Home / ꠍꠤꠟꠐ / ꠡꠣꠁꠍ꠆ꠕꠛꠤꠗꠤ ꠝꠣꠘꠤ ꠍꠤꠟꠐ ꠁꠖꠥꠟ ꠀꠎꠢꠣ ꠚꠣꠟꠘ

ꠡꠣꠁꠍ꠆ꠕꠛꠤꠗꠤ ꠝꠣꠘꠤ ꠍꠤꠟꠐ ꠁꠖꠥꠟ ꠀꠎꠢꠣ ꠚꠣꠟꠘ

ꠗꠞ꠆ꠝꠤꠅ ꠝꠁꠞ꠆ꠎꠣꠖꠣ ꠀꠞ ꠜꠣꠛꠉꠣꠝ꠆ꠜꠤꠞ꠆ꠎꠞ ꠝꠣꠏ ꠖꠤꠀ ꠍꠤꠟꠐ ꠛꠤꠜꠣꠉ ꠁꠖꠥꠟ ꠀꠎꠢꠣ ꠃꠖꠎꠣꠚꠘ ꠅꠁꠟ⁕ ꠜꠤꠠ ꠈꠝ ꠅꠀꠞ ꠖꠣꠄ ꠛꠃꠔ ꠝꠌ꠆ꠌꠤꠖ ꠖꠥꠁꠔꠤꠘ ꠎꠝꠣꠔ ꠅ ꠅꠁꠍꠦ⁕ ꠀꠛꠢꠣꠅꠀ ꠛꠣꠞ꠆ꠔꠣꠔ ꠁꠖꠞ ꠖꠤꠘ ꠝꠦꠊꠞ ꠈꠕꠣ ꠈꠀ ꠅꠁꠟꠦꠅ ꠁꠖꠤꠘ ꠛꠤꠀꠘ ꠔꠘꠦ ꠀꠡꠝꠣꠘꠅ ꠞꠁꠖ ꠀꠍ꠆ꠟ⁕

ꠁꠛꠣꠄ ꠡꠣꠁꠍ꠆ꠕꠛꠤꠗꠤ ꠝꠣꠘꠤ ꠡꠣꠝꠣꠎꠤꠇ ꠖꠥꠞꠔ꠆ꠔ ꠞꠣꠇꠤꠀ ꠡꠘꠤꠛꠣꠞ ꠍꠤꠟꠐ ꠍꠤꠐꠤ ꠡꠥꠁꠖ꠆ꠖꠣ ꠛꠤꠜꠣꠉꠞ ꠍꠣꠁꠞ ꠎꠤꠟꠣꠞ ꠝꠌ꠆ꠌꠤꠖ ꠝꠌ꠆ꠌꠤꠖ ꠝꠥꠍꠟ꠆ꠟꠤꠘ꠆ꠔꠦ ꠁꠖꠥꠟ ꠀꠎꠢꠣꠞ ꠘꠝꠣꠎ ꠀꠖꠣꠄ ꠈꠞꠍꠁꠘ⁕ ꠁꠖꠞ ꠘꠝꠣꠎ ꠀꠖꠣꠄ ꠈꠞꠤ ꠎꠣꠘꠈꠣꠠꠣ ꠇꠞꠘꠣ ꠜꠣꠁꠞꠣꠡ ꠔꠘꠦ ꠞꠦꠀꠁ ꠚꠣꠁꠔꠦ ꠝꠢꠣꠘ ꠞꠣꠛ꠆ꠛꠥꠟ ꠀꠟꠣꠝꠤꠘꠞ ꠖꠞꠛꠣꠞ ꠖꠥꠀ ꠍꠣꠅꠀ ꠅꠄ⁕ ꠛꠣꠖꠦ ꠗꠞ꠆ꠝꠙ꠆ꠞꠣꠘ ꠝꠥꠍꠟꠝꠣꠘ ꠅꠈꠟꠦ ꠡꠣꠝꠁꠞ꠆ꠕ ꠅꠘꠥꠎꠣꠁ ꠎꠣꠘꠥꠀꠞ ꠇꠥꠞꠛꠣꠘꠤ ꠈꠞꠁꠘ⁕

ꠍꠤꠟꠐ ꠁꠛꠣꠞ ꠎꠣꠘꠥꠀꠞꠞ ꠖꠣꠝ ꠇꠤꠘꠣꠞ ꠝꠣꠏꠦ ꠀꠍ꠆ꠟ⁕ ꠀꠈꠔꠣ ꠖꠣꠝ ꠛꠣꠠꠣ ꠛꠣ ꠔꠥꠠꠣ ꠎꠣꠘꠥꠀꠞ ꠁꠎꠣꠔ ꠈꠛꠞ ꠚꠣꠅꠀ ꠉꠦꠍꠦꠘꠣ⁕ ꠀꠁꠘꠡꠤꠋꠇꠟꠣ ꠚꠞꠤꠍ꠆ꠕꠤꠔꠤ ꠅ ꠑꠤꠇꠐꠣꠇ ꠀꠍ꠆ꠟ⁕

ꠍꠤꠟꠐ ꠍꠤꠐꠤꠞ ꠝꠌ꠆ꠌꠤꠖ ꠅꠈꠟꠅ ꠁꠖꠞ ꠎꠝꠣꠔ ꠢꠇ꠆ꠇꠟ ꠎꠣꠔꠤ ꠝꠣꠘꠥꠡ ꠡꠞꠤꠇ ꠅꠁꠘ⁕ ꠛꠤꠀꠘ ৮ꠐꠣꠔ ꠁꠖꠥꠟ ꠀꠎꠢꠣꠞ ꠚꠗꠣꠘ ꠅ ꠚꠕꠝ ꠎꠝꠣꠔ ꠚꠠꠣ ꠅꠄ ꠢꠎꠞꠔ ꠡꠣꠢꠎꠣꠟꠣꠟ (ꠞꠢ.) ꠝꠣꠎꠣꠞ ꠝꠌ꠆ꠌꠤꠖꠅ⁕ ꠎꠝꠣꠔꠞ ꠁꠝꠣꠝꠔꠤ ꠈꠞꠁꠘ ꠝꠌ꠆ꠌꠤꠖꠞ ꠈꠔꠤꠛ ꠅ ꠁꠝꠣꠝ ꠢꠣꠚꠤꠎ ꠝꠣꠅꠟꠣꠘꠣ ꠀꠡꠎꠣꠖ ꠀꠢꠝꠖ⁕ ꠄꠇꠤ ꠡꠝꠄ ꠇꠥꠖꠞꠔ ꠃꠟ꠆ꠟꠣꠢ ꠎꠣꠝꠦ ꠝꠌ꠆ꠌꠤꠖꠅ ꠅ ꠎꠝꠣꠔ ꠚꠠꠣꠞ ꠟꠉꠦ ꠍꠤꠐꠤꠞ ꠛꠃꠔ ꠝꠌ꠆ꠌꠤꠖꠅ ꠛꠤꠀꠘꠦ ꠎꠝꠣꠔ ꠀꠖꠣꠅ ꠈꠞꠣ ꠅꠄ⁕ ꠄꠍꠣꠠꠣ ꠢꠎꠞꠔ ꠡꠣꠢꠙꠞꠣꠘ (ꠞꠢ.) ꠝꠣꠎꠣꠞ ꠝꠌ꠆ꠌꠤꠖ ꠛꠤꠀꠘ ৮ꠐꠣꠔ, ꠛꠘ꠆ꠖꠞꠛꠣꠎꠣꠞ ꠇꠦꠘ꠆ꠖ꠆ꠞꠤꠅ ꠎꠣꠝꠦ ꠝꠌ꠆ꠌꠤꠖ ꠛꠤꠀꠘ ৮ꠐꠣꠔ, ꠉꠣꠎꠤ ꠛꠥꠞꠢꠣꠘ ꠃꠖ꠆ꠖꠤꠘ (ꠞꠢ.) ꠝꠣꠎꠣꠞ ꠝꠌ꠆ꠌꠤꠖ ꠛꠤꠀꠘ ৯ꠐꠣꠔ ꠁꠖꠞ ꠎꠝꠣꠔ ꠚꠠꠣ ꠅꠄ⁕

5/5 - (1 vote)

About abu sayeed

Check Also

ꠍꠤꠟꠐꠤ ꠜꠣꠡꠣꠞ ꠡꠍꠦꠔꠘꠔꠣꠞ ꠖꠣꠄ ꠛꠤꠀꠘꠤꠛꠣꠎꠣꠞ ꠢꠤꠞꠤ ꠚꠞꠤꠇ꠆ꠇꠣ

ꠝꠣꠔꠣꠝꠣꠔꠤꠞ ꠡꠁꠋꠇꠣꠛꠣꠄ ꠍꠤꠟꠐꠤ ꠅꠁꠟ ꠉꠤꠀ ꠖꠥꠘꠤꠀꠞ ꠢꠇꠟ ꠔꠘꠦ ꠛꠦꠡꠝꠣꠔꠞꠣ ꠝꠣꠔꠞ ꠝꠣꠎꠦ ৯৭ ꠟꠝ꠆ꠛꠞ⁕ ꠁ ꠜꠣꠡꠣꠞ …