ꠉꠣꠘ
ꠍꠥꠟꠦꠝꠣꠘ ꠛꠣꠃꠟ ________________
ꠀꠉꠞ ꠟꠣꠈꠣꠘ ꠔꠘꠣꠁ ꠀꠝꠣꠞ ꠘꠣꠁ,
ꠅꠛꠣ ꠑꠣꠇꠥꠜꠣꠁ”
ꠀꠉꠞ ꠟꠣꠈꠣꠘ ꠔꠘꠣꠁ ꠀꠝꠣꠞ ꠘꠣꠁ⁕
ꠛꠣꠎꠣꠞ ꠢꠣꠐꠧ ꠅꠈꠘ ꠎꠣꠁ ꠘꠣ.
ꠝꠘꠞ ꠝꠣꠘꠥꠡ ꠈꠦꠃꠞꠦ ꠚꠣꠁ ꠘꠣ,
ꠄꠈꠟꠣ ꠄꠈꠟꠣ ꠖꠤꠘ ꠞꠣꠁꠔ ꠈꠣꠐꠣꠁ॥
(১)
ꠅꠛꠣꠄ ꠢꠛꠣꠄ ꠎꠣꠁꠔꠦ ꠀꠁꠔꠦ.
ꠟꠣꠑꠤ ꠕꠣꠈꠦ ꠀꠝꠣꠞ ꠀꠔꠦ,
ꠃꠑꠔꠦ ꠛꠁꠔꠦ.ꠒꠣꠇꠤ ꠝꠣꠁ ꠉꠧ ꠝꠣꠁ⁕
ꠇꠤꠔꠣ ꠅꠁꠍꠦ ꠍꠇꠦꠞ ꠝꠣꠏꠦ.
ꠍꠣꠐꠣ ꠍꠣꠐꠣ ꠈꠣꠟꠤ ꠟꠣꠉꠦ,
ꠌꠡꠝꠣ ꠟꠣꠉꠣꠁꠀ ꠅꠈꠘ ꠍꠣꠁ॥
(২)
ꠈꠔ ꠎꠣꠔꠞ ꠛꠦꠝꠣꠞ ꠅꠁꠍꠦ.
ꠒꠣꠇ꠆ꠔꠞꠦ ꠀꠝꠣꠞꠦ ꠈꠁꠍꠦ,
ꠊꠞꠧ ꠞꠁꠍꠦ ꠅꠡꠥꠗꠧꠞ ꠛꠥꠏꠣꠁ ⁕
ꠎꠦꠛꠟꠣ ꠛ’ꠁ ꠜꠣꠔ ꠈꠣꠁꠔꠦ.
ꠚꠣꠞꠤꠘꠣ ꠇꠥꠘ꠆ꠔꠣ ꠍꠣꠛꠣꠁꠔꠦ,
ꠟꠠꠣ ꠖꠣꠔꠦ.ꠛꠠ ꠖꠥꠈ ꠚꠣꠁ॥
(৩)
ꠛꠣꠇ꠆ꠇꠣ ꠖꠤꠘꠦ ꠀꠁꠍꠧ ꠔꠥꠝꠤ.
ꠛꠠ ꠇꠥꠡꠤ ꠅꠁꠍꠤ ꠀꠝꠤ,
ꠛꠅ ꠔꠥꠝꠤ, ꠍꠣ ꠚꠣꠘ ꠀꠘꠣꠁ ⁕
(ꠅꠟꠣ)ꠝꠣꠏꠦ ꠝꠣꠏꠦ ꠝꠘꠧ ꠈꠞꠤꠀ
ꠡꠥꠟꠦꠝꠣꠘꠞꠦ ꠖꠦꠈꠤꠅ ꠀꠁꠀ,
ꠔꠥꠝꠣꠞꠦ ꠖꠦꠁ ꠀꠟ꠆ꠟꠣꠢꠞ ꠖꠥꠢꠣꠁ॥