শুরমা ফারর খবর ছিলটি জবানে ছিলটর খবর
Related Articles
ꠒꠤꠎꠤꠐꠣꠟ ꠘꠤꠞꠣꠚꠔ꠆ꠔꠣ ꠀꠁꠘ (ꠒꠤꠄꠍꠄ) ꠛꠘ ꠈꠞꠤꠀ ꠞꠣꠈꠣꠞ ꠟꠣꠉꠤ ꠎꠣꠔꠤꠡꠋꠊꠞ ꠛꠤꠡꠦꠡ ꠖꠥꠔ ꠅꠟꠤꠜꠤꠀꠞ ꠒꠤ ꠡꠥꠐꠣꠞꠦ ꠈꠣꠎ ꠈꠁꠍꠂꠘ ⁕
ꠔꠣꠁꠘ ꠏꠣꠟꠣꠔꠣꠁꠡ ꠏꠣꠘꠣꠁꠀ ꠈꠁꠟꠣ, ꠀꠁꠘ ꠁꠇꠣꠘꠞꠦ ꠀꠔꠤꠀꠞ ꠈꠞꠤꠀ ꠡꠣꠋꠛꠣꠖꠤꠇ, ꠝꠣꠘꠛꠣꠗꠤꠇꠣꠞꠈꠞ꠆ꠝꠤ, ꠛꠤꠞꠥꠗꠤ ꠞꠣꠎꠘꠤꠔꠤꠛꠤꠖ ꠅꠈꠟꠞ ꠝꠔ ꠖꠤꠛꠣꠞ ꠡꠣꠗꠤꠘꠔꠣꠞꠦ ꠈꠞ꠆ꠛ ꠈꠞꠣ ꠅꠁꠍꠦ ⁕ ꠄꠞꠖꠣꠄ ꠏꠥꠁꠔꠝꠔꠧ ꠛꠣꠃꠇ ꠘꠣ ꠈꠞꠣ ꠚꠞꠏꠘ꠆ꠔ ꠁ ꠀꠁꠘꠞꠦ ꠛꠘ ꠞꠣꠈꠣ ꠃꠍꠤꠔ ⁕ ꠛꠣꠋꠟꠣꠖꠦꠡꠧ ১২ ꠖꠤꠘꠞ ꠡꠚꠞ ꠛꠣꠖꠦ ꠉꠦꠎꠦꠈꠣꠁꠟ ꠡꠝꠛꠣꠞ ꠞꠣꠎꠗꠣꠘꠤꠞ ꠄꠈ ꠢꠥꠐꠦꠟꠧ ꠡꠋꠛꠣꠖ ꠡꠝ꠆ꠝꠦꠟꠦꠘꠧ ꠔꠣꠁꠘ ꠅꠔꠣ ꠝꠣꠔꠂꠘ ⁕
ꠡꠥꠐꠣꠞꠦ ꠈꠁꠘ, ꠒꠤꠄꠍꠄ ꠈꠣꠁꠞ꠆ꠏꠈꠞ ꠅꠀꠞ ꠛꠣꠖ ꠔꠘꠦ ꠅꠈꠘ ꠁꠝꠣ ২৪০০ ꠎꠘꠞ ꠛꠦꠡꠤ ꠝꠣꠘꠡꠞꠦ ꠛꠤꠍꠣꠞ ꠈꠞꠣ ꠅꠁꠍꠦ ꠀꠞ ꠔꠣꠞꠣꠞ ꠝꠣꠏꠔꠘꠦ ꠈꠔꠎꠘꠞꠦ ꠛꠣꠇ꠆ꠇꠣ ꠖꠤꠘ ꠗꠞꠤ ꠘꠥ ꠀꠐꠈꠣꠁꠀ ꠞꠣꠈꠣ ꠅꠁꠍꠦ ⁕ ꠝꠣꠘꠛꠣꠗꠤꠇꠣꠞꠞ ꠟꠣꠉꠤꠘ ꠏꠦꠞꠣ ꠟꠠꠣꠁ ꠈꠞꠦ, ꠢꠦꠞꠣ ꠒꠞꠧꠞ ꠝꠣꠏꠦ ꠕꠣꠈꠛ, ꠏꠦꠈꠣꠘ ꠡꠣꠜꠣꠛꠤꠇ ꠘꠣꠄ ⁕
ꠔꠣꠁꠘ ꠈꠁꠘ, ꠛꠣꠋꠟꠣꠖꠦꠡ ꠡꠞꠈꠣꠞ ꠁꠘꠜꠦꠍꠐꠞ ꠅꠈꠟꠞꠦ ꠀꠇ꠆ꠞꠤꠡ꠆ꠐ ꠈꠞꠣꠞ ꠌꠦꠡ꠆ꠐꠣ ꠍꠣꠟꠣꠞ ⁕ ꠔꠄ ꠁꠏꠣꠔ ꠒꠞ-ꠖꠦꠈꠣꠘꠤꠞ ꠚꠞꠤꠛꠦꠡꠧ ꠈꠦꠃꠅ ꠀꠉ꠆ꠞꠢ ꠖꠦꠈꠣꠁꠔ ꠘꠣꠄ ⁕ ꠁꠛꠣꠄ ꠅꠞ꠆ꠕꠘꠂꠔꠤꠇ ꠀꠞ ꠡꠣꠝꠣꠎꠤꠇ ꠅꠗꠤꠇꠣꠞ ꠀꠖꠣꠄꠅꠞ ꠟꠣꠉꠤꠘꠧ ꠀꠁꠘꠐꠣꠄ ꠛꠣꠗꠣ ꠖꠤꠛꠧ⁕ ꠎꠛꠣꠛꠖꠤꠢꠤꠔꠣ ꠀꠞ ꠍꠣꠚꠍꠚꠣꠞ ꠛꠤꠡꠄ ꠈꠣꠘ꠆ꠔꠣ ꠜꠣꠟꠣ ꠘꠣ ꠈꠞꠤꠀ ꠡꠣꠁꠍ꠆ꠔꠡꠦꠛꠣ, ꠡꠤꠇ꠆ꠇꠣ ꠇꠤ ꠡꠣꠝꠣꠎꠤꠇ ꠡꠥꠞꠇ꠆ꠇꠣ ꠖꠦꠅꠀ ꠡꠝ꠆ꠜꠛ ꠘꠣꠄ ⁕
