ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু]
ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ ꠡꠣꠢ ꠞꠝꠤꠎ ꠀꠟꠤ [Romiz Pagla Aka Shah Romiz Ali]
ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ ꠛꠢꠥꠖꠤꠘꠦ ꠚꠣꠁꠍꠤ ꠔꠥꠝꠣꠞ ꠟꠣꠉ
ꠖꠣꠠꠣꠃ ꠘꠣꠁꠟꠦ ꠙ꠆ꠞꠦꠝꠣꠉꠥꠘꠦ ꠈꠞꠦ ꠖꠤꠝꠥ ꠈꠣꠇ꠆ ।।
ꠄꠈꠐꠣ ꠈꠕꠣ ꠈꠁ ꠞꠦ ꠛꠘ꠆ꠗꠥ ꠘꠣ-ꠈꠞꠤꠅ ꠞꠣꠉ
ꠀꠝꠣꠄ ꠍꠦꠠꠦ ꠈꠣꠞ ꠡꠋꠉꠦ ꠔꠞ ꠄꠔ ꠁꠔꠤꠜꠣꠉ ।।
ꠀꠝꠤ ꠇꠤ ꠖꠤꠍꠟꠣꠝ ꠘꠣ ꠞꠦ ꠛꠘ꠆ꠗꠥ ꠀꠖꠞ ꠅ ꠡꠥꠢꠣꠉ
ꠅꠜꠣꠉꠤꠘꠤ ꠘꠣꠞꠤꠞ ꠙ꠆ꠞꠦꠝꠦ ꠖꠦꠈꠣꠁꠟꠣꠄ ꠖꠦꠝꠣꠉ ।।
ꠈꠔ ꠘꠤꠡꠤ ꠉꠦꠟ ꠛꠘ꠆ꠗꠥ ꠕꠣꠇꠤꠀ ꠡꠎꠣꠉ
ꠄꠈꠘ ꠀꠝꠣꠞ ꠀꠘ꠆ꠗꠣꠁꠞ ꠊꠠꠦ ꠎꠟꠦ ꠘꠣ ꠍꠦꠞꠣꠉ ।।
ꠞꠝꠤꠎ ꠚꠣꠉꠟ ꠝꠞꠦ ꠎꠖꠤ ꠟꠁꠀ ꠙ꠆ꠞꠦꠝꠦ ꠀꠉ
ꠡꠦꠡ ꠛꠤꠍꠣꠞꠦ ꠖꠤꠈꠣꠁꠛ ꠛꠥꠇꠦꠞ ꠚꠥꠠꠣ ꠖꠣꠉ ।।