শুরমা ফারর খবর ছিলটি জবানে ছিলটর খবর
Related Articles
ꠄꠈꠦꠈꠎꠘ ꠛꠣꠋꠟꠣꠖꠦꠡꠤ ꠄꠈꠦꠈꠐꠣ ꠜꠣꠁꠞꠣꠡ ꠛꠝꠣ : ꠁꠔꠣꠟꠤꠞ ꠚꠗꠣꠘꠝꠘ꠆ꠔ꠆ꠞ
ꠛꠣꠋꠟꠣꠖꠦꠡꠞ ꠟꠉꠦ ꠁꠔꠣꠟꠤꠞ ꠚ꠆ꠟꠣꠁꠐ ꠛꠘ꠆ꠗꠞ ꠎꠥꠇ꠆ꠔꠤꠇꠔꠣ ꠟꠁꠀ ꠝꠥꠇ ꠈꠥꠟꠍꠁꠘ ꠁꠔꠣꠟꠤꠞ ꠚꠗꠣꠘꠝꠘ꠆ꠔ꠆ꠞꠤ ꠎꠥꠍꠦꠙ꠆ꠙꠦ ꠇꠘ꠆ꠔꠦ⁕ ꠌꠟꠔꠤ ꠢꠣꠚꠔꠣꠔ ꠁꠍꠙꠦꠘꠞ ꠞꠣꠎꠗꠣꠘꠤ ꠝꠣꠖ꠆ꠞꠤꠖ ꠞꠣꠡ꠆ꠐꠤꠅ ꠡꠚꠞ ꠛꠣꠟꠣ ꠕꠣꠘꠤꠅ ꠄꠈ ꠐꠤꠜꠤ ꠡꠣꠋꠛꠣꠖꠤꠇ ꠅꠈꠟꠞ ꠉꠦꠍꠦ ꠚ꠆ꠟꠣꠁꠐ ꠛꠘ꠆ꠗ ꠟꠁꠀ ꠈꠥꠟꠣꠝꠦꠟꠣ ꠝꠣꠔꠁꠘ ꠇꠘ꠆ꠔꠦ⁕
ꠢꠤꠡꠝꠄ ꠇꠘ꠆ꠔꠦ ꠈꠁꠘ, ‘ꠁꠖꠣꠘꠤꠋ ꠛꠣꠋꠟꠣꠖꠦꠡ ꠔꠘꠦ ꠀꠅꠀ ꠛꠦꠡꠤꠞꠜꠣꠉ ꠚꠦꠍꠤꠘꠖꠣꠞꠞ ꠝꠣꠏꠦ ꠇꠞꠘꠣ ꠜꠣꠁꠞꠣꠍ ꠡꠘꠣꠇ꠆ꠔ ꠅꠁꠞ⁕ ꠄꠍꠣꠠꠣꠅ ꠄꠞꠣꠞ ꠝꠣꠏꠔꠘꠦ ꠛꠦꠡꠤꠞꠜꠣꠉ ꠝꠣꠘꠥ ꠁꠔꠣꠟꠤ ꠚꠤꠞꠤ ꠢꠥꠝ ꠇꠥꠀꠞꠦꠘ꠆ꠐꠣꠁꠘ ꠝꠣꠘꠞꠣ ꠘꠣ⁕ ꠄꠞꠖꠣꠄ ꠔꠣꠞꠣꠞ ꠔꠘꠦ ꠀꠞ ꠝꠣꠘꠥ ꠢꠣꠍꠞꠤ ꠎꠣꠞ⁕ ꠀꠝꠞꠣ ꠄꠇ ꠎꠞꠤꠚ ꠖꠦꠈꠍꠤ ꠛꠣꠋꠟꠣꠖꠦꠡ ꠔꠘꠦ ꠀꠅꠀ ꠙꠦꠞꠣꠄ ৭০ ꠜꠣꠉ ꠝꠣꠘꠥ ꠇꠞꠘꠣ ꠜꠣꠁꠞꠣꠡ ꠟꠉꠦ ꠈꠞꠤ ꠟꠁꠀ ꠀꠁꠞꠣ⁕ ꠄꠞꠣ ꠇꠤꠟꠣꠘ ꠛꠣꠋꠟꠣꠖꠦꠡꠞ ꠁꠝꠤꠉ꠆ꠞꠦꠡꠘ ꠙꠣꠠ ꠅꠁꠟ ꠁꠇꠐꠣ ꠅꠛꠡ꠆ꠡꠁ ꠜꠣꠛꠛꠣꠞ ꠛꠤꠡꠄ⁕ ꠀꠝꠞꠣ ꠜꠣꠟꠣꠈꠞꠤ ꠈꠁꠔꠣꠝ ꠚꠣꠞꠤ ꠛꠣꠋꠟꠣꠖꠦꠡꠞ ꠁꠝꠉ꠆ꠞꠦꠡꠘ ꠑꠤꠇ ꠈꠞꠤ ꠙꠞꠤꠇ꠆ꠇꠣ-ꠘꠤꠞꠤꠇ꠆ꠇꠣ ꠇꠞꠣ ꠅꠞ ꠘꠣ’⁕
ꠢꠤꠡꠝꠄ ꠔꠣꠁꠘ ꠀꠞꠅ ꠈꠁꠘ, ‘ꠛꠣꠋꠟꠣꠖꠦꠡꠤꠞꠣ ꠇꠥꠘꠥ ꠎꠣꠔꠤ ꠚꠞ꠆ꠎꠛꠦꠇ꠆ꠇꠘ ꠍꠣꠠꠣꠁ ꠁꠝꠤꠉ꠆ꠞꠦꠡꠘ ꠙꠣꠠ ꠅꠁꠀ ꠁꠔꠣꠟꠤ ꠀꠁꠀ ꠄꠈꠣꠘ ꠁ ꠜꠣꠁꠞꠣꠍ ꠢꠣꠍꠞꠣꠁꠟꠞꠣ ⁕ ꠅꠔꠣꠞꠖꠣꠄ ꠀꠝꠞꠣ ꠘꠣꠚꠣꠞꠔꠦ ꠚ꠆ꠟꠣꠁꠐ ꠛꠘ꠆ꠗ ꠈꠞꠍꠤ⁕ ꠄꠈꠦꠈꠎꠘ ꠛꠣꠋꠟꠣꠖꠦꠡꠤ ꠄꠈꠦꠈꠐꠣ ꠜꠣꠁꠞꠣꠍ ꠛꠝꠣ⁕ ꠀꠝꠞꠣ ꠀꠝꠣꠞꠣꠞ ꠖꠦꠡꠞꠦ ꠛꠝꠣ ꠔꠘꠦ ꠖꠥꠞꠤ ꠞꠣꠈꠣꠞ ꠖꠣꠄ ꠀꠚꠣꠖꠔ ꠚ꠆ꠟꠣꠁꠐ ꠁꠍꠕꠉꠤꠔ ꠈꠞꠍꠤ⁕
ꠄꠍꠣꠠꠣꠅ ꠛꠤꠞꠡꠁꠔꠛꠣꠞ ꠖꠦꠡꠐꠣꠞ ꠘꠣꠝꠈꠞꠣ ꠚꠔ꠆ꠞꠤꠇꠣ ‘ꠇꠥꠞꠞꠤꠄꠞꠣ ꠖꠦꠟ꠆ꠟꠣ ꠡꠦꠞꠣ’ ꠄꠇ ꠚꠔꠤꠛꠦꠖꠘ ꠈꠄ, ꠁꠔꠣꠟꠤꠞ ꠡꠞꠈꠣꠞ ꠀꠚꠣꠖꠔ ꠛꠣꠋꠟꠣꠖꠦꠡ ꠡꠥꠁꠖꠖꠣ ১৩ꠐꠣ ꠖꠦꠡꠞ ꠟꠉꠦ ꠌꠟꠔꠤ ꠝꠣꠡꠞ ১৪ ꠔꠣꠞꠤꠈ ꠚꠞ꠆ꠎꠘ꠆ꠔ ꠢꠇꠇꠟ ꠚ꠆ꠟꠣꠁꠐ ꠛꠣꠔꠤꠟ ꠈꠞꠍꠦ⁕ ꠖꠦꠡꠉꠥꠁꠘ ꠅꠁꠟ- ꠀꠞꠝꠣꠘꠤꠀ, ꠛꠣꠢꠞꠣꠁꠘ, ꠛꠣꠋꠟꠣꠖꠦꠡ, ꠛ꠆ꠞꠣꠎꠤꠟ, ꠛꠍꠘꠤꠀ, ꠌꠤꠟꠤ, ꠇꠥꠄꠔ, ꠃꠔ꠆ꠔꠞ ꠝꠣꠌꠦꠒꠘꠤꠀ, ꠝꠟꠖꠥꠜꠣ, ꠅꠝꠣꠘ, ꠙꠣꠘꠣꠝꠣ, ꠙꠦꠞꠥ ꠀꠞ ꠞꠤꠙꠣꠛꠟꠤꠇ ꠒꠝꠦꠘꠤꠇꠣꠘ⁕
