শুরমা ফারর খবর ছিলটি জবানে ছিলটর খবর
Related Articles
ꠢꠦꠟꠅ ꠇꠥꠟꠍꠥꠝꠣꠞ ꠝꠣ : ꠍꠤꠟꠦꠐꠤ ꠍꠣꠍꠣꠎꠣꠘ
ꠀꠝꠤ ꠈꠟꠤꠎꠣ ꠚꠍꠣ ꠛꠥꠠꠣ ꠛꠦꠐꠣꠄ “ꠡꠣꠞ꠆ꠕꠚꠞ” ꠈꠔꠣꠐꠣꠞ ꠡꠁꠋꠉꠣ ꠖꠤꠔꠣꠝ ꠚꠣꠞꠔꠣꠝ ꠘꠣꠄ ⁕ ꠇꠤꠘ꠆ꠔꠥ ꠘꠤꠎꠦ ꠖꠣꠔꠦ ꠖꠣꠔꠦ ꠇꠤꠠꠤꠝꠤꠠꠤ ꠈꠣꠁꠀ ꠝꠣꠘꠥꠡꠞ ꠡꠣꠞ꠆ꠕꠚꠞꠔꠣ ꠡꠂꠎ꠆ꠎ ꠈꠞꠣꠞ ꠅꠘꠦꠈ ꠅꠜꠤꠉ꠆ꠉꠔꠣ ꠀꠍꠦ ⁕ ꠀꠝꠣꠞ ꠝꠥꠇ-ꠚꠥꠐꠇꠤꠛꠣꠄ ꠚꠣꠁꠛ ꠢꠣꠞꠣꠁꠀ ꠀꠟ꠆ꠐꠣꠍꠘꠉ꠆ꠞꠣꠚꠤ ꠈꠞꠤꠀ ꠖꠦꠈ, ꠈꠡ꠆ꠐ ꠚꠣꠁꠔꠦ ꠚꠣꠁꠔꠦ ꠀꠝꠣꠞ ꠈꠟꠤꠀ ꠎꠟꠤꠀ “ꠌꠤꠇꠦꠘ ꠇꠣꠛꠣꠛ”ꠞ ꠟꠣꠈꠣꠘ ꠅꠁꠉꠦꠍꠦ ⁕ ꠅꠈꠘ ꠈꠣꠟꠤ ꠘꠥꠘ ꠟꠣꠉꠣꠁꠀ ꠔꠥꠝꠤ ꠈꠣꠅꠀꠞ ꠛꠣꠇꠤ ꠀꠍꠦ ⁕ ꠡꠝꠄ ꠚꠣꠁꠟꠦ ꠀꠁꠎꠅ ꠄꠈꠛꠣꠞ, ꠈꠣꠁꠀ ꠎꠣꠁꠛꠣꠄ ꠉꠤ ⁕
==================================
ꠀꠝꠤ ꠛꠥꠇꠥꠔ ꠀꠔ ꠖꠤꠀ ꠈꠁꠔꠣꠝ ꠚꠣꠞꠝꠥ, ꠝꠥꠔꠟ꠆ꠟꠤ ꠛꠦꠐꠣꠄ ꠔꠥꠝꠣꠞ ꠇꠥꠎ-ꠈꠛꠞ ꠎꠦꠟꠣ ꠘꠤꠍꠦ, ꠇꠥꠘꠥ ꠢꠣꠟꠣꠞ ꠚꠥꠀꠄ ꠁꠟꠣ ꠔꠥꠝꠣꠞ ꠈꠛꠞ ꠘꠤꠔ ꠘꠣꠄ ⁕ ꠔꠥꠝꠣꠞ ꠉꠟꠣꠔ ꠀꠎꠞꠣꠁꠟꠦ ꠊꠘ꠆ꠐꠣ ꠛꠣꠘ꠆ꠖꠤꠟꠣꠁꠟꠦꠅ ꠝꠥꠔꠟ꠆ꠟꠤ ꠍꠣꠠꠣ ꠈꠦꠃꠞꠦ ꠈꠣꠘ꠆ꠖꠣꠔ ꠚꠣꠁꠔꠣꠄ ꠘꠣꠄ ⁕ ꠀꠝꠣꠞ “”ꠟꠣꠟ ꠒꠣꠄꠞꠤ”” ꠅꠁꠟ ꠁꠔꠣ ꠊꠐꠘꠣꠞ ꠄꠈꠝꠣꠔ꠆ꠞ ꠡꠣꠇ꠆ꠇꠤ ⁕ ꠀꠁꠎ ꠎꠣꠞꠣ ꠔꠥꠝꠣꠞ ꠈꠣꠘ꠆ꠖꠣꠔ ꠛꠁꠀ ꠈꠟ꠆ꠟꠣ ꠘꠣꠍꠣꠁꠞꠣ, ꠛꠤꠚꠖꠞ ꠡꠝꠄ ꠈꠁ ꠀꠍꠟꠣ ꠔꠣꠁꠘꠔꠣꠁꠘ ? ꠒꠣꠈꠦ ꠈꠄ ꠘꠣ ꠘꠤ,
“ꠘꠣꠍꠞꠣ ꠛꠦꠐꠤꠞ ꠍꠃꠖ꠆ꠖ ꠢꠣꠁ,
ꠞꠣꠁꠔ ꠚꠥꠀꠁꠟꠦ ꠄꠉꠥꠃ ꠘꠣꠁ”
==================================
ꠘꠤꠎꠞ ꠢꠇ꠆ꠇꠟ ꠈꠣꠝ ꠚꠣꠟꠣꠁꠀ ꠅꠘꠦꠇ ꠈꠔꠤ ꠈꠞꠤꠀ ꠀꠝꠤ ꠔꠥꠝꠣꠞ ꠈꠣꠝ ꠀꠉꠦ ꠈꠞꠍꠤ ⁕ ꠀꠝꠣꠞ ꠈꠔꠣ ꠇꠥꠘꠥ ꠡꠝꠄ ꠍꠤꠘ꠆ꠔꠣ ꠈꠞꠍꠤ ꠘꠣ ⁕ ꠇꠤꠘ꠆ꠔꠥ ꠀꠁꠎ ꠛꠤꠘꠤꠝꠄ ꠖꠤꠞꠣꠄ ꠇꠤꠔꠣ ? ꠀꠞ ꠇꠥꠘ꠆ꠔꠣ ꠘꠣ ꠈꠞꠔꠦ ꠚꠣꠞꠟꠦꠅ ꠅꠘ꠆ꠔꠔꠙꠇ꠆ꠇꠦ ꠇꠤꠔꠉ꠆ꠉ ꠕꠣꠇꠣ ꠔ ꠎꠣꠄ ⁕ ꠇꠤꠘ꠆ꠔꠥ ꠔꠥꠝꠣꠞ ꠝꠔ ꠝꠣꠘꠥꠡꠦ ꠔꠦꠟ ꠛꠦꠛꠢꠣꠞ ꠈꠞꠤꠀ ꠛꠥꠔꠟ ꠁꠐꠣ ꠝꠣꠞꠤ ꠒꠣꠍꠛꠤꠘꠞ ꠝꠣꠏꠦ ꠚꠣꠟꠣꠁ ꠖꠦꠄ, ꠁꠇꠣꠘ ꠀꠝꠣꠞ ꠍꠤꠘ꠆ꠔꠣꠃ ꠀꠍꠤꠟ ꠘꠣ ⁕ ꠀꠝꠤ ꠛꠤꠚꠖ ꠚꠠꠟꠦ ꠔꠥꠝꠤ ꠈꠔꠐꠥꠇꠥ ꠚꠦꠞꠦꠡꠣꠘ ꠅꠁꠛꠣꠄ, ꠁꠇꠐꠣ ꠀꠝꠣꠞ ꠗꠣꠞꠘꠣ ꠅꠁꠉꠦꠍꠦ ⁕ ꠅꠈꠘ ꠀꠞ ꠀꠛꠦꠉ ꠖꠦꠈꠣꠁꠀ ꠘꠤꠎꠞ ꠝꠦꠇꠣꠙ ꠘꠡ꠆ꠐ ꠈꠞꠣ ꠟꠣꠉꠔ ꠘꠣꠄ ⁕
==================================
ꠎꠣꠁꠅꠇ, ꠅꠃ ꠖꠦꠈꠞꠣꠄ ꠘꠤ ꠖꠥꠁꠐꠣ ꠚꠐꠅ ? ꠁꠉꠥꠁꠘ ꠇꠤꠔꠣ ꠎꠣꠘ ꠘꠤ ? ꠀꠝꠣꠞ ꠘꠤꠎꠞ ꠀꠔꠞ ꠟꠦꠈꠣ, ꠘꠤꠎꠞ ꠛꠣꠁꠘ꠆ꠒꠤꠋ ꠈꠞꠣ ꠖꠥꠁꠐꠣ ꠛꠁ ⁕ ꠡꠣꠠꠦ ৩ ꠝꠣꠡ ꠗꠞꠤꠀ ꠅꠘꠦꠈ ꠈꠡ꠆ꠐꠦ ꠛꠣꠘꠣꠁꠍꠤ ꠁꠉꠥꠁꠘ ⁕ ꠃꠖ꠆ꠖꠦꠡ꠆ꠡ ꠀꠍꠤꠟ ꠔꠥꠝꠣꠞ ꠎꠘ꠆ꠝꠖꠤꠘꠅ ꠉꠤꠚꠐ ꠖꠤꠔꠣꠝ ⁕ ꠇꠤꠘ꠆ꠔꠥ, ꠇꠤꠘ꠆ꠔꠥ, ꠇꠤꠘ꠆ꠔꠥ, ꠉꠦꠍꠦ ꠈꠣꠁꠟ ꠞꠣꠁꠔ ꠀꠝꠤ ꠘꠤꠎ ꠀꠔꠦ ꠅꠃ ꠛꠁ ꠖꠥꠁ ꠐꠣ ꠎꠣꠟꠣꠁꠟꠣꠝ ⁕ “ꠘꠤꠟ ꠇꠣꠛ꠆ꠛ” ꠀꠞ “”Silent witness”” ꠛꠁꠉꠥꠁꠘ ꠀꠍꠤꠟ ꠀꠝꠣꠞꠦ ꠖꠦꠅꠀ ꠔꠥꠝꠣꠞ ꠡꠣꠞ꠆ꠕꠚꠞꠔꠣꠝꠥꠟꠇ ꠈꠡ꠆ꠐꠞ ꠡꠣꠇ꠆ꠇꠤ ⁕ ꠔꠥꠝꠤ ꠖꠦꠈꠟꠦ ꠢꠄꠔ ꠛꠥꠏꠔꠣꠄ ꠚꠣꠞꠟꠣꠄ ꠘꠦ ⁕ ꠇꠤꠘ꠆ꠔꠥ ꠅꠈꠘ ꠁ ꠡꠣꠇ꠆ꠇꠤꠖꠄ ꠀꠉꠥꠘꠦ ꠎꠟꠤꠀ ꠖꠣꠔ ꠊꠡꠣꠁꠛꠣꠔ ꠍꠣꠟꠤ ꠅꠁꠉꠦꠍꠦ ⁕ ꠈꠣꠟꠤ Γ ꠐꠣ ꠝꠟꠣꠐ ꠀꠝꠣꠞ ꠉꠦꠍꠦ ꠎꠔ꠆ꠘꠡꠢꠇꠣꠞꠦ ꠀꠍꠦ ⁕
==================================
ꠀꠝꠤ ꠔ ꠔꠥꠝꠣꠞ ꠉꠦꠍꠦ ꠟꠣꠈ ꠐꠦꠈꠣ ꠍꠣꠁꠍꠤ ꠘꠣ, ꠍꠣꠁꠍꠤ ꠢꠣꠟꠇꠣ ꠡꠢꠣꠘꠥꠜꠥꠔꠤ ⁕ ꠈꠁꠍꠤ ꠘꠣ ꠀꠝꠣꠞ ꠟꠣꠉꠤ ꠎꠤꠛꠘ ꠖꠤꠟꠣꠃ, ꠈꠣꠟꠤ ꠈꠁꠍꠤ ꠀꠝꠣꠞ ꠈꠣꠘ꠆ꠖꠣꠔ ꠕꠣꠇꠤꠅ ⁕ ꠄꠈꠐꠣ ꠛꠣꠞ ꠎꠤꠇꠣꠁꠍꠤ ꠘꠣ ꠔꠥꠝꠤ ꠀꠝꠣꠞ ꠟꠣꠉꠤ ꠇꠤꠔꠣ ꠈꠞꠟꠣꠄ ? ꠈꠣꠟꠤ ꠎꠤꠇꠣꠁꠍꠤ, ꠔꠥꠝꠣꠞ ꠀꠞ ꠇꠥꠘꠥ ꠈꠣꠝ ꠀꠍꠦ ꠘꠤ ? ꠀꠝꠤ ꠝꠣꠘꠥꠡ ꠛꠥꠠꠣ ꠅꠁꠔꠣꠝ ꠚꠣꠞꠤ, ꠇꠤꠘ꠆ꠔꠥ ꠛꠥꠞꠛꠈ ꠘꠣꠄ ⁕ ꠔꠥꠝꠣꠞ ꠟꠉꠦ ২ ꠖꠤꠘ ꠕꠣꠇꠤ ꠈꠥꠛ ꠛꠦꠡꠤ ꠝꠣꠁꠞ ꠈꠞꠍꠤ ꠑꠤꠇ ꠀꠍꠦ, ꠔꠛꠥꠅ ꠖꠞꠎꠣꠞ ꠉꠣꠟꠣꠔ ꠔꠥꠝꠣꠞ ꠅꠚꠦꠇ꠆ꠇꠣꠄ ꠃꠛꠣꠘꠅ ꠔꠣꠈꠟꠣꠝ ⁕ ꠚꠤꠞꠤꠀ ꠀꠁꠀ ꠔꠥꠝꠣꠞ ꠚꠍꠘ꠆ꠖ ꠈꠞꠣ ꠘꠣꠝ ꠗꠞꠤꠀ ꠒꠣꠈ ꠖꠤꠅ ⁕
==================================
ꠔꠛꠦ ꠔꠥꠝꠤ ꠀꠞꠦꠈꠣꠘ ꠈꠔꠣ ꠢꠥꠘꠤꠀ ꠞꠣꠈꠤꠅ
“ꠈꠣꠞ ꠟꠣꠉꠤ ꠈꠞꠟꠣꠝ ꠇꠤ
ꠚꠣꠘꠤ ꠒꠣꠁꠟꠦ ꠚꠥꠞꠣꠘꠣ ꠊꠤ”
ꠐꠣꠁꠚꠞ ꠍꠤꠘ꠆ꠔꠣ-ꠜꠣꠛꠘꠣ ꠚꠣꠟꠣꠁꠀ ꠚꠤꠞꠤꠀ ꠀꠁꠅ ꠝꠥꠔꠟ꠆ꠟꠤꠞ ꠛꠥꠇꠥꠔ ⁕ ꠘꠤꠎꠞ ꠟꠣꠉꠤ ꠈꠞꠣ ꠅꠁꠘ꠆ꠘꠞ ꠈꠣꠝꠞ ꠝꠥꠁꠟ꠆ꠟ ꠖꠤꠔꠦ ꠘꠣ ꠚꠣꠞꠟꠦꠅ ꠇꠥꠔꠉ꠆ꠉꠔꠣꠐꠣ ꠡꠤꠇꠣꠞ ꠈꠞꠤꠅ ⁕
