Home / ꠍꠤꠟꠐꠞ ꠡꠣꠁꠔ꠆ꠔ / ꠛꠤꠖꠣꠄ : ꠀꠛꠥ ꠍꠣꠁꠖ

ꠛꠤꠖꠣꠄ : ꠀꠛꠥ ꠍꠣꠁꠖ

——ꠛꠤꠖꠣꠄ ——-
___ ꠀꠛꠥ ꠍꠣꠁꠖ
ꠍꠥꠐꠝꠘꠤ ꠀꠞ ꠈꠣꠘꠔꠦ ꠘꠣꠄ,
ꠀꠍꠔꠦ ꠈꠞꠤ ꠀꠔ ꠗꠞꠔꠦ ꠘꠣꠄ,
ꠇꠤꠟꠇꠤꠟꠣꠁꠀ ꠀꠡꠔꠦꠅ ꠘꠣꠄ;
ꠇꠥꠞ ꠛꠥꠏꠟꠣꠝ ꠘꠣ ꠃꠑꠛꠦ,
ꠄꠈꠟꠣ ꠊꠞ ꠈꠍꠣꠁꠘ ꠇꠤꠟꠣꠘ ꠕꠣꠈꠛꠦ?
ꠅꠔꠣꠞ ꠖꠣꠄ ꠔꠞꠦ ꠖꠤꠟꠣꠁꠟꠣꠝ ꠢꠞꠣꠁꠀ,
ꠢꠈꠟꠔꠣ ꠜꠥꠟꠤꠀ ꠖꠟꠣ ꠈꠣꠚꠠ ꠚꠤꠘ꠆ꠖꠣꠁꠀ⁕
ꠔꠥꠇꠣꠁꠝꠥ ꠔꠞꠦ ꠢꠣꠁꠘꠎꠣꠄ, ꠔꠤꠡꠣꠁꠘꠎꠣꠄ-
ꠀꠡꠝꠣꠘꠦꠖꠤ ꠍꠣꠁꠀ, ꠘꠣꠁꠟꠦ ꠃꠋꠉꠣꠁ, ꠃꠋꠉꠣꠁ⁕
ꠍꠤꠔꠤꠞ ꠝꠣꠏꠦ ꠕꠣꠈꠛ ꠔꠞ ꠍꠣꠄꠀ,
ꠛꠦꠢꠦꠍꠔ ꠚꠥꠞꠔꠤ ꠈꠞ; ꠖꠤꠟꠣꠝ ꠝꠣꠄꠀ!

 

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠀꠝꠣꠞ ꠀꠔꠞ : ꠡꠣꠝꠤꠝ ꠀꠎꠣꠖ

ꠚꠁꠖ꠆ꠖ: ꠀꠝꠣꠞ ꠀꠔꠞ [আমার আতর] ꠚꠁꠖ꠆ꠖꠉꠣꠞ: ꠡꠣꠝꠤꠝ ꠀꠎꠣꠖ ꠔꠣꠁꠘ ꠀꠝꠣꠞ ꠟꠉ ꠟꠁꠘ ꠡꠣꠠꠤꠞ ꠛꠣꠁꠘ꠆ꠎꠦ ꠛꠣꠁꠘ꠆ꠎꠦ …