ꠇꠞꠘꠣꠞ ꠝꠣꠏꠦꠅ ꠇꠤꠡꠞꠉꠁꠘ꠆ꠎꠞ ꠅꠁꠔꠤꠀꠡꠤꠇ ꠙꠣꠉꠟꠣ ꠝꠌ꠆ꠌꠤꠖꠞ ꠖꠣꠘꠛꠣꠈꠡꠔ ꠍꠄ ꠝꠣꠡꠦ ꠝꠤꠟꠟ ১ ꠇꠥꠐꠤ ৭৪ ꠟꠣꠈ ৮৩ ꠀꠎꠣꠞ ৭১ ꠐꠦꠈꠣ ꠀꠞ ꠛꠤꠖꠦꠡꠤ ꠝꠥꠖ꠆ꠞꠣ ꠅ ꠡꠥꠘꠣꠖꠣꠘꠣ⁕
ꠇꠤꠡꠞꠉꠁꠘ꠆ꠎ ꠡꠞꠞ ꠅꠁꠔꠤꠀꠡꠤꠇ ꠁ ꠝꠌ꠆ꠌꠤꠖꠐꠣꠔ ꠚꠣꠍꠐꠣ ꠟꠥꠀꠖꠤ ꠛꠣꠘꠣꠁꠟ ꠖꠣꠘꠛꠣꠈꠡ ꠞꠁꠍꠦ⁕ ꠚꠞꠔꠦꠈ ꠔꠤꠘ ꠝꠣꠡ ꠛꠣꠖꠦ ꠛꠣꠖꠦ ꠛꠣꠈꠡꠉꠥꠁꠘ ꠈꠥꠟꠣ ꠅꠄ⁕ ꠇꠤꠘ꠆ꠔꠥꠇ ꠁꠛꠣꠞ ꠇꠞꠘꠣꠞ ꠟꠣꠉꠤ ꠍꠄ ꠝꠣꠡ ꠛꠣꠖꠦ ꠀꠁꠎꠇꠥ ꠡꠘꠤꠛꠣꠞ ꠖꠣꠘꠛꠣꠈꠡ ꠈꠥꠟꠤꠀ ꠘꠥ ꠢꠈꠟ ꠔꠣꠁꠎ꠆ꠎꠛ⁕
ꠡꠘꠤꠛꠣꠞ ꠛꠤꠀꠘꠦ ꠖꠣꠘꠛꠣꠈꠡ ꠈꠥꠟꠤꠀ ꠢꠣꠁꠘꠎꠣ ꠚꠞ꠆ꠎꠘ꠆ꠔ ꠍꠟꠍꠦ ꠐꠦꠈꠣ ꠉꠘꠣ⁕ ꠀꠞ ꠛꠞꠣꠛꠞꠞ ꠟꠣꠈꠣꠘ ꠁ ꠖꠣꠘꠛꠣꠈꠡꠉꠥꠁꠘ ꠈꠥꠟꠟꠦ ꠎꠦꠔꠔꠣ ꠐꠦꠈꠣꠚꠄꠡꠣ, ꠡꠥꠘꠣ ꠀꠞ ꠞꠥꠚꠣ ꠝꠤꠟꠦ⁕ ꠄꠞ ꠀꠉꠦ ꠉꠦꠍꠦ ১৫ ꠚꠦꠛꠥꠀꠞꠤ ꠅꠃ ꠖꠣꠘꠛꠣꠈꠡ ꠁꠉꠥꠁꠘ ꠈꠥꠟꠤꠀ ꠚꠣꠧꠀ ꠉꠦꠍꠤꠟ ১ ꠇꠥꠐꠤ ৫০ ꠟꠣꠈ ১৮ ꠀꠎꠣꠞ ৪৯৮ ꠐꠦꠈꠣ⁕ ꠄꠍꠣꠠꠣ ꠛꠤꠖꠦꠡꠤ ꠐꠦꠈꠣꠚꠄꠡꠣ ꠡꠥꠁꠖ꠆ꠖꠣ ꠡꠥꠘꠣ ꠞꠥꠚꠣ ꠔ ꠀꠍꠤꠟ ꠃ⁕