Breaking News
Home / ꠖꠦꠡꠞ ꠈꠛꠞ / ꠚꠣꠐꠞ ꠇꠤꠍꠣ ꠛꠣꠘꠣꠁꠀ ꠙꠦꠟꠣꠡꠐꠤꠇ ꠛꠤꠠꠝꠣꠘꠣ ꠈꠝꠣꠘꠤꠞ ꠔꠖꠛꠤꠞ

ꠚꠣꠐꠞ ꠇꠤꠍꠣ ꠛꠣꠘꠣꠁꠀ ꠙꠦꠟꠣꠡꠐꠤꠇ ꠛꠤꠠꠝꠣꠘꠣ ꠈꠝꠣꠘꠤꠞ ꠔꠖꠛꠤꠞ

ꠛꠣꠋꠟꠣꠖꠦꠡꠧ ꠕꠣꠈꠣ ꠎꠣꠔꠤꠡꠋꠊ ꠃꠘ꠆ꠘꠅꠘ ꠇꠣꠁꠞ꠆ꠎꠇ꠆ꠞꠝꠦ (UNDP) ꠛꠤꠡ꠆ꠡ ꠚꠞꠤꠛꠦꠡ ꠖꠤꠛꠡ 2023 ꠃꠚꠟꠇ꠆ꠇꠦ, ꠛꠣꠋꠟꠣꠖꠦꠡꠧ ꠕꠣꠈꠣ ꠎꠣꠔꠤꠡꠋꠊꠞ ꠈꠞ꠆ꠝꠤꠘ꠆ꠔꠞ ꠐꠣꠁꠘ ꠛꠣꠋꠟꠣꠖꠦꠡꠤ ꠛꠤꠉ꠆ꠉꠣꠘꠤ ꠒ. ꠝꠥꠛꠣꠞꠇ ꠀꠢꠝꠦꠖ ꠈꠣꠘꠞ ꠀꠛꠤꠡꠇꠣꠞ ꠈꠞꠣ ꠚꠣꠐ-ꠚꠟꠤꠝꠣꠞ-ꠜꠤꠔ꠆ꠔꠤꠇ ꠛꠣꠄꠃꠒꠤꠉ꠆ꠞꠦꠒꠦꠛꠟ, ꠚꠞꠤꠛꠦꠡ-ꠛꠘꠣꠚ ꠛꠦꠉ ꠍꠣꠟꠥ ꠈꠞꠍꠦ ⁕

ꠇꠤꠍꠣ ꠁꠇꠣꠘ “ꠡꠥꠘꠣꠟꠤ ꠛꠦꠉ” ꠘꠣꠝꠦꠅ ꠚꠞꠤꠍꠤꠔ ⁕

ꠚꠣꠐꠞ ꠇꠤꠍꠣ (ꠍꠛꠤ ꠒꠦꠁꠟꠤ ꠍꠣꠘ)

ꠁꠃꠄꠘꠒꠤꠙꠤ ꠀꠛꠣꠡꠤꠇ ꠚꠔꠤꠘꠤꠗꠤ ꠁꠍꠐꠦꠚꠣꠘ ꠟꠤꠟꠣꠞꠦ ꠈꠁꠘ, “ꠎꠣꠔꠤꠡꠋꠊꠞ ꠡꠔ꠆ꠔꠣ ꠢꠤꠡꠣꠛꠦ, ꠐꠦꠇꠡꠁ ꠃꠘ꠆ꠘꠅꠘ ꠄꠟꠣꠘ ꠈꠞꠣ ꠀꠝꠞꠣꠞ ꠎꠤꠝꠝꠣꠖꠣꠞꠤ ⁕” ꠔꠣꠁꠘ ꠀꠞꠧ ꠈꠁꠘ, “ꠎꠣꠔꠤꠡꠋꠊꠞ ꠈꠞ꠆ꠝꠤꠘ꠆ꠔꠞ ꠐꠣꠁꠘ ꠙꠦꠟꠣꠡꠐꠤꠇꠞ ꠇꠤꠍꠣꠞ ꠛꠣꠁꠃꠒꠤꠉ꠆ꠞꠦꠒꠦꠛꠟ ꠛꠤꠇꠟꠚꠞ ꠛꠦꠛꠀꠞ ꠍꠤꠔ꠆ꠞꠣꠁꠀ ꠖꠤꠛꠣꠞ ꠝꠣꠁꠖ꠆ꠖꠝꠦ, ꠄꠈꠦ ꠀꠞꠏꠘꠞ ꠖꠦꠈꠣꠖꠦꠇꠤ ꠛꠦꠛꠀꠞ ꠈꠞꠣꠞ ꠄꠈ ꠘꠏꠤꠞ ꠁꠍꠕꠣꠚꠘꠞ ꠀꠡꠣ ꠈꠞꠤ” ⁕

ꠁꠃꠄꠘꠒꠤꠙꠤꠄ ꠏꠣꠘꠣꠁꠍꠦ 5 ꠎꠥꠘ ꠛꠤꠡ꠆ꠡ ꠚꠞꠤꠛꠦꠡ ꠖꠤꠛꠡꠞ ꠁ ꠛꠣꠞꠇꠥꠞ ꠛꠤꠡꠄ #BeatPlasticPollution ꠄꠟꠣꠘꠞ ꠝꠣꠁꠖ꠆ꠖꠝꠦ ꠙꠦꠟꠣꠡꠐꠤꠇꠞ ꠛꠤꠠꠝꠣꠘꠣ ꠈꠝꠣꠘꠤꠞ ꠚꠕ ꠔꠥꠇꠣꠘꠤ ⁕

ꠛꠣꠋꠟꠣꠖꠦꠡ ꠎꠥꠐꠝꠤꠟ꠆ꠍ ꠇꠞꠙꠥꠞꠦꠡꠘꠞ ꠛꠁꠉ꠆ꠉꠣꠘꠤꠇ ꠀꠈꠟꠖꠦꠅꠞꠣ ꠀꠞ ꠀꠉꠞ ꠚꠗꠣꠘ ꠛꠁꠉ꠆ꠉꠣꠘꠤꠇ ꠈꠣꠝꠈꠞ꠆ꠞꠣ (CSO) ꠀꠞ ꠚꠞꠝꠣꠘꠥ ꠡꠈꠔꠤ ꠉꠛꠦꠡꠘꠣꠞ ꠝꠢꠣꠚꠞꠤꠍꠣꠟꠇ ꠛꠤꠡꠤꠡ꠆ꠐ ꠛꠤꠉ꠆ꠉꠣꠘꠤ ꠒ. ꠝꠥꠛꠣꠞꠇ ꠀꠢꠝꠦꠖ ꠈꠣꠘꠦ 2017-ꠔ ꠘꠣꠟꠤꠀꠞ ꠢꠦꠃꠡ (ꠚꠣꠐ) ꠔꠘꠦ ꠇꠣꠝꠤꠀꠛꠤ ꠅꠁꠀ ꠄꠈꠍꠣ ꠛꠣꠄꠃꠒꠤꠉ꠆ꠞꠦꠒꠦꠛꠟ (ꠚꠍꠤꠏꠤꠛꠣꠞ ꠏꠥꠇꠣ) ꠚꠟꠤꠝꠣꠞ ꠀꠛꠤꠡꠇꠣꠞ ꠈꠞꠂꠘ ⁕ ꠚꠞꠤꠇ꠆ꠇꠣ ꠘꠤꠞꠤꠇꠇꠣ ꠛꠣꠖꠦ, ꠡꠥꠘꠣꠟꠤ ꠛꠦꠉꠈꠣꠘꠔꠣ ꠚꠞꠤꠛꠦꠡ-ꠛꠘꠣꠚ ꠅꠀꠄ ꠛꠤꠡ꠆ꠡꠛꠤꠀꠚꠤ ꠁꠛꠣꠄ ꠖꠤꠀꠘ ꠖꠦꠄ ⁕

ꠒ. ꠝꠥꠛꠣꠞꠇꠦ ꠏꠣꠘꠣꠁꠘ, “ꠘꠣꠟꠤꠞ ꠢꠦꠃꠡ ꠔꠣꠇꠤ ꠚꠣꠐꠞ ꠇꠤꠍ ꠀꠘ꠆ꠘꠣꠄ ꠡꠥꠘꠣꠟꠤ ꠛꠦꠉ ꠀꠛꠤꠡꠇꠣꠞꠞ ꠛꠣꠖꠦ ꠞꠣꠁꠎ꠆ꠎꠤꠞ ꠚꠕ ꠀꠉꠥꠀꠁꠀ ꠀꠁꠌ꠆ꠌꠦ” ⁕ “ꠅꠘꠇꠦ ꠀꠝꠞꠣ ꠁ ꠙꠟꠤꠝꠣꠞꠞ ꠀꠞꠏꠦꠉꠣꠔ ꠛꠦꠛꠀꠞꠞ ꠉꠦꠛꠡꠘꠣ ꠀꠞ ꠔꠥꠇꠣꠘꠤꠞ ꠈꠣꠝ ꠍꠣꠟꠣꠁꠀ ꠏꠣꠁꠞꠣꠝ⁕”

“ꠖꠥꠘꠤꠀ ꠅꠘꠦ ꠄꠟꠣꠘ ꠄꠈ ꠏꠦꠉꠣꠔ ꠀꠁꠍꠦ ꠏꠦꠘ ꠀꠝꠞꠣꠞꠦ ꠇꠥꠟꠟꠦ ꠄꠇꠛꠣꠞ ꠛꠦꠛꠀꠞꠤ ꠙꠦꠟꠣꠡꠐꠤꠇ ꠛꠘ ꠈꠞꠣꠞ ꠖꠣꠄ ꠈꠖꠝ ꠚꠣꠟꠣꠘꠤ ꠏꠠꠥꠞꠤ ꠅꠁꠉꠦꠍ ⁕ ꠅꠘꠇꠦ ꠔꠘꠦ ꠀꠝꠞꠣ ꠈꠣꠞ ꠈꠞꠟꠦ ꠜꠛꠤꠡ꠆ꠡꠔꠞ ꠈꠕꠣ ꠜꠣꠛꠔꠣꠝ ꠚꠣꠞꠝꠥ ⁕ ꠀꠞ ꠘꠣ ꠅꠁꠟꠦ ꠜꠛꠤꠡ꠆ꠡꠔ ꠞꠁꠔꠧ ꠘꠣꠄ ⁕ ꠁꠇꠣꠘ ꠢꠥꠘꠤꠀ ꠝꠥꠁ ꠏꠦ ꠇꠥꠡꠤ ꠅꠁꠍꠤ ꠏꠦꠘ, UNDP ꠈꠣꠟꠤ ꠙꠦꠟꠣꠡꠐꠤꠇ ꠛꠤꠠꠝꠣꠘꠣ ꠛꠤꠡꠄ ꠢꠏꠣꠉ ꠈꠞꠣꠞ ꠟꠣꠉꠤꠘ ꠘꠣꠄ, ꠟꠉꠦ ꠄꠞ ꠛꠤꠖꠟꠤ ꠇꠥꠘꠔꠣ ꠟꠁꠀ ꠀꠁꠍꠦ,” ꠒ. ꠝꠥꠛꠣꠞꠇ ꠢꠥꠍꠦꠘꠦ ꠈꠁꠘ⁕

2024 ꠅꠞ ꠢꠦꠡ ꠘꠣꠉꠣꠔ, ꠎꠣꠔꠤꠡꠋꠊꠞ ꠡꠖꠂꠡ꠆ꠡ ꠖꠦꠡꠣꠁꠘ꠆ꠔ ꠙꠦꠟꠣꠡꠐꠤꠇꠞ ꠛꠤꠠꠝꠣꠘꠣ ꠈꠝꠣꠘꠤꠞ ꠖꠣꠄ ꠄꠈꠣꠘ ꠛꠂꠡ꠆ꠡꠤꠇ ꠚꠣꠘ꠆ꠌꠣꠟ꠆ꠟꠣ ꠈꠞꠣꠞ ꠈꠣꠁꠡ ꠈꠞꠍꠦ, ꠏꠦꠉꠥꠞ ꠏꠣꠋꠉꠧꠘꠣꠝ ꠅꠁꠍꠦ “ꠙꠦꠟꠣꠡꠐꠤꠇ ꠛꠤꠠꠝꠣꠘꠣ ꠔꠣꠝꠣꠅ: ꠀꠘ꠆ꠔꠞꠎꠣꠔꠤꠇ ꠛꠂꠗꠜꠣꠛꠦ ꠝꠣꠘꠣ ꠈꠟꠈꠛꠏꠣ ꠛꠣꠄ” ⁕

5/5 - (3 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠉꠞꠥꠞ ꠉꠥꠍ꠆ꠔꠞ ꠛꠣꠎꠣꠞꠅ ꠎꠦꠎꠣꠔ ꠀꠍꠣꠐꠣ ꠚꠞꠤꠍꠕꠤꠔꠤ

ꠈꠈꠚꠤꠞꠣ ꠔꠘꠦ ꠛꠣꠋꠟꠣꠖꠦꠡꠞ ꠞꠥꠎꠇꠥꠞ ꠛꠣꠎꠣꠞꠅ ꠎꠤꠘꠤꠡꠞ ꠖꠣꠝ ꠛꠉꠔꠤꠇ ⁕ ꠎꠦꠉꠔꠤꠇꠦ ꠝꠣꠘꠡꠦ ꠎꠦꠎꠣꠔ ꠢꠦꠖꠣꠔ ꠚꠣꠁꠞꠣ ⁕ …