦ ꠟꠤꠝ ꠖꠦꠁꠘ ⁕
ꠖꠞꠈꠣꠍꠔꠧꠔ ꠈꠃꠀ ꠅꠄ, ꠛꠣꠋꠟꠣꠖꠦꠡꠞ ꠙꠦꠞꠣꠄ 1ꠇꠥꠐꠤ ꠝꠣꠘꠡꠦ ꠍꠤꠟꠐꠤ ꠝꠣꠔꠦ ⁕ ꠢꠤꠘꠖꠥꠍꠔꠣꠘ ꠀꠞ ꠖꠥꠘꠤꠀꠞ ꠅꠁꠘ꠆ꠘ ꠖꠦꠡꠣꠁꠘ꠆ꠔ ꠄꠞꠔꠘꠦ ꠛꠦꠡ ꠝꠣꠘꠡꠦ ꠍꠤꠟꠐꠤ ꠝꠣꠔꠦ ⁕ ꠁ ꠝꠣꠔꠞ ꠅꠇ꠆ꠇꠞ ꠅꠁꠟꠧ ꠉꠤꠀ ꠍꠤꠟꠐꠤ ꠘꠣꠉꠞꠤ ꠟꠤꠚꠤ ⁕ ꠍꠤꠟꠐꠤ ꠝꠣꠔ ꠁꠇꠣꠘ ꠀꠞ ꠍꠤꠟꠐꠤ ꠘꠣꠉꠞꠤ ꠟꠤꠚꠤꠞꠦ ꠛꠣꠋꠟꠣꠖꠦꠡ ꠡꠞꠈꠣꠞꠦ ꠡꠣꠄ ꠘꠣ ꠖꠦꠃꠀꠞ ꠉꠔꠤꠇꠦ ꠝꠤꠍꠝꠣꠞ ꠅꠃꠀꠞ ꠚꠕꠦ ⁕
ꠄꠞꠣꠉꠦꠅ ꠍꠤꠟꠐꠤ ꠚꠣꠘ꠆ꠌꠣꠁꠔ ꠁ ꠝꠣꠔ ꠈꠣꠘꠔꠣꠞꠦ ꠖꠦꠡꠞ ꠖꠥꠍꠞꠣ ꠝꠣꠔ ꠢꠤꠡꠣꠛꠦ ꠡꠣꠄ ꠖꠤꠛꠣꠞ ꠟꠣꠉꠤ ꠝꠣꠘꠥꠟꠋꠉꠞ ꠡꠥꠖ꠆ꠖꠣ ꠘꠣꠘꠣꠘ ꠇꠤꠍꠤꠝꠞ ꠈꠣꠏ-ꠈꠣꠞꠛꠣꠞ ꠈꠞꠍꠦ ⁕ ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠇꠦꠘꠖ꠆ꠞꠤꠅ ꠡꠜꠣꠚꠔꠤ ꠘꠣꠍꠤꠞ ꠃꠖ꠆ꠖꠤꠘ ꠀꠢꠝꠖ ꠌꠃꠗꠥꠞꠤꠄ ꠖꠞꠈꠣꠍ꠆ꠔꠔ ꠀꠞꠧ ꠏꠣꠘꠣꠁꠘ, ꠁ ꠝꠣꠔ ꠁꠇꠣꠘ ꠞꠣꠎꠎꠤꠞ ꠚꠥꠞꠣꠘꠣꠝꠟꠤ ⁕ ꠀꠝꠤ ꠢꠣꠝꠦꠡꠣ ꠇꠥꠛꠍꠥꠞꠔ ꠁ ꠝꠣꠔ ꠁꠇꠣꠘꠞꠦ ꠢꠦꠚꠣꠏꠔ ꠈꠞꠣ ꠀꠞ ꠛꠣꠋꠟꠣꠖꠦꠡꠞ ꠀꠞꠈꠣꠘ ꠝꠥꠟ ꠝꠣꠔ ꠢꠤꠡꠣꠛꠦ ꠉꠍꠤꠀ ꠘꠤꠛꠣꠞ ꠖꠣꠄ ꠛꠣꠋꠟꠣꠖꠦꠡ ꠡꠞꠈꠣꠞꠞ ꠐꠣꠁꠘ ꠗꠤꠀꠘ ꠖꠤꠛꠣꠞ ꠟꠣꠉꠤꠘ ꠖꠣꠛꠤ ꠏꠣꠘꠣꠁꠟꠣꠝ ⁕
