Home / ꠍꠤꠟꠐ / ꠍꠤꠟꠐ ꠄꠇꠤ ꠛꠦꠘꠣꠞꠅ ꠀ.ꠟꠤꠉ ꠅ ꠛꠤꠄꠘꠙꠤꠞ ꠖꠥꠁ ꠝꠥꠞ꠆ꠖꠣ ꠘꠦꠔꠣꠞꠦ ꠁꠀꠖ!

ꠍꠤꠟꠐ ꠄꠇꠤ ꠛꠦꠘꠣꠞꠅ ꠀ.ꠟꠤꠉ ꠅ ꠛꠤꠄꠘꠙꠤꠞ ꠖꠥꠁ ꠝꠥꠞ꠆ꠖꠣ ꠘꠦꠔꠣꠞꠦ ꠁꠀꠖ!

ꠍꠛꠤ: ꠅꠘꠟꠣꠁꠘ ꠔꠘꠦ

ꠍꠤꠟꠐꠞꠦ ꠈꠀ ꠅꠄ ꠢꠥꠀꠉꠤ ꠍꠤꠟꠐ⁕ ꠎꠦꠈꠐꠣ ꠗꠞ꠆ꠝꠤꠅ ꠛꠣꠄ ꠅꠃꠇ, ꠀꠘ꠆ꠘꠣꠁꠟꠦ ꠞꠣꠎꠘꠤꠔꠤꠇ ꠛꠣꠄ ꠅꠃꠇ⁕ ꠢꠣꠞꠣꠖꠦꠡꠞ ꠛꠃꠔ ꠎꠦꠉꠣꠔ ꠎꠦꠛ꠆ꠟꠣ ꠚꠗꠣꠘ ꠞꠣꠎꠘꠤꠔꠤꠇ ꠖꠟ ꠅꠈꠟꠦ ꠄꠈꠎꠘꠦ ꠀꠞꠎꠘꠞꠦ ꠊꠥꠞ ꠚꠔꠤꠙꠇ꠆ꠈ ꠝꠘꠈꠞꠦ, ꠢꠦꠛ꠆ꠟꠣ ꠍꠤꠟꠐ ꠞꠣꠎꠘꠤꠔꠤꠇ ꠚꠤꠟ꠆ꠒ ꠚꠥꠞꠣ ꠢꠥꠀꠉꠤ⁕ ꠎꠦꠈꠐꠣꠞ ꠡꠛꠢꠦꠡ ꠚꠝꠣꠘ ꠍꠤꠟꠐꠞ ꠝꠥꠞ꠆ꠖꠣ ꠖꠥꠁ ꠘꠦꠔꠣ- ꠄꠈꠎꠘ ꠀꠅꠀꠝꠤ ꠟꠤꠉꠞ ꠀꠞꠎꠘ ꠛꠤꠄꠘꠙꠤꠞ ꠇꠦꠘ꠆ꠖ꠆ꠞꠤꠅ ꠚꠞꠎꠣꠅꠞ ꠖꠥꠁ ꠘꠦꠔꠣꠞ ꠁꠀꠖ ꠅꠘꠥꠡ꠆ꠑꠣꠘ ꠄꠇꠤ ꠛꠦꠘꠣꠞ ꠅꠘꠥꠡ꠆ꠐꠤꠔ ꠅꠁꠍꠦ⁕

ꠖꠞꠉꠣꠢ ꠉꠦꠁꠐ ꠄꠟꠣꠇꠣꠞ ꠛꠦꠛꠡꠣꠁ ꠀꠛ꠆ꠖꠥꠞ ꠞꠢꠝꠣꠘ ꠞꠤꠙꠘ ꠀꠞ ꠍꠁꠅꠖ ꠞꠣꠎꠘ ꠀꠢꠝꠖꠞ ꠃꠖ꠆ꠎꠥꠉꠦ ꠖꠞꠉꠣꠢ ꠉꠦꠁꠐꠞ ꠄꠈ ꠀꠛꠣꠡꠤꠇ ꠢꠥꠐꠦꠟꠞ ꠢꠟꠞꠥꠝꠅ ꠍꠤꠟꠐꠞ ꠖꠥꠁ ꠝꠥꠞ꠆ꠖꠣ ꠞꠣꠎꠘꠤꠔꠤꠛꠤꠖꠞ ꠁꠀꠖꠦ ꠡꠘꠤꠛꠣꠞ ꠝꠣꠖꠣꠘꠤꠛꠣꠟꠣ ꠖꠥꠀ ꠝꠣꠢꠚꠤꠟ ꠅꠘꠥꠡ꠆ꠐꠤꠔ ꠅꠄ⁕ ꠛꠣꠋꠟꠣꠖꠦꠡ ꠀꠅꠀꠝꠤ ꠟꠤꠉꠞ ꠇꠦꠘ꠆ꠖ꠆ꠞꠤꠅ ꠡꠖꠁꠡ꠆ꠡ ꠝꠤꠔ ꠛꠖꠞ ꠃꠖ꠆ꠖꠤꠘ ꠀꠢꠝꠖ ꠇꠣꠝꠞꠣꠘ ꠀꠞ ꠛꠤꠄꠘꠙꠤꠞ ꠌꠤꠀꠞꠙꠣꠞꠍꠘ ꠈꠣꠟꠦꠖꠣ ꠎꠤꠀꠞ ꠃꠙꠖꠦꠡ꠆ꠐꠣ ꠝꠤꠔ ꠄꠝ ꠄ ꠢꠇꠞꠦ ꠁꠀꠖ ꠈꠞꠤ ꠀꠃꠎꠤꠔ ꠁ ꠖꠥꠀ ꠝꠣꠢꠚꠤꠟꠅ ꠃꠚꠍꠕꠤꠔ ꠀꠍꠟꠣ ꠍꠤꠟꠐ ꠝꠢꠣꠘꠉꠞ ꠀꠅꠀꠝꠤ ꠟꠤꠉꠞ ꠡꠣꠛꠦꠇ ꠡꠣꠗꠣꠞণ ꠡꠝ꠆ꠙꠣꠖꠇ ꠀꠍꠣꠖ ꠃꠖ꠆ꠖꠤꠘ ꠀꠢꠝꠖꠡꠢ ꠕꠣꠘꠤꠅ ꠛꠃꠔ ꠀꠅꠀꠝꠤ ꠟꠤꠉ ꠅ ꠛꠤꠄꠘꠙꠤꠞ ꠘꠦꠔ꠆ꠞꠤꠛꠤꠘ꠆ꠖ⁕

ꠡꠘꠤꠛꠣꠞ ꠞꠣꠁꠔꠇꠥ ꠄꠇꠤ ꠛꠦꠘꠣꠞ ꠛꠖꠞ ꠃꠖ꠆ꠖꠤꠘ ꠀꠢꠝꠖ ꠇꠣꠝꠞꠣꠘ ꠀꠞ ꠄꠝ ꠄ ꠢꠇꠞ ꠁꠀꠖꠞ ꠖꠣꠄ ꠖꠥꠀ ꠝꠣꠢꠚꠤꠟꠞ ꠁꠎꠣꠔ ꠍꠛꠤ ꠚꠦꠍꠛꠥꠇ ꠡꠁꠔꠦ ꠛꠤꠜꠤꠘ꠆ꠘ ꠍꠡꠣꠟ ꠝꠤꠒꠤꠀꠔ ꠍꠣꠘꠤ ꠉꠦꠟꠦ ꠚꠡꠋꠡꠣ ꠅꠁꠔꠦ ꠕꠣꠈꠦ⁕ ꠁꠟꠣꠘ ꠃꠖ꠆ꠖꠥꠉꠞꠦ ꠢꠥꠀꠉꠞ ꠅꠘꠁꠘ꠆ꠘ ꠖꠤꠡ꠆ꠐꠣꠘ꠆ꠔ ꠃꠟ꠆ꠟꠦꠇ ꠈꠞꠤ ꠅꠔꠣ ꠍꠞ꠆ꠍꠣ ꠢꠣꠞꠣꠖꠦꠡ ꠈꠞꠣ ꠃꠍꠤꠔ ꠈꠁꠀ ꠇꠝꠦꠘ꠆ꠐ ꠈꠞꠍꠁꠘ ꠛꠃꠔꠦ⁕

ꠛꠃꠔꠦ ꠇꠝꠦꠘ꠆ꠐ ꠈꠁꠍꠁꠘ, ꠍꠤꠟꠐꠞ ꠞꠣꠎꠘꠤꠔꠤꠔ ꠛꠖꠞ ꠃꠖ꠆ꠖꠤꠘ ꠀꠢꠝꠖ ꠇꠣꠝꠞꠣꠘ ꠀꠞ ꠄꠝ ꠄ ꠢꠇ ꠀꠍꠟꠣ ꠚꠥꠞꠣꠚꠥꠞꠤ ꠀꠋꠡꠣꠀꠋꠡꠤ ꠝꠥꠇ꠆ꠔ⁕ ꠔꠣꠞꠣꠞ ꠖꠦꠈꠣꠁꠟ ꠙꠕ ꠅꠘꠇꠥꠞ ꠞꠣꠎꠘꠤꠔꠤꠛꠤꠖ ꠅꠈꠟ ꠌꠟꠟꠦ ꠞꠣꠎꠘꠤꠔꠤꠇ ꠢꠣꠝꠟꠣ-ꠝꠣꠝꠟꠣ ꠛꠃꠔꠔꠣ ꠈꠝꠤ ꠎꠤꠛ⁕

ꠈꠀ ꠟꠣꠉꠦ, ꠇꠞꠘꠣ ꠅꠁꠀ ꠛꠖꠞ ꠃꠖ꠆ꠖꠤꠘ ꠀꠢꠝꠖ ꠇꠣꠝꠞꠣꠘ ꠀꠞ ꠄꠝ ꠄ ꠢꠇ ꠖꠁꠅꠎꠘ ꠝꠣꠞꠣ ꠎꠣꠁꠘ⁕ ꠉꠦꠍꠦ ৩ ꠎꠥꠟꠣꠁ ꠉꠔ꠆ꠞ ꠘꠤꠝꠥꠘꠤꠀ ꠀꠞ ꠇꠞꠘꠣꠞ ꠍꠤꠘ ꠟꠁ ꠍꠤꠟꠐꠞ ꠘꠞ꠆ꠕ ꠁꠍ꠆ꠐ ꠝꠦꠒꠤꠇꠦꠟ ꠇꠟꠦꠎ ꠀꠡꠙꠣꠔꠣꠟ ꠅꠡꠗ ꠈꠞꠣꠘꠤꠔ ꠈꠣꠟꠦꠖꠣ ꠎꠤꠀꠞ ꠃꠚꠖꠦꠡ꠆ꠐꠣ ꠄꠝ ꠄ ꠢꠇ ꠢꠦꠡꠝꠦꠡ ꠝꠥꠀ ꠚꠣꠟꠣꠁꠘ⁕ ꠄꠞ ꠀꠉꠦ ꠉꠦꠍꠦ ১৪ꠁ ꠎꠥꠘ ꠖꠤꠘꠝꠣꠞꠤ ꠞꠣꠁꠔ ꠚꠘꠦ ৩ꠐꠣ ꠛꠣꠄ ꠇꠞꠘꠣꠔ ꠢꠣꠍꠞꠤꠀ ꠅꠡꠗ ꠈꠞꠣꠘꠤꠔ ꠍꠤꠟꠐ ꠍꠤꠐꠤ ꠇꠞꠙꠥꠞꠦꠡꠘꠞ ꠡꠣꠛꠦꠈ ꠝꠦꠅꠞ ꠀꠞ ꠀꠅꠀꠝꠤ ꠟꠤꠉꠞ ꠇꠦꠘ꠆ꠖ꠆ꠞꠤꠅ ꠘꠤꠞ꠆ꠛꠣꠁ ꠡꠖꠁꠡ꠆ꠡ ꠛꠖꠞ ꠃꠖ꠆ꠖꠤꠘ ꠀꠢꠝꠖ ꠇꠣꠝꠞꠣꠘ ꠢꠦꠡꠝꠦꠡ ꠝꠥꠀ ꠚꠣꠟꠣꠁꠘ⁕

Rate this post

About abu sayeed

Check Also

ꠎꠁꠉꠁꠘ ꠐꠣꠈ ꠅ ꠝꠐꠞꠍꠣꠁꠇꠦꠟ ꠝꠥꠇꠣꠝꠥꠇꠤ ꠖꠣꠇ꠆ꠇꠣꠄ ꠄꠈ ꠛꠦꠐꠣꠞ ꠝꠃꠔ ꠅ ꠛꠦꠐꠣꠞ ꠚꠥꠀ ꠛꠠ ꠀꠈꠣꠞꠞ ꠎꠈꠝꠤꠀ⁕

ꠎꠁꠉꠁꠘ ꠐꠣꠈ ꠅ ꠝꠐꠞꠍꠣꠁꠇꠦꠟ ꠝꠥꠇꠣꠝꠥꠇꠤ ꠖꠣꠇ꠆ꠇꠣꠄ ꠄꠈ ꠛꠦꠐꠣꠞ ꠝꠃꠔ ꠅ ꠛꠦꠐꠣꠞ ꠚꠥꠀ ꠛꠠ ꠀꠈꠣꠞꠞ ꠎꠈꠝꠤꠀ⁕ …