শুরমা ফারর খবর ছিলটি জবানে ছিলটর খবর
Related Articles
ꠉꠦꠍꠦ ꠈꠅꠖꠤꠘ ꠕꠣꠇꠤ ꠚꠣꠈꠣꠃꠠꠣꠁꠘ꠆ꠔꠦ ꠜꠞꠤꠉꠦꠍ ꠍꠤꠟꠐꠞ ꠉꠥꠟꠣꠚꠉꠂꠘ꠆ꠎꠞ ꠍꠘꠇꠤꠔ꠆ꠔꠣ⁕ ꠞꠥꠎ ꠡ ꠡ ꠝꠣꠘꠥꠡ ꠖꠥꠞꠖꠥꠞꠣꠘ꠆ꠔ ꠔꠘꠦ ꠍꠘꠇꠤꠔ꠆ꠔꠣꠞ ꠡꠥꠘ꠆ꠖꠞ꠆ꠎ ꠖꠦꠈꠣꠞ ꠖꠣꠄ ꠀꠁꠘ⁕ ꠔꠄ ꠛꠦꠡꠤ ꠖꠤꠘ ꠐꠤꠇꠍꠦ ꠘꠣ ꠁ ꠡꠥꠘ꠆ꠖꠞ꠆ꠎ⁕ ꠈꠛꠤꠍꠤ ꠛꠘ꠆ꠗꠦ ꠄꠟꠣꠇꠣꠛꠣꠡꠤꠄ ꠀꠉꠥꠁꠘ ꠖꠤꠀ ꠚꠥꠠꠣꠁꠟꠣꠁꠘ ꠍꠘꠇꠤꠔ꠆ꠔꠣꠞꠦ⁕
ꠡꠥꠇ꠆ꠇꠥꠞꠛꠣꠞ (১ ꠅꠇ꠆ꠐꠥꠛꠞ) ꠢꠣꠁꠘ꠆ꠎꠣꠛꠣꠄ ꠕꠣꠘꠤꠅ ꠄꠟꠣꠇꠣꠛꠣꠡꠤ ꠖꠟꠣ ꠅꠁꠀ ꠍꠘꠇꠤꠔ꠆ꠔꠣꠔ ꠀꠉꠥꠁꠘ ꠗꠞꠣꠁꠟꠣꠁꠘ⁕
ꠕꠣꠘꠤꠅ ꠅꠈꠟꠦ ꠈꠂꠘ, ꠡꠥꠇ꠆ꠇꠥꠞꠛꠣꠞ ꠛꠘ꠆ꠗꠞ ꠖꠤꠘ ꠕꠣꠇꠣꠄ ꠀꠎꠣꠞꠧ ꠝꠣꠘꠡꠞ ꠀꠅꠀ ꠅꠄ ꠁ ꠍꠘꠇꠤꠔ꠆ꠔꠣꠔ⁕ ꠚꠞꠤꠛꠣꠞ-ꠚꠞꠤꠎꠘ ꠟꠁꠀ ꠖꠥꠞꠖꠥꠞꠣꠘ꠆ꠔ ꠔꠘꠦ ꠝꠣꠘꠥꠡ ꠀꠁꠞꠣ⁕ ꠍꠘꠇꠤꠔ꠆ꠔꠣꠞ ꠡꠥꠘ꠆ꠖꠞ꠆ꠎ ꠖꠦꠈꠣꠞ ꠘꠣꠝ ꠈꠞꠤ ꠄꠈꠖꠟ ꠝꠣꠘꠥꠡ ꠄꠘꠧ ꠈꠛꠤꠍꠤ ꠈꠞꠞꠣ⁕ ꠘꠤꠖ ꠍꠘꠇꠤꠔ꠆ꠔꠣꠞ ꠀꠅꠠꠧ ꠈꠣꠞꠣꠚ ꠈꠣꠝ ꠍꠟꠦꠞ⁕ ꠎꠣꠞ ꠖꠣꠄ ꠄꠟꠣꠇꠣꠔ ꠁꠉꠥꠞ ꠀꠍꠞ ꠚꠠꠍꠦ⁕ ꠁꠛꠣꠄ ꠀꠁꠎꠇꠥ ꠈꠄꠈꠛꠣꠞ ꠍꠥꠐ ꠍꠥꠐ ꠝꠣꠞꠣꠝꠣꠞꠤꠞ ꠊꠐꠘꠣ ꠊꠐꠍꠦ ꠁꠘꠧ⁕ ꠎꠦꠍꠣ ꠡꠝꠄ ꠛꠠ ꠇꠥꠘꠥ ꠊꠐꠘꠣꠅ ꠊꠐꠤꠎꠤꠔꠧ ꠚꠣꠞꠦ⁕ ꠄꠟ꠆ꠟꠣꠉꠤ ꠢꠈꠟꠔꠣ ꠍꠤꠘ꠆ꠔꠣ ꠈꠞꠤ ꠍꠘꠇꠤꠔ꠆ꠔꠣꠔ ꠀꠉꠥꠁꠘ ꠖꠦꠅꠀ ꠅꠄ ꠈꠞꠤ ꠎꠣꠘꠣ ꠉꠦꠍꠦ⁕
ꠢꠤꠛꠣꠄ ꠍꠘꠇꠤꠔ꠆ꠔꠣꠔ ꠀꠉꠥꠁꠘ ꠗꠞꠣꠘꠤꠄ ꠛꠃꠔꠦ ꠝꠣꠔꠣꠝꠣꠔꠤꠅ ꠈꠞꠍꠂꠘ⁕
