Home / ꠍꠤꠟꠐꠞ ꠡꠣꠁꠔ꠆ꠔ / ꠗꠣꠝꠣꠁꠟ: ꠖꠣꠝꠣꠘ꠆ꠖ ꠞꠣꠏꠣ

ꠗꠣꠝꠣꠁꠟ: ꠖꠣꠝꠣꠘ꠆ꠖ ꠞꠣꠏꠣ

ꠖꠣꠝꠣꠘ ꠞꠣꠏꠣ ꠗꠣꠝꠣꠁꠟ ꠉꠤꠔꠞꠦ ꠄꠈꠦꠈ ꠛꠁꠟ ꠄꠈꠦꠈ ꠟꠣꠈꠣꠘ ꠉꠣꠁꠔꠦ ꠢꠥꠘꠣ ꠎꠣꠄ। ꠝꠣꠘꠦ ꠁ ꠉꠤꠔꠈꠣꠘ꠆ꠔꠣꠞ ꠄꠟꠣꠇꠣ ꠜꠦꠖꠦ ꠚꠣꠞꠣꠇ ꠞꠁꠍꠦ। ꠄꠈꠧ ꠄꠟꠣꠇꠣꠔ ꠔꠟꠞ ꠟꠣꠈꠣꠘ ꠉꠤꠔ ꠡꠥꠞꠥ ꠅꠄ। ꠔꠄ, ꠈꠍꠥꠀ ꠞꠋꠉꠣꠁꠟ ꠈꠕꠣꠈꠣꠘ ꠛꠦꠡꠈꠝ ꠅꠁꠔꠧ ꠚꠣꠞꠦ। ꠏꠦꠟꠣꠘ- ꠜꠣꠟꠣꠞ ꠏꠦꠉꠣꠔ ꠏꠦꠝꠘ, ꠡꠣꠔꠞ ꠛꠖꠟꠣ ꠚꠣꠍ, ꠇꠤꠘꠣꠞꠦ ꠚꠠꠦ ꠢꠤꠞꠣ ꠟꠣꠟ ꠘꠣ ꠈꠁꠀ ꠇꠤꠘꠣꠞꠣꠄ ꠁꠞꠣꠟꠣꠟ ꠈꠅꠀ ꠅꠄ, ꠅꠟꠣꠘ।

ꠖꠦꠈꠍꠤ ꠈꠂꠘ꠆ꠘꠣꠞ ꠝꠣꠕꠣ ꠜꠣꠟꠣ ꠒꠣꠛ ꠘꠣꠞꠤꠇꠦꠟ ꠎꠥꠠꠣꠞꠦ

ꠖꠦꠈꠍꠤ ꠈꠂꠘ꠆ꠘꠣꠞ ꠖꠣꠔ ꠜꠣꠟꠣ ꠀꠘꠣꠞꠦꠞ ꠖꠣꠘꠣꠞꠦ

ꠖꠣꠝꠣꠘ꠆ꠖꠦꠞꠅ ꠡꠣꠔ ꠜꠣꠁ ꠡꠣꠔ ꠊꠥꠠꠣ ꠍꠥꠀꠞꠤ

ꠄꠈꠦꠟꠣ ꠖꠣꠝꠣꠘ ꠞꠣꠏꠣ ꠍꠃꠖꠟ ꠍꠥꠀꠞꠤ

ꠍꠃꠖꠟꠦꠞ ꠇꠤꠘꠣꠞꠦ ꠚꠠꠦ ꠢꠤꠞꠣ ꠟꠣꠟ ꠝꠔꠤꠞꠦ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।।

 

ꠈꠔꠄ ꠃꠚ꠆ꠞꠞ ꠅꠉꠥꠁꠘ ꠉꠣꠁꠀ ꠉꠤꠔ ꠔꠥꠟꠁꠘ। ꠏꠣꠁꠅꠇ, ꠛꠦꠡꠤꠞꠜꠣꠉꠦ ꠔꠟꠞ ꠈꠣꠘ ꠉꠣꠁꠘ। ꠏꠥꠖꠤꠘ ꠅ ꠛꠣ ꠄꠈꠦꠇ꠆ꠇꠣꠘꠧ ꠡꠛ꠆ꠖꠞ ꠔꠥꠠꠣ ꠔꠣꠞꠔꠂꠝ꠆ꠝ ꠀꠍꠦ।

 

ꠖꠣꠝꠣꠘ꠆ꠖꠦꠞꠅ ꠡꠣꠔ ꠜꠣꠁ ꠡꠣꠔ ꠊꠥꠠꠣ ꠍꠥꠀꠞꠤ

ꠄꠈꠦꠟꠣ ꠖꠣꠝꠣꠘ ꠞꠣꠏꠣ ꠍꠃꠖꠟ ꠍꠥꠀꠞꠤ

ꠍꠃꠖꠟꠦꠞ ꠇꠤꠘꠣꠞꠣꠄ ꠁꠞꠣ ꠟꠣꠟ ꠝꠔꠤꠞꠦ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।

 

ꠖꠣꠝꠣꠘ꠆ꠖꠦꠞꠅ ꠡꠣꠔ ꠜꠣꠁ ꠡꠣꠔ ꠊꠥꠠꠣ ꠍꠥꠀꠞꠤ

ꠄꠈꠦꠟꠣ ꠖꠣꠝꠣꠘ ꠞꠣꠎꠣ ꠍꠃꠖꠟ ꠍꠥꠀꠞꠤ

ꠍꠂꠔ꠆ꠞ ꠛꠂꠡꠣꠉ ꠝꠣꠡꠦ ꠉꠣꠋꠉꠦ ꠜꠞꠣ ꠚꠣꠘꠤ 

ꠜꠣꠐꠤꠅꠟ ꠡ꠆ꠞꠥꠔꠦ ꠀꠘꠤꠀ ꠖꠤꠛ ꠎꠣꠄꠘꠣꠝꠣꠎ ꠀꠞ ꠚꠣꠐꠤ।

ꠖꠣꠝꠣꠘ꠆ꠖꠦꠞ ꠝꠣꠁꠎꠤ ꠛꠠ ꠊꠞꠦꠞ ꠎꠘ꠆ꠎꠣꠟꠤ

ꠝꠘꠧꠈꠞꠤ ꠘꠣ ꠖꠤꠍꠂꠘ ꠅꠎꠥ ꠟꠥꠐꠣꠞ ꠚꠣꠘꠤ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।

ꠎꠖꠤ ꠛꠣ ꠖꠣꠝꠣꠘ꠆ꠖ ꠅꠁꠔꠣꠄ ꠘꠣꠝꠣꠎꠤ

ꠡꠣꠕꠦ ꠈꠞꠤ ꠀꠘꠤꠔꠣꠄ ꠎꠣꠄꠘꠣꠝꠣꠏꠦꠞ ꠚꠣꠐꠤ

ꠍꠂꠔ꠆ꠞ ꠛꠂꠡꠣꠉ ꠝꠣꠡꠦ ꠉꠣꠋꠉꠦ ꠜꠞꠣ ꠚꠣꠘꠤ

ꠜꠣꠐꠤꠅꠟ ꠡ꠆ꠞꠥꠔꠦ ꠀꠘꠤꠀ ꠖꠤꠛ ꠎꠣꠄꠘꠣꠝꠣꠏꠦꠞ ꠚꠣꠐꠤ।

 

ꠖꠣꠝꠣꠘ꠆ꠖꠦꠞꠅ ꠡꠣꠔ ꠜꠣꠁ ꠡꠣꠔ ꠊꠥꠠꠣ ꠍꠥꠀꠞꠤ

ꠄꠈꠦꠟꠣ ꠖꠣꠝꠣꠘ ꠞꠣꠎꠣ ꠍꠃꠖꠟ ꠍꠥꠀꠞꠤ

ꠍꠃꠖꠟꠦꠞ ꠇꠤꠘꠣꠞꠣꠄ ꠁꠞꠣꠟꠣꠟ ꠝꠔꠤꠞꠦ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।।

 

ꠝꠣꠕꠣ ꠜꠣꠟꠣ ꠖꠣꠝꠣꠘ꠆ꠖꠦꠞ, ꠒꠣꠛ ꠘꠣꠞꠤꠇꠦꠟ ꠎꠥꠠꠣꠞꠦ

ꠈꠚꠣꠟ ꠜꠣꠟꠣ ꠖꠣꠝꠣꠘ꠆ꠖꠦꠞ ꠀꠡꠝꠣꠘꠦꠞꠅ ꠍꠣꠘ꠆ꠖꠞꠦ

ꠍꠃꠇ ꠜꠣꠟꠣ ꠖꠣꠝꠣꠘ꠆ꠖꠦꠞ ꠀꠡꠝꠣꠘꠦꠞ ꠅ ꠔꠦꠞꠣꠞꠦ

ꠀꠁꠐꠘ ꠜꠣꠟꠣ ꠖꠣꠝꠣꠘ꠆ꠖꠦꠞ, ꠈꠂꠘ꠆ꠎꠘ ꠈꠂꠘ꠆ꠎꠘ ꠚꠣꠠꠣꠞꠦ

ꠛꠁꠐꠘ ꠜꠣꠟꠣ ꠖꠣꠝꠣꠘ꠆ꠖꠦꠞ

ꠞꠣꠏꠣ ꠛꠣꠖꠡꠣꠞ ꠛꠦꠐꠣꠞꠦ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।।

 

ꠖꠣꠝꠣꠘ꠆ꠖꠦꠞꠅ ꠡꠣꠔ ꠜꠣꠁ ꠡꠣꠔ ꠊꠥꠠꠣ ꠍꠥꠀꠞꠤ

ꠄꠈꠦꠟꠣ ꠖꠣꠝꠣꠘ ꠞꠣꠏꠣ ꠍꠃꠖꠟ ꠍꠥꠀꠞꠤ

ꠏꠦꠁ ꠜꠣꠟꠣ ꠖꠣꠝꠣꠘ꠆ꠖ ꠞꠣꠏꠣ

 ꠡꠦꠁ ꠜꠣꠟꠣ ꠍꠣꠃꠘꠤꠞꠦ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।।

ꠏꠦꠁ ꠜꠣꠟꠣ ꠖꠣꠝꠣꠘ꠆ꠖ ꠞꠣꠏꠣ ꠡꠦꠁ ꠜꠣꠟꠣ ꠀꠡꠤꠞꠦ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।।

ꠐꠥꠐ ꠜꠣꠟꠣ ꠖꠣꠝꠣꠘ꠆ꠖꠦꠞ ꠡꠥꠘꠣꠞ ꠝꠥꠢꠘ ꠛꠣꠡꠤꠞꠦ

ꠖꠣꠔ ꠜꠣꠟꠣ ꠖꠣꠝꠣꠘ꠆ꠖꠦꠞ ꠀꠘꠣꠞꠦꠞꠧ ꠛꠤꠍꠤꠞꠦ

ꠈꠣꠘ ꠜꠣꠟꠣ ꠖꠣꠝꠘ꠆ꠖꠦꠞ ꠡꠥꠘꠣꠞ ꠈꠞꠔꠣꠟ ꠎꠥꠠꠣꠞꠦ

ꠢꠣꠔ ꠜꠣꠟꠣ ꠖꠣꠝꠣꠘ꠆ꠖꠦꠞ ꠡꠥꠘꠣꠞ ꠛꠦꠟꠣꠁꠘ ꠎꠥꠠꠣꠞꠦ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।।

ꠘꠣꠈ ꠜꠣꠟꠣ ꠖꠣꠝꠣꠘ꠆ꠖꠦꠞ ꠍꠣꠍꠤꠀ ꠚꠣꠘꠞ ꠛꠤꠠꠣꠞꠦ

ꠉꠟꠣ ꠜꠣꠟꠣ ꠖꠣꠝꠣꠘ꠆ꠖꠦꠞ ꠞꠣꠏꠀꠡꠞ ꠉꠟꠣꠞꠦ

ꠈꠝꠞ ꠜꠣꠟꠣ ꠖꠣꠝꠣꠘ꠆ꠖꠦꠞ ꠡꠥꠘ꠆ꠖꠤ ꠛꠦꠔꠞ ꠎꠥꠠꠣꠞꠦ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।

ꠖꠣꠝꠣꠘ꠆ꠖꠦꠞꠅ ꠡꠣꠔ ꠜꠣꠁ ꠡꠣꠔ ꠊꠥꠠꠣ ꠍꠥꠀꠞꠤ

ꠄꠈꠦꠟꠣ ꠖꠣꠝꠣꠘ ꠞꠣꠏꠣ ꠍꠃꠖꠟ ꠍꠥꠀꠞꠤ

ꠍꠟ ꠏꠣꠁ ꠍꠟ ꠏꠣꠁ ꠖꠣꠝꠣꠘ ꠖꠦꠇꠤꠛꠣꠞꠦ।।

 

ꠈꠦꠃ ꠈꠦꠃ ꠡꠣꠔ ꠜꠣꠁ’ꠞ ꠏꠣꠉꠣꠔ ꠚꠣꠍ ꠜꠣꠁꠅ ꠈꠁꠘ! ꠅꠟꠣꠘ, ꠡꠦꠁ ꠅꠞ ꠛꠖꠟꠣ ꠔꠦꠝꠘ,  ꠏꠦꠁ ꠅꠞ ꠛꠖꠟꠣ ꠏꠦꠝꠘ। ꠢꠤꠞꠤ, ꠈꠦꠃ ꠈꠦꠃ ꠉꠣꠁꠘ-

ꠎꠖꠤ ꠛꠣ ꠖꠣꠝꠣꠘ꠆ꠖ ꠅꠁꠔꠣꠄ ꠘꠣꠝꠣꠎꠤ,

ꠡꠣꠕꠦ ꠈꠞꠤ ꠀꠘꠤꠔꠣꠄ ꠎꠣꠄꠘꠣꠝꠣꠏꠦꠞ ꠚꠣꠐꠤ,

ꠍꠂꠔ꠆ꠞ ꠛꠂꠡꠣꠉ ꠝꠣꠡꠦ ꠉꠣꠋꠉꠦ ꠜꠞꠣ ꠚꠣꠘꠤ,

ꠜꠣꠐꠤꠅꠟ ꠡ꠆ꠞꠥꠔꠦ ꠀꠘꠤꠀ ꠖꠤꠛ ꠎꠣꠄꠘꠣꠝꠣꠏꠦꠞ ꠚꠣꠐꠤ।

ꠛꠃꠔꠦ ꠀꠞꠛꠣꠞ ꠈꠁꠘ, ꠎꠖꠤ ꠛꠣ ꠖꠣꠝꠣꠘ꠆ꠖ ꠞꠣꠎꠣ ꠅꠁꠔꠣ ꠘꠣꠝꠣꠎꠤ

ꠡꠣꠕꠦ ꠈꠞꠤ ꠖꠤꠀ ꠖꠤꠔꠣ ꠅꠎꠥꠞ ꠟꠥꠐꠣ ꠚꠣꠘꠤ।

 

ꠈꠦꠃ ꠈꠦꠃ ꠀꠛꠣꠞ ꠈꠁꠛꠣ,

ꠅꠁꠔꠣ ꠎꠖꠤ ꠖꠣꠝꠣꠘ꠆ꠖꠞꠣꠏꠣ ꠚꠣꠍ ꠅꠈ꠆ꠔꠞ ꠘꠣꠝꠣꠎꠤ

ꠡꠣꠕꠦ ꠈꠞꠤ ꠖꠤꠀ ꠖꠤꠔꠣ ꠅꠎꠥ ꠟꠥꠐꠣꠞ ꠚꠣꠘꠤ

ꠎꠖꠤꠛꠣ ꠖꠣꠝꠣꠘ꠆ꠖ ꠚꠠꠤꠀ ꠚꠘ꠆ꠒꠤꠔ ꠅꠁꠔꠣꠄ

ꠡꠣꠕꠦ ꠈꠞꠤ ꠀꠘꠤꠔꠣꠄ ꠎꠣꠄꠘꠣꠝꠣꠎ ꠀꠞ ꠚꠣꠐꠤ

ꠖꠣꠝꠣꠘ꠆ꠖꠦꠞ ꠝꠣꠁꠎꠤ ꠛꠠ ꠊꠞꠦꠞ ꠎꠘ꠆ꠎꠣꠟꠤ

ꠝꠘꠧꠈꠞꠤ ꠘꠣ ꠖꠤꠍꠁꠘ ꠅꠎꠥꠞ ꠟꠥꠐꠣ ꠚꠣꠘꠤ।

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠣꠢꠚꠞꠣꠘ ꠛꠣꠁꠙꠣꠍ ꠔꠘꠦ ৩0 ꠟꠣꠈ ꠐꠦꠈꠣꠞ ꠄꠘ꠆ꠒꠤꠀꠘ ꠍꠤꠘꠤꠡꠢ ꠉ꠆ꠞꠦꠚ꠆ꠔꠣꠞ ৩

ꠍꠤꠟꠐ ꠁꠀꠖ꠆ꠞꠣ ꠈꠣꠘ꠆ꠖꠣꠁꠘ꠆ꠔꠣ ꠄꠘ꠆ꠒꠤꠀꠘ ꠍꠤꠘꠤ-ꠚꠤꠀꠁꠎ ꠅꠔꠣ ꠀꠐꠈ ꠅꠁꠔꠦꠅ ꠀꠍꠦ ⁕ ꠍꠤꠟꠐ ꠡꠢꠞꠔꠟꠤꠞ ꠡꠥꠞꠝꠣ ꠛꠣꠁꠙꠣꠍ ꠔꠘꠦ …