শুরমা ফারর খবর ছিলটি জবানে ছিলটর খবর
Related Articles
Arif Akhtaruzzaman: ꠀꠝꠤ ২০১২ ꠡꠣꠟꠧ ꠎꠣꠞ꠆ꠝꠣꠘꠤꠔ ꠕꠣꠇꠤ ꠍꠤꠟꠐ ꠉꠤꠀ ২০২০ ꠙꠞ꠆ꠎꠘ꠆ꠔ ꠍꠤꠟꠐ ꠕꠣꠇꠤꠀ ꠀꠁꠍꠤ⁕ ꠚꠣꠞꠤꠛꠣꠞꠤꠇ ꠎꠦ ꠉꠥꠞꠥꠖꠣꠁꠔ꠆ꠔ ꠀꠝꠣꠞ ꠃꠚꠞꠦ ꠀꠍꠤꠟ ꠔꠣꠞ ꠝꠣꠏꠦꠅ ꠇꠤꠍꠥ ꠡꠝꠄ ꠛꠣꠞ ꠈꠞꠤꠀ ꠘꠤꠎꠞ ꠡꠞꠤꠟ ꠑꠤꠇ ꠞꠣꠈꠣꠞ ꠟꠣꠉꠤ ꠍꠣꠁꠇꠦꠟ ꠌꠣꠟꠣꠁꠍꠤ, ꠀꠞ ꠔꠣꠞ ꠝꠣꠁꠖ꠆ꠖꠝꠦ ꠍꠤꠟꠐꠞ ꠎꠥꠛ ꠡꠝꠣꠎꠞ ꠟꠉꠦ ꠚꠞꠤꠍꠤꠔ ꠅꠁꠍꠤ⁕
ꠀꠝꠞꠣꠞ ꠖꠦꠈꠣꠖꠦꠇꠤ ꠢꠇ꠆ꠇꠟ ꠡ꠆ꠞꠦꠘꠤꠞ ꠝꠣꠘꠥꠡ ꠍꠤꠟꠐꠧ ꠍꠣꠁꠇ꠆ꠟꠤꠋ ꠡꠥꠞꠥ ꠈꠞꠍꠂꠘ ꠔꠣꠞ ꠝꠣꠏꠦ ꠅꠘꠦꠇ ꠝꠢꠤꠟꠣ ꠅ ꠀꠍꠂꠘ⁕
ꠀꠝꠣꠞ ꠛꠣꠡꠣꠞ ꠡꠣꠝꠘꠦ ꠞꠥꠎ ꠛꠤꠀꠘꠦ ৪-১৫ ꠎꠘ ꠈꠣꠟꠤ ꠝꠢꠤꠟꠣ ꠀꠁꠍꠂꠘ ꠍꠣꠁꠇꠦꠟ ꠌꠣꠟꠣꠘꠤ ꠢꠤꠇꠣꠔ⁕
ꠄꠈꠘꠧ ꠛꠤꠀꠘꠦ ꠛꠤꠀꠟꠦ ꠖꠟ ꠛꠣꠘ꠆ꠖꠤꠀ ꠛꠣ ꠄꠈꠟꠣ ꠍꠣꠁꠇꠦꠟ ꠍꠣꠟꠣꠁꠞꠣ ꠝꠣꠁꠘꠡꠦ⁕
ꠀꠝꠞꠣꠞ ꠢꠥꠞꠥꠇꠣꠟꠧ ꠈꠦꠟꠣꠗꠥꠟꠣ ꠈꠞꠣꠞ ꠅꠘꠦꠇ ꠈꠣꠟꠤ ꠎꠣꠉꠣ ꠚꠣꠁꠍꠤ ꠇꠤꠘ꠆ꠔꠥ ꠄꠈꠘ ꠉꠟ꠆ꠟꠤꠔ ꠇ꠆ꠞꠤꠇꠦꠐ ꠈꠦꠟꠣ ꠅꠄ, ꠀꠞ ꠞꠣꠍ꠆ꠔꠣꠔ ꠍꠣꠁꠇꠦꠟ ꠍꠣꠟꠣꠘꠤꠅ ꠛꠠ ꠛꠤꠚꠖ⁕
ꠍꠤꠟꠐꠞ ꠝꠦꠅꠞꠦ ꠅꠘꠦꠈ ꠛꠣꠞ ꠚꠣꠛꠟꠤꠇ ꠝꠤꠐꠤꠋꠅ ꠈꠂꠍꠂꠘ ꠍꠤꠟꠐꠞ ꠇꠤꠍꠥ ꠞꠣꠍ꠆ꠔꠣꠔ ꠍꠣꠁꠇꠦꠟ ꠟꠦꠁꠘ ꠖꠤꠛꠣ ꠇꠤꠘ꠆ꠔꠥ ꠔꠤꠘ ꠛꠍꠞ ꠛꠣꠖꠦꠅ ꠔꠣꠞ ꠇꠥꠘꠥ ꠚꠣꠔ꠆ꠔꠣ ꠘꠣꠁ⁕
ꠀꠝꠤ ꠢꠥꠞꠥꠇꠣꠟ ꠔꠣꠇꠤ ꠁꠍꠇꠣꠃꠐꠤꠋ ꠈꠞꠔꠣꠝ ꠀꠞ ꠢꠣꠞꠣ ꠎꠤꠛꠘ ꠡꠝꠣꠎꠞ ꠡꠦꠛꠣ ꠈꠞꠣꠞ ꠡꠥꠎꠥꠉ ꠇꠥꠘꠥ ꠡꠝꠄ ꠀꠔ ꠍꠣꠠꠣ ꠈꠞꠍꠤ ꠘꠣ, ꠀꠞ ꠇꠥꠘꠥ ꠖꠤꠘ ꠇꠥꠘꠥ ꠡꠝꠄ ꠔꠣꠞ ꠚꠔꠤꠖꠣꠘ ꠍꠣꠁꠍꠤ ꠘꠣ ꠛꠣ ꠀꠡꠣ ꠅ ꠈꠞꠍꠤ ꠘꠣ⁕ ꠄꠈꠘꠧ ꠅꠟꠣ⁕ ৪৫ ꠛꠍꠞ ꠀꠉꠦ ꠔꠣꠇꠤ ꠀꠝꠣꠞꠦ ꠎꠣꠞꠣ ꠎꠣꠘꠂꠘ ꠛꠣ ꠍꠤꠘꠂꠘ ꠀꠞ ꠄꠈꠘꠅ ꠄꠈꠐꠥ ꠁꠎ꠆ꠎꠔ ꠖꠦꠁꠘ ꠔꠣꠞꠣ ꠡꠛꠞ ꠚꠔꠤ ꠀꠝꠣꠞ ꠍ꠆ꠞꠖ꠆ꠖꠣ ꠀꠞ ꠡꠥꠇꠥꠞ ꠉꠥꠎꠣꠞ⁕
ꠀꠃꠇ꠆ꠇꠣ ꠀꠝꠞꠣ ꠢꠈꠟꠦꠝꠤꠟꠤ ꠀꠅꠀꠎ ꠔꠥꠟꠤ ꠍꠤꠟꠐꠧ ꠘꠤꠞꠣꠚꠖ ꠍꠣꠁꠇꠦꠟ ꠍꠣꠟꠣꠘꠤꠞ ꠡꠥꠎꠥꠉ ꠈꠞꠤ ꠖꠦꠅꠀ ꠅꠃꠇ⁕
