শুরমা ফারর খবর ছিলটি জবানে ছিলটর খবর
Related Articles
ꠌꠞ꠆ꠎꠣꠙꠖ-১৪ (Chorjapod-14) – ꠍꠤꠟꠐꠤ ꠔꠞꠎꠝꠣ
———————————————————–
ꠙꠖ ꠞꠍꠈ:
————-
ꠒꠥꠝ꠆ꠛꠤꠙꠣ ꠔ꠆ꠞꠤꠙꠥꠞꠣ ꠇꠤꠛꠣ ꠝꠉꠗꠞ ꠞꠣꠎꠣ ꠀꠍꠟꠣ ꠈꠞꠤ ꠅꠘꠥꠝꠣꠘ ꠈꠞꠣ ꠅꠄ ⁕ ꠔꠣꠘꠞ ꠎꠤꠛꠘ ꠈꠣꠟ ৭৯০ ꠕꠘꠦ ৮৯০ ꠈꠤꠞꠤꠡꠐꠣꠛ꠆ꠖꠞ ꠜꠤꠔꠞꠦ ꠀꠍꠤꠟ ⁕ ꠔꠣꠁꠘ ꠎꠣꠔꠦ ꠀꠍꠟꠣ ꠇꠔ꠆ꠞꠤꠅ ⁕ ꠔꠣꠘ ꠉꠥꠞꠥꠞ ꠘꠣꠝ ꠛꠤꠞꠥꠙꠣ ⁕
————-
ꠒꠥꠝ꠆ꠛꠤꠙꠣ
ꠞꠣꠉ ꠗꠘꠡꠤ
ꠉꠋꠉꠣ ꠎꠝꠥꠘꠣ ꠖꠤꠀ ꠛꠣꠁꠀ ꠎꠣꠄ ꠘꠣꠅ
ꠅꠔꠣꠔ ꠍꠠꠤꠀ ꠀꠔ꠆ꠔꠤꠙꠥꠠꠤ ꠟꠤꠟꠣꠄ ꠙꠣꠞꠁ ꠎꠣꠅ ꠩
ꠛꠣꠁꠀ ꠎꠣꠅꠞꠦ ꠒꠥꠝ꠆ꠛꠤ,ꠛꠣꠁꠀ ꠎꠣꠅ,ꠙꠕꠧ ꠎꠣꠞꠉꠤ ꠛꠦꠁꠟ
ꠉꠥꠞꠥꠞ ꠛꠣꠠꠤꠔ ꠉꠤꠀꠘꠥ ꠈꠦꠟꠔꠣꠄ ꠎꠤꠘꠙꠥꠞꠤꠞ ꠈꠦꠁꠟ ꠩
ꠙꠣꠌꠉꠥ ꠖꠣꠠꠣ ꠙꠠꠍꠦ ꠝꠣꠞ꠆ꠉꠦ , ꠙꠤꠑꠤꠔ ꠇꠣꠍꠤ ꠛꠣꠘ꠆ꠗꠣ
ꠀꠍꠝꠣꠘꠤ ꠢꠦꠅꠔꠦ ꠢꠤꠍꠧ , ꠇꠞꠧ ꠙꠣꠘꠤ ꠛꠣꠘ꠆ꠗꠣꠞ ꠗꠣꠘ꠆ꠗꠣ ꠩
ꠌꠣꠘ ꠡꠥꠞꠥꠎ ꠖꠥꠉꠥ ꠌꠣꠇꠣ ꠖꠥꠘꠤꠀ ꠗꠋꠡꠞ ꠉꠟꠁ
ꠒꠣꠁꠘꠦ ꠘꠣ ꠛꠣꠃꠄꠖꠤ ꠌꠣꠁꠅ ꠌꠟꠣꠔ ꠕꠣꠇꠤꠅ ꠡꠁ ꠩
ꠇꠠꠤ ꠘꠦꠄ ꠘꠣ, ꠛꠥꠠꠤ ꠘꠦꠄ ꠘꠣ, ꠝꠣꠉꠘꠣ ꠙꠣꠞ ꠇꠞꠦ
ꠞꠕꠧ ꠍꠠꠣ, ꠘꠣꠅ ꠛꠣꠅꠀ ꠎꠦ ꠎꠣꠘꠦ ꠘꠣ ꠙꠣꠞꠞ ꠇꠣꠘ꠆ꠖꠣꠔ ꠝꠞꠦ ꠩
ꠝꠥꠟ ꠌꠞ꠆ꠎꠣ
————
ꠉꠋꠉꠣ ꠎꠃꠘꠣ ꠝꠣꠏꠦꠞꠦ ꠛꠢꠁ ꠘꠣꠁ ⁕
ꠔꠢꠤ ꠌꠥꠠꠤꠟꠤ ꠝꠣꠔꠋꠉꠤ ꠙꠥꠁꠀ ꠟꠤꠟꠦ ꠙꠣꠞ ꠇꠞꠦꠁ ⁕⁕ ꠗ꠆ꠞꠥ⁕⁕
ꠛꠣꠢ ꠔꠥ ꠒꠥꠝ꠆ꠛꠤ ꠛꠣꠢ ꠟ ꠒꠥꠝ꠆ꠛꠤ ꠛꠣꠐꠔ ꠜꠁꠟ ꠃꠍꠣꠞꠣ ⁕
ꠡꠖ ꠉꠥꠞꠥ ꠙꠣꠅꠙꠄ ꠎꠣꠁꠛ ꠙꠥꠘꠥ ꠎꠤꠘꠃꠞꠣ ⁕⁕ ꠗ꠆ꠞꠥ⁕⁕
ꠙꠘ꠆ꠌ ꠇꠦ ꠀꠟ ꠙꠠꠘ꠆ꠔꠦ ꠝꠣꠋꠉꠦ ꠙꠤꠐꠔ ꠇꠣꠌ꠆ꠍꠤ ꠛꠣꠘ꠆ꠗꠤ ⁕
ꠉꠅꠘ ꠖꠥꠈꠥꠟꠦ ꠡꠤꠋꠌꠢꠥ ꠙꠣꠘꠤ ꠘ ꠙꠣꠁꠡꠁ ꠛꠡꠣꠘ꠆ꠗꠤ ⁕⁕ꠗ꠆ꠞꠥ⁕⁕
ꠌꠣꠘ꠆ꠖ ꠡꠥꠎ꠆ꠎ ꠖꠥꠁ ꠌꠇꠣ ꠡꠤꠑꠤ ꠡꠋꠢꠣꠞ ꠙꠥꠟꠤꠋꠖꠣ ⁕
ꠛꠣꠝ ꠖꠣꠢꠤꠘ ꠖꠥꠁ ꠝꠣꠉ ꠘ ꠌꠦꠛꠁ ꠛꠣꠢꠔꠥ ꠍꠘ꠆ꠖꠣ ⁕⁕ꠗ꠆ꠞꠥ⁕⁕
ꠇꠞꠠꠤ ꠘ ꠟꠦꠁ ꠛꠥꠠꠤ ꠘ ꠟꠦꠁ ꠡꠥꠌ꠆ꠍꠠꠦ ꠙꠣꠞ ꠇꠞꠦꠁ ⁕
ꠎ ꠞꠕꠦ ꠌꠠꠤꠟꠣ ꠛꠣꠢꠛꠣ ꠘ ꠎꠣꠁ ꠇꠥꠟꠦ ꠇꠥꠟ ꠛꠥꠠꠁ ⁕⁕ꠗ꠆ꠞꠥ⁕⁕
ꠍꠤꠟꠐꠤ ꠡꠛ꠆ꠖ:
————–
ꠝꠣꠔꠋꠉꠤ – ꠀꠔ꠆ꠔꠤꠙꠥꠠꠤ
ꠙꠣꠞ – ꠔꠤꠞ
ꠜꠁꠟ>ꠛꠦꠁꠟ – ꠛꠦꠟꠣ
ꠎꠣꠁꠛ – ꠎꠣꠁꠝꠥ
ꠎꠤꠘ – ꠜꠥꠔ
ꠀꠟ> – ꠀꠁꠟ
ꠙꠤꠐꠔ>ꠙꠤꠐꠤꠔ
ꠛꠣꠘ꠆ꠗꠤ – ꠛꠦꠗꠦ
ꠛꠥꠠꠁ > ꠛꠥꠠꠣ – ꠒꠥꠛꠤ ꠎꠣꠅꠀ
ꠃꠍꠣꠞꠣ – ꠖꠥꠡꠐꠣ
*ꠝꠘ ꠞꠣꠈꠛꠣ, ꠡꠣꠁꠔ꠆ꠔ ꠚꠣꠔꠣꠔ ꠟꠦꠈꠣꠞ ©ꠝꠣꠟꠤꠇꠣꠘꠣ ꠈꠣꠟꠤ ꠟꠦꠈꠞꠣꠞ।
