শুরমা ফারর খবর ছিলটি জবানে ছিলটর খবর
Related Articles
ꠖꠥꠁ ꠀꠎꠣꠞ ꠇꠥꠐꠤ ꠐꠦꠈꠣ ꠚꠣꠍꠣꠞꠞ ꠖꠣꠄ ꠡꠤꠇꠣꠞ ꠈꠞꠤ ꠀꠖꠣꠟꠔꠅ ꠎꠛꠣꠘꠛꠘ꠆ꠖꠤ ꠖꠦꠁꠘ ꠚꠞꠤꠖꠚꠥꠞ ꠎꠤꠟꠣ ꠍꠣꠔ꠆ꠞꠟꠤꠉꠞ ꠡꠜꠣꠚꠔꠤ ꠘꠤꠡꠣꠘ ꠝꠣꠢꠣꠝꠥꠖ ꠡꠣꠝꠤꠝ⁕ ꠎꠛꠣꠘꠛꠘ꠆ꠖꠤ ꠞꠦꠇꠞ꠆ꠒ ꠛꠣꠖꠦ ꠀꠖꠣꠟꠔꠞ ꠘꠤꠞ꠆ꠖꠦꠡꠦ ꠔꠣꠞꠦ ꠟꠣꠟꠉꠞꠅ ꠚꠣꠑꠣꠘꠤ ꠅꠁꠍꠦ⁕
ꠔꠤꠘ ꠖꠤꠘꠇꠥꠞ ꠞꠤꠝꠣꠘ꠆ꠒꠞ ꠛꠣꠖꠦ ꠛꠥꠗꠛꠣꠞ (২৬ ꠀꠉꠡ꠆ꠐ) ꠔꠣꠞꠦ ꠓꠣꠇꠣ ꠝꠢꠣꠘꠉꠞ ꠢꠣꠇꠤꠝ ꠀꠖꠣꠟꠔꠅ ꠀꠎꠤꠞ ꠈꠞꠦ ꠅꠚꠞꠣꠗ ꠔꠖꠘ꠆ꠔ ꠛꠤꠜꠣꠉꠦ (ꠍꠤꠀꠁꠒꠤ)⁕ ꠁꠛꠣꠟꠣ ꠘꠤꠡꠣꠘ ꠖꠣꠄ ꠡꠤꠇꠣꠞ ꠈꠞꠤ ꠎꠛꠣꠘꠛꠘ꠆ꠖꠤ ꠖꠦꠅꠀꠔ ꠞꠣꠎꠤ ꠅꠀꠄ ꠁꠔꠣ ꠞꠦꠇꠞ꠆ꠒ ꠈꠞꠣꠞ ꠀꠛꠦꠖꠘ ꠇꠞꠦ ꠝꠣꠝꠟꠣꠞ ꠔꠖꠘ꠆ꠔꠈꠣꠞꠤ ꠇꠞ꠆ꠝꠈꠞ꠆ꠔꠣꠄ⁕ ꠀꠛꠦꠖꠘꠞ ꠚꠞꠤꠚꠦꠇ꠆ꠇꠤꠔꠦ ꠓꠣꠇꠣ ꠝꠢꠣꠘꠉꠞ ꠢꠣꠇꠤꠝ ꠖꠦꠛꠖꠣꠡ ꠌꠘ꠆ꠖ꠆ꠞ ꠅꠗꠤꠇꠣꠞꠤ ꠚꠃꠎꠖꠣꠞꠤ ꠇꠣꠞ꠆ꠎꠛꠤꠗꠤ ১৬৪ ꠗꠣꠞꠣꠄ ꠔꠣꠞ ꠎꠛꠣꠘꠛꠘ꠆ꠖꠤ ꠞꠦꠇꠞ꠆ꠒ ꠈꠞꠁꠘ⁕ ꠄꠞꠛꠣꠖꠦ ꠔꠣꠞꠦ ꠟꠣꠟꠉꠞꠅ ꠚꠣꠑꠣꠘꠤꠞ ꠀꠖꠦꠡ ꠖꠦꠁꠘ ꠛꠤꠍꠣꠞꠇꠦ⁕
ꠄꠞ ꠀꠉꠦ ꠉꠦꠍꠦ ꠡꠘꠤꠛꠣꠞ (২২ ꠀꠉꠡ꠆ꠐ) ꠔꠣꠞꠦ ꠓꠣꠇꠣ ꠝꠢꠣꠘꠉꠞ ꠢꠣꠇꠤꠝ ꠀꠖꠣꠟꠔ ꠀꠎꠤꠞ ꠈꠞꠣ ꠅꠄ⁕ ꠇꠣꠚꠞꠥꠟ ꠕꠣꠘꠣꠔ ꠝꠣꠘꠤ ꠟꠘ꠆ꠒꠣꠞꠤꠋ ꠀꠁꠘꠦ ꠈꠞꠣ ꠝꠣꠝꠟꠣꠞ ꠡꠥꠡ꠆ꠑ ꠔꠖꠘ꠆ꠔꠞ ꠟꠣꠉꠤ ꠔꠣꠞꠦ ৭ ꠖꠤꠘꠇꠥꠞ ꠞꠤꠝꠣꠘ꠆ꠒꠞ ꠀꠛꠦꠖꠘ ꠈꠞꠍꠤꠟ ꠙꠥꠟꠤꠡꠦ⁕ ꠢꠥꠘꠣꠘꠤꠞ ꠛꠣꠖꠦ ꠓꠣꠇꠣ ꠝꠢꠣꠘꠉꠞ ꠢꠣꠇꠤꠝ ꠛꠣꠇꠤ ꠛꠤꠟ꠆ꠟꠣꠢ ꠔꠤꠘ ꠖꠤꠘꠞ ꠞꠤꠝꠣꠘ꠆ꠒ ꠝꠘ꠆ꠎꠥꠞ ꠈꠞꠁꠘ⁕
ꠡꠥꠇ꠆ꠇꠥꠞꠛꠣꠞ (২১ ꠀꠉꠡ꠆ꠐ) ꠛꠤꠀꠟꠦ ꠓꠣꠈꠣꠞ ꠃꠔ꠆ꠔꠞꠣ ꠔꠘꠦ ꠍꠤꠀꠁꠒꠤꠞ ꠄꠈ ꠉꠥꠁꠐꠦ ꠔꠣꠞꠦ ꠄꠞꠦꠦꠡ꠆ꠐ ꠈꠞꠦ⁕
