Home / ꠍꠤꠟꠐꠞ ꠡꠣꠁꠔ꠆ꠔ / ꠌꠞ꠆ꠎꠣꠙꠖ-1b ꠅꠞ ꠍꠤꠟꠐꠤ ꠔꠞꠎꠝꠣ ꠀꠞ ꠛꠤꠍꠟꠦꠡꠘ: ꠝꠥꠇꠔꠣꠞ ꠀꠢꠝꠦꠖ

ꠌꠞ꠆ꠎꠣꠙꠖ-1b ꠅꠞ ꠍꠤꠟꠐꠤ ꠔꠞꠎꠝꠣ ꠀꠞ ꠛꠤꠍꠟꠦꠡꠘ: ꠝꠥꠇꠔꠣꠞ ꠀꠢꠝꠦꠖ

ꠌꠞ꠆ꠎꠣꠙꠖ-1b (Chorjapod-14) – ꠍꠤꠟꠐꠤ ꠔꠞꠎꠝꠣ


ꠙꠖ ꠞꠍꠈ:


ꠒꠥꠝ꠆ꠛꠤꠙꠣ ꠔ꠆ꠞꠤꠙꠥꠞꠣ ꠇꠤ ꠝꠉꠗꠞ ꠞꠣꠎꠣ ꠀꠍꠟꠣ ꠈꠞꠤ ꠅꠘꠥꠝꠣꠘ ꠈꠞꠣ ꠅꠄ ⁕ ꠔꠣꠘꠞ ꠎꠤꠛꠘ ꠈꠣꠟ V90 ꠕꠘꠦ 890 ꠈꠤꠞꠤꠡꠐꠣꠛ꠆ꠖꠞ ꠜꠤꠔꠞꠦ ꠀꠍꠤꠟ ⁕ ꠔꠣꠁꠘ ꠎꠣꠔꠦ ꠀꠍꠟꠣ ꠇꠔ꠆ꠞꠤꠅ ⁕ ꠔꠣꠘ ꠉꠥꠞꠥꠞ ꠘꠣꠝ ꠛꠤꠞꠥꠙꠣ ⁕
————-

ꠒꠥꠝ꠆ꠛꠤꠙꠣ
ꠞꠣꠉ ꠗꠘꠡꠤ


ꠉꠋꠉꠣ ꠎꠝꠥꠘꠣ ꠖꠤꠀ ꠛꠣꠁꠀ ꠎꠣꠄ ꠘꠣꠅ
ꠅꠔꠣꠔ ꠍꠠꠤꠀ ꠀꠔ꠆ꠔꠤꠚꠥꠠꠤ ꠟꠤꠟꠣꠄ ꠚꠣꠞꠁ ꠎꠣꠅ ꠩

ꠛꠣꠁꠀ ꠎꠣꠅꠞꠦ ꠒꠥꠝ꠆ꠛꠤ, ꠛꠣꠁꠀ ꠎꠣꠅ, ꠚꠕ ꠎꠣꠞꠉꠤ ꠛꠦꠁꠟ
ꠉꠥꠞꠥꠞ ꠛꠣꠠꠤꠔ ꠉꠤꠀꠘꠥ ꠈꠦꠟꠔꠣꠄ ꠎꠤꠘꠚꠥꠞꠤꠞ ꠈꠦꠁꠟ ꠩

ꠚꠣꠌꠉꠥ ꠖꠣꠠꠣ ꠚꠠꠍꠦ ꠝꠣꠞ꠆ꠉꠦ, ꠚꠤꠑꠤꠔ ꠈꠣꠍꠤ ꠛꠣꠘ꠆ꠗꠣ
ꠀꠍꠝꠣꠘꠤ ꠢꠦꠅꠔꠦ ꠢꠤꠍ, ꠈꠞ ꠚꠣꠘꠤ ꠛꠣꠘ꠆ꠗꠣꠞ ꠗꠣꠘ꠆ꠗꠣ ꠩

ꠌꠣꠘ ꠡꠥꠞꠥꠎ ꠖꠥꠉꠥ ꠍꠣꠈꠣ ꠖꠥꠘꠤꠀ ꠗꠋꠡꠞ ꠉꠟꠁ
ꠒꠣꠁꠘꠦ ꠘꠣ ꠛꠣꠃꠄꠖꠤ ꠍꠣꠁꠅ ꠍꠟꠣꠔ ꠕꠣꠇꠤꠅ ꠡꠁ ꠩

ꠈꠠꠤ ꠘꠦꠄ ꠘꠣ, ꠛꠥꠠꠤ ꠘꠦꠄ ꠘꠣ, ꠝꠣꠉꠘꠣ ꠚꠣꠞ ꠈꠞꠦ
ꠞꠕꠅ ꠍꠠꠣ, ꠘꠣꠅ ꠛꠣꠅꠀ ꠎꠦ ꠎꠣꠘꠦ ꠘꠣ ꠚꠣꠞꠞ ꠇꠣꠘ꠆ꠖꠣꠔ ꠝꠞꠦ ꠩


ꠝꠥꠟ ꠌꠞ꠆ꠎꠣ


ꠉꠋꠉꠣ ꠎꠃꠘꠣ ꠝꠣꠏꠦꠞꠦ ꠛꠢꠁ ꠘꠣꠁ ।
ꠔꠢꠤ ꠌꠥꠠꠤꠟꠤ ꠝꠣꠔꠋꠉꠤ ꠙꠥꠁꠀ ꠟꠤꠟꠦ ꠙꠣꠞ ꠇꠞꠦꠁ ।। ꠗ꠆ꠞꠥ।।

ꠛꠣꠢ ꠔꠥ ꠒꠥꠝ꠆ꠛꠤ ꠛꠣꠢ ꠟ ꠒꠥꠝ꠆ꠛꠤ ꠛꠣꠐꠔ ꠜꠁꠟ ꠃꠍꠣꠞꠣ ।
ꠡꠖ ꠉꠥꠞꠥ ꠙꠣꠅꠙꠄ ꠎꠣꠁꠛ ꠙꠥꠘꠥ ꠎꠤꠘꠃꠞꠣ ।। ꠗ꠆ꠞꠥ।।

ꠙꠘ꠆ꠌ ꠇꠦ ꠀꠟ ꠙꠠꠘ꠆ꠔꠦ ꠝꠣꠋꠉꠦ ꠙꠤꠐꠔ ꠇꠣꠌ꠆ꠍꠤ ꠛꠣꠘ꠆ꠗꠤ ।
ꠉꠅꠘ ꠖꠥꠈꠥꠟꠦ ꠡꠤꠋꠌꠢꠥ ꠙꠣꠘꠤ ꠘ ꠙꠣꠁꠡꠁ ꠛꠡꠣꠘ꠆ꠗꠤ ।। ꠗ꠆ꠞꠥ।।

ꠌꠣꠘ꠆ꠖ ꠡꠥꠎ꠆ꠎ ꠖꠥꠁ ꠌꠇꠣ ꠡꠤꠑꠤ ꠡꠋꠢꠣꠞ ꠙꠥꠟꠤꠋꠖꠣ ।

ꠛꠣꠝ ꠖꠣꠢꠤꠘ ꠖꠥꠁ ꠝꠣꠉ ꠘ ꠌꠦꠛꠁ ꠛꠣꠢꠔꠥ ꠍꠘ꠆ꠖꠣ ।। ꠗ꠆ꠞꠥ।।

ꠇꠞꠠꠤ ꠘ ꠟꠦꠁ ꠛꠥꠠꠤ ꠘ ꠟꠦꠁ ꠡꠥꠌ꠆ꠍꠠꠦ ꠙꠣꠞ ꠇꠞꠦꠁ
ꠎ ꠞꠕꠦ ꠌꠠꠤꠟꠣ ꠛꠣꠢꠛꠣ ꠘ ꠎꠣꠁ ꠇꠥꠟꠦ ꠇꠥꠟ ꠛꠥꠠꠁ ।। ꠗ꠆ꠞꠥ।।

ꠍꠤꠟꠐꠤ ꠡꠛ꠆ꠖ:
————–

ꠝꠣꠔꠋꠉꠤ – ꠀꠔ꠆ꠔꠤꠙꠥꠠꠤ
ꠙꠣꠞ – ꠔꠤꠞ
ꠜꠁꠟ>ꠛꠦꠁꠟ – ꠛꠦꠟꠣ
ꠎꠣꠁꠛ – ꠎꠣꠁꠝꠥ
ꠎꠤꠘ – ꠜꠥꠔ
ꠀꠟ> – ꠀꠁꠟ
ꠙꠤꠐꠔ>ꠙꠤꠐꠤꠔ
ꠛꠣꠘ꠆ꠗꠤ – ꠛꠦꠗꠦ
ꠛꠥꠠꠁ > ꠛꠥꠠꠣ – ꠒꠥꠛꠤ ꠎꠣꠅꠀ
ꠃꠍꠣꠞꠣ – ꠖꠥꠡꠐꠣ

*ꠝꠘ ꠞꠣꠈꠛꠣ, ꠡꠣꠁꠔ꠆ꠔ ꠚꠣꠔꠣꠔ ꠟꠦꠈꠣꠞ ©ꠝꠣꠟꠤꠇꠣꠘꠣ ꠈꠣꠟꠤ ꠟꠦꠈꠞꠣꠞ।

3/5 - (103 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠢꠦꠟꠅ ꠇꠥꠟꠍꠥꠝꠣꠞ ꠝꠣ : ꠍꠤꠟꠦꠐꠤ ꠍꠣꠍꠣꠎꠣꠘ

ꠢꠦꠟꠅ ꠇꠥꠟꠍꠥꠝꠣꠞ ꠝꠣ : ꠍꠤꠟꠦꠐꠤ ꠍꠣꠍꠣꠎꠣꠘ ꠢꠦꠟꠅ ꠇꠥꠟꠍꠥꠝꠣꠞ ꠝꠣ, ꠀꠝꠤ ꠈꠟꠤꠎꠣ ꠚꠍꠣ ꠛꠥꠠꠣ ꠛꠦꠐꠣꠄ “ꠡꠣꠞ꠆ꠕꠚꠞ” …